¹ Kufaina sihikia Yerusalemu kafai na Bethefage na Bethania iuseri ufumbuja mzeituni kavaduma vavi vavaloshwa vake. ² Kavavia endenyi mpaka kiongonyi mnakishikia naingiaiposhi moana mwana oisirikonyi apungwa alame dojwa mandu mtarahwenyi ndiemuendenyi. ³ Namndu kaavia ngiki mnauta kudi? ambenyi mndumi ambauri naade ape mburighakabi iha. ⁴ Vekadambuka vakamuona mwana oisirikonyi apungwa kichinyi nja ya njia ya sanga vakamtarahwa. ⁵ Vandu vaitale baimukieipo vakavavia ngiki mkeuta momtarahwa mwana oisirikoji? ⁶ Vakavavia chakundu Yesu alevavasha vavo vakavaidikija. ⁷ Vakamuendie Yesu mwanauja osirikonyi vakala nguvo savouye yake kadamia uje yake. ⁸ Vandu vafoje vakanjarara nguvo savo njienyi navengi maramba valetemaipo imidemenyi. ⁹ Navandu vaja valesongwa navaja vale navadia vakarava Hosana ncho avekwa kuoko acha korinaja mndumi. ¹⁰ umevekwa na umangi upecha ondie edu Daudi Hosana uye raveu. ¹¹ Nacho kaingia Yerusalemu muungyi ya kanisenyi naelambwa shose ngalikosose amu vekiukwanyi kafuma kadambuka bethania anduamu na vaja akina valoshia. ¹² Kita langa kyake vefuma bethaia nyaleichwa njaa. ¹³ Kaona kokwaoha mtini uode mara kaenda kine koje kode indo uye yake eushikia aleshakindopo nyi mara tu amu chikieri kya tinipo. ¹⁴ Katelwa kautalwa funaainu na ndarasi mndu alaje ndunda kwapo, veloshwa vake vakishwa. ¹⁵ Vadashika Yerusalemu nacho kaingia kanisenyi kaivoka ivadidura vaja vekinakumba naiura iposhi kanisenyi kasifhalusa mesa savaja vekina ilacha hela na shitiri shaco vekumba maita. ¹⁶ Nama aletija mundu iiria indo kujashi kanisaenyipo. ¹⁷ Kavaloshia kaamba ale! Kiereghwa nambaakwa ipedikirwa namba yetervia kosangapo? Kake inywe moghalwa mbako sa vesokana. ¹⁸ Vadue vavalisi na vareghi vaichwa kidedokyo bakashigha chakundu vapemmarija amu vale muogwa kiteve mbumbu yose ikarejwa koiloshia jake. ¹⁹ Kovakiukwanyi nyalefuma mrinyi. ²⁰ Nakitalang'a andu vekeida valeona mtini aja umenaa funa sindenyi. ²¹ Petro katechukwa kidedo kija kambia Rabi lambwa mtini uja uleudeja mbiagha umenaa. ²² Yesu katakwa kavavia mmanyenyi makilunga. ²³ Manyenyi ngambienyi lowose apevia ifumbuji hiluka undekumbwa moingenyi ukusalalie nama alaone uoga ngoonyi yake kake naany kee isho akinaa shime fumia shipeva shake. ²⁴ Kokitevikyo ngnavavia shose mnashiterena kokiterevo nanyinyi kee mna shiadija nasho shipeva shanu. ²⁵ Nainywe mkaimuka na keterevo lekejenyi muode ngususu uyeya mundu kinasa papawanu orave navavumienyi unyamari wanu. ²⁶ (Kake inywe mlapelekeja nama papa wanau oruveu apelekejenyi unyamiari wanupo). ²⁷ Vakashika Yerusalemu kavi aandu vekina damvukakanisenyi vale vavadia vadue vavalisi na varefhi navasuri. ²⁸ Kavavia mwitorimki ukina utashindoshi? Nacho nyuu alekunenga utoriji uute ishi?. ²⁹ Yesu kavavia ngape vaesera kidedo kimu nainywe mungitelwe naade ngape mbienyi nyitonjiki nganauta ishi. ³⁰ Ubatiso O Yohana nyule fuma ruveu ana kovandu? Ngitalwenyi. ³¹ Vaka ng'urana venyikovenyi veamba koje jikaamba nyulefuma ruveu apeamba ngiki basi mlemanyapo? ³² Kake jikaamba nyle tuma kovanduvale ogwa vandu ama vandu vose vale muona Yohana kee nyi nabii chee. ³³ Vakatalwa vakamba jiichipo Yesu kavavia nainyi ngapevavia inwepo nyi muitorimkinganauta ishipo.