¹ Wawitiimar dori aslaqamis ne he qaymor kom. oatlay matlatle ba/aa muk gadiye nguwa qasi bara qaymoros ar mizabibu. ² Qamar tiwa axwesinis layee gidaba ng'wabui ner dinari wak tlatla/angw slemero ngina ya/aw iwatlayaa bara qaymorosw ar mizabibu . ³ Inatlay maleele qomar masaa tam inawawarahh ne nginaar mukgadiye ohatlaa lassihhit igadiyer konaaka bara yamusoko. ⁴ Nginabay kungaslemu tlawsee bara qaymor mizabibu ne toda harim ngihanis. Idosiye gadiye nginatlehhar ayee. ⁵ Inatlay maleele loar lahho maleele loar gwalel ne aqoidosir kila nginatlehh. ⁶ Ki/lina hatlae maleele bara loar mibane wak inatlay ne nginadisiay muk hatlaa tasihhimit igadiyer konaaka.. Nginabay amila gartadisi wa sihhimitaa gadiyerta kondaa ikandaa ikahh? ⁷ Nguna bayee asma he tundagadiyer harisikahh. Nginabaykungaa sleme tlawee bara qayamor mizabibu. ⁸ Afeqamaror tsindo niwaxayee he qaymor mizabibu hedaa sagesihhimit ngunabay sagagiyuse atete buutuin kuharis imu/ume nerhoda oalhheesay e ogera. ⁹ Niwahardahhiyee koda oloar miba ne wak gar ailaohhiyee adinari umohewo. ¹⁰ Niwahardahhiye kodaa ogera, garfaharaxu ar ur ngiilaohiya ala umoqohe ake garlahanisi aqo dinari wak ¹¹ Abuubuutuin ng'uwa ilaohiyee tana qununu/usay dir he qaymo. ¹² Kunabay mukwi oalhhesay gadiye kona tlehh saar wak kilos ala kuung inaqomes ne aten aten huwa inalohisan delor biti slemero ne hamhami tundure er. ¹³ Ala he qaumo he wale dir-ine ngunamu/eats ngunabay, Mulqumo ganatlehh katlakweka xay! taatoslawarnike nianing gawa dinarir wake? ¹⁴ Ilaohe todar harimarog tatler Aqwala/oee ngiawabuu sagadiyuseriar-alhhesay qomay ne kuung. ¹⁵ Xay aganaamuwake dir-ene ngiwatleh lodaa aning' nislaa ne malir-ee? kuung ilatog ka tlakw asma amitiwahhoo? ¹⁶ Adosiye ogera ioaihhesay tlehhit ne oalhhe esay iogera tlehhit. ¹⁷ Yesu qomar iwalsa/aan Yerusalemu iale eharuseros miba ne tsar nginahu her bihhwos ne uruwaro ngina bay. ¹⁸ Arok a Yerusalemu kawan ne Na/ay Adamu kuqas bara dabaa uruse makuhani ne waadishi. Ngusa kwaslemu tiyaa gwaarariale. ¹⁹ Ne nguduxiyaa amor muw tsifiri hatlo nguwa kata/amisiya ngudifiyaa ne ngu/sa/asiyaa gawa pehhi. Ala balo tame ni wasle/ee. ²⁰ Aluwo ayir na/ii Zebedayo ninaxer amar Yesu ne /amena. Inagurungurureit gerawos ne ga ngire amoros-ofirin. ²¹ Yesu nginabay gartaslaa amila? Ngunaber oegidaba ne /iiee kokaslar ta iwik owale dakog o/iyay ne owale dakog o/iyay ne owale dakog obasa bara wawikmaroge. ²² Ala Yesu nginamu/ewats inaoo. Axuukagartafikirin. Xay! aalera kawaarowat kikomber aning ner wah? Nguna bayee aale slawan. ²³ Ngina bay kikomber-eeloemao aarwataa. Ala iwitanangw dakwee o/iyay ne dakwee obasay tisiadandoeneka hanisaro. Ala ador kodaa tagaroiamohhees ne baboee. ²⁴ Eharuse darhatlaa mibangw idosi kawa axas tanagurhamut loowaale asma hhaedas tsar. ²⁵ Ala Yesu ngina atet inos okoilaa ne nginabay. Axuaa gidaba uruser xoro mungun deetla giyaa, ne uruse in gartatlehhit atodar muk gawa dir- ine. ²⁶ Ala miwaidos tlehhit dir hunge. Dirhunge heqo uray nguslaa tla/angw hunge garharim oqoin sagadiyusumo kung tlehhit. ²⁷ Ne he ngislaa tawa he gera dirhunge garharim aqoin sagadiyusumo hung tlehhit. ²⁸ Idor Na/ay Adamu naxayika kuwasagadiyusi asagadiyuma, ne slafingos nguna duxar-ay tawa ba/amar muk yarir. ²⁹ Qomar tawa Yeriko dahhi bo/ar ur ngunaehad. ³⁰ Netapu tsar ngina aryaataiwit bahhi urwa. Kawa axas iwawararahhi tanatsaa ne tanaoo. Aako Na/oo Daudi tigurtler. ³¹ Ala kinaigahhat ne muw ne kinabay xatletee. Tamu ne idosiye insiri tanakomit afor-in kanaak dux ne tanaoo. Aako na/o Daudi tigurtler. ³² Aluwo Yesu inasihhit ne ngire atet ngiregahas Gartaslaa nuittlehh amila? ³³ Kunabay Aako gartaslaan ilaren kigweri. ³⁴ Aluwo Yesu kuna urux ne gurtlemoilain ngina kwatit siwasirkila ilainagweritiyee ne Yesu nguneehariyee.