¹ Akahega apo akaluta kunnjini gwavo,na vakondi va mwene vakankonga. ² Ilijuuva lya Lutumeelo akaanda ukumanyisya mu li-Sinagogi.Avanu viingi vakapulika nu kuswiiga. Vakajova vakate, upatileku ulumanyisyo ulu?" "Luhala luki ulu lulwa upeviwe?" Pu akavomba ifiswigo ifi kumavoko gamwene? ³ " Uyu si vii mwana va nselemala,u Mwana va Mariamu nu lukolo lwavo va ava Yakovo, Yose,Yuda nu Simioni? Ava dada vavo si vuvala vavo vitama bahapa paninie nufwe? U Yiisu savahowile? ⁴ U Yiisu akavavuula akata, " Unyamalago si hesimiwa ku kilunga kya kumiave na kuvalukolo lwa mwene na kumiave" ⁵ Sa vombile ifidego apo, kange akavavikila amavoko avatamu vadebe vakapona. ⁶ Aswigile fijo ulwakuva valemilwe ukwidika.Pu akafigendela ifijiji ifya pipi akamanyisya. ⁷ Akavilanga avakongi vala ikijiigo na vavili. akavapa amaka agakuheja imeo imbivi, nu kuvavula ukuta valeke ukutwala kikyoni vuviluta puvatwalage ingomo yeene. ⁸ valeke ukutwala unkate, hata umpako, kange hata indalama mupako. ⁹ Kange puuvafwalage ifilatu, na siyo ikanju ivili. ¹⁰ Akavavula inyumba yeyooni iyi akya mwikwingila, mtamage bahapo impaka ilijuva lya kuhega. ¹¹ Uvujenge vwuwoni analeke ukuvuupila kange ukuvapulihija, hega kuveene, pu mvalekelage ulufumbe ulwa mmalunde giinyo, kiive kimanyiilo kuveene. ¹² Vope vakaluta vakavavula avanu vapele nu kufuleka uvutula nongwa jaavo. ¹³ Pu vakaheja imepo jinyiingi, vakavabaka na mafuta avatamu kange vapona. ¹⁴ Pu untwau- Herode avile apuliik ago,ulwakuva ilitawa lya Yiisu lyamanyikike fijo. Pu avange vakajova vakate," u Yohana ummwoji ajuukile na kunongwa iyo, amaka ga kuvonesya ifiswiigo yivomba imbombo in'gati mumwene." ¹⁵ Pu avange akajova vakata, "Uyu vi eliya,"Kange avange akate, " Uyu vi nyamalago,inave injavo va vala avanyamalago va katale." ¹⁶ Alakini u Herode avile apuulike hayo ajova akata, "Yohana, yuywa nan'gidileuntwe ajuukile. ¹⁷ Ulwkuva U Herode yumwene avalagile ukuta u Yohana ibatiwe nukukungwa kunongwa ya Derodia ( un'daala va kakaye va Filipo) Ulwakuva umwene alintolile. ¹⁸ Ulwakuva u Yohana ambulile u Herode, "Sa lunonu ukuntola un'dala va kakayo" ¹⁹ Alakini u Herodia akaanja ukunsuula kange alinkunogwa ukummbuda,akalemwa, ²⁰ Ulwakuva u Herode alikun'dwada u Yohana;alumanyile ukuta alinuvuyilweli kange munu u mbalaje,pu akandeka nuvusalama. Avile igendelela ukumpulihij akalemela mnumbula, kange ahowike ukumpulihija. ²¹ Vavile vafike unsiki gugwene yikva lihegelile ilijuva lya kuholwa pu u Herode ava ndalila avanu va mwene ulukino, na avasikli na valongoji va ku galilaya . ²² Pu umwana va Herodia akingila nu kunema kuvulongolo kuveene, akavahovola u Herdena vahesya vavo vataamile pakulya ikyakulya kya paakimihe. Pu untwa akambula umwaliive," va kikyoni ikiwinogwa nikukupa" ²³ Akiyiiga nu kute , kyikyoni kikyo widova, nikukupa, ndavuve vutwa." ²⁴ Akahuma kuunji akambuuja uvanina va mwene, "nidove kiki'? akambula akate "Untwe gwa Yohana ummwoji ²⁵ "Nambivi akingila kwu ntwa ajova akata, "Nilonda ume untwe gwa Yohana ummooji mu sahani" ²⁶ Untwa akalemala fijo, alakini ulwakuva aiyiigile ku nongwa ya vagenji, sakam'mbela uludovo lwa mwene. ²⁷ Pu akavasuha avasikali vadebe ukuluta kukutwala untwe gwa Yohana ummwooji. Undindilili yumo akaluta kukunyiibata kukikuungu. ²⁸ Akatwala untwe gwa mwene mu sahani nu kuumpa, nu umwana ampa umama va mwene. ²⁹ Avakongi va mwene vavile vapulike ago, pu valuta kwitola umbili gwa mwene vakaluta kukusyiila. ³⁰ Ava suhwa, vakilundania kuvulongolo kwa Yiisu, vakambuul goni gago vavombile na gago vamanyisye. ³¹ Voope akavavula akate, "Mwiije baho patitu tutumeele unsiike unsupi" "avanu viingi valinkwija nu kuhega, pu vakalemwa ukupata unsiiki gwa kulya. ³² Pu vakipakila uwaato vakaluta pavutitu vene. ³³ Pu vavo vavawene vuvihega pu vingi vakavamanya pu paninie vakanyila na malunde ukuhuma kuvujene wavo wooni vakavatalila ukufika avene vuvakale ukufika. ³⁴ Vavile vafike kukimwambo pu vakavona kulilipuga ilivaha akavakolela ikisa, ulwakuva vaale ndi ng'oosi imbula ndiimi. Pu vaanda ukuvamanyisya inongwa jinyiingi. ³⁵ Unsiiki vugulutile fiijo, avakongi va kiija vambula vakata, ³⁶ "Apa poonu pavutiitu nu nsiiki gulutile. Wilage kuvanu vahege valute kuvujenge vuvya vulipii napa vakiguulile ifyakulya" ³⁷ Pu mwene akavaanda akate, " Vape umwemwe ikyakulya " Vakambuula vakate twiwesya ukuluta kwigula imikate iginyanteengo ugwa dinari ifijigo fijigo fiviili nu kuvapa vala? ³⁸ "Akavavuja akate mlini mikate gilingi? luta mkalole" vu vagiwene vakammbuula vakata, "Imikate gihano ni isamaki ivili. ³⁹ Akavavula avanu vatame pasi pa linyasi iliigu mapuuga mapuuga. ⁴⁰ Vakavatamika mu mmapuuga; amapuuga ga fijigo kijigo, ifijiigo fihano, ⁴¹ pu akalola kukyanya akafisaya avapa avakongi vavape avanu. Pu akavagavila isamaki ivili ku vaanu vooni. ⁴² Vakalya vooni impaka vakiiguta. ⁴³ Vakalundania ifimendo fya mikate gigyo gisigiile, pu fiija ifituundu ikijiigo ni fiviile, paninie na masigalilo ga samaki. ⁴⁴ Vaale avagosi avaelufu vahano vavo valiile ⁴⁵ Pu akavavuula vipakile mu mbwaato valute kuvunge, imaka ku Bethsaida, vu umwene alipakwilaga ku vaanu. ⁴⁶ Vavile vahegile akaluta kukiamba kukudova. ⁴⁷ Kwavile vufike uwiila nu waato wavo vulipagati pa nyanja pu mwene akava mwene kulukaanji. ⁴⁸ Avavwene vuvi gatajiwa nu gendeja uwaato kunongwa ya mepo akavavuja. Gwavile gufika unsiiki gwa pavusiku akavalutila, kunu igenda pakyanya pa magasi, akava inyakuvaluta. ⁴⁹ Vavile vambwene igenda pakyanya pa magasi, vakiingila na masyaka vakata pamu misyuuka pu vakakoola ingoolo. ⁵⁰ Ulwakuva vambwene pu vakava vadwaji. Pu akajova navo akavavula akata, " Muve vanu vanyalwikasyo! nene yune! Mleke ukudwaada." ⁵¹ Akiingila n'gati mu waato pu imepo yikiima ukukuula, vope vakaswiiga fiijo. ⁵² Kange pu savalumanye imaana ya imikate giila. Ulwakuva uluhala lwavo lwale luteta. ⁵³ Vavile valowike kumwambo, vakafika kukilunga kya va Genesaleti uwaato puu vukiimika. ⁵⁴ Vu vahumile kunji ku waato, pu vakammanya. ⁵⁵ Pu vakanyila kukuvavula kuu mmpandulo gwooni nu kwanja ukuvatwala avatamu na machela kwoni kukwa valikupulika ikwija. ⁵⁶ Poni baho alinkwingila ku fipanga na kuvujenge na nkiilunga, vakavavika avataamu pagati pa lyulilo pu vakansiimilija aviidike ukwibata padabe umwenda gwamwene pu vakapona.