¹ Koikyo umangi o revau nyufanaruye na momukya mdeme aletukwa kitalanga mnu ili naajiri vafanyakazi mdeme wake o mzabibu. ² Vekubaliana na vafanyakazi dinari imu fuma kitalanga mpaka kiukwanyi, nyelevaduma kwaenda mdeme wake o mzabibu. ³ Kaenda baada ya masaa vwaradu kaonapo vavafanyakazi vwengi vwamkye bila uya eneo ja sangada. ⁴ Kavavia na inywe dambukanyi mdeme o zabibu na kyokyose kikeri helali ngapevavinga kyo ikyo vakandeuta kasi. ⁵ Kandavuka kavi baada ya masaa sita yeshika saa tisa kauta kudo kudo. ⁶ Yeshika kavi saa kumi na inui kaenda kavakoja vwengi vaoda kasipo kavavavia ngiki mmomukana iha mlaode, mlaode kazi yoyose ko siku yose. ⁷ Vakambia kitevi kaode mdu mejiajiripo, kavavia nainywe dambukenyi mdeme o mzabibu. ⁸ Yeshika kiukwanyi monyi mdeme o mzabibu kambia msimamizi wake vadikire vafanyakazi na uvaninge mshahara kuanza o mwisho hadi o kwanza. ⁹ Vecha vajaveleajiriwa saa kumi na imu kila umu nyeleadija dinari. ¹⁰ Vwakacha vafanyakazinva kuvwoka vakakusara kee vapepata zaidi, kake vakadija kila umu dinari imu kila mdu. ¹¹ Baada ya yeadija malipo uvwavwo uwa mlala na kiya monyi mdeme. ¹² Vakaamba iva vafanya kazi vya mwisho vatumia isaa jimu tu katika irunda kasi kake nyovalinga nishe na ise ise jakudika mlagho ko siku nzima na ihya modo. ¹³ Kake monyi mdeme kavatakwa kadeda na umu, mongo ngauta kivichwa po kae japatano nainyi dinari imupo? ¹⁴ Adija kija kyapo halali yapo udambuke, nyi irokywa jakwa ivaninga vifanyakazi nyi kicha kokwa ivaninga vafanyakazi vajiriwa mwisho kimu na igwe, vajiriwa anduamu na igwe. ¹⁵ Ke nyi haki jakwa kija ngapeuta na mali sakwa ana riso japo jivishwa kitevi inyi mdu mcha. ¹⁶ Kwo ikyo o mwisho apevwa o kwanza na o kwanza nyo mwisho. ¹⁷ Yesu igheri akanadago ienda Yerusalemu, nyerikirya vwaloshwa vake ikumi na ivwi mbarinyi, na njia kavwavia. ¹⁸ Lamwenyi jikanenda Yerusalemu na mwana o Adamu apevwiko mokonyi mo vwadue vwa makuhani na vaandishi vakangihukumu kipu. ¹⁹ Narwa vapefuma ko vandu va isanga ili matika vamrase na mbula na imsulubisha. Kake mfuri okaradu aperuka. ²⁰ Mae o mwana o Zebedayo kacha ko Yesu na u wana vake kadendi mbele yake na imtereva kindo fuma kwake. ²¹ Yesu kambia ngwiko ughuri? kambia amba vwana uwevavi vwadamiye umu kooko kujo na ungi kooko ko kumoso katika umangi wapo. ²² Kake Yesu kamtalwa na ideda uichi kisa ukenakitereva po na upedima inywa kikobo kimu na inywe? vwakaambia jipendima. ²³ Kavavia kikobo kyakwa na loi mpekinywa kake idamya kooko kokwa ko kujo ana kooko vokwa ko kumoso ijukumu jakwapo ivanengapo vaja vaandaliwa ka papa o kwa. ²⁴ Valochwa vengi veichwa kudo vakahuzunishwa sana na java uwengi vwavi ²⁵ Kake Yesu kavwandikira na ivwavwia na muichi udue o masanga nyaduvatisha kwandu na vadue vechinota mamlaka vakeri uyeavwo. ²⁶ Kake ilavwe kwanu icho auriva mdue wanu lazima nave mtumishi wanu. ²⁷ Koja uuriva o kuvoka kati ya vengi lazima uve mtumishi o vengi. ²⁸ Chakundu mwana o Adamu alecha icheutwapo bali nyi itumika na ifuna uhai wake ivwa utavirija o va foje. ²⁹ Vakati vake nafuma Yeriko Isaya jidue jikamvadiya. ³⁰ Na kovaona vandu valaoniye vwavwi vadamije mbarinyi ya barabara, veichwa kee nyi Yesu akanaida, vakakava oledo na ideda mndumi mwana o Daudi, Ngiadiya makene. ³¹ Kake isango jikambokia na ivavia vwovwenyi na kudo vakakavwa olodo na lamba mndumi mwana o Daudi ngiadiya makene. ³² Yesu kainuka kavandikira na ivaesera muuri ngivautie kiki? ³³ Vakambia mndumi pumwa meso vedu. ³⁴ Ikyo Yesu ekurwa na makene kaada meso vavwo saa yo vokaadija oru loona na ividiya.