¹ Ndapelilwe ililanji kama musaki kwa kupimila. Ndacho, Ndachovelilwe uhekake ukhapime ihekalu lya Nguluvi na masabahu, na vala yevi abudu mkati mwakhe. ² Lakhini utane ukhupima ilieneo lya luva lya khwivala lwa hekalu, khwa khuva vapelilwe avanuva matayifa. Vakhakudadi umuji muvalache khwa musikha kwa miechi alubaini ni yivili. ³ Ndikhavapela amamulaka avashahidi vangu vavili ukhutabili khwa musikha kwa fikono 1, 260, muhana vafwalile amakunila.'' ⁴ Mashahidi ava vavili mabihi ka misehituni ni finala fivili fyefiyimile pa vulongolo pa mtwa va inyi. ⁵ Kama munu yeyoha ilamula ukhuvasulu, umwoto kwihumo mumilomo yavo nu khuvasulu ava aduwi vavo. Yeyoha yeilonda ukhuvasulu lasima avulakwe kwa njila iyi. ⁶ Ava mashahidi vana vuweso wa khufunga amafundi ili kwamba ifula yitane ukhutonya wakati vitabili. Vana ludali lwa khubadilisa amakasi ukhuva danda nu khuyitova iinyi khwa khila aina ya khipigo musikha kwekwoha vonevilonda. ⁷ Umasikha ya vave vamalile uvushuhuda wavo, khila ikhikho shekhihuma mumulindi kwekusiveli nu mwisho kifanya ifita sidi yavo. Khikhavashinda nukhuva vulaka. ⁸ Imivili yavo yikona mu mitaa ya muji mkuu (ambakwe khimufano kwikhemelwa Sodoma na Misili) ambapo umtwa vavo asulubiwe. ⁹ Khwa fikono fidatu na nusu baasi ukhuhuma katika jamaa cha vanu, kabila, luga, na kila tayifa vilolaka imivili yavo na siyavitola ikhibali sha kuvikha mu kabuli. ¹⁰ Vala yeviishi mu inyi ya vikhela khwajili yavo nukhushangilila, hata ukwi pela isawdi kwa sababuavo avavilisi vavili yevavatesiche vala yavavuyaka mu inyi iyi. ¹¹ Lakhini baada ya fikono fidatu na nusu ipumsi ya wumiu khuhuma khwa Nguluvi yikhavayingila na vene viyima khwa makulu kavo. Wokofu vukhomi vukhavabinila vala yavakhavavona. ¹² Yavipulikha isavuti kuu ukhuhuma khushanya yikhavachovela, "Mwichake khuno!" Navene vihelela khushanya mu mawingu, wakati avaaduwi vavo vilola. ¹³ Katika saa iyo khwivopo ni khilindima khikomi sha alisi na yimonga ya lichumi ya muji yibina. Avanu elufu saba vivulakwa ni khilindima yeyavisikala viyokopa nukumpela uvuvalache uNguluvi va khushanya. ¹⁴ Ole ya khavili yilutile. lolake! Ole ya khaadatu yiyicha ng'ang'ani. ¹⁵ Nu malayikha uva saba atovile italumbeta ya mwene, ni savuti ngomi chavonikhe khushanya nukhuchova, "Uvutwa wa inyi nevuvele vutwa wa mutwa vetu na wa kristo vamwene. Yaitawala milele na milele.'' ¹⁶ Nekhe avasehe ishilini na vatayi yevave vatamie mufideko fya enzi mbele ya Nguluvi vabinile vavene panyi pa mfumbi, isula chovo chikundime panyi, navene vakha muabudu unguluvi. ¹⁷ Vachovile, "Twisengucha khwakho mtwa Nguluvi mtawala va fyoha, yuvelepo na yeyawivepo, khwa sababu utolile uludali lwakho lukhomi nu khuvanga ukhutawala. ¹⁸ Mataifa vadadile, lakhini ilikoka lyakho lichile umusikha kufikhe kwa vafwa ukhuhumiwa nave ukhuvasawadila avatumishi vakho avavilisi, na vanya hofu ya litawa lyakho, vote vavili yesivifa ya khinu na vanya ludali. Nu musikha kwakho kufikhe kwa khuvayananga vala ambavo vave viyananga iinyi.'' ¹⁹ Halafu ilihekalu lya Nguluvi khushanya lya kubukhulilwe ni sandukhu lya lilakano lya mwene lyavonikhe mukati muhekalu ya mwene. Kwavele nu lulambo lwa mwanga, lyove, khubuluma imamba, khilindima sha mufumbi na makanga ka fula.