¹ Papipi apo kwali ni siku kuu ijya Bhayahudi, nu Yesu akwelile nukubhuka ku Yerusalemu. ² Kula ku Yerusalemu pali ni bhilika pachibhale cha ng'oshi, chichi chitishiwagha kujyughilo jya Kiebrania Bethzatha, jyape jyali na matao mahanu. ³ Ivilundilo ifikulu ifya bhabhine vialimu abhabhatikuketa bhabhikukwema bhali bhaputile mula mmatao agho. {Ukaleghe: Amashu gha msitari ughu ghatakabhoneka mnakala. "Inyisa isha ijyolo bhakaghalagha amishi ghafume.") Papo utubhalilo tumo ughandumi akwika mkati mMtwa nukughafumia amamishi. ⁴ Po jyujyo ali kwanda ukwingila ukuti jya bho amishi ghukufuma aponie nukubha mwumi ukufumana na choshi cho cha mkoleti kutubhalilo utwo. ⁵ Nu mundu jyumo ali mbhene kukabha lilo fijya thelathini na minane ali mkati matao. ⁶ U Yesu bhoamubheni aputile mkati matao amumenye ukuti aputile pala akachali akatali uYesu akambhusha, " Kulonda ukubha mwumi?" ⁷ Jyula umubhihne akamwaumla, "Mtwa ida nu mundu ugwa kubhika mkati mmishi poghakufuma. Utubhalilo tutwo kugheshe ukwingila kwagha umundu ujyungi atandile." ⁸ Yesu akamubhula sukuma nugweghe igodoro lako ughendaghe." ⁹ Papo umundu jyula akapona akeghe ichitala chake nukubhuka. Likabha lishiku lilya shiku lya pamulungu. ¹⁰ Lole Abhayahudi akamubhula jyula umundu jyoaponile, "Umushughu lishiku la pamulungu, na utabhangile ukupimba ighodoro jyako." ¹¹ Akabhamula, jyujyo aposhishe gwejyo abhulite ukuti, "Egha igodoro lyako bhukagha." ¹² Bhamubhushishe, "Gweni akubhulile ukuti egha igodoro lyako bhukagha?" ¹³ Papo, jyujyo apanile atamumenye, papo uYesu ali afumile pasili. Papo kwali na bhandu bhingi pakati palubhafu lyake. ¹⁴ Papipi apo uYesu amwaghite jyula umundu mchiponga nukumubhula, "Tesha uponile utabhombaghe ibhibhi sona manye kashaghe ibhombo ibhibhi ngoni." ¹⁵ Jyula umundu akabhuka nukubhubhula Abhayahudi ukuti uYesu gwejyo aposhishe. ¹⁶ Papo, pa bhombo isho Abhayahudi bhakatamia uYesu, papo akabhomba ibhombo iyo pishiku lya pa Mlungu. ¹⁷ U Yesu akabhabhula, "Ubhabha gwangu akubhamba ibhombona ulu nune ngubhomba ibhombo." ¹⁸ Kubhombo isho Wayahudi bhakongela ukumlonda pakuti bhamughoghe pamo ukuti abhambile kuonagha iSabati, lole nu kumwitisha Uchala Bhabha gwake ukwipela ukwifanikisha unu Chala. ¹⁹ U Yesu akabhabhula, "Nalole, nalole, Mwana atabhaghile ukubhomba ukandu kokosho lole kala kako amshuhma Ubhabha gwake akabhamba, papo choshi Ubhabha icho chocho Umwana akubhamba. ²⁰ Papo Ubhabha amghanile Umwana, koshi akala akubhamba amubhenekishe ibhombo ikulu kuliko ishi ukuti mwangele ukuswigha." ²¹ Popo shamumo mwa Ubhabha abhushushishe abhafwe nukubhapa ubwumi, popapo Umwana gwape ampa gweshi jyujyo akumghana. ²² Papo Ubhabha atakumulonga gweshi, ²³ lole ampile Umwana ubhulongi bwoshi pakati bhoshi bhamwinule Umwana samumu Umwana akumunula Umwana atakumwinula Ubhabha jyo amtumite. ²⁴ Nalole, nalole, jyujyo akupulika ilishu lyangu nu nukumwitika jyujyo andumite ali nu bwumi bwabwila atali akalongiwe. Popo aghendile ukufuma kubhufwe ukwingila kubwumi. ²⁵ Nalole, nalole, ghubhabhula utubhulilo tukwisa na sona popo abhafwe bhakwakupulika ilishu lya Mwana gwa Chala, bhoshi bhabhakwakupulika bhakwakwikala. ²⁶ Samumu ulua Ubhabha ali nu bwumi ukati jyake jyujyo, ²⁷ popapo ampile Umwana ukubha nu bwumi ukati jyake, nu Bhabha ampile Umwana itangilo isha kulonga papo Mwana gwa Adamu. ²⁸ Mtashighaghe nisho papo utubhalilo tukwisha tuto abhafwe bhoshi bhabho bhali mapumba bhakwa kupulika isyu lyake ²⁹ bhope bhakwakufuma kuse: kubhabhobhabhombile inyisha ukushuka kubwumi, nabhabho bhabhomile ibhibhi ukushuka kubholongi ubwabwila. ³⁰ Indabhaghile ukubhomba chosi chila ukufuma kukwangu jyune ne sona chicho pulike chocho kubhalonga ubhulonghi bwangu bwanalole papo idakulonda ulughano lwangu lole ulughono jyujyo atumite. ³¹ Samumu najyughile jyunene na ukushimikisha kwangu ingali kuta kwisa. ³² Aliko jyumo jyujyo akashimikisha shisho abhombile une pomenye kubwanalole ushimikisha nukusyugha akisa. ³³ Mmtu mite uYohani gwepe ajyughile akisa. ³⁴ Popo uhushimikisho ulyu lyutawo ingupokela lutakufumana nu mwanadamu. Ngujyugha ishi pakuti mpokigwe. ³⁵ U Yohani ali tala jyijyo jyikumulika mwali pipipi pakusekela kukabhalilo akabimba ulumuli gwake. ³⁶ Ulushimikisho lwulwo indina lwu lwukulu ukukundu lwula jya Yohani, kubhombo shisho Ubhabha abhile nukushifikisha, isho ibhombo shikunaghisha ukuti Ubhabha andumite. ³⁷ Bhabha atumite jyujyo mwene ashimikishe ukunaghisha une mtapulike u emu isyu lyake pamu ukumubhona umubhili gwake utubhalilo twoshi. ³⁸ Mtali nisyu nalimo lilyo likwikala mukati jyinu popo mtakumwitika jyujyo atumile. ³⁹ Mkugatesha mashibho mhuti ukakati jyake ubwumi bhulimu ubwa bwila, nagho amashibho agho ghakushimikisha amashu ghangu ⁴⁰ nashiku ukwisa ku kukwangu ukuti ubwaghe ubwumi bwa bwila. ⁴¹ Indahupokela ubwinufu ukufuma kubhandu, ⁴² lole imenye ukuti mutali nulughono lya Chala mkati jyinu jyumwemwe. ⁴³ Nishile mungamu jya Bhabha gwangu, mtabhokelite samumu jyumo akwisa jyake mkumpokela. ⁴⁴ Bhule mubhaghile ukumwitika umwe papo mpokela ubwinufu ukufuma ku jyumo gwinu lale mtakulonda ubwinufu ubwakufuma kwa Chala mwene? ⁴⁵ Manye mti une ngubhashitaki mndashi jya Bhabha. Jyujyo akubhashitaki umwe gwe Musa, jyujyo umwe mumubhikete ulwimiko lwinukukwe. ⁴⁶ Linga bhali mwamwitike uMusa, ingali munyitike nune papo nasibhile ukunangisha amashu ghangu. ⁴⁷ Linga mtakwitika amasibho ghake mubhaghele ukwitika mashu ghangu.?