1 Jikafumila akabhalilo akanandi pakatashi u Yesu akanda ukuchula mutwaja na mufwisu kuno na kuno, akalumbililagha nu kujugha inongwa inyisa sha bhutwa bwa Chaala na bhala kalongo na bhabhili bhaka bhuka pa mupene nagwe, 2 Pala pala abhakolo bhamu bhabho bhakapona ukufuma kumbepo inyali na mabhine nagha nagha. Bhakabha u Maliya jujo akabha Magdalena jujo bhakabha bhamutisha imbepu ina nu na shibhili. 3 Yoana umukashi gwa kusa nu meneja gwa Heloti, Susana, na bhakolo abhanine abhingi, bhabho bhakatisha ifyuma fyabho kunongwa jabho bhene. 4 Tashi bwo ichilundilo cha bhandu chabhungana pamupene, bhakabhamwo na bhandu bhabho bhakisa kukwake ukufuma mutwaja kuno na kuno, akayugha nabho ukwendela mufifwani. 5 ''Umuhyali akabhuka kukubyala imbeyu, bwo akubyala, shimo imbeju isho shagwile kulubhafu kusila shikakanyigwa pase pa tulunti, nu tujuni twa mumwanya tukashilya. 6 Imbeju inine shikagwa pilongwi lya pa mwala bwo shamela ukubha tukokwe shalalukite papo bhutalipo ubhubhundale. 7 Imbeju inine shikagwa mumikokwe ja myifwa, jope ijo imikokwe ja myifwa jikakula pamupene ni mbeju shila ja shikoma. 8 Lole imbeju shimo shikwagwa pilongwi lya libhaghile nu kupapa iseke amalongo kalongo na pamwanya. ''Po u Yesu bwo ajugha amashu agha, akakakwesha ishi, ''Gweshi jujo alini fyufwo fya kupulikila apulikaghe.'' 9 Po abhasukulu bhake bhakamubhusha kwokutiki ichifwani icho, 10 U Yesu akabhabhula, ''Mupeligwe ukughanigwa nukushimanya isha bhuti tu bwabhutwa bwa Chaala, lole abhandu tibhakamashigweshe kufifwani, ukuti 'bwo bhakutesha manye bhashimanyaghe nu kupulika manyebhashaghaniange.' 11 Ichi chochifwanikisho. Imbeju lishu lya Chaala. 12 Imbeju shila shikangwa mulubhafu musila bho bhandu bhala bhakupulika ishu, pakatashi umubhibhi usetano akwegha ukufuma mumioyo, ukuti manyise bhakitike nu kupokigwa. 13 Sona shila shoshi kagwa pa mwala bhobhandu bhala bhakupulika ishu nukulipokela nu lusekelo lole bhata nimishu najimo bha kwitika pakabhalilo akanandi, akabhalilo linga ingelo shikwisa bhakugwa. 14 Ni mbeju shila shoshikugwa mumyifwa bhandu bhakupulika ilishu, bwo bhakwendelela ukukula papo fyikatanite nubhutajili nubwisa bwa bhughone bhata kutisha iseke. 15 Lole shila imbeju sho shikwagwa pilogwi ilyisa bhandu bhala, bhabho bhakwiyisha imioyo jabho myisa, linga bhalipulika ilishu bhakulikolelela likubha akisa nu kupa iseke nu kwifimbilisha. 16 Na jumo, na jumujwene, jujo akukosha inyale nu kwifunikila pamo ukubhika pase kuchitala. Lole akubhika pamwanya ukuti gweshi jo akwingila ajiteshange. 17 Papo na chimo chita ngimana chicho chatangabhoneka,pamo chicho chimamite ngani chichi chita ngabhoneka linga chili pabwelu. 18 Po ubha maso linga kupulikisha. Papo jujo ali na maso, kukwake ti akongeleshigwe ngani, lole jujo atanamaso ni chinandi chicho alinacho tichikeghigwe.'' 19 Pakatashi umama gwake u Yesu na bhagwamwabho bhakisa kukwake bhata kapalamila kunongwa ja chilundilo cha bhandu. 20 Po akabhuligwa, ''Umama gwako nabho gwamwinyu bhali pase bhakukulonda bhakubhone ugwe. 21 Lole, u Yesu akamula akati, ''Umama gwangu na bhogwamwitu bhobhala bhakupulikisha ilishu lya Chaala nukulyitika.'' 22 Likabhoneka ishiku limo mumashiku ghala u Yesu nabhasukulu bhake bhakakwela mu bwoto, po akabhabhula, ''Isa yulobheke kwisila lya bhubhili lya nyanja.''Bhatendekesha ubwato ubhukalu bwabho. 23 Lole bwo bhakwanda ukunyetuka, u Yesu akapitila utulo, po amayigha amakali agha mbepo, po ubwato bhabho bhukanda ukwisula amishi bhakabha pabhutolwe ubhukulu leka. 24 Po pakatashi abhasukulu bhake bhakaja kukwake nu kumulamusha, bhakati, ''Mutwa songo! Mutwa songo! Tuli papipi ukufwa!'' Akanyetuka nu jikemela imbepo na majigha gha mishi fikasumba fiabhamie. 25 Sona akabhabhula, ''Ulwitiko lwinyu lulikughu?'' Bhakoghopa, bhakaswigha, bhakajughisania kukuti jumo numunine, ''Ujugwini, mupaka akujiloghila imbepo na mishi fikumupulika?'' 26 Bhakafika mu chisu cha Gerasini ichi chili kulubhafu kunyuma kwa ghalilaji. 27 U Yesu bwo akwika nu kukanya pase, umundu jujo ukufuma kumujini, akakoma na nagwe, umundu akabha namaka gha muchisi. Kukabhalilo akatali atakafwalagha imwenda, sona atakang'onagha munyumba, lole akikalagha kumapumba. 28 Bwo amubhona u Yesu akakuta kwishu, nu kugwa pase mundashi mukwake. Kulishu ukulu akajugha, mbombite koni kukwako, Yesu mwana gwa Chaala gwe ulukumwanya? Ngukusuma, manyeghufundaghe une'' 29 U Yesu akakajilaghila imbepu inyali jitile mumundu jula, papo akabhalilo akingiali gwa chifunde. Napapo linga bhamu pinyite ngani munyololo nu kubhika ubhulindilili, pope akakonolagha ubhupinye ni mipepu jikamughendeshanga mupaka mulungalangala. 30 U Yesu akamubhula, ''Ingamu jako gwini?'' Akamula akati, ''Leghioni'' Papo amapepo amingi ghingile mumwake. 31 Bhokendelela ukumusuma manyeatulaghilaghe tuje mubwina. 32 Ichilundilo cha ngulibhe sgikalya pamwanya pakaghamba, bhakamupyelesha aghabhule ghajeghingile mungulubhe shila. 33 Ighabhula ukuti bwojanga bhubhubwo. Po amapepo ghala gha katila mumundu jula nu kwingila mu Ngulubhe shila, po ichilundilo chila chikakindila mukaghamba mupaka munyanja nu kwibhila mumumwo. 34 Abhandu bhala bhobha kalishanga ingulubhe shila bwo bha chibhona chicho chabhoneka, bhakakinda kukujugha akapango pakaja na muse mutwaja two tushungulile. 35 Abhandu bwo bhapulika isho bhakabhuka kukutesha chicho chabhoneka, bhakaja kwa Yesu nu kumubhona umundu jujo amapepo atilagha akabha afwalite akisa ali na mahala ghoshi, ikile pa tulundi twa Yesu, po bhakoghopa. 36 Po jumo mumwabho jo achibwenicho chabhonekite andite ukubhalingania abhanine mumwo umundu uju, mumwo amapepu ghamughendeshanga, namwo aponile. 37 Abhandu bhoshi abha mukaja ka bhaghelasi nu bhujo bwoshi bwo bhushungulile bhakamusuma u Yesu atile kukwabho papo bhakabha nu bwogha ubhukulu. Po kingila mubwato ukuti aghaluke. 38 Umundu jula jo imbepo shatilite amusumite u Yesu abhuka nagwe, lole u Yesu amubhulite ukuti abhakaghe nu kujugha, 39 ''Ghaluka kunyumba jako ubhalaghe ghoshi ghala ghagho Uchaala akubhombi ''Umundu jula anyetukite, akatangasha poshi mukaja mwoshi shisho u Yesu abhombite kunongwa jake. 40 Nu Yesu akaghaluka,abhalukomano bhakamu kalibhisha, papo bwoshi bhakabha bha kumulindilila. 41 Tesha akisa umundu jumo u Yailo gwi jumo mubhalongoshi bha mwatembeli. U Yailo akagwa mutulundi mwa Yesu nukumusuma abhuke kukaja kukwake, 42 Papo akabhanu mwana umulundwa na jumujweneshe, uju akabha ni fyinja kalongo na fibhili, akabha papipi ukufwa. Popapo bwo akubhuka, abhalukomano bhakamusungilanianga. 43 Umukolo uju akafumagha ibhanda kufyinja kalongo na fibhili akabhapo pala akatagha ihela shoshi mubhaghangha, lole najumo jujo amuponeshishe na jumujwene, 44 Akisa kunyuma kwa Yesu nu kweghelesha ichipeta cha mwenda gwake, nakalinga ukufuma ibhanda kwa leka. 45 U Yesu akajugha akati, ''Gwini anyeghelesha?'' Bwo bhakana bhoshi, Peteli akati gwe songo, chilundilo cha bhandu chikukufinyania.'' 46 Lole u Yesu akati, ''Kuli nu mundu anyeshelesha, papo namanya amaka ghabhuka.'' 47 Umukolo bwo agha atabhaghile ukwimama chicho abhomba, akanda ukutetema, akagwa pase mundashi mwa Yesu nukutangasha mundashi mubhandu bhoshi sha pela ukumweghelesha na bwo apona na kalinga. 48 Po akajugha kukwake, ''Mulindwana, ulwitiko lwako lwakuponesha ubhe mwumi. Bhukagha nu lutengano.'' 49 Bwo akwendelela ukujugha, umundu jumo ishile ukufuma munyumba ja mulongoshi gwa tembeli, akajugha akati, ''Umulindwa na gwako afwa. Manyeumuta myange umumanyishi.'' 50 Lole u Yesu bwo apulika isho, akamula akati, ''Manyegwoghopaghe. Itikagha she, kutiapone.'' 51 Po bwo ingila munyumba ijo, atakalondagha umundu jumo ingile pamupene nagwe, lole u Peteli, Yohani nu Yakobhu, nubhabha gwa mulindwana, nu mama gwake. 52 Po bhandu bwoshi bhaligha nukulata amashu kunongwa jake, lole akati, ''Manyemujwaghaghe, lole aghonite she.'' 53 Lole bhakamusekagha nukufuya, bhakamanya ukuti afwile. 54 Lole umwene, akamwikata umulindu akakono, akitisha kulishu, akati, ''Mwana, inuka'' 55 umbepo gwake ghukaghaluka, po akanyetuka akabhalilo kakako. Akamulisha ukuti, bhamupe akandu kamu ukuti alye. 56 Abhapapi bhake bhakaswigha, lole ukuti manyebhamubhulaghe umundu chicho chi kabhoneka.