1
1
ಯೇಸು ಕಿಸ್ತಡ ದಸಾಡಯಿನ ಯಕೋಬಡ ತಮ್ದು ಆಯಿನ ಯುದಡು ತಂದ್ರಿಯನ ದೆಹುದ್ಲ ಪ್ರಿಯಮೈನೋಳು ಯೇಸು ಕಿಸ್ತದ್ಗಾಗಿ ಕಸ್ಕೊನಲು ಐನೊಲ್ಕಿ ರಸದೆಮಂಟೆ-
2
-ದೆಹುಡ್ನಿನ್ಕ ಪಿಲ್ಚ ಮಿಕಿ ಕರುಣೆ ಶಾಂತಿ ಪ್ರೀತಿ ಜಸ್ತಿಕನಿ.
3
ಮಿಕಿ ಹುದುಯಿನ ರಕ್ಷಣಾ ವಿಸ್ಯಂ ಮಿಕಿ ರಸದೆಮಂತೆ ಪೂರ್ಣ ಆಸಕ್ತಿನಿನ್ಕ ಪ್ರಯತ್ನಂ ಸೇಸ್ತ್ಹೊನಪುದು ದೇವ ಜನಲ್ಕಿ ಶಸ್ವತಗಹುನ್ದತ್ಲ ಒಕ್ಕೆ ಸಾರಿ ಒಪಿನ ನಮ್ಬಿಕೆನಿ ಕಪ್ದ್ಕೊನಕಿ ಮಿಳು ಪರಡಲಅನಿ ಜಗ್ರತಗ ರಸೇಡಿ ಅವಸ್ಯ್ಸ್ಮನಿ ಅನ್ಪಿನ್ಚಿಂದಿ.
4
-ಎಂದುಕಂಟೆ ಭಿಕಿಹಿನುಲು ಮಾ ದೆಹುದ ಕುರ್ಪೆನಿ ನೆಪಂ ಸೇಸ್ಕನಿ ನಾಚಿಕೆ ಅಹಿನ ಪನ್ನಿ ಸೇಸೋಳು ಮಾ ಆಕಡೆ ಕರ್ತುಡ ಅಹಿನ ಯೇಸು ಕಿಸ್ತುಡಣಿ ಅರಿಯೋಳು ಅಹಿನ ಕೊಂಚಂ ಜನ್ಲು ಸಬೇಲ ದೊಗಲಿಚಂತ್ಲ ಹುನ್ದಳು; ವಲ್ಕಿ ಈ ದಂಡನೆ ಕವಳನಿ ಏನಕ ವಾಲ್ ವಿಸ್ಯ್ಮ್ಲ ರಸಿಂದಿ.
5
-ಮಿಳು ಸಮಸ್ಥಾನಿ ಮೊದ್ಲೇ ಗೊತ್ಳಹಿನು ನೇನು ಮುಂದ್ರ ಕೆಲಹು ಸಗತಿನಿ ಮಿ ಜ್ಞಪಂಕಿ ರಬಿಯ್ಲ ಅನಿ ಅನುಕುಂತ. ಅವಿ ಯವ್ನ್ತೆ ಕರ್ತಡು ವಡ ಪ್ರಜೆಲ್ನಿ ಇಗುಪ್ಥನಿಕಿ ಹುದ್ಸನ ಅಮಿಂಕ ವಲ್ಲ ನಬ್ಕೆಲೆಕುಂದ ವಲ್ನಿ ನಾಶಮ್ಸೆಸ.
6
ಮಾ ದೊರೆತನಮ್ನಿ ಕಪ್ದ್ಕುಂದ ವಲ್ಕಿ ವಸಸ್ಥಮ್ನಿ ಹುದ್ಸ ದೇವದುಕಿ ದೆಹುದು ನಿತ್ಯಮಹಿನ ಬೇಡಿಲ್ಮ್ನಿ ಎಶಿ ಮಹಾ ದಿನ್ಮ್ಲ ಅಹಿನ ದಂಡನೆಯ ತಿರ್ಪ್ಗಿ ವಲ್ನಿ ಸಿಕ್ತಲ ಪೆತ್ನದು.
7
ಸೊದೊಮು ಗೊಮರ ಉರೋಲು ದನ್ನ ದೆರ್ರ ಹುಂಡ ಹುರೋಲು ಆ ದುತಲ್ಕ ನಡ್ಸಕನಿ ಪಹಿ ವಲ್ನೆ ಜರತ್ವಕಿ ಒಪಿಂಚಿ ಸವ್ಬವೆರುದಂಗ ಸುಕಂನಿ ಅನುಸರಿಚಿಂದಂಕಿ ವಳು ನಿತ್ಯಮಹಿನ ಅಗ್ನಿಲ ದಂದನೆನಿ ಅನುಬವಿಂಚ ಹುದರ್ನಗ ಪೆಟ್ನಲು.
8
ಎತ್ಲ ಹುನಪುದು ಈ ಜನ್ಲು ಸ್ವಪ್ನವೆವಸೆ ಹುನಪ್ದು ಅಡೆ ರಿತಿಯಂಗ ಶರೀರಣಿ ಗಲೀಜು ಸೇಸ್ಕಂತಲೂ. ಪ್ರಜಪ್ರಬುತ್ವನಿ ಅಸದೆಸೆಸ್ತರು. ಮಹಾ ಪದವೇಣಿ ದುಸಿಸ್ತರು.
9
ಧುತದು ಅಹಿನ ಮೀಕಯೇಲಡು ಮೋಶೆ ಶವ ವಿಸ್ಯಮ್ಲ ಸೈತನ ಜೋಟ್ಲ್ಕ ಜಗಡ ಅಡಿ ವ್ವ್ಗ್ದನಂ ಪ್ರರಕರಂಗ ವಡು ಸೈತನ ಪೈನ ದುಸನ ಅಬಿಪ್ರಯ್ನಿ ಸೋಪಡ್ನ್ಕಿ ದಿರ್ಯಂ ಲೆಹುಂದ - ಕರ್ತುದು ನಿನಿ ಕಂದಿಂಚನಿ ಅನೆ.
10
-ಅಹಿನ ಈ ಜನಲು ವಲ್ಕಿ ಗೊತ್ಲೆಗುಂತ್ಕ ಅನಿನಿ ದುಸಿಸ್ತರು. ಅಮಿಂಕ ವಲ್ಲು ವಿವೇಕ ಶುನ್ಯ್ ಪಸುಳತ್ಕ ತಿಲ್ಸೊಂತಲೋ ದಂತಲ ವಲ್ನಿ ಸೇದ್ಪೆಸ್ಕೊಂತಲೂ ವಾಲ್ ಗತಿನಿ ಎಂ ಸೋಪದ್ನು.
11
ವೇಲು ಕಹಿನಡ್ನ ಮರ್ಗಮ್ನಿ ಪೊಟ್ಕೊನೆವಳು ದ್ರವ್ಯ ಸಪಮ್ಪದನೆಕೊಸಂ ಬಿಲಾಮನ ಬ್ರಾಂತಿಲ ಪುರ್ನಂಗ ಮುಲ್ಗ್ನು ಕೊರಹನತ್ಲ ಎದ್ರ್ಮತ್ಲ್ ಡಿ ನಸಂಮಾಹಿ ಪೋತಳು.
12
ವಿಲು ಸಮುದ್ರ ಲೋಗನಿಂಕ ಗುಪ್ತ ಮಹಿನ ಬಂಡೆಲ್ತ್ಕ ಮಿಲ ಪ್ರೇಮಬೋಜನ್ಮ್ಲ ಹುಂಡಿ ತೀನಿತಗ್ತಳು ಬಮ್ಲೆಕುಂದ ವಾಲ್ ಕೊಡ್ಪ್ನಿ ಸುಸ್ಕನೆ ಕುರ್ಬಿನಲು. ವಿಲು ಗಲ್ಲಾ ಕುದ್ಕನಿ ಬೇರು ಸಹಿತ ಪೆರ್ಕ್ಪೆನ ಮನ್ಲು.
13
ಸ್ವಂತ ಅವ್ಮನಮ್ನಿ ನೋರೆನಿ ಹುದ್ಸ ಸಮುದ್ರನ ಅಲೆಳು ಇನಲು.ಹೊಲ್ಸ ನಕ್ಷ್ತ್ರ ವಿಳ ಪಾಲ್ಗೆ ಸಿಕ್ಟಿ ಅನಿಸತಿ ಪೆಟ್ನಲು.
14
15
ವಿಲ್ ವಿಸ್ಯಮ್ಲ ಅದಮದ್ಕಿ ಯೋಡ್ನೆಯ ತಲೆಯೋದೈನ ಹನೋಕಡು ಇಪಡು ಕರ್ತಡು ಲಕ್ಷ್ಹ ತರಂ ಪರಿಶುದ್ದ ದೇವದುತನಿ ಪಿನ್ಚನಿಪಾಹಿ ಅಂದರ್ನು ನಾಯ್ಮು ತಿರ್ಪದಂಕಿ ಬಕ್ತಿ ಹಿನ್ಲು ಅಂದ್ರು ಸೇಸನ ಬ್ಕಕಿ ಲೆಕುಂದ ಅನಿ ಪಾಣಿ ವಿಸ್ಯಮ್ಲ ಅಮಿಕ ಭಕ್ತಿಲೆಕುಂದ ಪಪಿಲು ವಲ್ಪೈನ ಸೋಪ್ನ ಅನಿ ಕಸ್ಟಮ್ ಮತಲ ವಿಸ್ಯಮ್ಲ್ಕ ವಲ್ನಿ ಖಂಡಿಚೆದಂಕಿ ವಚೆ ಅನಿ ಪ್ರವದಿಂಚೆ.
16
-ವಿಲು ಗುಂಗುಟೆವಳು ವಾಲ್ ಗತಿನಿ ನಿಂದಿಚೋಲು ವಾಲ್ ದುರಸೆನಿ ಅನುಸರಿನ್ಚೆ ನಡ್ಸೋಳು ಐನಲು. ವಿಲ್ ನೋಟ್ಲ ಪೇದ್ದ ಪೆದ್ದ ಮತ್ಳು ವಾಸ್ತವಿ.ವಿಲು ಸ್ವಂತ ಪ್ರಯೋಜನ್ಕನಿ ಮುಕ ಶುತಿ ಸೇಸ್ತರು.
17
ಪ್ರೆಯುಲ ಮಿಲೈನ ಮಾ ಕರ್ತಾಡ ಯಿನ ಯೇಸು ಕಿಸ್ತಡ ಅಪೋಲೋಸ್ತಲು ಮೊದ್ಲು ಸೋಪಿನ ಮತಲ್ನಿ ಜಪಾನ್ ಸೇಸ್ಕಂಡಿ,
18
ಬಕ್ತಿಕಿ ವಿರುದ್ಧಯಿನ ವಾಲ್ ಅಶೆನಿ ಅನುಸರಿಚಿ ನಡ್ಸೆ ಕುಚೋದ್ಯಗರುಲು ಅಂತ್ಯಕಾಲಮಲ ಹುನ್ದಳನಿ ವಳು ಮಿಕಿ ಸೋಪ್ನಲುಕಾದ .
19
ವಿಲು ಭೇದಲ್ನಿ ಹುನ್ತ್ಸೆಶೋಲ್ನಿ ಪೆರಕ್ರುಥ ಮನುಸ್ಯ್ಳು ದೆಹುದತ್ಮ ಲೆಕುಂದೊಳು ಅಹಿನಲು,
20
-ಪ್ರಿಯುಲ ಮಿಕೈನ ಮಿಕುಂದ ಅತಿ ಪರಿಶುದ ಮೈನ ಕಿಸ್ಥ ನಬಿಕೆನಿ ಅದರಂ ಸೇಸ್ಕನಿ ಬಕ್ತಿನಿಂಕ ಅಬಿರುದಿ ಪೊಂದ್ಕನಿ ಪವಿತ್ರತ್ಮ ಪೆರ್ರಿತ್ನ್ಗ ಪ್ರತನಂ ಸೇಸ್ತ.
21
ನಿತ್ಯ ಜೀವನ್ಕಾಹಿ ಮಾ ಕರ್ತುಡು ಯಿನ ಯೇಸು ಕಿಸ್ತಡನಿ ಕರುನ್ನೆನಿ ಎದುರುಸುಸ್ತ ಮಿಮಲ್ನಿ ದೆಹುದ ಪ್ರಿಥಿನಿಕ ಕಪದ್ಕೊಂಡಿ.
22
23
ಪಡೆ ಕೆಲವ್ಲ್ಕಿ ಕರುಣೆ ಸುಪಿನ್ಚಂಡಿ ಅವ್ಲ್ನಿ ಅಗ್ಗಿ ಲೋಗನಿಚ ಎಸ್ಕನಿ ರಕ್ಸಿಚಂಡಿ, ಕೆಲವಲ್ನಿ ಬಯಮ್ನಿಕ ರಕ್ಸಿನ್ಚಂಡಿ ಹೊಲಸು ನಡೆನಿಂಕ ಮೈಲಿಗೆ ಅಹಿನ ವಲ್ನ ಅಂಗಿನಿ ಅಸ್ಯಮ್ಸೆಸ್ಕಂಡಿ .
24
-ಪೋದ್ಕುಂದ ಮಿಮಲ್ನಿ ಕಪದ್ಕೊದಂಕಿ ವಲನ ಪ್ರಬಾವದ ಸಮಕ್ಸಮಲ ಮಿಮಲ್ನಿ ನಿರ್ದೊಸಿಯಂಗ ಸಂತೋಷಗ ನಿಲ್ಪದಂಕಿ ಸಕ್ತಳಹಿನ,
25
-ಮಾ ಕರ್ಸದೈನ ಒಕ್ಕಡೆ ದೆಹುದ್ಕಿ ಮಾ ಕರ್ತಡ ಯೇಸು ಕಿಸ್ತಡ ಮುಲಕಂಗ ಪ್ರಬಾವ ಮುಕ್ಯಮೈನ ಅದಿಪತ್ಯ ಅದಿಕರಿಲು ಅನಿ ಕಲ್ಲಕಿಂಕ ಮೊದ್ಲು ಹುನ್ದತ್ಗ ಎಪುದು ಯಪುಡು ಹುಡ್ನಿ. ಆಮೆನ್ ,