¹ Vugusilile unsiki gwa Lutumelo, u Maliamu magdalena nu maliamu umamaye va yakovo nu salome, vakagula amafuta amanonu .aga kuluta kukubaka umbili gwa Yiisu neke vuvikwandala kusyila. ² Pavusiku vwokilo ilijuva ilya kwanda iya ndungu gula, vakaluta kulipumba ilijuva vulihuma. ³ Pu vakaanda ukujova vavo kwa vavo vakata "Veeni ikututanga uvakulibilusya iliwe neke twingile mlipumba? ⁴ Vuvilola, vakambona umunu atalile abilwisye iliwe, lilyo lyale livaha fijo. ⁵ Vakingila mulipuumba akambona undiimi afwalile umwenda umbalafu, atamile kundya, vakaswiga fijo. ⁶ Akavavula, "Mleke ukudwada" Mkundonda u Yiisu u N'nasaleti, yuywa akatoveleliwe pa nsalaba, Ajuukile! Asipali apa. Lola baho akavikiwe. ⁷ Luta mkavavule avakongi va mwene nu Peteli ukuta avalongolile ukuluta ku Galilaya. Ukwa mjikumbona, nduvu akavavulile." ⁹ (Ibata: Uvusimbe uwakatale vulivuvule Malika 16:9-20) Vyokilo isiku iyapawando mu juma ila,vu ajuukile, akang'umila Maliamu Magdalena, yuywa ukuhuma kumwene ang'umije imepo saba. ¹⁰ Akahega nu kuvavula vavo vale paninie nu mwene, vuvalemile inumbula jaavo nu kuhumia inyihoji. ¹¹ Wakapulika ukuta mwuumi avonike, alakini savalikwidika. ¹² (Ibata: uvusimbe uwakatale mbula Malika 16:9-20) Gukaluta unsiiki akivonesya ku njila iyiinge kuvaanu vavili, vavile vigenda munjila. ¹³ Vakaluta nukuvavula avakongi avange vavo vasigiile,alakini savakiidika. ¹⁴ ( Ibata: Uvusimbe uvu vusimuli mumbusimbe wa katale Malika 16: 9-20) Unsiiki ugunge u Yiisu akahumila ku vala ikijigo na yumo vuviniime pakyanya pameza, akavatanila ulwakuva savalikwidika ulwakuva inumbula jaavo jaale ng'afu,ulwakuva savalikwidika vavo vambwene vu ajukile ukuhuma kuvufwe. ¹⁵ Akavavula akata. "Mulutage munkilunga kyoni mukalumbilile ilimenyu kuvaanu vooni. ¹⁶ Vivoni uyuikwidika nu kwojiw ipona ula yuywa sikwidika ihigiwa. ¹⁷ (Ibata: Gasimuli mumbusiimbe wa katale Milika 16;9-20) Ifidego ifi filuta paninie na avikwidika.Kulitawa lyango pu vihejaga imepo.Vijovaga kunjovele imya. ¹⁸ Vikwibataga injoka na mavoko gaavo,kange vanaywe ikinu ikikibuda savakafye. Vivikaga amavoko pakyanya pa vatamu pu voope viponaga. ¹⁹ Vu uNtwa ajovile navo akatoliwa ukuluta kukyanya pu ajitamile kukivoko ikya ndya ikya Nguluve. ²⁰ Avakongi vakahega nu kuluta kwilumbilila kwoni, avile uNtwa ivomba imbombo na vene nu ukulivonesya ilimenyu ku vidego na fivonesyo filikukongana navo.