¹ Mwichake lino, unye yemuvele vatajili, mvembake hwa savuti ya hushanya hwasababbu ya taabu yeyiyicha pashanya yenyo. ² Uvutajili wenyo vuhalibihe ni fwalo chenyo kadahulilwe ni fidudu fihalibifu. ³ Zahabu chenyo ni sendi chenyo chikosiche isamani, nuvu halibifu wakhe hacha wishukhudila zidi yenyo nuhuyangamisa mivili yenyo ngita mwoto. Mwivimbye ihasina yenyo musikhu cha mwiso. ⁴ Lolake, malipo kavatenda khasi-vala yesimuvalipili hwahuvambula mu mugunda yenyo-vivemba! Na khivembo sha vala vevavambwe amazawo kenyo khivafishe imbuluhutu ya Bwana va majeshi. ⁵ Mwiishi hwa anasa mu inyi nuhwifulayisa yunye. Mnenipe inumbbula chenyo hwa sikhu cha huchinja. ⁶ Muhamuhukumu nu khumuvulaka umunya haki yesiiwesa ukhuvapinga. ⁷ Khwa hiyo mufumililake, mlongo, mbaha uhuyicha hwa Bwana, ngita mkhulima hulinda amafuno ka samani huhuma mu inyi,alindaka hwa vufumilifu hwaajili ya mwene, mbaha indonya cha hwanja na chila cha mwiso ya chitonya. ⁸ Pia unyenye muvechake vafumilifu; mukasake inumbula chenyo, hwa sababu uhuyicha hwa mwene u Bwana yivele kalibu. ⁹ Mlongo, musiyo hunung'unikha yunnye hwa yunye,kusudi musije muhahukumiwa. Lolake,hakimu iyima pamulyango. ¹⁰ Khwa mufananiso,mlongo, mulolake amapumukho nu vufumilifu wa vavillisi vevachovile mulitawa lya Bwana. ¹¹ Lolake, tuhavakhemela vala vevifumullila, "heli." Mupullikhe uvufumilifu wa Ayubu, na mulimanyile ikusudi lya Bwana khwaajili ya Ayubu, ni hwa jinsi gani Bwana amemile huluma ni lufuvo. ¹² Saidi ya kondi, valongo vangu, msiyohuapa, aiza hushanya ama inyi, au hwa khiapo sha ayina yingi. Bali ebu "ena" yenyo na yimaanishe "ena" na "ng'odo" yenyo na yimananisake "ng'odo," nekhe uhutya musiyo hudimila panyi pa hukhumu. ¹³ Khuna yeyondi myongoni mwenyo ana mateso? Lasima anyilikhe. Je, umuunu yeyondi avele munyahuchangamuha? Na ayimbe isifa. ¹⁴ Je, khuna yeyondi miongoni mwenyo yeavele mutamu? Na avakhemele avasehe va khanisa, navo avasehe va khanisa vamunyilikhile umwene, vahamubaha amafuta mulitawa lya Bwana, ¹⁵ na manyilikho ka imani hacha kahamuponya umutamu, na Bwana hacha ahamuyinula. Na ngita hacha iva atendile injanangifu, Nguluvi hacha ahamusamehe. ¹⁶ Khwahiyo muvungamake injanangifu chenyo yunye hwa yunye, nuhunyila khila yumonga nu muyake, ili muwese uhupona. Manyilikho ka munya haki kihogola matokeyo makomi. ¹⁷ Eliya avele munu umunya hisia ngita chetu, anyilikhe hwa juhudi uhutya indonya yitane uhutonya, na siyatonyile mu inyi khwa msikha wa miaha myatatu ni myechi sita. ¹⁸ Nu Eliya anyilikhe hangi, ni inyi chadudile indonya hushanya mwa inyi ni inyi yahumiche amafuno. ¹⁹ Valongo vangu, kama yeyondi miongoni mwenyo peikhuma khuhuma hu salwesi, lakhini umuunu yungi amulejesiche, ²⁰ ebu na amanyake uhuva yeyondi yeahamungosa umunya njanangifu huheka munjila ya mwene ya hukosa hacha iponya inafusi ya mwene huhuma mumauti na hacha ifunikha uwolofi wa njanangifu.