¹ Ko kigherikyo, Herode nyaleichwa kidedo kya Yesu ² Akavavia valoshwa vake, "Ichu nyi Yohana Mnenga mbora ameruka amefuma ko karimu. Ko ikyo oro ile lukeri uye yake." ³ Koikyo Herode nyelekeri amemwada Yohana akampunga na akamkamba jela kokitevi kya Herode mka o Filipo msachake. ⁴ Koikyo Yohana nyalembia, "Kindo kichapo irya nave mkake po." ⁵ Herode nyemwagha kake nyelevaogwa vandu ko kitevi nyalemwona Yohana nyi nabii. ⁶ Kake kigherikyo kya furi yeoni ka Herode yeshika mpu o Herodia nyaleshina makidi ya vandu emworosa Herode. ⁷ Kake ijibu nyaleja mma nyapemninga kyokyose apeki teva. ⁸ Bado etingwa na mae nyeleamba "Ngininga inyi iha kikobo mdo o Yohana Mningambora." ⁹ Mangi nyekeri na kisaro kya kiterevo kyampu. Kake ko mma vyake kokitevi vose vekere kandanyivose nacho nyelemru nyainyarye nautwa. ¹⁰ Nyalemduma Yohana naendwe efuma jela. ¹¹ Matika nadubwa mdo wake na kikaendwa uye ya isinienyi akavungwa mpu na akakidamada ka mae. ¹² Kake vakulosha vake vakacha vakairya osese uja na vakamrika, baadae vakadambuka ndimbia Yesu. ¹³ Nacho Yesu eichwa isho kasama kufuma andu aja kadoja ngalawenyi kadambuka andu kutengya. Kake isanga jemaya andu akeri vakambadya ko mdende fuma manyi. ¹⁴ Kake Yesu nyalecha oshangunyi lwavo akaona isanga jidue. Kavaadya makene na kavachara nduari yavo. ¹⁵ Kiukwanyi yeshika valosha vakacha kwake na eamba, ili nyiandu ko olukukunyu mfuri akeri umeida vataghanyike isanga kitevi vadambu shatalunyi vandeura kyeja ko kitevi kyavo. ¹⁶ Kake Yesu kavavia, "Vaodepo hamu yedambukapo. Vaningenyi inywe kyeja." ¹⁷ Vakambia, wai jode mkate itanu na makungo vavitu. ¹⁸ Yesu kamba iyendenyi kokwa. ¹⁹ Kake Yesu kaamru isanga jidamye wanda ya mara. Kairya mikate itanu na makunga vavi, kalambwa uye ruveu, katereva kaubenjwa mkate kavarungwa valosho. Valosho vakauningya isanga. ²⁰ Vakaja vose naeiuda. Vakashisangirya shibenju shose sha kando na ichuris shakapu kumi na shivi. ²¹ Vaja veleja velekadirawa vomi alfu sitanu bila yetala vaka na vana. ²² Mara imu akavaamuru valosho vangwe ngalawenyi kigherikyo icho kavasama isanga vadambuke savo. ²³ Bada yesama isanga adambuka savo kadoja uye ifumbunyi etereva amwonyi kigherikyo kyakeri kiukanyi nyekeur ipo icho amwanyi. ²⁴ Kake lwaha ngalawa ikeri makidi alubalunyi i kataritari ko kitevi kya marindi mana orukuta nyokeri ukarije. ²⁵ Katika kiyo kya okamba lokana Yesu kavashikya edambuka uye mringa. ²⁶ Wakaticho valosho vake vakamwona edambuka uye ya olubalubalunyi vakaogwa ededa "Nyi Msuka." vakakava kelele ko iyogwa. ²⁷ Yesu kavavia mara jimu kamba, "Kurungenyi ngoo nyinyi mlaagwe." ²⁸ Petro kadeka kamba, Mndumi chekira nyigwe, ngiamuru ngiche kwapo uye ya mringa." ²⁹ Yesu kamba, "Nyionyi," Koikyo Petro kafuma ngalawenyi katembea uye ya mringa kaenda ko Yesu. ³⁰ Kake Petro eona mawimbi kaogwa, kaivoka elama, wanda, kadikira ko olodo kamba, "Mndumi ngiokowo!" ³¹ Movinyi Yesu kogharwa koko kwake kamteshwa Petro kambia igwe ongo nyinina ngika uvode wasiwasi erukuta? ³² Nacho Yesu na Petro vakaingya ngalawenyi arukuta ukausha erukuta. ³³ Vakilosho ngalawenyi vakamwabudu Yesu kadeda," igwe loi nyimwona o makilunga. ³⁴ Na vemaraja euruka, vakashika orika lo Genesareti. ³⁵ Na vandu va andu aja vemmanya Yesu vakaduma mmbele ko kilaandu mbirinyi nende uja akeri aodo nduari. ³⁶ Vakamtereva kwamba vadime ewada olecholo nguvo yake, vafoje vajavalegusa vakachiha.