17 ^{1 2} 1.ಯೇಸು ಈ ಮಾಟ್ನೀ ಆಡ್ನಾಪೈನಾ ಅಕಾಶಂ ಕಡ್ಗಿ ಕಣ್ಡೆತ್ತಿ ಸೂಪಿಂದೆಮಟ್ಟೆ-ತಂಡ್ರಿ ಕಾಲಂವಸ್ತೆ;ನೀ ಕೊಡ್ಕುನ್ನಿ ಮಹಿಮೆ ಪಡ್ಬಿಚ್ಚು ಅಪ್ಡು ಕೊಡ್ಕು ನಿನ್ನಿ ಮಹಿಮೆ ಪಡ್ಬಿಚ್ಚೆಕೈಯ್ಯಾದಿ. 2.ನುವ್ವ ವಾಡ್ಗಿ ಯಾವ್ವಯವ್ವಲ್ನಿ ಇಚ್ನಾವೋ ವಾಳoದ್ರಿ ವಾಡು ಸತ್ಯ ಜೀಮ್ನಿ ಇಯ್ಯಾಲಾನಿ ವಾಡ್ಗಿ ಅಂತ ಮನುಷ್ಯಲಾ ಪೈನ ಅಧಿಕಾರಂನ್ನಿ ಇಚ್ನಾವುಕದ ^{3 4 5} 3.ಒಕ್ಕಡೆ ಸತ್ಯ ದೇವುಡೈನಾ ನಿನ್ನಿ ನುವ್ವ ಅಂಪಿಚ್ಚಿಚ್ನಾ ಯೇಸು ಕ್ರೀಸ್ತುಡ್ನಿ ತಿಲ್ಚೆದೆ ನಿತ್ಯಜೀಮು. 4.ಸೇಯ್ಯಲಾನಿ ನುವ್ವ ನಾಕಿ ಇಚ್ನಾ ಕೆಲಸಂನ್ನಿ ನೀನು ನೆರವೇರಿಚ್ಚಿ ನಿನ್ನಿ ಭೂಲೋಕಂಲಾ ಮಹಿಮೆಪಡ್ಬಿಚ್ನಾನು. 5.ಇಪ್ದು ತಂಡ್ರಿಯೇ,ನುವ್ವ ನೀ ದೇಗ್ಗರ ನಾನ್ನಿ ಮಹಿಮೆ ಪಡ್ಬಿಚ್ಚು;ಲೋಕಂಉಂಟೈಯ್ಯಕ್ಕು ಮುಂದ್ರ ನಿಉಇ ದೇಗ್ಗರ್ಲಾ ನಾಕುನ್ನ ಮಹಿಮೆ ನಿನ್ಕಾನೆ ನನ್ನಿ ಮಹಿಮೆ ಪಡ್ಬಿಚ್ಚು. ^{6 7 8} 6.ಲೋಕಂಲೋಗನ್ನಿಂಕ ನುವ್ವ ನಾಕಿ ಇಚ್ನ ಮನುಷ್ಯಲ್ಗಿ ನೀ ಪೇರ್ನಿ ತಿಳಿಯ ಪಡ್ಬಿಚ್ನಾನು.ಊಳು ನೀ ವಾಳೈನಾನು ನುವ್ವ ಊಲ್ನಿ ನಾಕಿ ಇಸತ್ವಿ;ಮಲಿ ಊಳು ನೀ ವಾಕ್ಯಮ್ನಿ ಸೈಗಾನ್ನಿ ನಡ್ಸನ್ನಾರು. 7.ನುವ್ವ ನಾಕಿ ಇಚ್ಚಿಂದoತ ನಿನ್ನಿನ್ಕಾನೆ ವಚ್ಚಿಂದೆ ಅನಿ ಇಪ್ದು ಊಳು ತಿಳ್ಸಗ್ಗನ್ನಾರು. 8.ಯಟ್ಟoಟ್ಟೆ ನುವ್ವ ನಾಕಿ ಇಚ್ನಾ ಮಾಟ್ಲ್ನಿ ನೀನು ಊಳ್ಗಿ ಇಚ್ನಾನು;ಊಳು ಈ ಮಾಟಲ್ನಿ ಸೈಗನಿ ನನ್ನಿ ನೀ ದೇಗ್ಗರ್ನಿoಕ್ಕ ಎಲ್ಲಿ ವಾಚ್ನವಾಡು ಅನಿ ನಿಜಂಗ ತಿಳ್ಸಿ ನುವ್ವೇ ನನ್ನಿ ಅಂಪಿಚ್ಚಿ ಇಚ್ಚಿಂದಾಯಿ ನಂಬ್ನಾರು. ^{9 10 11} 9.ನೀನು ಊಳಗೊಸ್ಕರಂ ಅಡಿಕ್ಕಂಟಾನು; ಲೋಕಂಗೊಸ್ಕರಂ ಅಡಿಕ್ಕಗುಂಡ ನುವ್ವ ನಾಕಿ ಇಚ್ನಾವಾಳ ಗೊಸ್ಕರಂಮೇ ಅಡಿಕ್ಕoಟಾನು;ನೀ ವಾಳೈನಾಳು. 10.ನಾದಿಕಾದು ನೀದೆ,ನೀದಂತ ನಾದೆ;ಮಲಿ ಊಳ್ನೀoಕ ನೀಕಿ ಮಹಿಮೆ ಉಂಟೈoದಿ. 11.ಇಂಕ ನೀನು ಲೋಕಂಲಾ ಉಂಡೆಲೇ,ಊಳು ಲೋಕಂಲಾ ಉಂಟಾರು,ನೀನು ನೀ ದೇಗ್ಗರ್ಗಿ ವಸ್ತಾನು.ಪವಿತ್ರುಡೈನಾ ತಂಡ್ರಿಯೇ,ನೀನು ಒಕ್ಕಟೈನಾ ಅಟ್ಟೆ ಊಳು ಒಟ್ಗಾoಗ ಉಂಡಾಲನಿ ನುವ್ವ ನಾಕಿ ಇಚ್ನಾ ನೀ ಪೆರ್ಲಾ ಊಳ್ನೀ ಕಾಯಾಲ. ^{12 13 14} 12.ನೀನು ಊಳ ಜೊತ್ಲಾ ಉಂಡನಪ್ಡು ನುವ್ವ ನಾಕಿ ಇಚ್ನ ನೀ ಪೆರ್ಲಾ ಊಳ್ನಿ ಕಾಸ್ತಾ ವಚ್ನಾನು.ಊಳ್ನಿ ಕಾಪಾಡ್ನಾಡು;ಶಾಸ್ತ್ರoನ ಮಾಟ ನೆರವೇರಟ್ಲಾ ನಾಶಾಂಗಿ ಗುರಿ ಆಯ್ನಾ ಆ ಮನುಷ್ಯಡೆ ಹೊರ್ತು ಊಳ ಮಲ್ಯವ್ಳು ನಾಶಂಕಾಲೇ. 13.ಆಯ್ತೆ ಇಪ್ದು ನೀ ದೇಗ್ಗರ್ಗಿ ವಚ್ಚವಡೈನಾನು ದಾನ್ನಿಂಕ ಊಳ ನಾ ಆನಂದಮು ಪರಿಪೂರ್ಣಮೈಯ್ಯಟ್ಲಾ ಲೋಕಂಲಾ ಉಂಡಿ ಈ ಮಾಟಲ್ನಿ ಆಡ್ತಾನು. 14.ನೀನು ನೀ ವಾಕ್ಯಮ್ನಿ ಊಳ್ಗಿ ಇಚ್ನಾನು;ನೀನು ಲೋಕಂಮಾಡು ಕಾಗುoಡಾನೆ ಉಂಡೆ ಪ್ರಕಾರಂ ಊಳು ಲೋಕಂಮೋಳು ಕಾದು ಆಯ್ನಾಕಾರಣಂ ಲೋಕಮು ಊಳ ಪೈನ ದ್ವೆಶಂಸೇಸಿoದ್ದಿ. ^{15 16 17} 15.ಊಲ್ನಿ ಲೋಕಂಲೊಗನ್ನಿಂಕ ತಿಸ್ಗಾನಿ ಪೋವ್ವಾಳನಿ ನೀನು ಅಡಿಕ್ಕನಾಲೇದು.ಕೇಡುಕ್ಕಡ್ನೀoಕ್ಕ ತಪ್ಪಿಚ್ಚಿ ಕಾಪಾಡಲ ಅನಿ ಅಡಿಕ್ಕಟಾನು. 16.ನೀನು ಲೋಕಂಮೋಡು ಕಾಗುಂಡ ಉಂಡೆ ಪ್ರಕಾರಂ ಊಳು ಲೋಕಂಮೋಳುಕಾದು. 17.ಊಳ್ನಿ ಸತ್ಯಮ್ಲಾ ಸೇರಿಚ್ಚಿ ಪ್ರತಿಷ್ಠೆ ಪಡ್ಬಿಚ್ಚಿ ನೀ ವಾಕ್ಯಮೆ ಸತ್ಯಮು. ^{18 19} 18.ನುವ್ವ ನನ್ನಿ ಲೋಕನ್ಗಿ ಅಂಪಿಚ್ಚಿಚ್ನಟ್ಟ ನೀನು ಊಳ್ನಿ ಲೋಕಾನ್ಗಿ ಅಂಪಿಚ್ಚಿಚ್ನಾಡು. 19.ಊಳು ನಿಜಂಗ ಪ್ರತಿಷ್ಠಿತಲುಕಾವಾಲನೀ ಊಲ್ಗೋಸ್ಕರಂ ನೀನು ನನ್ನಿ ಪ್ರತಿಷ್ಠೆ ಪಡ್ಬಿಚ್ಗಟಾರು. ^{20 21} 20.ಆಯ್ತೆ ಊಲ್ಗೊಸ್ಕರಂ ಮಾತ್ರoಕಾಗುಂಡ ಊಳ ವಕ್ಯoನ್ನಿಂಕ ನಂಬೆವಾಲ್ಗೊಸ್ಕರಂ ಸಹ ಅಡಿಕ್ಕಟಾನು. 21.ನುವ್ವ ನನ್ನಿ ಅಂಪಿಚ್ಚಿಚ್ನಾವು ಅನಿ ಲೋಕಮು ನಂಬೆದಾನ್ಗೈ ವಾಳoದ್ರೂ ಒಟ್ಟoಗ ಉಂಡಾಲನಿ ತಂಡ್ರಿಯೇ,ನುವ್ವ ನಾಲಾನು ನಾನು ನಿಲಾನು ಉಂಡೆ ಪ್ರಕಾರಂ ವಾಳು ಮಾಲಾ ಉಂಡಾಲನಿ ಅಡಿಕ್ಕoಟಾನು. ^{22 23} 22.ಮಾಮು ಒಕ್ಕಟೈನ ಪ್ರಕಾರಂ ವಾಳು ಒಕ್ಕಟೈಡಾಲನಿ ನುವ್ವ ನಾಕಿ ಇಚ್ಚುಂಡ ಮಹಿಮೆಯನ್ನು ನೀನು ವಾಳ್ಗಿ ಇಚ್ನಾನು. 23.ನೀನು ವಾಳಾನು ನುವ್ವ ನಾಲಾನು ಉಂಡಲಾಗ ವಾಳ ಐಕ್ಯಮು ಪೂರ್ಣ ಸಿದ್ದಿಗಿ ವಚ್ಚೆದಾನ್ನಿಂಕ ನುವ್ವ ನನ್ನಿ ಅಂಪಿಚ್ಚಿಚ್ನಾವು ಅನಿ ನುವ್ವ ನನ್ನಿ ಪ್ರೀತಿಚ್ನಟ್ಟೆ ವಾಳ್ನು ಪ್ರೀತಿಚ್ನಾವು ಅನಿ ಲೋಕಾನ್ಗಿ ತಿಳ್ಸಿ ವಸ್ತಾದಿ. ²⁴ 24.ತಂಡ್ರಿಯೇ ನುವ್ವ ಯವ್ವಲ್ನು ನಾಕಿ ಇಚ್ನಾವೋ ವಾಳು ನಾನುoಡ ಸ್ಥಳoಲಾ ನಾ ಜೊತ್ಲಾ ಉಂಡ್ಗಾನಿ ಲೋಕಮು ಪುಟ್ಟೇಗಾಂಗಿಂತ ಮುಂದ್ರೆ ನುವ್ವ ನನ್ನಿ ಪ್ರೀತಿಚ್ಚಿ ನಾಕಿ ಇಚ್ನಾ ಮಹಿಮೆನ್ನಿ ಸೋಡಾಲನಿ ಇಚ್ಚೈಸ್ತಾನು. ^{25 26} 25.ನೀತಿಸ್ವರೂಪಡೈನಾ ತಂಡ್ರಿಯೇ ಲೋಕಂಅಂತು ನಿನ್ನು ತಿಲಿಳೆದು ಆಯ್ತೆ ನೀನು ನಿನ್ನಿ ತಿಳ್ಸನಾನು;ಮಲಿ ಊಳು ನುವ್ವೇ ನನ್ನಿ ಅಂಪಿಚ್ಚಿಚೈ ತಿಳಚ್ಗನಾರು. 26.ನೀನು ವಾಳ್ಗಿ ನೀ ಪೇರ್ನಿ ತಿಲ್ಬಿಚ್ನಾನು ಇಂಕ ತಿಲ್ಬಿಸ್ತಾನು ನುವ್ವ ನಾ ಪೈನಾ ಪೆಟ್ನಟ್ಟ ಪ್ರೀತಿಯು ವಾಳಾ ಉಂಡಾಲನಿ ನೀನು ವಾಳ ಪ್ರಾರ್ಥಿಸ್ತಾನು ಅನ್ನಾಡು.