¹ Kieri ikyo Yesu nyelenda sabato iindia mdememenyi. Vataramwa vake veveondwa njaa na vakifoka ifunja njoroko na ija. ² Ade mafarisayo vameona kudo, vakamfia Yesu "Kalambwa vakiloshwa vape vakefunja sheria vakenta kinyamaro, vakeuta ilakeri mko uja sabato." ³ Ade Yesu kavavia, "Mlekulosha chakundu Daudi eleuta, kigheri iveondwa njaa, kieri ikyo nyevekeri na vandu vake? ⁴ Kigheri kyeingia numbenyi ya Makilunga na ija mkate oilorwa, kake ivekeri ya uhalali po iija na vaja evekeri navo, koucha Makuhani? ⁵ Bado mmekulosha uloi, kikevi mkono icho asato makuhani numbenyii ya orika luchenyamara Sabato, lakini vaode ovichwa? ⁶ Kake ngaamba kwanu uja akeri mdue orika akeri iha. ⁷ Mbele muichi kudo nyamaanisha kiki, Ngauri shicha shilave shivichwa, mlachevahukumu na vaja valekeri hatienyi, ⁸ Kokitevi Mwana o Adamu ncho msima o Sabato." ⁹ Ada Yesu nyelekwe aja kaeda kiterevonyi kyavo. ¹⁰ Lanye kuveoda mndu eveoloje kuoko. Mafarisayo velemvesera Yesu, vakaamba, "Je, na kicha ikira wakati o Sabato?' Kinesa vadime iuta unesi vamshitaki. ¹¹ Yesu kavavia, "Nyyunga kati yenu apeviwa aode huondo jimu na imondo ijo jikagwa irungunyi mko icho o sabato apedikija imwada na imfuna irungunyi. ¹² Lanye ngivyo kiode ucha kitengikye na kikevi vya imondoo; koikyo nyiuta ucha o Sabato. ¹³ Ade Yesukamvia mndu ghorwa kuoko nakunusane kinesa vade oru, chakundu uja ungi. ¹⁴ Ade mafarisayo vakafuma nnja ipanga imwamisa vakauta kiungi kyake. vevekeri veshigha chakundu vape mnagha. ¹⁵ Yesu amemanya kudo kakwe iho vandu vafoje velemvadya nacho akavakira vose. ¹⁶ Nyelevatanava walachetevi namanyike kovengi. ¹⁷ Kinesa itumike uloi uja,kija kivekeri kimededwa na nabii Isaya, kaamba, ¹⁸ Lambwa mtumishi okwa ngelemsambura mongo okwa, katika ngoonyi kokwa ngelemkunda. Ngapedera ngoo yake uye yake na nyapetangasa hukumu ya mataifa. ¹⁹ Apepurukana nama ifughe ko oru nama na wowose acha alaichwe kyo kyose nganasenyi. ²⁰ Apekarija ifunja tete jichurughujwa, aperumisha utambi wowose ukeri funa musu nyiho mpaka naende hukumu akameshinda. ²¹ Na mataifa navo vaade ujasiri ko rina jake. ²² Mundu mlive abarikie meso na alaichideda nyaadya mashetani kadamadwa ko Yesu akavakira, uja alaode meso kaona uja deda kade. ²³ Vaja velekoja ana vose velekangika na ideda ni kipedima kive mwana ichu nyo Daudi? ²⁴ Kimeva kudo mafarisayo vameichwa muujisa icho vakaamba, mndu ichu akerifuna pepo po ko oru lwake amonyi ko oru lo Belzebuli mduwe o pepo. ²⁵ "Iho Yesu kamanya kisaro kyavo na kavavia, kila ufalme nyulevaghwa uja upenyamarika, na kila mri ana numba ikevangukana na vaja vanyaamari ipemukana po. ²⁶ Kokira shekani apemdichira shetani basi nyakeri ikughalusha nafsi yake amonyi. ²⁷ Nyi kuda ufalme wake upemukana? Na koje ngakefuna pepo ko oru lo Belzebuli ivo vafuasi kyo kyose vamefunapo? Kukitevi iki vapehukumiwa. Vapeva mahakimu vanu. ²⁸ Na koje ngakenafuna pepo ko wu longoo ya makilunga basi ufalme omakilunga ufalme ukacha kodu. ²⁹ Kuda mndu apedima iva ko mndu aode oru alamempunga? Iho nyiho apedima imwiivya numba yake uja wowose uja wowose. ³⁰ Lakeri kufui nacho alapesang'irya kufui na inyi icho mnyamari. ³¹ Koikyo nyelemba kwavo kila ufichwa na ufichwa wavo wandu vapesahewa, kudi imena ngoo isanjivye vapesamehewa po. ³² Na wowose adeda kidedo kinyume kya mwana o Adamu, ikyo nyapesamehewa kako uja akerideda kinyume na ngoo itakatifu, icho apesamehewa kufuiorike nyi ilu na lungipo. ³³ Ana uute kidi kive kicha na itunda jicha, jichenyamara kidi na itunda jake koikyo, kidi kichemanyika ko itunda jake. ³⁴ Inywe ufe o njoka inywe vanyamari mpedima kuda ideda shindo shicha? Kokitevi momu uchededa huna akiba ya shija shikeri ngoonyi. ³⁵ Mndu mcha katika akiba njicha ya ngoo yake ifuma ucha na mndu mvichwa kufui ha akiba mbichwa ya ngo yake, nyefunya kikeri kwichwa. ³⁶ Ngakenavavia ke wakati wa hukumu vandu vamefuna hesabu kila kidedo kilaode maana valeamba. ³⁷ Koikyo shidedo shake shipeitalwa loi ya shidedo shake apehukumiwa. ³⁸ Ade kufui na vaja vanakenaregheriya na mafarisayo velemtalwa Yesu wakeamba mwalimu, diveuri iona ishara ifuma ko." ³⁹ Kake Yesu nyeletalwa na ivauriai kesasi kivichwa na usinzi kikenashigha ishara. Kake kuode ishara ipefunwa kwavo, kilacheva cha ishara ja Yona muiroto. ⁴⁰ Cha uja nabii Yona aveke ndooni ya ikunga jidue ko mfuri iradu kio na msanyenyi, kudo mwana wa Adamu kudo upeva numbenyi ya ngoo yapo ya orika komfuri ivadu msanyenyi na kio. ⁴¹ Vandu va Ninawi vapeimka mbele ya hukumu kufui na oshao lo karadu iva vapekihumu. Ko kitevi veletubu ko mahubiri ya Yona na lambwa vandu valive mdue kuliko Yona nyakeri iha. ⁴² Malikia o kusini apeteshuka aja hukumunyi anduamu navandu va ishao iji na kukihukumu. Nyelecha ifuma miisho ya orika icha iadanya hekima ya Selemani, na ilambwa mundu mlive mdue kuliko Selemani akeri iha. ⁴³ Wakati orukuta luvichwa lukafuma ko mndu iida andu kulaode mringa eshigha itotora, kake akeriona ihopo. ⁴⁴ Ade nyakereamba ngapeuya numbenyi yakwa ngereifuma awepo ukuta uja numba imesafishwa nyikeritayari. ⁴⁵ Ade naidambuka indevaerida vengine ngoo vachaf saba vake vavichwa kuliko icho, vechecha iche daima vose aja. Na hali yake mwisho nyicheva mbichwa kuliko kwighoka. Kudo na kudo kipecheva kisasi kiofu. ⁴⁶ Wakati Yesu avekeri akededa na umati lambwa mae yake navandwavo veleimuka nja, vakashigha ideda nacho. ⁴⁷ Mndu umu akambia, "Lambwa mao na vandwanu vaimukye nja wakeshi vadede nacho." Kake Yesu nyaletalwa na ivavia uho alemjusha, Jejo okwa nyunga na vandodu vakwa nye vaki" ⁴⁸ Kake Yesu nyaletalwa na ivavia icho elemjusha, jejo okwa nyunga? Na vandodu vakwa nye vaki? ⁴⁹ Nacho nyeleghorwa kwako kwake ko vailoshwa vake na ideda, lambwa iva ni mama na vandodu vake. ⁵⁰ Koikyo uja wowose auta mapenzi va papa okwa okwa vuvenyi, mndu icho mndodu, msacha okwa na jejo okwa."