¹ Bhagalatia mwe bhalema lisoliki lyabha kumanishe? Ukuti uYesu Kristi atalangishighwe pamaso pandashi pinyu? ² Une ngulonda limulyene ukufuma kukwinyu ukuti mwapokelite imbepo kumbombo sha mbatiko pamu ukwitika kula mwapulikite? ³ Umwe mulibhalema mpaka ulu? Pamu mwandite mwa mbepo mukulonda sona kumalisha kumubhili? ⁴ Po mwabhombite shoshi bhubhu, po pala shali sha bhubhu. ⁵ Po jyujyo akusosha umbepo kukwinyu sona nukubhomba imbombo ijya maka kukwinyu akubhombela kumbatiko pamo ukupulika pampene ni lwitiko? ⁶ Abrahamu '' Akamwitika uChala sona akabhoneka kubha ughwa mwanaloli''. ⁷ Kunongwa jyilajyila shaghanianga ukuti bhana bhakwitika bhana bha Abrahamu. ⁸ Amasimbo ghakungulukite ukuti uChala abhabhelengile ubhwa naloli ubhapanja kusil jya lwitiko. Injilii jya lumbililighwe tashi kwa Abrahamu: '' kufumila kukwako indibhasagighwe. ⁹ Bhoshi bhabho bhalimlwitiko bhoshi bhasaghigwe pampene nu Abrahamu papo alinulwitiko. ¹⁰ Bhoshi bhala bhobha kubhombela imbatiko bhali pase pachighune. Papo isimbighwe, '' Aghunighwe weshi jyujyo akukolelana ni mbombo shoshi shoshi simbighwe muchitabhu acha mbatiko, nukubhomba shoshi. ¹¹ uChala atakumuheghela nayumo kumbombo shambatiko, kulili ughwa naloli akwikala mulwitiko. ¹² Imbatiko shitakufumana nu lwitiko lole musila yake '' jyujyo akubhomba ishomombatiko ikulondigwa ndiikalaghe mumbatiko. ¹³ uYesu atuponeshishe utwe ukufuma muchingune po akabhombighwa chingune cha mbatiko po aka bhombighwa chighune mumwitu. kulili isimbighwe, '' Aghunighwe umundu jyu bhakumtunga pamukokwe''. ¹⁴ Ubhwa naloli ukuti isayo shikabha kwa Ibrahimu ngalishikisa kubhandu abhapanja mukati mwa Yesu Kristi tubhaghile kupokela umbepo kughendelo mulwitiko. ¹⁵ Bho ghwamwitu nguyungha mubhwa bhundu. Pope pale akabhalile aka lwitikano lya bhandu libhikighwe ilya maka, nayumo ghwe abhaghile kufujya au kwongelesha. ¹⁶ Ukwitika kwajyughighwe nu Ibrahimu na ku kuchikolo kwake shitakajyughagha kufikolo fyoshi, kulinganya abhingi lole kunyuma jyake jyumuywene mweneshe, '' kuchikolo chako'' jyujyo ghwi Kristi. ¹⁷ Ulu nguyugha ngoti imbatiko sho shisile ifyinja 430 sona ukufuma kunyuma ulwitikano lyo lukabhikighwa nu Chala. ¹⁸ Isa pala papo ichilingo chisile kusila jya bhatiko ngaliutisile sona kusila ijya kwitika. Lole uChala atishishe bhubhu kusila jya kwitika. ¹⁹ Koni kako imbatiko shikatilighwa? Shikalongoshighwa uku kungana nu bhutala nongwa mpaka imbapo ijya Ibrahamu ise kubhabho bhabho bhabhikilighwe. Imbatiko shabhikighwe kumaka kughendela kubhandumi kutukono utwa mugheleshi. ²⁰ Papo umugheleshi akulinganya ukukinda abhandu abhingi lole uChala alimweneshe. ²¹ Tungati imbatiko shilipashima nu kwitika kwa Chala? Nashiku papo imbatiko shiko tishighwa shikabha na maka ukupela ubhumi ubhwanaloli linga tubhwaghite mumbatiko. ²² Lole kunyuma kake isimbigho lipinyite shoshi pase pa mbibhi. uChala akabhomba agha ulu ukuti ukwitika kwitu ukuti manyi tupokighwe kwilwitiko ukuti uYesu Kristi abhangile kwilangisha kubhabho bho bhalinulwitiko. ²³ Lole ulwitiko lwa Yesu bhobhukali kwisa, tukabha tupinyigwe nu kubhapase pambatiko mpaka lukatilwikwisa ulusetulila lwa lwitiko. ²⁴ Po imbatiko shikabha ghwi mulongoshi ghwitu akati isha ukuti tubhelenge lighwe ubhwa naloli mulwitiko. ²⁵ Papo ulwitiko lwisile tutapase pamwimilili. ²⁶ Apa mweshi mulibhana bha Chala kughendela mulwitiko ulwa Kristi Yesu. ²⁷ Mweshi bho mwoshighwe mu Yesu Kristi mubhombelighwe Kristi. ²⁸ Atalipo umuyahudi wala umuyunani, umubhombeli au umumwabhuke, umulisha au umukolo, mweshi mulipampene mwa Kristi uYesu. ²⁹ Pala umwe mulibha Kristi, pobasi tulichikolo icha Ibhrahimu, tulibhachilingo ukukongana nu kwitika.