¹ Unene Pauli umubhombeli une ndanemubhombeli ukufuma kubhandu pamu ukighendela kubhandu, lole ukughendela kwa Yesu Kristi uChala ughwa bhabha jyujyo gwe akashuka ukufuma kubhufwe. ² Pampene nabhakamu bhoshi nine, ngugha simbila abhotempeli mubhaghalatia. ³ Ni chisa chibhe kukwinyu nu kutengana kwokukufuma kwa Chala nu Bhabha gwitu Umutwa uYesu uKristi. ⁴ Ghwe itikite mwene kunongwa jya mbibhi shitu, ukuti atupoke pakabhalilo aka aka bhubhibhi ukukugona nu lughano lwa Chala ghwitu ni Bhabha. ⁵ Kukwake kubhe pabhwisa bhwila nu bhwila. ⁶ Nguswigha leka ukuti ghusanuka luhilo kwishu inine. Nguswigha leka ukuti mukusanukila kubhutali kufuma kukwake jyujyo abhitishishe kuchisa cha Kristi. ⁷ Nalimo ishu inine lole ghamo ghamo ghabhondu bhabho bhakwanda ukubhomba ishi ingelo nukulonda ukusanusha ishu ilya Kristi. ⁸ Lole linga twetwe pamu umusololi ukufuma kumwanya akutangasha kwikwinyu inshu pashima na lilyo tulitangasha shine kukwinyu sona aghunighwe. ⁹ Isabhotuyughite pabhwandilo nulu nguyugha sona, linga kulinumundu jyujyo akubhabhula ishu pashima na mwo mwalipokelite aghunighwe. ¹⁰ Ulu po ngulonda ukwibhonela abhandu abha Chala? Ngulonda kubhahobhosha amondu? linga ngubhuka ukighesha kubhosha bhandu une nda mubhombeli gwa Kristi. ¹¹ Bhongwamwitu ingulonda umwe mumanye ukuti ishi lilyo ngubhabhula litafumila na bhandu. ¹² Ndapokelite ukufuma kubhandu pamonda kamanyisa pashima yake yaliyakushuka kwa Yesu Kristi ughwangu. ¹³ Mpelite mpulikiti mubhumi gwa kunyuma mubhu kilisti ughwa kiyahudi mwo nabhelile natamyanga kubhukali utempeli ughwa uChala ingani nakupemba. ¹⁴ Nalinendelile muchipanga icha kiyahudi. Nalingwendelea ingani ninyiho shabhobhabha ghwangu. ¹⁵ Lole uChala asekelile ukusala une ukufuma mkati mwa mama gwangu. Anyiti shishe une kughendela kulusayo ghwake. ¹⁶ Ukumunagisha, umwana mukati kangu ukuti imulumbilile umwene pampene na bhandu abhapanja. Sona ndalondite ukumanyisha isha mumubhili ni bhanda. ¹⁷ Sona ndakakwela kujya ku Yerusalemu kubhala abhatimighwa, kunyuma yake sona naghalaluka najya kuwarabuni. Sona naghaluka najya ku Damesiki. ¹⁸ Bho fyakinda ifinja fitatu nakwela ku Yerusalemu kumghendela ukefa ingikalanagwe amashiku akalongo nu kaghano. ¹⁹ Lole ndakabhona abhandumu abhanine lole Vyakobho umukamu nuntwa. ²⁰ Tesha kundashi mwa Chala, ndakushimbula kuchicho ngusimba kukwinyu. ²¹ Sona ngabhuka kumikoa lya shamunu kukilikia. ²² Ndakamanyikwanga kumaso kufi panga ifya uyahudi ghagho hakabha mwa Kristi. ²³ Lole bhakabha bhakupulishe ukuti jyujyo akatutanyanga po ulu akulumbilila ulwitiko akabha akukomanya. ²⁴ Bhakabha bhakumpala uChala kunugwa jyangu.