6
1
2
1 :- ಯಜ್ಞ ಕುರಿಯಾತುಡು ಆ ಏಳು ಮುದ್ರೆಲಾ ಒ೦ಕ್ಕ ಮುದ್ರೆನಿ ಪೋಗಲ್ ಪೆಟ್ಟೆದಾನಿ ನಾನು ಸೂಸ್ತಿ . ಮಲ್ಲಿ ಆ ನಾಲ್ಗು ಜೀವಿಲಾ ಒ೦ಕ್ಕ ಜೀವಿ - ರಾ ಅನೆ ಗುಡುಗುಲಕಾ ಸ್ವರಮ್ನಿಚ್ಚ ಸೋಪ್ಪೆದಾನಿ ಇನ್ಟಿ . 2 :- ಅಪ್ಡು ತ್ಯಲೀದ್ದಿ ಕುದುರೆ ಕನಬಡಿಚ್ಚೆ ; ದಾನ್ಮಿದ್ದ ಕುಚೋವುಡೋಡ್ ಸೇತ್ಲಾ ಬಿಲ್ಲು ವು೦ಡೆ ; ವಾಡ್ಕಿ ಜಯಮಾಲೆ ಇಚ್ಚು೦ಡೆ ; ವಾಡು ಜಯಮ್ ಹೊದ್ದೆಕೊಸ್ಕರಂಮೂ ಪಾಯಾ .
3
4
3 :- ಆತುಡು ರೋ೦ಡ್ದನೆ ಮುದ್ರೆನೀ ಪೋಗಲ್ ಪೆಟ್ಟೆ ನಪ್ಡು ರೊ೦ಡ್ಡನೇ ಜೀವಿ - ರಾ ಅನೇದಾನೀ ಇನ್ಟಿ . 4 :- ಅಪ್ಡು ಇಕ್ಕೋಕ ಕುದುರೆ ವಚ್ಚೆ ; ಅದಿ ಯರ್ ಕುದುರೆ . ದಾಮಿದ್ದ ಕುಚವುಡೋಡ್ಕಿ ಭೂಮಿಲಾ ವು೦ಡ ಸಮಾಧಾನಮ್ನೀ ಸಿಸೆಸೇದಾನ್ಕೂ ಮನುಷ್ಯುಲು ಒ೦ಕ್ಕಲ್ನೋಕ್ಲೂ ಸೆ೦ಪೆಸ ರೀತಿ ಸೇಸ್ಸೇ ಅಧಿಕಾರಮು ಇಚ್ಚು೦ಡೆ ; ವಾಡ್ಕಿ ಪೆದ್ ಕತ್ತಿ ಇಚ್ಚು೦ಡೆ .
5
6
5 :- ಆತುಡು ಮೂಡ್ನೆ ಮುದ್ರೆನೀ ಪೋಗಲ್ ಪೆಟ್ನಾನಪ್ದು ಮೂರನೆ ಜೀವಿ - ರಾ ಅನೆದಾನೀ ಇನ್ಟಿ . ಅಪ್ಡು ಕಪ್ಪು ಕುದುರೆ ಕಮಡಿಚ್ಚೆ . ದಾನ್ಮಿದ್ದ ಕೂಚವು೦ಡೋಡ್ ಸೇತ್ಲಾ ತ್ರಾಸು ವು೦ಡೆ . 6 :- ಆ ನಾಲ್ಗು ಜೀವಿಲ್ ಮಧ್ಯಮ್ನಿಚ್ಚ ಒ೦ಕ್ಕ ಧ್ವನಿ ವಚ್ಚಿದ್ದಿ ಇನ್ಟಿ . ಅದಿ - ರೂಪಾಯಿಕಿ ಒ೦ಕ್ಕ ಸೇರು ಗೋಧಿ ; ರೂಪಾಯಿಕಿ ಮೂರು ಸೇರು ಜವೆ ಗೋಧಿ ; ನೂನ್ನಿ , ದ್ರಾಕ್ಷರಸಮ್ನಿ ಸೇಡಪೋದು ಅನಿ ಸೋಪ್ಪೆ .
7
8
7 :- ಆತುಡು ನಾಲ್ಗನೆ ಮುದ್ರೆನೀ ಪೋಗಲ್ ಪೆಟ್ನಾಪ್ದು ನಾಲ್ಗನೆ ಜೀವಿ - ರಾ ಅನೆ ಶಬ್ದಮ್ನಿ ಇನ್ಟಿ . 8 :- ಅಪ್ಡು ಬೂದಿ ಬಣ್ಣಮ್ದೀ ಕುದುರೆ ಕಮಡಿಚ್ಚೆ . ದಾನ್ಮಿದ ಕುಚವು೦ಡೋಡ್ ಪೇರು ಮೃತ್ಯು . ವಾಡ್ ಹೆನಕ್ಕ ಪಾತಾಳಅನೋಡು ವಚ್ಚೆ . ವಾಳ್ಕಿ ಭೂಮಿ ಕಾಲು ಭಾಗಮ್ಲಾ ಕತ್ತಿಯಿಚ್ಚನೂ , ಬರಮ್ನಿಚ್ಚನೂ , ಅ೦ಟುರೋಗಮ್ನಿಚ್ಚನೂ , ಕಾಡುಮೃಗಲ್ನಿಚ್ಚನೂ , ಸೇಮ್ ಪೆಸೆಕ್ಕಿ ಅಧಿಕಾರಮು ಇಚ್ಚು೦ಡೆ .
9
10
11
9 :- ಆತುಡು ಐದನೇ ಮುದ್ರೆನೀ ಪೋಗಲ್ ಪೆಟ್ನಾಪ್ದು ದೇವುಡ ವಾಕ್ಯ ನಿಮಿತ್ತಮೈಯ್ಯಿ ವಾಳು ಸೋಪ್ನಾಟ್ಟ ಸಾಕ್ಷಿ ನಿಮಿತ್ತಮೈಯ್ಯಿ ಸೇಚ್ಚಿಪೋಯ್ನಟ್ಟ ಆತ್ಮಲೂ ಯಜ್ಞವೇದಿದುಗುನ ವು೦ಡೆದಾನ್ನಿ ಸೂಸ್ತಿ . 10 :- ವಾಳು - ಒಡೆಯುಡ , ಪರಿಶುದ್ದುಡು , ಸತ್ಯವ೦ತುಡು , ಐನಾಟ್ಟ ದೇವುಡ , ಭೂನಿವಾಸಿಲೂ ಮಮಲ್ನಿ ಸೇಪ್ಪೆಸಿನ್ದಾಂಕಿ ಯತ್ತ ಕಾಲಮ್ ತನಕ ನ್ಯಾಯವಿಚಾರಿಸ್ದನೆ , ಪ್ರತಿದ೦ಡನೆ , ಸೇಸ್ದಾನೆ ವು೦ಟಾವು ? ಅನಿ ಪೆದ್ದ ಶಬ್ದಮ್ನಿಚ್ಚ ಕೂಸ್ಲಿ . 11 :- ವಾಳ್ಲ ಒ೦ಕ್ಕೊಕುಡ್ಕಿ ಒ೦ಕ್ಕೊಕ್ಕ ತ್ಯಲ್ ನಿಲುವ೦ಗಿ ಇಚ್ಚೆ . ಇದುಕಾಕು೦ಡ ಮೀ ರೀತಿ ಕೊಲೆಯೈಬೇಕೈಯು೦ಡ ಮೀ ಸಹೋದುರುಲಾ ಸ೦ಖ್ಯೆ ಪೂರ್ಣಂಅಯ್ಯೇ ತನಕ ಮೀಳೂ ಇಕ್ಕ ಕೊ೦ಚ್ಚ ಕಾಲಮು ವಿಶ್ರಮಿಚ್ಕೊವಲನೀ ವಾಳ್ಕಿ ಉತ್ತರಮ್ನಿ ಇಚ್ಚೆ .
12
13
14
12 :- ಆತುಡು ಆರನೆ ಮುದ್ರೆನೀ ಪೋಗಲ್ ಪೆಟ್ಟೆದಾನ್ನಿ ಸೂಸ್ತಿ . ಪೋಗಲ್ ಪೆಟ್ನಾಪ್ದು ಮಹಾಭೂಕ೦ಪಮ್ ಉ೦ಟಾಯ . ಸೂರ್ಯುಡು ಕರಿಕ೦ಬಳಿಲಕ ಕಪ್ಪಾಯ ; 13 :- ಪೂರ್ಣ ಚ೦ದ್ರುಡು ರಕ್ತಮ್ ರೀತಿ ಅಯಾ ; ಅತ್ತಿ ಮಾನು ಬಿರುಗಾಳಿನಿಚ್ಚ ಅಲ್ಲಾಡಿ ತನ್ ಕಾಯಿಲ್ನಿ ಉದರಿಚ್ಚೆ ಪ್ರಕಾರ೦ಗ ಆಕಾಶದ ನಕ್ಷತ್ರಲು ಭೂಮಿಕಿ ಪೊಡೆ . 14 :- ಆಕಾಶಮು ಸುರಳಿಲಕ ಸುತ್ತಿ ಪಗನಿ ಇಸ್ಪೆಟ್ಟೆ ; ಎಲ್ಲಾ ಬೆಟ್ಟಲು , ದ್ವಿಪಾಲು , ಅವುಟ್ಲೂ ಸ್ಥಳಮ್ನಿಚ್ಚ ಚಲಿಚ್ಚೆ .
15
16
17
15 - 16 :- ಇದುಕಾಕು೦ಡ ಭೂರಾಜುಲು , ಪ್ರಭುಲೂ , ಸಹಸ್ರಾಧಿಪತಿಲೂ , ಐಶ್ವರ್ಯವ೦ತುಲೂ , ಪರಕ್ರಾಮಶಾಲಿಲೂ , ಎಲ್ಲಾ ದಾಸುಲೂ , ಸ್ವತ೦ತ್ರುಲೂ , ಬೆಟ್ಟದ ಗವಿಲ್ಕೂ , ಬ೦ಡೆ ಸದುಲ್ಕಿ ಪಾರಿ ಪೋಯ್ಯಿ ವಾಳ್ನಿ ಮರೆಸೆಸ್ಕೊನೀ ಬೆಟ್ಟಲ್ಕಿ , ಬ೦ಡೆಲ್ಕಿ , ಮಾಮಿದ್ದ ಪೋಡಡ್ಡಿ , ಸಿ೦ಹಾಸ೦ಮ್ಮಿದ್ದ ಕೂಚವು೦ಡ ಆತುಡ ಮುಖಕ್ಕಿ , ಯಜ್ಞ ಕುರಿಯಾದಾತುಡ ಮುಖಕ್ಕಿ ಮಮಲ್ನಿ ಮರೆ ಸೇಯಾ೦ಡ್ಡಿ . 17 :- ವಾಳ್ ಕೊಪಮು ಕಮಡಿಚ್ಚ ದಿನಮು ವಚ್ಚಿ೦ದ್ದಿ . ದಾನ್ ಮುದ್ರ ನಿಲಿಚ್ಕೊನಕ್ಕಿ ಯೋಳು ಶಕ್ತುಲೂ ಅನಿ ಸೋಪ್ಲಿ .