¹ Kokunungwa ukuti uKristi atupile ubhwabhuke ukuti tubhe bwabhuke, Nulu imakisa manyi mwisemughwile sona kunangwa ijya bhwabhuke. ² Tesha unene Pauli ngubhabhula ukuti nandi mwatahiliwa ukuti uKristi afabhafwe mujila yoski jyila. ³ Sona kushinukisha kubhalisha mwesh bho mtahiliwe jyikulondighwa mubhomba kumbatiku shoshi. ⁴ Mutengigwe patali nu Kristi mwemwe mukubhelelingighwa ubhwa naloli kumbati, mughwile pase nu lusayo. ⁵ Papo kughendela mujila ijya mbepo kulwitiko tukulindilila tutakwoghope ubhwogha ubhwa naloli. ⁶ Mukati mwa Yesu Kristi kutahitiwa kutanimbombo najyimo. Ukuti lwitiko lwene lyo lukubhomba imbombo ukughendela mulughano bho lwikwimisha kangi. ⁷ Mwali mukukinda akisa, ghwini abha kanishishe kutikubhomba isha naloli?. ⁸ Ukunyonywa uko ukwakubhomba isha bhutafunite kujyujyo abhitishishe umwe. ⁹ Ichisape ichi nandi chikukomania indongi jyoshi. ¹⁰ Indi nulusubhilo numwe mwa Mutwa ukuti itamwinughone kusila ijyingi njyimo. Weshi jyujyo abhakosesha ndiakapimbe ubhulungi jyijyo mwene. ¹¹ Mubhoghwamwitu ngunendelela kubhabula isha tuhala koni komukutanigwa? Kunoghwa ijyo choshi cho chikushingilacho chita cha chikobhekano chibhaghile ukuko manika. ¹² Bhoshi bhobhakwikomania bhabho bhene ¹³ UChala abhitishishe umwe bhogwa, mwitu, abhitishishe kubhwabhuke. Lole manyi mubhombelaghe ubhwabhuko bhwinyu kushamubhili. Kunyuma kwake kubhombela kubhulughano, mutuleneghe jyo mwemwe. ¹⁴ Papo imbatiku shoshi shikamilikite kundaghilo jyimuyene, lole ikulondighwa umughane umupalamanyi ghwako isapapo mumwo ubhelile. ¹⁵ Lole nandimu kufulasanya nu kughunana poiteshanga ukuti manyi mwighelaghe jyu mwemwe jyu mwemwe. ¹⁶ Nguti ghendagha mumbepo sona tamukamale ifinyonywa ifya mumubhili. ¹⁷ Papo umubhili ulinifinyonywa ifingi ifya mumbepo. Ni mbepo ilinichinyonywa ichikulu kukinda umubhili. Ishi shikindanite inine sona ni inine. Amatokeo ghake kwo kuti mutakubhomba ichindu chicho chikulondighwa. ¹⁸ Pala imbepo ijya Chala ikubhalongosha umwe mutapase pambatiko. ¹⁹ Imbombo isha mumubhili shikubhoneka sho ishi ubhushipanyi, ubhunyali, ufisadi. ²⁰ Ulwiputo ulya kufifwani, ubhuloshi ifitina, ukulwa, ubhumyashi, ukubhanilyoyo ukupotona, ubhulwani, ukulekana kwa fipanga. ²¹ Ulututumelu, ukughala, ubhupafu, na manine gho ghaghelile nagho. Ngubhasoka umwe isa papo nabhasokite kubhwandilo bhoshi bho bhakubhomba imbombo isho bhata bhakachaghe ichilingo icha bhutwa ubhwa kwa Chala. ²² Lole itunda lya mumbepo lughano, lusekelo, ubhwabhuke, kuvumilila, ubhope, ubhundu ubhwisa nu lwitiko. ²³ Ubhwololo panandi. Shitaliko imbatiko kilishoshi ishu. ²⁴ Bho bhali bha Yesu Kristi bhakomelighwe naghwe umubhili pampene nu kushukwa ni chinyonywa sona ni nifinyonywa ifibhibhi. ²⁵ Isa pala twikwikala mumbepo tughendaghe mu mbepo. ²⁶ Manyi tughe bhakwinyinula, sona manyi tukindanaghe umunine sona numunine, sona manyi tubhe bhebhalutotomelo