4 ¹ 1:-ಅಪ್ಪ್ದು ಯೇಸು ಸೈಥನಿಂಕ ಶೋದಿಚ್ದಂಕಿ ಅತ್ಹ್ಮುದು ಅತುದ್ನಿ ಅದ್ವ್ಕಿ ಪಯ . ² 2:-ಅತುಡು ನಲ್ಪ್ಯ ದಿನ್ಮು ರೆಯಿ ಪೋಗ್ಲು ಉಪಸ್ಮುಂಡಿ ಅಮಿತ್ಕ ಅತುದ್ಕಿ ಅಕ್ಲ್ಹಯ . ³ 3:-ಅಪ್ಪ್ದು ಶೋದುಕುಡು ವಡಾ ದೇಗ್ರ್ಕಿ ಹೊಚ್ಚಿ -ನುವ ದೇವಡ ಕೊಡ್ಕು ಅನಿನ್ತ್ರೆ ಈ ರಳ್ನಿ ರೊಟ್ಳು ಐತ್ಕ್ಕ ಸೇಹಿ ಅನಿ ಸೋಪ್ಲಿ - ⁴ 4 :-ಅತುಡು-ಮನುಶುಡು ರೊಟ್ಲ್ನಿ ತಿನದಂಕ ಬದ್ಕಲೆ .ದೇವಡ ನೋಟ್ಲ ಹೊಚ್ಹ ಮತ್ತ್ಲ್ನಿಂಕ ಪರ್ತಿ ಒಕ್ಟಿ ಮತ್ಲ್ನಿಂಕ ಬದುಕ್ಥಡು ಅನಿ ರಸಿಂದಿ. ⁵ 5 :-ಅಪ್ಪ್ದು ಸೈಥನುಡು ಅತುದ್ನಿ ಪರಿಶುದ್ಮು ಪತ್ಮ್ನಿಕಿ ಪ್ಲಿಲ್ಚ್ಕಪ್ಸಿ ದೇವಲಮ್ಲ ಹೆತ್ರ್ಲಾ ನಿಲ್ಬಿಚೀ ⁶ 6 :-ಅತುದ್ಕಿ - ನುವ ದೇವಡ ಕೊಡ್ಕು ಅನಿನ್ತ್ತೆ ಕಿಂದ್ಕಿ ದುಮ್ಕು ; ಅತುಡು ನಿ ವಿಶ್ಮ್ಲ ತನಿ ದುತುಲ್ಕಿ ಅಪ್ಪಣೆ ಇಸ್ಥಡು ; ನಿ ಕಾಳು ರಲ್ಕಿ ಥಗ್ಲ್ಥಡಿ ಅನಿ ವಾಲು ನಿನ್ನಿ ಸೇಥ್ಲ ಎತ್ಹ್ಕಂತಲೂ .ಅನಿ ರಸಿದಂಡಿ ಕಾದ ಅನಿ ಸೊಪ್ಪೇ . ⁷ 7 :-ದಂಕಿ ಯೇಸು -ನಿ ದೆವ್ದೈಮ್ನ ಕರ್ತುಡ್ನಿ ಪರಿಕ್ಷ್ಮು ಸೈಕುದ್ತು ಅನಿ ರಸಿಂದಿ ಕಾದ ಅನಿ ಸೊಪ್ಪೇ . ⁸ 8 :-ಅಮಿತ್ತ್ಗ ಸೈಥನುಡು ಅತುದ್ನಿ ಬಾಲಂಗ ಎತ್ರ್ಮೈನ ಕೊಡ್ನ್ದ್ಕಿ ಪಿಲ್ಚಕಪೈ ಪ್ರಪ್ನ್ಚಮುಲ ಉಂಡ ರಾಜ್ಯಲ್ನಿ ದಂತಲ ಉಂಡ ವೈಭಮ್ನಿ ಅತುದ್ಕಿ ⁹ 9 :-ಸುಪಿಚ್ಚಿ - ನುವ ನಾಕಿ ಸಸ್ತಂಗ ನಮಸ್ಕೆಮುಸೆಸ್ಥ್ಯೇ ಎವ್ವಂಥ ನಿಕಿ ಇಸ್ಥನು ಅನಿ ಸೊಪ್ಪ್ಪೆ . ¹⁰ 10 :-ಯೇಸು ವಡ್ಕಿ -ಸಥನುಡ, ನುವ ತೊಲಗಿ ಫೋ .ನಿ ದೇವದಮೈನ ಕರ್ತುದೈನ ಅಡ್ಡ ಪೋಡಿ ಅಥ ಒಕುದ್ನ್ನಿ ಅರದಿಚಲ ಅನಿ ರಸಿಂದಿ ಅನಿ ಸೊಪ್ಪೇ . ¹¹ 11 :-ಅಪ್ದ್ದು ಸೈಥನುಡು ಅತುಡ್ನಿ ಉಡ್ಸಿ ಪಾಯ .ಅನಿ ದೇವತುಥ್ಳು ಹೊಚ್ಚಿ ಅತುದ್ಕಿ ಉಪಚ್ರ್ಮು ಸೇಸ್ಲಿ . ¹² 12 :-ಯೋಹನುಡು ಸೇರ್ಕಿ ಪೊದೆ ಅನಿ ಯೇಸು ವಿನಿ ಅ ಜಗನಿ ಉಡ್ಸಿ ಗಲಿಲಯ ಸಿಮೆಕಿ ಪಾಯ . ¹³ 13 :-ಅಮಿತ್ಕ ನಜೆರೆಥ್ ಅನಿ ಉರ್ನಿ ಉಡ್ಸಿ ಜೆಭುಲೋನ್ ನೆಪ್ಥಲಿನ್ ಅನಿ ನಡ್ಲುಕಿ ಹೊಚ್ಚಿ ಸಮುದ್ರದೆಗ್ರ ಕಪೆರ್ನೌಮ್ ಊರಲ ಇಲ್ಲೂ ಸೇಸ್ಕುಂದೆ . ¹⁴ 14:-ದಿನಿಕ ಯೆಶಯ ಅನಿ ಪ್ರವಾದಿಲ ಮುಕಂಥ್ರಾಗ ಸೋಪನ್ನ ಮಟ್ಟ ನೆರ್ವೆರ್ಸೆ ;ಅ ಮಟ್ಟ ಎಮಿನ್ತ್ತೆ - ¹⁵ 15 :-ಜೆಭುಲೋನ್ ಸಿಮೆಲ ಪುನಾ ನೆಪ್ಥಲಿಂ ಸಿಮೆ , ಯೋರ್ದನ ಇವ್ಥ್ಲ ಸಮುದ್ರಂ ದೇಗ್ರ ಉಂಡ ಸಿಮೆ , ಅನ್ಯ ಜನಲು ಉಂಡ ಸಿಮೆ , ¹⁶ 16:-ಸಿಕ್ತಲ ವಸ್ಮೈನ ಈ ಸಿಮೆಲ ಜನ್ಲ್ಕಿ ಪೆದ್ದ ಎಲ್ಗು ಕಂಪದಿಚೀ ;ಕರ್ಗಥ್ಲ ಉಂಡ ದೆಸ್ಮೊಲ್ಕಿ ಸುರೋದಯ ಆಯಾ ಅನಿ . ¹⁷ 17:-ಅಪ್ಪ್ದ್ನಿಂಕ ಯೇಸು -ಪರೋಲೋಕ ರಾಜ್ಮು ಸಮಿಪಮ್ಯ ;ದೇವಡ ದೇಗ್ರ್ಕಿ ರಾಂಡಿ ಅನಿ ಸಾರಿ ಸೋಪ್ಪೆದಂಕಿ ಸುರುಸೆಸ್ರಿ . ¹⁸ 18:-ಇಪ್ಪ್ದುನಪ್ಪುಡು ,ಯೇಸು ಗಲಿಲಯ ಸಮುದ್ರ ದೇಗ್ರ ಪರದ್ಥಪುದ್ದು ಅಣ್ಣ ತ್ಹೊಮಂದ್ಲು ಬಲೆ ಬಿಸದನ್ನಿ ಸುಸ್ರಿ ;ವಳು ಪೆಥ್ರ ಅನ್ಪಿಚೆಟ್ಲ್ಗ ಸಿಮೊನ ಮರಿ ವಡ ತ್ಹೊಮ್ಮ್ದುದೈನ ಅಂದ್ರೆಯ .ವಳು ಬೆಸ್ಥಲು ,ಸಮುದ್ರಮ್ಲ ಬಲೆ ಬಿಸ್ಥುನ್ಡ್ಲಿ . ^{19 20} 19-20 :-ವಲ್ಕಿ ಅತ್ಹುದು -ನಾ ಜೋಥ್ಲ ರಾಂಡಿ ;ಮನುಷ್ಯಲ್ನಿ ಪೊಟ್ಟ ಬೆಸ್ಥ್ಲೈ ಮಿಮ್ನಿ ಸೇಸ್ಥನು ಅನಿ ಸೋಪ್ಥ ವಳು ವಾಲ್ ಬಲೆಲ್ನ್ನಿ ಉಡ್ಸಿ ವಡಾ ಎನ್ಕ ಪೈಲಿ. ²¹ 21 :-ಯೇಸು ಅದ್ನಿಕ ಮುಂದ್ರ ಪೈಹಿ ಉಂಕ ಇದ್ರು ಅಣ್ಣ ತ್ಹೊಮ್ನ್ದ್ಲು ಅಂತೆ ಜೆಬೇದಾಯದೈನ ಕೊಡ್ಕುದೈನ ಯಕೋಬುಡ ವಡಾ ತ್ಹೊಮ್ನ್ಲಿನ ಯೋಹನದ್ನ್ನಿ ಸೂಸೆ ;ವಿಲು ವಲ ತಂದ್ರಿಯಿನ ಜೆಬೇದಾಯದ ಜೋಥ್ಲ ದೊನಿಲ ವಲ ಬಲೆಲ್ನಿ ಸರಿಸೆಸ್ಥ ಉಂಡ್ಲಿ .ಅತ್ಹುಡು ವಿಲಿನಿ ಫಿಲ್ಚೀ . ²² 22 :-ಬಿರ್ನ ವಳು ದೊನಿನಿ ವಲ ತಂದ್ರಿನಿ ಉಡ್ಸಿ ಅತುದ್ನಿ ಹಿಮ್ಬಲಿಚಿಲ್ಲಿ . ²³ 23:-ಅಮಿತ್ಗ ಯೇಸು ಗಲಿಲಯ ಪಾರಡಿ ವಲ ಸಬಮಂದ್ರಿಲ ಉಪದೆಶ್ಮ್ ಸೇಸ್ಥ ,ಪರೋಲೋಕ ರಾಜ್ಯ ಸುವರ್ಥಲೆನಿ ಸಾರಿ ಸೋಪ್ಥ ಜನಲ ಅನ್ನಿ ಥರ ರೋಗನ್ನಿ ಅನಿ ಥರ ನಪ್ಪ್ನಿ ವಸಂಸೆಸ್ಥ ಹೊಚ್ಚೆ . ²⁴ 24:-ಅತುಡ ಸುದೀಲ್ನಿ ಸಿರಿಯಾ ದೆಸ್ಮ್ಲ ಹಬ್ಬಿಚಿನಿಂಕ ಪೈಲ ಸೇರಿಲೆಕುಂದಲೋನಿ ,ಅನ್ತ್ತೆ ಥರ ಥರ ರೋಗಬದೆಲ್ನಿನಿನ್ಕ ಬದಾಪದ್ಥುನ್ದೊಲ್ನಿ ದೈಮು ಪೋತ್ತುಕುನೋಲ್ನ್ನಿ ಮೂರ್ಛ ರೋಗಿಲ್ನಿ ಪಾರ್ಶ್ವವುಲ್ನ್ನಿ ಅತುಡು ದೇಗ್ರ ಫಿಲ್ಚ್ಕ ಹೊಚ್ಚೆ ;ಅತುಡು ವಲ್ನಿ ವಾಸಿಸೆಸೆ . ²⁵ 25:-ಪುನಾ ಗಲಿಲಯ ದೆಕಪೋಲಿ ಯೋರೋಸೋಲ್ಮ್ ಯುದಯ ಎಂಬೀ ಸ್ಥಲ್ಮ್ನಿಂಕ ಯೋರ್ದನ್ ಹೊಳೇಲ ಅಕ್ಕ್ದ್ನಿಂಕ ಜನ್ಲು ಗುಂಪು ಗುಂಪು ಮೈ ಅತುದ ಎನ್ಕ ಪೋಹ್ಲಿ .