¹ Kufuma kwa mkangalw kubhuka kwa mukolo umusalighwa nu mwana ghwake bhabho imbaghanite ubhwa naloli ndanene jyu nene nimwene, nabhoshi bhabho bho bhaumenye ubhwa naloli. ² Kunogwa ijya bhwa naloli jyu ili mukati jyitu jyijyu ndiyi kale nutwe bhwila. ³ Ulusayo ni chisa, nulutengano indishibhe nutwe ukufuma kwa Chala Ubhabha nu kufuma kwa Yesu Kristi, umwana ghwa bhabha mubhwanaloli nu lughano ⁴ Insekile ngani ukuti nashangania kubhomo abhana bhakwenda mubhwa naloli mwo twapokelite indangilo ukufumakwa Bhabha. ⁵ Nulu ngukubhula ughwe, ghwi mukolo, fakwokuti ngukusimbila imbatiko imbya, lole lilyo twalinalyo kufuma kubwandilo shoshulondi ghwa tughananaghe yu twetwe sona yu twetwe. Ulu lwolughano lyolukulundigwa ukwenda nalyo ukukongana ni mbatiko shake. ⁶ Ijyi jyo mbatiko mwaipulikite ukukuma kubhwandilo, mwalondi wagha ukughenda mulwendo lwinyu usulwo. ⁷ Isapa abhashimbuli bhingi bhanyambanite muchisu, nabhatakwishimikisha ukuti u Yesu Kristi isile kumubhili. Akuti ujyu ghwe mushimbuli sona akumkana uChala. ⁸ Jyitesha jyumwemwe ukuti tamusubhe imbombo shoshi twashibhombite mutabhaghile kufagha ifya bhupe fyoshi ⁹ Jhoshi jyujyo akwendela mundashi mumbombo ijya bhumanyishi bhwa Kristi ata nu Chala jyujyo akwikala kumanyisha alinubhabha nu mwana ghwepe. ¹⁰ Umundu jyujyo akwisa kukwinyu atanifimanyisho manyi mumwitishange munyumba shinyu sona monyi mumula mukaghe. ¹¹ Papo jyujyo akumulamka akubhomba naghwe imbombo imbibhi ¹² Indinasho nyingi isha kubhasimbila na indakulonda kusimba kwipepa nu wino. Lole ngunyonywa kukwinyu nu kwangala amaso namaso ukuti ulusekelo lwitu lubhe bhwa naloli. ¹³ Abhana bha kalumbu ghwitu msalighwa bhakubhalamka.