¹ Yesu nyandedye navwo ko mfano, akeamba. ² Umangi o Ruvweu nyufananie na umangi o mndu alirija waji o mwanake. ³ Kawaduma warundi wake iwakaribisha waja vwelealikwa ienda wanjinyi kake vwaleenda po. ⁴ Mangi kawaduma kawi warundi nwengi, kaamba, "Wawienyi wose waja vwaleandikwa. Lambwenyi, ngelenja na kando. Njau na ngache yakwa imhie ileshinjwa, na shindo shose shikeri tayari, nyooinji wajinyi. ⁵ Kake wandu waja uwaleimkia necha ualikonyi icho po. Waitale waleuya mdenyi yavo, na wengi waleuya biasharenyi savo. ⁶ Wengi vwalewakunje warundi wa wangi na iwarasa na iwawagha. ⁷ Kake mangi nyaleilusha kaduma jeshi jakekawawagha waja vwaleagha na inyamara mri ko modo. ⁸ Ade kawawia warudi wake "Waji ukeri tayari kake waja walealikwa vwakerijane sepo. ⁹ Kokyo mawenyi makutanonyi njia ndue, vwaalikenyi wandu wafojie chandu kipewa wache wajinyi. ¹⁰ Warudi wakaenda njia iya ndue indekaribisha wandu wose wecha na wawichwa ko ikya ukumbi ukaichwa waghenu. ¹¹ Ade mangi kaingia elambwa waghemu kamuona mndu umu alararye seri ya waji. ¹² Mangi kamwasera, mong'o nyaingia kuda kunu ulaode seri ya waji? Na mndu icho alemtalwa po. ¹³ Iho mangi kawia warudi, "Mpungeni mndu chu mawoko na madende mkumbenyi nja momenyi amu ipo kuode kilio na isua maigho. ¹⁴ Amu wandu wafojie wanadikirwa, kake isamburwa nyiwaitale. ¹⁵ Nyiho andu Mafarisayo walekure na ija kila ke mwada Yesu ko shidedo shake amonyi. ¹⁶ Nyiho andu alewaduma waloshi wawo andwamu na Maherode. Na walembia Yesu, "Mwalimu, jichi iwe nyi mndu o loi na nyuchiloshia shindo sha Ruvwa loi. Nama okenaroghwa mawaso wa mndu ungi po na ukinekundia mndu mndu uungi po. ¹⁷ Koi kyo jiwie, ngikyo ukinekusara? Je, nakiinyari iliha kodi kodi kaisari ana wai?" ¹⁸ Yesu nyalemanya unyamari uwao kaamba, "Ngiki mnangireghesha inywe uwarengi? ¹⁹ "Ngilorenyi hela sa mchilipia kodi," Nyiho vwakamwendye dinari. ²⁰ Yesu kawawesera, sura na rina ji shau.? ²¹ Wakamtalwa, "sha kaisari" nyiho andu kawawia, 'Mnengienyi kaisari shindo shake na Ruvwa mnengienyi Ruvwa. ²² Iho vweichwa kudo wakaingasio. Iho vwakamda wakakure. ²³ Mkono cho Masadukayo waitale walecha ko Yesu, waja vweamba kuode ufufuo o wafu po, Wakamwesera. ²⁴ Wakaamba "Mwalimu, Musa uyaleamba, koja mndu apa alefeje wana, mndwavwo apemrisi mkoja na mnenge mwana ko kitevwi kya mnduvwo. ²⁵ Wekeri wandwavwo saba o kuvwoka nyewedwaje ade kapa alame fee wana kamdeja mndwavwo mka. ²⁶ Halafu mndwavwo o kawi kauta kudo- kudo, nauja o karadu kikawa kudo nauja o saba. ²⁷ Baada yeuta kudo woose mka uja nacho kapa. ²⁸ Lwaha ufufuo o mka chu uyapewa mka oau lwaha kati vwandwavwo saba? amu wose vwamdwaje." ²⁹ Kake Yesu nyalowatalwa kawawia, "Mwekenedekwa, kitewi mwichi mregho na pinya sa Ruvwa po. ³⁰ Amu ufufuonyi kuode idwaa na idwajwapo, Ipo wanduwakeri cha malaika waipo Ruvweu. ³¹ brahimuKake irusa wandu wapie mlemesome kija Ruvwa alikiamba kwanu, kaamba. ³² Inyi nyi Ruvwa o Ibrahimu, na Ruvwa o Isaka, na Ruvwa o Yakobo? Ruvwa chi Ruvwa o wafu, andi nyi Ruvwa o wandu vwavukie. ³³ Kyeri kyo isanga iichwa kindo ikyo, vwakaing'asio kilocho kyo. ³⁴ Kake mafarisayo iichwa kindo kyo ke Yesu Masadukayo wamewowa, wakadamia andwam wawenyi. ³⁵ Umu o wavwo akeri mndu o sheria, kamwesera komregheresha. ³⁶ Mloshi, nyi amri njiki nduwe iida singi sose? ³⁷ Yesu katalwa, "Nyilasima umkunde mndumi ko ngoo yapo yose, na urango wapo woose. ³⁸ Iki nyiyo iwawaso jidue ja kuvwoka. ³⁹ Na ja kaawi jilungiranie na ijo Nyi lazima umkunde mndu o mrasa wapo chandu ukukundie kumonyi. ⁴⁰ Sharia sose manabi weting'idye mawawaso iwa wewawi. ⁴¹ Na mafarisayo walamedamia andwamu, Yesu kawesera. ⁴² Kaamba, kuda mkinekusara ko ichu Kristo? Icho nyi mwana o awu? Wakamtalwa, "Nyi mwana o Daudi." ⁴³ Yesu kawatalwa, "Nyi ko kuda Daudi makidi na ngoo achindikira mndumi, kaamba. ⁴⁴ Mndumi nyalembia Mndumi o kwa, Damia kookonyi kokwa ko kujo, iho andu wawichwa wapo waderwamadendenyi wapo?. ⁴⁵ Koja Daudi nyachindikira Kristo "Mndumi," kuda apewa mwanamke?" ⁴⁶ Kuode mndu aledima mtalwa kidedo sepo na kuode mndu alekarija iwesera se mkono cho na inu.