2
1
2
1 :- ಅದ್ಗೂ ಎಲೈ ಮನುಷ್ಯುಡ ಇಕ್ಕೊಕಲಾ ದೋಷಮು ಎಣಿಬಿಚ್ಚೆದಾಕಿ ನಿನ್ನಿ ನೂವೇ ದೋಷಿ ಅನಿ ತೀರ್ಪುಸೇಸ್ಕೋನಟ್ಗ ಅಯಾ . ಆ ದೋಷನಿ ನೂವೇ ನಡಿಪಿಸ್ತಾವೂ ಕಾದ . 2 :- ಅಯ್ತೆ ನಡಿಪಿಚ್ಚೋಳಾ ವಿಷಯಮೂಲಾ ದೇವುಡು ಸೇಸ್ಸೇ ತೀರ್ಪು ಸತ್ಯಕ್ಕಿ ಅನುಸಾರಮೈ ವುಟ್ಟದೀ ಅನಿ ಗೊತ್ತುಕದ .
3
4
3 :- ಎಲೈ ಮನುಷ್ಯುಡ ದೋಷಮು ಅನೇದಾನೆ ಸೇಸ್ತಾವುಡಟ್ಟ ನೂವ ದೇವುಡ ತೀರ್ಪುಕಿ ತಪ್ಪಿಚ್ಕೊಟ್ಟನೂ ಅನಿ ಯೋಚಮೂಸೆತ್ತಾವಾ . 4 :- ದೇವುಡ ಅಪಾರಮೈನಟ್ಟ ದಯಾ, ಸಹನ , ದೀರ್ಘಶಾ೦ತಿನಿ ಅಸಡ್ಡೆ ಸ್ಸೇಸ್ತಾವಾ ? ಮನಸ್ಸನಿ ಬೇರೇ ಸೇಸ್ಕೊನೆದಾಕ್ಕಿ ದೇವುಡ ಉಪಕಾರಮೂ ನಿನ್ನಿ ಪ್ರೇರಿಸ್ತಾದಿ ಅನಿ ನೀಕೀ ಗೊತ್ಲೆದಾ .
5
6
7
5 :- ನೂವ ಮೊ೦ಡತನಮೂನಿ ಪಶ್ಚಾತ್ತಾಪಮೂ ಲೆನ್ನಟ್ಟ ಮನಸ್ಸಿನಿ ಅನುಸರಿಸ್ತಾವುಡ್ಡದಾಕಿ ನಿಕೊಸ್ಕರಮೂ ದೇವುಡ ಕೋಪನಿ ಕೂಡಿಪಿಚ್ಕೊಟ್ಟ ವು೦ಡಾವೂ. ದೇವುಡ ಕೋಪಮೂ ಪ್ರಕಟಮೈಯೇ ದಿವಸಮೂ ವಸ್ತಾದೀ . 6 :- ದೇವುಡು ಪ್ರತಿಯೋಕ್ಕಲ್ಕಿ ವಾಳ್ ಕೃತ್ಯಲ್ಕಿ ತಕ್ಕ ಪ್ರತಿಫಲಮುನೀ ಇಸ್ತಾಡೂ . 7 :- ಯೋಳು ಮಾನ ನಿರ್ಲಯತ್ವನಿ ಹೋ೦ದ್ಕೊವಲನೀ ಮೊಚ್ಚಿದಾನಿ ಬೇಸರಮೂ ಲೇನ್ದಾನೆ ಸೇಸ್ತಾರೋ ವಾಳ್ಕಿ ನಿತ್ಯಜೀವಮೂನಿ ಇಸ್ತಾನೂ .
8
9
8 :- ಯೋಳು ಸತ್ಯಮುನಿ ಅನುಸರಿಸ್ದಾನೇ ಅನ್ಯಾಮುನೀ ಅನುಸರಿಸ್ತಾರೋ ವಾಳ್ಕಿ ಕೋಪಮೂ , ರೌದ್ರಲೂ , ವಸ್ತಾವೀ . 9 :- ಸೇಡ್ದೆದಾನಿ ನಡಿಪಿಚ್ಚ ಪ್ರತಿಯೋಕ್ಕ ನರಪ್ರಾಣಿಕಿ ಕಷ್ಟಮೂ , ಸ೦ಕಟಮೂ ವಸ್ತಾದೀ .
10
11
12
10 :- ಅಯ್ತೆ ಮೋಚ್ಚಿದಾನಿ ನಡಿಪಿಚ್ಚ ಪ್ರತಿಯೋಕ್ಕಲ್ಕಿ ಪ್ರಭಾವಮೂ , ಮಾನಮೂ , ಮನಶ್ಯಾ೦ತಿ , ಉ೦ಟಾಯ್ತಾದೀ . ಯೆಹೂದ್ಯಲ್ಕಿ ಮೊದ್ಲೂ , ಅಮೆಕಿದ್ದ ಗ್ರಿಕಲ್ಕಿ ಸಹ . 11 - 12 :- ದೇವುಡುಕಿ ಪಕ್ಷಪಾತಮೂ ಲೇದು . ಧರ್ಮಶ್ರಾಸ್ತಮೂಲೇನಟ್ಗ ಪಾಪಮೂ ಸೇಸೋಳೂ ಧರ್ಮಶ್ರಾಸ್ತ್ರಮೂಲೇನಟ್ಗನೇ ನಾಶಮೂ ಅಯ್ತಾರೂ . ಅಯ್ತೆ ಧರ್ಮಶಾಸ್ತ್ರಮು ವೂಡೋಲ್ ಅಯ್ಯಿ ಪಾಪಮೂ ಸೇಸೋಳೂ ಧರ್ಮಶಾಸ್ತ್ರಕ್ಕಿ ಅನುಸಾರಮೈಯ್ಯಿ ತಿರ್ಪುನಿ ಹೊ೦ದೂತಾರೂ .
13
14
13 :- ಧರ್ಮಶ್ರಾಸ್ತ್ರನಿ ಇನ್ ತಕ್ಷಣಮೇ ನೀತಿವ೦ತುಲೂ ಅಯೇಲೆ ದಾನೀ ಅನುಸರಿಚ್ಚೊಳೆ ನೀತಿವ೦ತುಲೂ ಅನಿ ನಿರ್ಣಯಿಂಚಲ್ಪಡ್ತಾರೂ . 14 :- ಧರ್ಮಶ್ರಾಸ್ತಮೂ ಲೇನೆಟ್ಟ ಅನ್ಯಜನಲೂ ಧರ್ಮಶ್ರಾಸ್ತಮೂ ಸೋಪ್ನಾನಟ್ಗ ನಡಸ್ತೆ ವಾಳೂ ವಳ್ಕೆ ಧರ್ಮಪ್ರಮಾಣಮೂ ಅಯ್ನಾರೂ .
15
16
15 :- ಯಟ್ಟ ಅಟ್ಟೆ ವಾಳೂ ಧರ್ಮಶ್ರಾಸ್ತದ ಮುಖ್ಯ ತಾತ್ಪರ್ಯನೀ ಹೃದಯಮುಲಾ ರಾಸಿದ್ದಿ ಅನಿ ಸೂಬಿಸ್ತಾರೂ . ವಾ ಳ್ ಯೋಚನೇಲೂ ಇದಿ ತಪ್ಪು , ತಪ್ಪುಕಾದೂ ಅನಿ ಸೂಚಿಸ್ತಾವೀ . 16 :- ದೇವುಡು ಯೇಸು ಕ್ರಿಸ್ತುಡ ಮೂಲಕಮೈ ಮನುಷ್ಯುಲಾ ಗುಟ್ಟುನಿ ಪುಟ್ಕಾನಿ ವಿಚಾರಮೂ ಸೇಸೆ ದಿನಮೂ ವಸ್ತಾದೀ ಅಬದ್ದು ಇವೆಲ್ಲಾ ಗೋತಾಯ್ತಾವೀ .
17
18
19
20
17 :- ನೂವ ಯೆಹೂದ್ಯ ಅನಿಚ್ಕೊಡೋಡು, ಧರ್ಮಶಾಸ್ತ್ರಲ ಭರವಸೆಪೇಟ್ಟುಡೋಡು , ದೇವುಡ ಚಿತ್ತಾಮೂ ಗೊತ್ತುಡೋಡು , 18 :- ಧರ್ಮಶಾಸ್ತ್ರಮಿಚ್ಚ ಉಪದೇಶಮೂ ಹೊ೦ದ್ಕೊನಿ ಇದಿ ತಕ್ಕಮೈನ್ದೀ , ಇದಿ ತಕ್ಕಮೈನ್ದೀ ಕಾದೂ ಅನಿ ವಿವೇಚಮೂನಿ ಸೇಸೋಡ್ದು ಅಯ್ನಾವೂ . 19 :- ಧರ್ಮಶಾಸ್ತ್ರಮೂಲಾ ಜ್ಞಾನ ಸ್ವರೂಪುಡು ಉ೦ಡೆದಾಕ್ಕಿ , ಕುರುಡುಲ್ಕಿ ದಾವಾ ಸುಬೋಡೂ , ಸಿಕ್ಟ್ಲ ಉ೦ಡೋಲ್ಕಿ ಯೆಲಗೂನಿ , 20 :- ತಿಳುವಳಿಕೆ ಲೆನ್ನಾಟ್ಟೋಲ್ಕಿ ಶಿಕ್ಷಕುಡೂ ಬಾಲಕುಲಾಕಿ ಉಫಾಧ್ಯಾಯುಡೂ ಅಯ್ನಾವು ಅನಿ ನ೦ಬಿಕೊನುಟ್ಟಿ .
21
22
21 :- ಮತ್ತೋಕೊಲ್ಕಿ ಉಪದೇಶಮೂ ಸೇಸ್ಸಟ್ಟ ನೂವ ನೀಕೀ ಉಪದೇಶಮುನಿ ಸೇಸ್ಕೊದಾನೆ ವು೦ಡಾವಾ ? ದೊಗ್ಗತನಮೂ ಸೈಗೂಡ್ ದನಿ ಸೋಪ್ಪಟ್ಟ ನೂವ ದೊಗ್ಗತನಮೂನೀ ಸೇಸ್ತಾವಾ ? 22 :- ಹಾದರತನಮೂನೀ ಸೈಗೂಡ್ ದನಿ ಸೋಪ್ಪಟ್ಟ ನೂವ ಹಾದರತನಮೂನೀ ಸ್ಸೇಸ್ತಾವಾ ?
23
24
23 ;- ಧರ್ಮಶಾಸ್ತ್ರಮೂಲಾ ಅಭಿಮಾನಿ ಆಯ್ಯುಡಟ್ಟ ನೂವ ಧರ್ಮಶಾಸ್ತ್ರಮುನಿ ಮಿರೀ ನಡಿಪಿಚ್ಚಿ ದೇವುಡ್ನಿ ಅಪಮಾನಮೂ ಸೇಸ್ತಾವಾ ? 24 :- ಮಿಯಿಚ್ಚ ಅನ್ಯಜನಲ್ಲ ದೇವುಡ ನಾಮಮೂ ದೂಷಣೆಕ್ಕಿ ಗುರಿ ಅಯ್ತಾದೀ ಅನಿ ರಾಸಿದ್ದಿ ಕದಾ .
25
26
27
25 :- ನೂವ ಧರ್ಮಶಾಸ್ತ್ರಕ್ಕಿ ಅನುಸಾರಮಯ್ಯಿ ನಡಿಸ್ತೆ ಸುನ್ನತಿ ಪ್ರಯೋಜನಕರಮೈಯ್ಯಿದ್ದಿ ; ಅಯ್ತೆ ಧರ್ಮಶಾಸ್ತ್ರನೀ ಮೀರಿ ನಡಿಸ್ತೆ ಸುನ್ನತಿವುಟ್ಟನು ಲೇನಟ್ಗ ಅಯಾ . 26 :- ಇಟ್ಟುಡದಾಕಿ ಸುನ್ನತಿಲೇನಟ್ಟೋಡೂ ಧರ್ಮಶಾಸ್ತ್ರ ಪ್ರಕಾರ೦ಗ ನಡಿಸ್ತೆ ಸುನ್ನತಿ ಉ೦ಡೋಡು ಅನಿ ಎಣಿಸಲ್ಪಪಡಲೇದ ? 27 :- ಧರ್ಮಶಸ್ತ್ರಮುಲಾ ಸೋಪ್ನಾನಟ್ಗ ಶಾಸ್ತ್ರಮೂ , ಸುನ್ನತಿ , ವು೦ಡಿ ದಾನಿ ಮೀರಿ ನಡಿಸ್ಸೇ ನಿನ್ನಿ ದೋ ಷಿ ಅನಿ ನಿರ್ಣಯಿಚ್ಚಲೇದಾ ?
28
29
28 :- ಅತಾರ ಮಾತ್ರ ಯೆಹೂದ್ಯುಡು ಅಯ್ನೋಡೂ ಯೆಹೂದ್ಯುಡೂ ಕಾದು ; ಮಲ್ಲಿ ಶರೀರೂಮುಲಾ ಮಾತ್ರ ಸೇಸ್ನಾಟ್ಟ ಸುನ್ನತಿ ಸುನ್ನತಿಕಾದೂ . 29 :- ಅಯ್ತೆ ಲೋಗ ಯೆಹೂದ್ಯೂಡು ಅಯ್ನೋಡೂ ಯೆಹೂದ್ಯುಡು . ಹೃದಯಮುಲಾ ಸೇಸ್ನಾಟ್ಟ ಸುನ್ನತಿಯೇ ಸುನ್ನತಿ . ಇದಿ ಅತಾರಿಕ್ಕಿ ಸ೦ಬ೦ಧಪಟ್ಟುಡದೀ ಕಾದೂ , ಅತ್ಮಕ್ಕಿ ಸ೦ಬ೦ಧಪಟ್ಟಿ . ಇಟ್ಟ ಸುನ್ನತಿ ವುಡೋಡ್ಕಿ ವಚ್ಚ ಹೊಗಳಿಕೆ ದೇವುಡ್ನಿಚ್ಚನೆ . ಮನುಷ್ಯುಲ್ನಿಚ್ಚ ಕಾದೂ .