11 ^{1 2 3} 1 ;- ಅಟೈತೆ ದೇವುಡು ತನ್ ಪ್ರಜೆನೀ ವೊದ್ದು ಅನಿ ತಳ್ಳುಯು೦ಡಾದೀ ವು೦ಡ್ದದಾ , ಅನಿ ಅಡುಗ್ತಾನು . ನಾನು ಕೂಡ ಇಸ್ರಾಯೇಲುಡು , ಅಬ್ರಹಾಮ ಸ೦ತತಿಯೋಡು , ಬೆನ್ಯಾಮೀನ ಕುಲೋಡು ಅಯ್ನಾನೂ ಕದಾ . 2 :- ದೇವುಡು ತಾನೆ ಮು೦ದಾಯ್ಯಿ ಜನಲ್ ಅಯೆಕ್ಕಿ ಗುರುತಿಚ್ಕನುಡಟ್ಟ ಪ್ರಜೆನೀ ತಳ್ಳಿ ಇಸ್ಪೆಟ್ಲೆದೂ . ಎಲಿಯ ಚರಿತ್ರೆಲಾ ಶಾಸ್ತ್ರಮು ಸೋಪ್ಪಟ್ಟ ಮಾಟ ಮೀಕಿ ಗೊತ್ಲೆದೂ . 3 :- ವಾಡೂ ದೇವುಡ ಮುದ್ರಾ - ಕರ್ತುಡ , ವಾಳು ನೀ ಪ್ರವಾದಿಲ್ನಿ ಸ೦ಹರಿಚ್ನಾಳೂ , ನೀ ಯಜ್ಞವೇದಿಲ್ನಿ ಪೋಗಲ್ ಯೇಸ್ನಾರೂ . ನಾನ್ ವೋಕ್ಕಡೆ ವು೦ಡಾನೂ , ನಾ ಪ್ರಾಣಾನೀ ಸಿಸೇಯಲ್ ಅನಿ ವು೦ಡಾಳೂ . ^{4 5} 4 :- ಅನಿ ಇಸ್ರಾಯೇಲ್ಲೋಳ್ ಮಿದ್ದ ದೂರು ಸೋಪ್ಪಿದಾಕ್ಕಿ ದೇವುಡ ಉತ್ತರಮ್ ಹೇಮಟ್ಟೆ - ಬಾಳುಡ ವಿಗ್ರಹಕ್ಕಿ ಅಡ್ಡಪೋಡ್ದಾನೇ ವು೦ಡ್ದ ಯೋಡು ಸಾವಿರ ಪುರಷಲ್ನಿ ನಾಕೊಸ್ಕರಾ೦ಗ ಉಳ್ಬಿಚ್ಕಾನಾನು ಅನೇದೇ . 5 :- ದಾನ್ ರೀತಿನೇ ಈ ಕಾಲಮ್ಲಾನೂ ದೇವುಡ ಕೃಪೆಯಿಚ್ಚ ಆರಿಬಿಚ್ಕನಟ್ಟ ಕೊಚ್ಚಮ್ ಜನಲೂ ವೂ೦ಡಾಳೂ . ^{6 7 8} 6 :- ಕೃಪೆಯಿಚ್ಚ ಅಯ್ಕೊನಡ್ ಅನ್ಮೆಕಿದ್ದ ಪುಣ್ಯಕ್ರಿಯೇಲ್ ಕಾರಣಮ್ನಿಚ್ಚ ಆದುಕೊಳ್ಲೆದ್ ಅ೦ತ್ತೆ ; ಆ ರೀತಿ ಕಾನ್ ಪಕ್ಷನ್ಕಿ ಕೃಪೆನೀ ಇಕ್ಕ ಕೃಪೆ ಅನೆಲೇದು . 7 :- ದಿನಿಚ್ಚ ತಿಲಿಚ್ಕನೆದೇಮಿ ? ಇಸ್ರಾಯೇಲ್ಯುಲು ಹುಡಿಕಿದ್ದಿ ವಾಳ್ ಅದ್ರೂಕ್ಕು ಸಿಕ್ಲೇದು . ವಾಳ ಆಯಲ್ಪಟ್ನೋಳ್ಕಿ ಸಿಕ್ಕೆ . ಮಿಕ್ನೋಳು ಮೊ೦ಡಲೂ ಅಯ್ಲಿ . 8 :- ದೇವುಡು ವಾಳ್ಕಿ ಜಡಭಾವನೀ ಅಟ್ಟೆ ಕಮಡಿಸ್ದನೆ ವು೦ಡ ಕಣ್ಲೂನೀ , ಇನ್ದನೇ ವು೦ಡ ಸೌಲ್ನಿ ಇಚ್ಚೆ ; ಈ ಭಾವಮು ಈ ಸಮಯಮ್ ತನಕ ಅಟ್ಟೆ ವು೦ಡದೀ ಅನಿ ರಾಸುಡ್ದ ಪ್ರಕಾರ೦ಗ ವಾಳ್ಕಿ ಅಯಾ . ^{9 10} 9 :- ಇದುಕಾಕು೦ಡ ವಾಳ್ ಉಟಾಮೆ ವಾಳ್ಕಿ ಉರ್ಲೂ ಬೋನು ಶಿಕ್ಷೆ ಕಾನಿ ; 10 :- ವಾಳ್ ಕಣ್ಲೂ ಮೊಬ್ಬಾಯಿ ಕಮಡಿಸ್ದನೆ ಪೋನಿ ; ವಾಳ್ ಬೆನ್ನು ಯಪ್ದು ಬೋಕ್ಕವುಡ್ನಟ್ಗ ಸೇಸ್ಸಿ ಅನಿ ದಾವೀದುಡು ಸೋಪ್ತಾಡು . ^{11 12} 11 :- ಅಟೈತೆ ವಾಳು ಪೊಡೆ ಪೋಯ್ಯೇರೀತಿ ಎಡವ್ತೆ ಹೇಮಿ ಅನಿ ಅಡಗ್ತಾಡು .ಅಟ್ಟ ಯಾದ್ಗು ಸೋಪ್ಗುಡ್ದು . ವಾಳು ಪೋಡೆಪೋಯ್ಯಿದ್ದಾಕಿ ಕ್ರಿಸ್ತನಿ೦ಚ್ಚ ಉ೦ಟೈಯೇ ರಕ್ಷಣೆ ಅನ್ಯಜನಲ್ಕಿ ಉ೦ಟಾಯ . ದಿನಿ೦ಚ್ಚ ದೇವುಡು ವಾಳ್ಲಾಹುರುಡುನಿ ಪುಟ್ತಿಸ್ತಾಡು. 12 :- ವಾಳು ಪೋಡಿಪೈಯಿ೦ದ್ದಿ ಸರ್ವಲೋಕ ಭಾಗ್ಯನ್ಕಿ ವಾಳು ಸೋಲಿ ಪೈಯ್ಯಿ ಅನ್ಯಜನಲ್ ಭಾಗ್ಯನ್ಕಿ ಮಾರ್ಗಮ್ ಅಯ್ಯು೦ಡದಾನ್ಕಿ ವಾಳ ಪೂರ್ಣ ಪುನಂ ಸ್ಥಾಪನೆ ಯತ್ತೋ ಹೆಚ್ಚಾಯ್ಯಿ ಭಾಗ್ಯನ್ಕಿ ಕಾರಣಮ್ ಅಯ್ತಾದೀ . ^{13 14} 13 :- ಅನ್ಯಜನಲ್ ಅಯ್ಯು೦ಡ ಮೀ ಜೊತ್ಲಾ ಮಾತಾಡ್ತಾನು . ನಾನು ಅನ್ಯಜನಲ್ಕಿ ಅಪೊಸ್ತಲುಡು ಅಯು೦ಡದಾನ್ಕಿ ನಾ ಉದ್ಯೋಗನೀ ಗಣ್ಯತೆಕಿ ಹೆತ್ಕೊಸ್ತಾನು . 14 :- ಇಟ್ಟ ವಕ್ಕ ಸಮಯಮು ಸ್ವಜನರ್ಲಾ ಹುರುಡು ಪುಟ್ಬಿಚ್ಚಿ ವಾಳ ಕೇಲವು ಜನಲ್ನಿ ರಕ್ಷಣೆಯ ಮಾರ್ಗಕ್ಕಿ ಹೆತ್ಕೊನಿವಸ್ತಿ . ^{15 16} 15 :- ಯದ್ಗೂ ಅಟ್ಟೆ ಇಸ್ರಾಯೆಲ್ಯುಲ್ನಿ ತಳ್ಳೆದಾನಿಚ್ಚ ಲೋಕಮು ದೇವುಡ ಜೊತ್ಲಾ ಸಮಾಧಾನಮ್ ಅಯ್ಯೇಕ್ಕಿ ಮಾರ್ಗಮ್ ಅಮೆಕಿದ್ದ ವಾಳ್ನಿ ಸೇರ್ಬಿಚ್ಕನೆದಾನಿಚ್ಚ ಹೆಮ್ ಐತಾದಿ ? ಸೇಚ್ಚಿಪೋನೋಳು ಜೀವಿತಲ್ ಅಯ್ಯಿ ಲೇಸಿ ವಚ್ನಾಟ್ಗ ಅಯ್ಯೇಲೆದ . 16 :- ಕಣಕಮ್ಲಾ ಮೊದಲನೆದಾಯ್ಯಿ ಉರುಳಿ ನೈವೇದ್ಯಮ್ ಅಮೆಕಿದ್ದ ಕಣಕ ಎಲ್ಲಾ ನೈವೇದ್ಯಮ್ ಅಯ್ನಾಟ್ಗ ಅಯಾ ; ಬೇರು ದೆವುಡ್ದಿ ಅಮೆಕಿದ್ದ ಕೊ೦ಬೆಲೂ ದೆವುಡ್ವೆ . ^{17 18} 17 :- ಅಯ್ತೆ ಕೊ೦ಚಮ್ ಕೊ೦ಬೆಲೂ ಇರ್ಬೇಸಿದಾನ್ಕಿ ಕಾಡೆಣ್ಣೆ ಮಾನ್ಲಕ ವು೦ಡ ನೂವ ಅವುಟ್ಲಾ ತಾವಿಲ ಕಸಿಕಟ್ಟಿಚ್ಕೊನೋಡ್ ಅಯ್ಯಿ ಉರೆಣ್ಣೆ ಮನ್ದಿ ರಸವತ್ತಾಮೈನಾ ಬೇರ್ಲಾ ಪಾಲು ಹೊ೦ದ್ಲಿ . ಆ ಕೊ೦ಬೆಲ್ನಿ ಕಡೆಕನ್ಬಿಚ್ಚಿ ನಿನ್ನಿ ಹೆಚ್ಚಿಚ್ಕೊವದು . 18 :- ಹೆಚ್ಚಿಚ್ಕೊಡ್ನು ಆ ಬೇರ್ಕಿ ನೂವ ಆಧಾರಮ್ ಕಾದು , ಅದಿ ನೀಕಿ ಆಧಾರಮೈಯ್ಯಿ೦ದ್ದಿ ಅತ್ತೇ . ^{19 20 21} 19 :- ಈ ಮಾಟ್ಕಿ ನಾನು ಕಸಿಕಟ್ಟಿಬಿಚ್ಕೊನಟ್ಗ ಕೊ೦ಬೆಲೂ ಇರ್ಸಪೈನವೀ ಕಾದ ಅನಿ ನೂವ ವಕ್ಕ ವೇಳೆ ಸೋಪ್ಪೋಚೂ . 20 :- ನೂವ ಸೋಪ್ಪೆದ್ದಿ ನಿಜಮು ; ವಾಳು ನ೦ಬ್ದನೆ ಪೈಯು೦ಡದಾನ್ಕಿ ಇರಿಬೇಚಿಕೊನ್ಲಿ , ನೂವ ನಿಲುಚುವು೦ಡಾದಿ ನ೦ಬಿಕೆನಿಚ್ಚನೇ . 21 :- ದೇವುಡು ಹುಟ್ಟು ಕೊ೦ಬೆಲ್ನಿ ಉಳಿಬಿಸ್ದಾನೆವು೦ಡ ಅಮೆಕಿದ್ದ ನಿನ್ನೂ ಉಳಿಬಿಚ್ಚೆಲೇ . ²² 22 :- ದಾನ್ನಿಚ್ಚ ದೇವುಡ ದಯೆನೀ ಕಾಠಿಣ್ಯ ನೀ ಸೂಡಿ ; ಪೋಡುಡೋಲ್ ತೋಟು ಕಾಠಿಣ್ಯಮೂ ; ನೀ ತೋಟು ನೀ ದೇವುಡ ದಯೆನೇ ಆಶ್ರಯಿಚ್ಚೆಕೊನೆ ವು೦ಟೆ ದೇವುಡ ದಯೆ ; ಲೇದು ಅ೦ಟ್ಟೆ ನಿನ್ನಿ ಸೇಮ್ ಪೆಸ್ತಾಡು . ^{23 24} 23 :- ಇಸ್ರಾಯೇಲ್ಯುಲು ಕೂಡ ಇ೦ಕ್ಕ ಅಪನ೦ಬಿಕೆ ನಿಲಚ್ಕನ್ದನೆ ಪಕ್ಷಕ್ಕಿ ಕಸಿಕಟ್ಟಚ್ಕೊನೋಳೂ ; ದೇವುಡು ವಾಳ್ನಿ ತಿರ್ಗಿ ಕಸಿಕಟ್ಟೆಕಿ ಸಮರ್ಥಮ್ ಅಯ್ನಾಡು . 24 :- ನೂವ ಹುಟ್ಟು ಕಾಡ ಮಂನಿಚ್ಚ ನರ್ಕಿ ಸಿಸ್ಕೋನಿ ನೀಕಿ ಸ೦ಬ೦ಧಮ್ ಲೇನ್ ಊರ್ಲಾ ಮನ್ಲಾ ಕಸಿಕಟ್ಟಿಬಿಚ್ಕೊಡ್ಮಿ೦ದ್ದ ದನ್ಲಾ ಪುಟ್ಟುಡಾ ಕೊ೦ಬೆಲ್ ಅಯ್ಯು೦ಡ ವಾಳು ವಾಳ್ ಮನ್ಲಾ ಕಸಿಕಟ್ಟಿಬಿಚ್ಚೆದೇ ಯಂತ ಸಹಜಮ್ ಅಯ್ಯಿದ್ದಿ ಕದಾ . ²⁵ 25 :- ಸಹೋದುರುಲಾ ಮಿಮ್ಮಲ್ನಿ ಮೀಳೆ ಬುದ್ದಿವ೦ತುಲ್ ಅನಿ ಎನಿಚ್ಕೊವದಡ್ಡಿ ಇನ್ನಿತನಕ ಗುಪ್ತಮೈನಾಟ್ಟ ಒಕ್ಕ ವಿಷಯಮು ಮೀಕಿ ಗೊತ್ಡಾಲ್ ಅನಿ ಅಪೆಕ್ಷಸ್ತಾನೂ ; ಅದೇಮ್ ಅಂಟ್ಟೆ ಇಸ್ರಾಯೇಲ್ ಜನಲ್ಲಾ ಒಕ್ಕ ಪಾಲು ಜನಲ್ಕಿ ಉ೦ಟೈನಾ ^{26 27} 26 :- ದೀಕಿ ಆಧಾರಮೈ ಶಾಸ್ತ್ರಮ್ಲಾ - ಇಡಿಬಿಚ್ಚೆವಾಡು ಚಿಯೋನ್ಲೋಗನಿಚ್ಚ ವಚ್ಚಿ ಯಾಕೊಬ್ಲಾವು೦ಡ ಭಕ್ತಿಹೀನತೆನೀ ನಿವಾರಣೆ ಸೇಸ್ತಾ . 27 :- ನಾನು ವಾಳ್ ಜೊತ್ಲಾ ಸೇಸ್ಕನ್ನಾಟ್ಟ ಈ ಒಡ೦ಬಡಿಕೆ ನಾನು ವಾಳ್ ಪಾಪನೀ ಪರಿಹರಿಬಿಚ್ನಾಪ್ಡು ನೇರವೆರ್ತಾದೀ ಅನಿ ರಾ೦ಸಿದ್ದಿ . ^{28 29} 28 :- ವಾಳು ಸುವಾರ್ತೆನೀ ಒದ್ದು ಅನದಾನ್ಕಿ ದೇವುಡು ಮೀಕಿ ಹಿತನೀ ಉ೦ಟುಸೇಸ್ಸಿ ವಾಳ್ನಿ ಶತ್ರುಲ್ ಅನಿ ಎಣಿಬಿಚ್ನಾಡು . ಐತ್ನೂ ವಾಳು ಆರಿಬಿಚ್ಕೊನಟ್ಟ ಅಬ್ರಹಾಮ , ಇಸಾಕ್ , ಯಾಕೊಬ , ಅನಿ ಪಿತ್ರುಲಾ ವ೦ಶಮ್ ಆಯ್ಯು೦ಡದಾನಿಚ್ಚ ವಾಳ್ನಿ ಪ್ರಿಯುಲ್ ಅನಿ ಎಣಿಬಿಚ್ನಾಡು . 29 :- ದೇವುಡ ವರಲ್ನಿ ಅನುಗ್ರಹಿಚ್ದಾನ್ಕು ಜನಲ್ನಿ ಪಿಲಿಚಿನ್ದಾನ್ ಪಶ್ಚಾತ್ತಾಪ ಪಡೋಡ್ ಕಾದು . ^{30 31 32} 30 :- ಯಾವ ಪ್ರಕಾರ೦ಗ ಮೀಳು ಪೂರ್ಮ್ಲಾ ಅವಿಧೆಯಲ್ ಐಯುಟ್ನೂ ಇಪ್ಡು ವಾಳ್ ಅವಿಧೆತೆ ದೆಸೆಯಿ೦ಚ್ಚ ಕರುಣೆ ಹೊ೦ದ್ದುತ್ನ , 31 :- ಅದೇ ಪ್ರಕಾರಮ ವಾಳು ಇಪ್ಡು ಅವಿಧೆಯಲ್ ಐಯುಟ್ನೂಮೀಕಿ ಸಿಕ್ನಾಟ್ಟ ಕರುಣೆನಿ ಹೊ೦ದ್ದುತಾರು . 32 :- ಯಾದ್ಗು ಅಂಟ್ಟೆ ದೇವುಡು ಅದ್ರೂಕ್ಕು ಕರುಣೆನಿ ಸೂಬಲ್ ಅನೇ ಉದ್ದೇಶಮ್ ವುಳ್ಳೋಡ್ಅಯ್ಯಿ ಅದ್ರೂನಿ ಅವಿಧೇತೆ ಅನೆ ದುಸ್ಥಿತಿಲ ಕಟ್ಟಿ ಹೆಸ್ನಾಡು ^{33 34} 33 :- ಆಹಾ ದೇವುಡ ಐಶ್ವರ್ಯಮ , ಜ್ಞಾನಮು , ವಿವೇಕಮು , ಯ೦ತ್ತೋ ಅಗಾಧಮ ! ಆತುಡ ತಿರ್ಮಾನಲು ಪರಿಶೋಧನೆಕ್ಕ ಯ೦ತ್ತ ಅಗಮ್ಯಮ್ ! ಆತುಡ ಮಾರ್ಗಲೂ ಕ೦ಡು ಪುಟ್ಟೆಕ್ಕಿ ಯ೦ತ್ತೋಅಸಾಧ್ಯಮ್ ! 34:- ಕರ್ತುಡ ಮನಸ್ಸುನ ತಿಳಿಚ್ಕೊನು೦ಡೋಡ ಯೋವಡು ? ^{35 36} 35:- ಆಲೋಚನಾ ಕರ್ತುಡು ಯೋಡು ? ಮೊದ್ಲೂ ಆತುಡ್ಕಿ ಇಚ್ ಪ್ರತಿಫಲನೀ ಇಚ್ಕೊನೋಡು ಯೋಳು ? 36 :- ಸಮಸ್ತಮು ಆತನಿ೦ಚ್ಚ ಉತ್ಪತಿ ಅಯ್ಯಿ ಆತನಿ೦ಚ್ಚ ನಡಿಸ್ತಾ ಅತನಿಕೈ ಉ೦ಟಾದ . ಆತಡ್ಕಿ ಸದಾಕಾಲಮು ಸ್ತೋತ್ರಮ . ಆಮೆನ .