9 ^{1 2} 1.ಯೇಸು ನಡ್ಸಿಪಾಯೇಪ್ದು ಒಕ್ಕ ಪುಟ್ ಗುಡ್ದೋಡ್ನೀ ಸೂಸ್ನಾಡು. 2.ಆತುಡ ಶಿಷ್ಯಾಲು-ಗುರುವೇ,ಊಡು ಗುಡ್ದೋಡೈಯ್ಯಿ ಪುಟ್ನಾದ್ಗು ಯವ್ಳು ಪಾಪಂ ಸೇಸ್ನಾರು?ಊಡೋ?ಊಡ ತಂಡ್ರಿ ತಲ್ಲಿಲೋ?ಅನಿ ಆತುಡ್ನಿ ಅಡ್ಗಿoದಾನ್ಗು-ಊಡು ಪಾಪಂ ಸೇಯ್ಯಿಲೇದು, ^{3 4 5} 3.ಊಡ ತಂಡ್ರಿತಲ್ಲಿಲು ಪಾಪಂಸೇಯ್ಯಿಲೇದು;ದೇವುಡ ಕ್ರಿಯೇಲು ಊಡ್ಲಾ ಸೂಪಿ ವಚ್ಚಿದಾನ್ಗು ಇದಾಯಾ. 4.ನನ್ನಿ ಅಂಪಿಚ್ಚಿನಾತುಡ ಕಾರ್ಯಾಲ್ನಿ ಮೀಮು ಪೊಗಲುನ್ನಪ್ಪಡೆ ನಡ್ಪಾಲ.ರಾತ್ರಿ ವಸ್ತಾದಿ,ಆದಿ ವಾಚ್ನಪೈನ ಯವ್ಳು ಕೆಲಸಂಸೇಸಲೇದು. 5.ನೀನು ಲೋಕoಲಾ ಉನ್ನಪ್ದು ಲೋಕಾನ್ಗಿ ಎಲ್ಗುಅಯ್ನಾನು ಅನ್ನಾಡು. ^{6 7} 6.ದಾನ್ನಿ ಸೊಪ್ಪಿ ನ್ಯಾಲಪೈನ ಊಸಿ ಆ ಉಗುಳ್ನಿಂಕ ಕೆಸರುಸೇಸಿ ಆ ಕೆಸರ್ನಿ ವಾಡ ಕಂಡುಲ್ಗಿ ಪುಸಿ 7.ನುವ್ವ ಸೀಲೋವ ಕೊಳನ್ಗಿ ಪಾಯಿ ಕಡಿಕ್ಕೊ ಅನ್ನಾಡು(ಸಿಲೋವ ಅನೆ ಮಾಟ್ಗಿ ಅಂಪಿಚ್ಚಿಚ್ನಾವಾಡು ಅನಿಅರ್ಥಂ)ವಾಡು ಪಾಯಿ ಕಡಿಕ್ಕಾನಿ ಕಂಡ್ಲು ಹೊಂದ್ನಾವಾಡುಆಯಿ ವಚ್ನಾಡು. ^{8 9} 8.ಅಪ್ಡು ನೆರೆಹೊರ್ಮಾ ವಾಡು ಬಿಕ್ಷುಗಾರುಡುಆಯ್ನoದ್ಗು ಮೊದ್ಲು ಸೂಸ್ನಾನು-ಊಡು ಕುಚ್ಗವುಂಡ ಆ ಬಿಕ್ಷುಕುಡುಕಾದೆ ಅನ್ನಾರು. 9.ಕೆಲವ್ಳು-ಹೌನು,ವಾಡೆ ಅನ್ನಾರು;ಇಂಕ ಕೆಲವ್ಳು-ವಾಡುಕಾದು,ವಾಡಲಾಕ ಅನ್ನಾರು.ವಾಡೈತೆ-ನೀನೆ ವಾಡು ಅನ್ನಾಡು. ^{10 11 12} 10.ಅಪ್ಡು ವಾಳು-ನೀಕಿ ಕಂಡ್ಲು ಎಟ್ಟವಚ್ನಾವಿ?ಅನಿ ವಾಡ್ನಿ ಅಡ್ಗಿoದಾನ್ಗು ಊಡು ಯೇಸು ಅನೋಡುಉಂಡಾಡುಕದ, 11.ವಾಡು ಕೆಸ್ರುಸೇಸಿ ನಾ ಕಂಡ್ಲುಗಿ ಪುಸಿ ಸಿಲೋವಕೊಳಾನ್ಗಿ ಪಾಯಿ ಕಡಿಕ್ಕೋ ಅನಿ ಸೋಪ್ನಾರು;ನೀನು ಪಾಯಿ ಕಡಿಕ್ಕಂಟ್ನಿ;ಕಂಡ್ಲು ವಚ್ನಾವಿ ಅನ್ನಾಡು. 12.ವಾಳು-ವಾಡುಯಾನುಂಡಾಡು ಅನಿ ವಾಡ್ನಿ ಅಡ್ಗಿoದಾನ್ಗು ವಾಡು-ನಾಕಿ ಗೊತ್ಲೆದು ಅನ್ನಾಡು. ^{13 14 15} 13.ಮುಂದ್ರ ಗುಡ್ಡೋಡು ಊಡ್ನೀ ಫರಿಸಾಯ್ಲಾ ದೇಗ್ಗರ್ಗಿ ಪಿಲ್ಚಗಾನಿ ಪೈನಾರು. 14.ಯೇಸು ಕೆಸರುಸೇಸಿ ವಾಡ್ಗಿ ಕಂಡ್ಲು ಇಚ್ನ ದಿನ್ಮು ಸಬ್ಬತ್ ದಿವಸಂಆಯಿoಡೆ. 15.ಆಯ್ನಾಕಾರಣಂ ಈ ಫರಿಸಾಯುಲು ಸಹ ವಾಡ್ನಿ ವಿಚಾರಿಚ್ಚಿ-ನೀಕಿ ಎಟ್ಟ ಕಂಡ್ಲು ವಚ್ನಾವಿ ಅನಿ ಅಡ್ಗಿನ್ನಾರು.ವಾಡು ವಾಳ್ಗಿ-ಕೆಸರ್ನಿ ನಾ ಕಂಡ್ಲಾಪೈನ ಪೆಟ್ನಾಡು,ನೀನು ಕಡಿಕ್ಕಾನ್ನಾನು,ಕಂಡ್ಲು ಕನ್ಬಿಸ್ತಾವಿ ಅನಿ ಉತ್ತರo ಇಚ್ನಾಡು. ^{16 17 18} 16.ಆ ಫರಿಸಾಯರ್ಲಾ ಕೆಲವ್ಳು -ಈ ಮನುಷ್ಯಾಡು ದೇವುಡ್ನಿಂಕ ವಚ್ನವಾಡುಕಾದು;ವಾಡು ಸಬ್ಬತ್ ದಿವಸಂನೀ ಲಕ್ಷ್ಯಸೇಸಲೆದುಕದ ಅನ್ನಾರು.ಇಂಕ ಕೆಲವ್ಳು-ಇಟ್ಟ ಮಹತ್ತುಲ್ನಿ ಸೇಸದಿ ಭಕ್ತಿಹಿನುಡ ಸೈನ್ನಿಂಕ?ಅನ್ನರು ಇಟ್ಟೆ ವಾಳಾ ಭೆದಂಆಯಾ. 17.ಇಟ್ಟುಂಡಗ ವಾಳು ತಿರ್ಗಿ ಆ ಗುಡ್ದೋಡ್ನೀ-ವಾಡು ನೀಕಿ ಕಂಡ್ಲ್ಲು ಇಚ್ನದ್ಗು ನುವ್ವ ವಾಡ ವಿಷ್ಯಂಗ ಏಮಿ ಸೋಪ್ತಾವು ಅನಿ ಅಡ್ಗಿoದಾನ್ಗು ವಾಡುಆತುಡಪ್ರವಾದಿ ಅಂಟಾನು ಅನಿ ಸೋಪ್ನಾಡು. 18.ಆಯ್ತೆ ವಾಚ್ನವಾಡ ವಿಷಯಂಗ ಆ ಯೆಹೂದ್ಯಾಲು-ಊಡು ಗುಡ್ದೋಡುಆಯಿಂಡಿ ಇಪ್ದು ಕಂಡ್ಲುಉಳ್ಳವಾಡುಆಯ್ತಿ ನಂಬೆಗುಂಡ ವಾಡ ತಂಡ್ರಿತಲ್ಲಿಲ್ನಿ ಪಿಲ್ಬಿಚ್ಚಿ- ^{19 20 21} 19.ಗುಡ್ದೋಡು ಆಯಿಂಡಿ ಪುಟ್ನಾವಾಡುಅನಿ ಮೀಳು ಸೊಪ್ಪೇಅಟ್ಟ ಮೀ ಕೊಡ್ಕು ಊಡೋ?ಇಪ್ದು ಊಡ್ಗಿ ಕಂಡ್ಲು ಯಟ್ಟ ವಚ್ನಾವಿ ಅನಿ ವಾಲ್ನಿ ಅಡ್ಗ್ನಾರು. 20.ವಾಡ ತಂಡ್ರಿತಲ್ಲಿಲು -ಊಡು ಮಾ ಕೊಡ್ಕುಕಾನಿ ಗುಡ್ದೋಡುಆಯಿ ಪುಟ್ನಾವಾಡುಅನಿ ಗೊತ್ಲೆದು; 21.ಇಪ್ದು ಇಟ್ಟ ಕಂಡ್ಲು ವಚ್ನಾವೋ ಗೊತ್ಲೆದು;ಕಂಡ್ಲು ಇಚ್ನಾವಾಡು ಯಾವಳೋ ಗೊತ್ಲೆದು ಊಡ್ನೆ ಅಡ್ಗoಡ್ಡಿ;ಪ್ರಾಯಂಮೊಡುಅಯ್ನಾಡು ಕದ;ಊಡೆತನ್ನ ವಿಷಯಂಗ ಸೋಪ್ಪೆವಾಡು ಅನಿ ಉತ್ತರಂಇಚ್ನಾರು. ^{22 23} 22.ವಡಾ ತಂಡ್ರಿತಲ್ಲಿಲು ಯೆಹೂದ್ಯಾಲ್ಗಿ ಅಂಜ್ನಾ ಕಾರಣಂಈ ಪ್ರಕಾರಂ ಸೋಪ್ನಾರು.ಎಂದ್ಗೂ ಅಂಟೆ ಯವ್ವಲೈನಾ ಯೇಸುನಿ ಕ್ರೀಸ್ತುಡುಅನಿ ಒಪ್ಗಾನಿ ಸೋಪ್ತೆ ಅಟ್ಟವಾಡ್ಗಿ ಬಹಿಷ್ಕಾರoಎಯ್ಯಾಲ ಅನಿ ಯೆಹೂದ್ಯಾಲು 23.ಅದ್ಗೆ ಮುಂದ್ರೆ ಗೊತ್ತು ಸೇಸ್ಗಾವುನ್ಡ್ರಿ ಊಳು ಪ್ರಾಯಂಮೋಡು, ಊಡ್ನೆ ಅಡ್ಗoಡಿ, ವಾಡ ತಂಡ್ರಿತಲ್ಲಿಲು ಸೊಪ್ಪಿನ್ದಾಂಗು ಊಡೆ ಕಾರಣಂ. ^{24 25} 24.ಆಯ್ನಾಕಾರಣಂ ಗುಡ್ದೋಡು ಆಯ್ನಾ ಆ ಮನುಷ್ಯಾಡ್ನೀ ರೊಂಡ್ನೆಸಾರಿ ಪಿಲ್ಚಿ-ನುವ್ವ ದೆವುಡ್ಗಿ ಮಾನಂವಚ್ಚೆಅಟ್ಲಾ ಸೊಪ್ಪು;ಆ ಮನುಷ್ಯಾಡು ಭಕ್ತಿಹಿನುಡುಅನಿ ಮಾಮು ತಿಲುಸ್ನಾಮು ಅನಿ ಸೋಪ್ಪಾಲು ವಾಡು 25.ಆತುಡು ಭಕ್ತಿಹೀನುಡೋ ಎಮೋ ನಾಗೊತ್ಲೇ.ಒಕ್ಟಿ ಮಾತ್ರಂ ಗೊತ್ತು,ಗುಡ್ದೋಡು ಆಯ್ನಾನು,ಇಪ್ದು ಕಂಡ್ಲು ಕನ್ಬಿಸ್ತಾವಿ ಅನ್ನಾಡು. ^{26 27 28 29} 26.ವಾಳು ವಾಡ್ನಿ-ನೀಕಿ ಏಮಿ ಸೇಸ್ನಾನು?ನೀಕಿ ಎಟ್ಟ ಕಂಡ್ಲು ಇಚ್ನಾಡು ಅನಿ ಅಡ್ಗಿoದಾನ್ಗು ವಾಡು- 27.ಮೀಕಿ ಅಪ್ದೆ ಸೋಪ್ನಾನುಕದ,ಮೀಳು ಅಡ್ಗೆಲೇದು;ಎಂದ್ಗೂ ತಿರ್ಗಿ ಅಡ್ಗಲನ್ಕುನ್ನಾರು?ಆತುಡ ಶಿಷ್ಯಾಲಾಯೇಕಿ ಮೀಕಿ ಮನಸ್ಸುoದೋ?ಅನ್ನಾಡು. 28.ಅದ್ಗೆ ವಾಳು ವಾಡ್ನಿ ತಿಟ್ಟಿ-ನುವ್ವ ಆ ಮನುಷ್ಯಾಡ ಶಿಷ್ಯ;ಮಾಮು ಮೋಶೆಯ ಶಿಷ್ಯಾಲು; 29.ಮೋಶೆಯ ಸಂಗಡಂ ದೇವುಡು ಮಾಟಾಡ್ನಾಡನೀ ಮಾಮು ತಿಳುಸ್ನಾಮು;ಆಯ್ತೆ ಊಡು ಯಾನೋಡೋ ಗೊತ್ಲೆದು ಅನ್ನಾರು. ^{30 31} 30.ಅದ್ಗೆ ಆ ಮನುಷ್ಯಾಡು-ಆತುಡು ಕಂಡ್ಲು ಇಚ್ನಾನು ಆತುಡು ಯಾನೋಡೋ ಮೀಕಿ ಗೊತ್ಲೆಕುನ್ನ ಉಂಡೆದಿ ಅಶ್ಚರ್ಯಂಕಾದೋ. 31.ಭಕ್ತಿಹೀನುಲ ಪ್ರಾರ್ಥನೆನೀ ದೇವುಡು ಇನೇಲೇದು;ಯಾವ್ವುಡು ಭಕ್ತುಡಾಯಿoಡ್ಡಿ ಆತುಡ ಚಿತ್ತಂಮಟ್ಟೇ ನಡುಸ್ತಾಡೋ ವಾಡ ಪ್ರರ್ಥಾನೆನಿ ಇನ್ಟಾಡುಅನಿ ಗೊತ್ಲೆದು. ^{32 33 34} 32.ಪುಟ್ನಾ ಗುಡ್ದೊಡ್ಗಿ ಯವ್ವಳೈನಾ ಕಂಡ್ಲು ಇಚ್ನ ಸಂಗತಿನ್ನಿ ಲೋಕಾದಿನ್ನಿಂಕ ಒಕ್ಕಳು ಅಡ್ಗಿoದ್ದಿಲೇದು; 33.ಈತುಡು ದೇವುಡ್ನಿoಕ ವಚ್ನಾವಾಡುಕಾಗಬಾತೆ ಎಮು ಸೇಯ್ಯೇಗುಂಡ ಉಂಟಾಡು ಅನ್ನಾಡು. 34.ಈ ಮಾಟ್ನಾ ವಾಳು-ನುವ್ವ ಕೇವಲ ಪಾಪಂಲಾ ಪುಟ್ನಾವಾಡು,ಮಾಕಿ ಉಪದೇಶಂ ಸೇಸ್ತಾವೋ ಅನಿ ಸೊಪ್ಪಿ ವಾಡ್ನಿ ಆತರ್ಗಿ ಎಸ್ನಾರು. ^{35 36 37 38} 35.ವಾಡ್ನಿ ಆತರ್ಗಿ ಎಸ್ನಾಳುಅನಿ ಯೇಸು ಅಡ್ಗಿ ವಾಡ್ನಿ ಕನ್ಗಾನ್ನಿ-ನುವ್ವ ಮನುಷ್ಯಾಕುಮಾರುಡ್ನೀ ನಮ್ಬ್ತಾವೋ ಅನಿ ಅಡ್ನಾಡು. 36.ಅಂದ್ಗು ವಾಡು-ಆತುಡು ಯವ್ಳು,ಸ್ವಾಮೀ?ತಿಲ್ಬಿಸ್ತೆ ಆತುಡ್ನಿ ನಮ್ಬ್ತಾನು ಅನ್ನಪ್ದು ಯೇಸು - 37.ನುವ್ವ ವಾಡ್ನೀ ಕನ್ನಾವು;ನೀ ಸಂಗಡಂ ಮಟಾಡ್ತಾವುಂಡವಾಡು ನೀನೇ ವಾಡು ಅನ್ನಾಡು. 38.ನಂಬ್ತಾನು ,ಸ್ವಾಮೀ,ಅನಿ ಸೊಪ್ಪಿ ಆತುಡ್ಗಿ ಅಡ್ಡಂಪೋಡ್ನಾಡು. ^{39 40 41} 39.ಅಪ್ಡು ಯೇಸು-ನೀನು ನ್ಯಾಯಂತಿರ್ಪಿಗೈಯ್ಯಿ ಈ ಲೋಕಾನ್ಗಿ ವಚ್ನಾನು;ಆ ತೀರ್ಪು ಎಮಂಟೆ,ಕಂಡ್ಲುಲೆಕುನ್ನವಾಳ್ಗಿ ಕಂಡ್ಲುವಸ್ತಾವಿ,ಕಂಡ್ಲು ಉನ್ನಾನು ಗುಡ್ದೋಳು ಆಯ್ತಾರು ಅನ್ನಾರು. 40.ದೀನ್ನಿ ಆತುಡ ಸಂಗಡಂ ಉಂಡ್ನಾ ಫರಿಸಾಯರ್ಲು ಇನಿ-ಮಾಮು ಗುಡ್ದೋಳೆಮೋ?ಅನಿ ಅಡ್ಗ್ನಾಪ್ದು ಯೇಸು ವಾಳ್ಗಿ- 41.ಮೀಳು ಗುಡ್ದೋಳು ಆಯಿoಟೆ ಮೀಕಿ ಪಾಪಮು ಉಂಟಾವುoಡ್ಲೆ;ಮಾಕಿ ಕಂಡ್ಲು ಕನ್ಬಿಸ್ತಾವಿ ಅಂಟಾರುದಾನ್ನಿಂಕ ಮೀ ಪಾಪಮು ಉಳ್ಸಿoದಿ.