¹ Mafarisayo na Masadukayo velemcheja na imgheresha Yesu navalove isingia ikenafuma ruveu. ² Kake Yesu kavatalwa na ngakuviya kee "koja nyi kiukwanyi mkena amba kee hali ya hewa nyi njicha, ko koja ruveu nyi torodu. ³ Nakitalang'a mkenaamba? Hali ya hewa inu chi nyichapo mekoja ruvu nyi itorodu na marindi vashike ruveu kose. Mwichi idambuka kiaro ionikana o ruveu kake mpedima idambuka ikunyia sha kigheri. ⁴ Ushoo mbicha na musingo kikenashingha ikunya, kake kuadepo ikunya sheshese kipeningwapo, kake iya ya Yona kake Yesu kavatia na kadambuka sake. ⁵ Valoshwa vakacha ng'aliko ya kavi, kake vekeri vamevadima iria imkate. ⁶ Yesu kavavia "Kulesenyi na muve meso na isakia sha Mafarisayo na Masadukayo." ⁷ Valoshwa vakaveserana gholosi yavo na omba. Na kitevi jairiapo mkate. ⁸ Yesu nyelemanya ikio neamba, "Enye muode ngoo, ngiki mkenakusara neveana gholosi yanu neamba kee nyi kokitevi mweriapo mikate? ⁹ Kate mwichipa nama mkenakumbukapo iya mikate itanu ka vandu alufu sitanu, na shikapu shinga masang'iriya? ¹⁰ Ana mikate itanu na shivi ko vandu alufu sitanu na shiradu na shikapu nga muleiria? ¹¹ Kivakude kee ata mlapeichwa kee gevekeri gangenadeda nainye uye ya mikate? Kutuze na kwingenyi na mdolorika o Mafarisayo na Masadukayo." ¹² Najo vwakamanyi nyekeri manabii uye o kuringa na mikate iode na mdodorikwa, andi ukwinge na mafundisho va mafarisayo na Masadukayo. ¹³ Kigeri Yesu eleshika andu ko Kaisaria o Filipi, kavavesera vwanafunzi vake, kaamba, "vandu vakenaamba kee mwana o mdu nyi uga? ¹⁴ Vakaambia, vengi vakenaamba kee nye Yohana Mbatizaji, vengi Eliya, na vengi Yeremia, ana nyumu o manabii. ¹⁵ Kawavia, inye mkenaamba inyi inyi unga? ¹⁶ Ko injwa, Simoni Petro kaamba, "Igwe nyi Kristo Mwana o Makilunga akeri amkie." ¹⁷ Yesu kamjibu na imbia, "Nyoningiwa mbora ingwe, Simoni Bar Yona, ko mekoja ndakame na nyama shiledimarimijapo ikipo, andi Bapa okwa akeri ruveu. ¹⁸ Nainyi kavi gakenakuvia kee ingwe nyi Petro, na uye ya irara, iji gapejichumba ikanisa jakwa. Mongo o urumunyi upeshindapo. ¹⁹ Ngapekunigia igwe funguo saa umangi o ruveu kiokiose upekishinga orikenyi kipeva kimeshingiwa ruveu, na kiokiose upekisinga orikenyi kipeva kimeshingiwa ruveu na kiokiose upepunguja orikenyi kimepungujwa na ruveu." ²⁰ Kavi Yesu kavavia valosha valambie mdu wowose kee icho nyekeri nyi Kristo. ²¹ Ifuma funu icha Yesu Kristo nyeleoka vaviya valosho kee nyi lasima nadambuke Yerusalemu. Iviniswa ko shindo shifoje ko mokonyi va vasuri na vaduwe va makuhani na varengi iva na iruka mfuru o karadu. ²² Kavi Petro kamwiria Yesu mbarinyi na imikimbia, ko amba, "Kindo iki na kivenaigwe kuracha naigwe mdumi , iki kilafume kwapo. ²³ Kake Yesu kagaluka na imbia Petro, "Uya numa yakwa mokituva ingwe nye kichi kokwa ko amu uuri shindo sha makilunga kake shindo." ²⁴ Kavi Yesu kavavia valoshwa vake, "Cha mdu wowose kashika ngivadia inyi, na lazima nakukane icho amonyi nawirie msalaba wake na givadie." ²⁵ Kokoja awri ilesa ngoo yake apevadesa, na kowowose akenadesa ngoo yake ko kitevi kiyakwa apelesa. ²⁶ Lwaha ngikio mudu apepata orikeyi lose kake kadesa ngoo yake? Adi! Nyi kindo kiki akiuri mdu ko ilachana na ngoo yake? ²⁷ Ko mekoja mwana o Adamu apecha ko mwela o Bapa wake na malaika vake. ²⁸ Loi gakenavavienyi kuode vanina vavo muimukane ino kuade valapesaja kipu mpaka ihoandu vapemona Mwana o Adamu akacha umangi wake.