1 Iye ghamba amang`ana gharuhere. 2 Abhagharuka bhabhe bhiteghereri, bhasoka, bhamihebho, bhisereri na bashighe na bhikonyereri. 3 Bhuribhuri abhokungu bhakurenderu bhose bhereki obhusoku, bhatinge kubha bhato bhakughamba ghamba abhato. bhatata kubha abhasese bhamarwa. 4 Bhakwenderu bheghi amang`ana amachomu abhaki bhabho emihebho kosigha abhasubhe bhabho na bhana bhabho. 5 Bhakwenderu bhegi emihebho, obhikomeri, abhangareri bhachomu bhachanyumba chabho na bhabhoke abhasubhe bhabha. Bhakwenderu kukora amang`ana ghayo abhato bhatighe kusera amang`ana ghamtemi 6 Kokubha hangu iyo iyo mubhahe akora abhabhuremi bhanyu emihebho. 7 Kwenchanchera chose mubhe ebhiremgyo komeremo ghanyu michomu, bana mokubha murereki mwereki atongera neghesoko. 8 Mwibhiseri nabho amang`ana ghano ghukubharetera amyana, kohangu moto wosewose omobhe tanyi nangana iyo yose yokubhaghambi. 9 Abhatoruari bhasoke abhasoke bhabho kobhighera bhose. Bhakwenderu kubhachomi tanyi kubhabakari. 10 Bhatakwendere kuibha.kwenderu bhereki obwisereri bwachanchera chose chukwerekereri amang`ana gha Oryobha omotorani wito. 11 Kokubha orubhango ryurobha bharurore kubhato bhose. 12 Eghutwereri kwanga amang`ana ghatanyi ghare Ryobha na muraka wase. gano ghakurerekerire gwikara komihabho, ubhema konchera Iryobha. 13 Hanotukubha turaganya kubhora ekighero eghichomu angana anchomu yerubhango, obhutenyenga kobhutoriu bwi-Ryobha rito rikomo ryoghototoro Yesu kristo. 14 Yesu nirusiri umwene kokubha yito ghotorusi ahabhe nokotohira ahachomu kokubha yache, kubhato bhario bhakwendera kukora emereme emichomu. 15 Amang`ana ghano ughaghambe nakokumereri. shangi kuchanguru chose utachagurireri omoto uyo wose akureki