2 ¹ 1:-ಅರ್ಸ್ಮೈನ ಹೆರೋದ್ಮಿನ ದಿನ್ಮುಲ ಯೂದಯ ಸಿಮ್ಲ ಬೆತ್ಲಹೆಮ್ ಅನಿ ಊರಲ ಯೇಸು ಪುಟ್ಟನ ಮೂಡಣ ದೇಶ್ಮುಲ ಜೋಹಿಸಲು ಯೋರೋಸ್ಲೋಮ್ಕಿ ಹೊಚ್ಹೀ ² 2:- -ಯೆಹುದ್ಯ್ಲ ಅರಸ್ಲೈ ಪುಟ್ನ ವಾಡು ಎಕ್ಕಡ ? ಅತ್ಹ್ದನಿ ಸುಪ ನಕ್ಷತ್ರ್ಮುನಿ ಮಾಮು ಮೂಡಣ ದೇಶ್ಮುಲ ಕಂಪಡಿ ವಡ್ಕಿ ಅದ್ಪಡಲ ಅನಿ ಹೊಸ್ಥ್ಮಿ ಅನಿ ಸೋಪ್ಲಿ . ³ 3 :-ದಿನ್ನಿ ಎಂಪದಿ ಅರ್ಸ್ಮೈನ ಹೆರೋದುಡು ವಡ ಕೂಡ ಯೋರೋಸ್ಲೋಮಲ್ಲ ಉಂಡಲು ಕಳವಲ್ಪತ್ತ್ಲಿ . ⁴ 4 :-ವಾಡು ಯೆಹುದ್ಯ್ಲ ಅಂದ್ರು ಮಹಾಯಜ್ಕುಲ್ನಿ ಶಸ್ರ್ತಿಲ್ನಿ ಸೇರ್ಪಿ -ಕ್ರಿಸ್ತುಡು ಪುತ್ತೆದಿ ಯಾನ ಅನಿ ವಲ್ನಿ ಅಡ್ಗೆ . ⁵ 5 :-ವಾಳು ವಲ್ಕಿ -ಯುದಯಮೈನ ಬೆತ್ಹ್ಲೆಹೆಮ್ಲ ;ಯೆನ್ದುಕಂತ್ತೆ - ⁶ 6 :-ಯೆಹುದ ಸಿಮೇಲೆ ಬೆತ್ಹ್ಲೆಹೆಮೆ , ಯೆಹುದಮೈನ ಮುಕ್ಮು ಊರಲ ನುವ ಎಂಥ ಮತ್ರ್ಮು ಸಂಮ್ಕದು . ಒಚ್ದ್ದು ಅಡಿಪಥಿನಿಕ ನಿಲೋಗನಿಂಕ ಹೊಚ್ಹೇದಿ . ಅತುಡು ನಜನ್ಲಿನ ಇಸ್ರಹೆಲ್ನಿ ಅಳೋಡು ಅನಿ ಪ್ರವದಿನಿಂಕ ರಸಿನ್ನ್ಡಿ ಅನಿ ಸೊಪ್ಪೇ . ^{7 8} 7-8 :-ಅಪ್ಪ್ದು ಹೆರೋದುಡು ಯೋರ್ಕಿ ಗೊತ್ಹ್ಲೆಕುಂಡ ಆ ಜೋಶಲ್ನಿ ಪಿಲ್ಚಿ ಆ ನಕ್ಷ್ಥ್ರಮ್ನಿ ಸುಸಿನ ಕಾಲ್ಮ್ನಿ ವಾಲ ನಿಂಕ ಬಾಗ ತಿಳ್ಚ್ಕೊನಿ - ಮಿರು ಪೈಹಿ ಆ ಬಿಡ್ನ್ನ ವಿಸ್ಮುಲ ಬಾಗ ಅಡಿಕೊನಿ ರಾಂಡಿ;ಆದಿ ಸಿಕ್ನ್ಪದು ಪೈನ ನಾಕಿ ಸೋಪೆಂಡಿ ; ನಾನು ಕೂಡ ಹೊಚ್ಚಿ ದಂಕಿ ಅದ್ಪೋಡಲ ಅನಿ ಸೊಪ್ಪಿ ವಲ್ಕಿ ಬೆಹ್ಲೆಮ್ಕಿ ಹಂಪಿಚಿಚೀ . ⁹ 9 :-ವಾಳು ಅರಮೈನ ಮಟ್ಟವಿನಿ ಪೈಹಿ ಮೂಡಣ ದೆಸ್ಮ್ಲ ಸುಸಿನ ನಕ್ತ್ರತ್ರ್ಮ್ನಿ ವಾಲ್ ಮುಂದ್ರ ಮುಂದ್ರ ಪೈಹಿ ಬಿದ್ದುಂದ ಜಗಲಾ ಪೈನ ಹೊಚ್ಹೀ ನಿಚೆಕೊನೆ . ¹⁰ 10:-ವಾಳು ನಕ್ಷತ್ರ್ಮ್ನಿ ಸುಶೀ ಹೆಚಾಂಗ ಕುಸಿಪತ್ಲಿ . ¹¹ 11:-ಪುನಾ ಅ ಎನ್ತ್ಕಿ ಪೈಹಿ ಅ ಬಿದ್ದ್ನಿ ದಾನಿ ಥಲ್ಲಿಹೈನ ಮರಿಯಲ ದೇಗ್ರ ಸೂಸಿ ದಂಕಿ ಸಸ್ತಂಕ ನಮಸ್ಕ್ರ್ಮಸೆಸಿ ವಲ ಗಂಟ್ಲ್ನಿ ಇಪ್ಪಿ ದನ್ಕಿ ಬಂಗರ್ಮು ದುಪಾ ರಕ್ಥಬೋಲನಿ ಕನಿಕೆಮೈ ಹಿಚ್ಚೆ . ¹² 12:-ಅ ಮಿತ್ಕ ದೇವಡು ಕನಸ್ಲ ವಲ್ಕಿ ಮಿರು ಹೆರೋದುಡ ದೇಗ್ರ ಪುನ ಪೋಕ್ದು ಅಪ್ನೆ ಎಚೀ ವಲ್ನಿ ಉಂಕೊಕ್ಟಿ ದವ್ನಿಂಕ ವಾಲ್ ದೆಷ್ಮ್ನಿಕಿ ಪೈಲ್ಹಿ . ¹³ 13:-ವಳು ಪೈನಪ್ಪುದು ಕರ್ಥನ ದುತುಡು ಯೋಸೆಪು ಕನ್ಸಲ ಹೊಚ್ಚಿ ನುವ ಲೆಸಿ ಅ ಬಿಡ್ನಿ ವಲ ಥಲ್ಲಿನಿ ಪಿಲ್ಚ್ಕೊನಿ ಐಗುಪ್ಥ ದೆಸ್ಮ್ನ್ಕಿ ಪಾರಿಫೋಹಿ ನೇನು ನಿಕಿ ಸೋಪ್ಪ ತಂಕಾಗ ಅಡೆ ಉಂಡು ; ಹೆರೋದುಡು ಅ ಬಿಡ್ನ್ನಿ ಸೋಪಾಲ ಅನಿ ದಾನಿ ಪುಡ್ಕ್ಥುಂದೆ ಅನೆ . ^{14 15} 14-15 :-ಅಪ್ಪ್ದು ವಡು ಲೆಸಿ ಬಿಡ್ನ್ನಿ ದಾನ ತಲಿನಿ ರಾತ್ರಿಲ ಪಿಲ್ಚ್ಕನಿ ಐಗುಪ್ಥ ದೆಸ್ಮ್ಕಿ ಹೆರೋದುಡು ಸಚಿಪೈಥಂಕ ಅಡೆ ಉಂಡೆ .ದಿನಿಂಕ -ನಾ ಕೊಡ್ಕನಿ ಐಗುಪ್ಥ ದೆಷ್ಮ್ನಿಂಕ ಪಿಲ್ಚೆ ಅನಿ ಕರ್ತುಡ ಪರ್ವದಿನಿಕ ಮಕಥರ್ನಿಂಕ ಸೋಪ್ನ ಮಟ್ಟ ನೆರ್ವೆರ್ಸೆ . ¹⁶ 16 :-ಅಪ್ದು ಹೆರೋದುಡು ನಾಕಿ ಮೊಸ್ಮು ಸೇಸ್ಲಯಾನಿ ತಿಕೊನಿ ನಿಂದ ಕೊಪ್ಮಲ ಆಳುನಿ ಅಮ್ಪಿಚಿ ನೇನು ಜೋಹಿಸ್ಲ್ನಿಂಕ ತಿಳ್ಚ್ಕನ ಕಲ್ಮ್ಕಿ ಸರ್ಪೈ ,ಬೆತ್ಹ್ಲೆಮ್ಲ ಅಡಾ ಅಂತ ಪಕ್ಲ ಪಕ್ಲ ಊರಲ ರೊಂಡು ವರ್ಸ್ಮ್ಲೋಗ ಉಂಡ ಮೊಗ ಬಿಡ್ಲ್ನಿ ಅಂತ ಸೋಪ್ಮ್ಪೆಬಿಚೆ . ¹⁷ 17:-ಯೆರೆಮಿನಿಂಕ ಪರ್ವದಿಯ ಸೋಪ್ನ ಮಟ್ಟ ಅ ಕಲ್ಮಲ ನೆರ್ವೆರ್ಸೆ ; ಆದಿಎಂನ್ತೆ - ¹⁸ 18:-ರಮಲುಂದ ಬೋಬ್ಬೆಯು ಎಂಪದಿಚೆ ; ಹೆದ್ಸಡಿ ಬಾಲ ಗೊಳ್ತ್ಮು ಉಂಡೆ ; ರಹೆಳಲು ತನಿ ಬಿಡ್ಲ್ಕಿ ಹೆಡ್ಸಿ ವಳು ಲೆಗುಂದ ಪೋಹಿದಂಕಿ ಸಮದ್ನ್ಮು ಲೆಕುಂದ ಉಂಡೆ ಅನಿ. ^{19 20} 19-20 :-ಹೆರೋದುಡು ಸಚಿಪೈನ ಅಮಿಕ ಐಗುಪ್ಥ ದೆಸ್ಮ್ನಿಂಕಿ ಕರ್ಥನ ದುತುಡು ಯೋಸೆಪಿನ ಕನ್ಸಲ ಹೊಚ್ಚಿ- ನುವ ಲೆಸಿ ಅ ಬಿದ್ದ್ನಿ ವಲ ತಲಿನಿ ಪಿಚ್ಕೊನಿ ಇಸ್ರಹೇಲ್ ದೆಸ್ಮ್ನಿಂಕಿ ಫೋ ಅ ಬಿದ್ದನ ಪ್ರನಮ್ನಿ ತಿಯಳನಿ ಉನ್ನೋಳು ಸಚಿಪೋಹಿನಲು ಅನಿ ಸೊಪ್ಪೇ . ²¹ 21:-ಅಪ್ಪ್ದು ಯೇಸೋಪೆಡು ಅ ಬಿದ್ದ್ನಿ ದನ್ಥಲಿನಿ ಪಿಚ್ಕೊನಿ ಇಸ್ರಹೇಲ್ ದೆಸ್ಮ್ನಿಂಕಿ ಹೊಚ್ಚೆ . ²² 22 :-ಐತ್ಹೆ ಅರ್ಖೆಲುಡು ತನಿ ತಂದ್ರಿಯಿನ ಹೆರೋದುಡು ಮರ್ಪೋಹಿ ಯುದಯ ಹೆಡ್ಸ್ಥ್ದುನಿ ಅಡಗಿ ಅನಿಂಕ ಪೈಹೆಕಿ ದಸ್ಕೊನೆ .ಅಪ್ಪ್ದು ವಡು ಅ ಬಿದ್ದ್ನಿ ದೇವುಡ ಅಪ್ನೆನಿ ಹಿಚ್ಚಿ ಗಲಿಲಯ ಸಿಮ್ನ್ಕಿ ಪೋಹಿಲಿ . ²³ 23 :-ಪುನಾ ನಜೆರೆಥ್ ಅನಿ ಉರ್ಕಿ ಹೊಚ್ಚಿ ಅನಾ ಇಲ್ಲೂ ಸೆಸಿ ಉಂಡೆ .ದನಿಕ -ನಜರಾಯ ಅನಿ ಪೆರು ಹೊಚ್ಚೆ ಅನಿ ಪ್ರವದಿಲ್ನಿಂಕ ಸೋಪ್ನ ಮಟ್ಟ ನೆರ್ವೆರ್ಸೆ .