15 ^{1 2} 1.ನೀನೆ ನಿಜಮೈನ ದ್ರಾಕ್ಷೆಬಳ್ಳಿ.ನಾ ತಂಡ್ರಿ ತ್ವಟಗಾರುಡು 2.ನಾಲಉಂಡಿ ಫಲಂಇಗುಂಡಉಂಡ್ಡ ಪ್ರತಿಯೋಕ್ಕ ಕೊಂಬೆನ್ನಿ ಆತುಡು ತಿಸೆಸ್ತಾಡು;ಫಲಂ ಇಚ್ಚ ಪ್ರತಿಯೋಕ್ಕ ಕೊಂಬೇಮು ಹೆಚ್ಚು ಫಲಂ ಇಚ್ಚ ಅಟ್ಟೆ ದಾನ್ನಿ ಶುದ್ದಿಸೇಸ್ತಾಡು. ^{3 4} 3.ನೀನು ಮೀಕಿ ಸೋಪ್ನ ವಾಕ್ಯಂನ ದೆಸೆನ್ನಿಂಕ ಇಪ್ದು ಶುದ್ದಲೈನಾಳು. 4.ಮೀಳು ನಾ ನೆಲೆಗೊಡ್ಡoಡ್ಡಿ,ನಾನು ಮೀಲ ನೆಲೇಗೊಂಡ್ನಾನು.ಕೊಂಬಮು ದೇಗ್ಗರ ನೆಲೆಗೊಂಡ್ಗುoಟ್ಟೆ ಯಟ್ಟೋ ತನ್ನಿಸ್ಟನ್ಗಿ ತಾನೇ ಫಲಂ ಇಚ್ಛೆಲೈಯ್ಯೇಲೇದು ಅಟ್ಟೆ ಮೀಳು ನಾಲ ನೆಲೆಗೊಂಡ್ಗುoಟ್ಟೆ ಫಲಂಇಚ್ಛೆಲೈಯ್ಯೆಲೇದು. ^{5 6 7} 5.ನಾನು ದ್ರಾಕ್ಷಾಬಳ್ಳಿ,ಮೀಳು ಕೊಂಬೇಳು ;ಒಕ್ಕಡು ನಾಲಾನು ನೀನು ವಾಡ್ಲಾನು ನೆಲೆಗೊಂಡುoಟ್ಟೆ ವಾಡೆ ನಿಂಡ ಫಲಂ ಇಸ್ತಾಡು;ಮೀಳು ನನ್ನಿ ಉಡ್ಸಿ ಏಮು ಸೇಯ್ಯಲೆಯ್ಯೇಲೇದು. 6.ಯವ್ವಡು ನಾಲ ನೆಲೆಗೊಂಡುoಡ್ಲೆದೋ ವಾಡು ಆ ಕೊಂಬೆಲಗಾನೇ ಇತರ್ಗಿ ಪಾರೆಸ್ನಾ ಎಂಡಿಪಾತಾಡು;ಅಟ್ಟ ಕೊಂಬಾಲ್ನಿ ಕೂಡ್ಪಿ ಅಗ್ಲಾ ಎಸ್ತಾರು,ಅವಿ ಕಾಲಿಪಾತಾವಿ. 7.ಮೀಳು ನಾಲಾನು ನಾ ವಾಕ್ಯಾಳು ಮೀಲಾನು ನೆಲೆಗೊಂಡುoಟ್ಟೆ ಏಮಿಕಾವಾಲ್ನು ಬೇಡ್ಗಂಡ್ಡಿ,ಅದಿ ಮೀಕಿ ದೊರಕ್ತಾದಿ. ^{8 9} 8.ಮೀಳು ನಿಂಡ ಫಲಂಇಗುಂಡನೆ ಇಚ್ಛೆದಾನ್ನಿಂಕಾನೆ ನಾ ತಂಡ್ರಿಗಿ ಮಹಿಮೆ ಉಂಟೈತಾದಿ;ಮಲಿ ನಾ ಶಿಷ್ಯಲೈತಾಳು 9.ತಂಡ್ರಿ ನನ್ನಿ ಪ್ರೀತಿಚ್ನಾ ಅಟ್ಟೆ ನೀನು ಮಿಮ್ಮಲ್ನಿ ಪ್ರೀತಿಚ್ನಾನು;ನಾ ಪ್ರೀತಿಲಾ ನೆಲೆಗೊಂಡoಡ್ಡಿ. ^{10 11} 10.ನೀನು ನಾ ತಂಡ್ರಿಯ ಆಜ್ಞೆಲ್ನಿ ಸೈಗಾನಿ ನಡ್ಸಿ ಆತುಡ ಪ್ರೀತಿಲ ನೆಲೆಗೊoಡ್ನಾ ಮೇರೆಗಿ ಮೀಳು ನಾ ಅಜ್ನೆಲ್ನಿ ಸೈಗನಿ ನಡ್ಸತೆ ನಾ ಪ್ರೀತಿಲ ನೆಲೆಗೊಂಡುoಡoಡ್ಡಿ. 11.ನಾಲಾಉಂಡ್ನಾ ಆನಂಧಮು ಮೀಲಾನು ಉಂಡಾಲನಿ ಮೀ ಆನಂಧಮು ಪರಿಪೂರ್ಣoಕಾವಾಲನಿ ದೀನ್ನಂತ ಮೀಕಿ ಸೋಪ್ನಾನು. ^{12 13} 12.ನೀನು ಮಿಮ್ಮಲ್ನಿ ಪ್ರೀತಿಚ್ನ ಮೇರೆಗಿ ಮೀಳು ಒಕ್ಕಲೋಕ್ಕಲ್ನಿ ಪ್ರೀತಿಚ್ಚಾಲನದೇ ನೀನು ಇಚ್ಛೆ ಆಜ್ಞೆಆಯ್ಡಿ. 13.ಪ್ರಾಣoನ್ನೆ ಸ್ನೆಹಿತಲ್ಗೋಸ್ಕರಂ ಇಚ್ಛೆ ಪ್ರೀತಿನ್ನಿಂಕ ಹೆಚ್ನಾ ಪ್ರೀತಿಯು ಯಾವ್ದು ಲೇದು. ^{14 15} 14.ನೀನು ಮೀಕಿ ಇಚ್ನ ಆಜ್ಞೆಲ್ನಿ ಸರಿಯಂಗ ಮಿಳು ನಡಸ್ತೆ ಮೀಳು ನಾ ಸ್ನೇಹಿತ್ಲು. 15.ಇಂಕ ಪೈನ ನೀನು ಮಿಮ್ಮಲ್ನಿ ಮನ್ಸಿಲು ಅನೆಲೆದ;ಯಜಮಾನುಡು ಸೇಸೆಆಟ್ಟೆದಿ ಮನ್ಸಿಗಿ ತಿಲ್ಸೆಲೇದು.ಮಿಮ್ಮಲ್ನಿ ಸ್ನೇಹಿತಾಲನಿ ಸೋಪ್ನಾನು;ತಂಡ್ರಿಯ ಕಡ್ನಿoಕ್ಕ ನೀನು ಇನ್ನಾನುಕದ ಮೀಕಿ ತಿಲ್ಬಿಚ್ನಾನು. ^{16 17} 16.ಮೀಳು ನನ್ನಿ ಆರ್ಪಿ ತಿಸ್ಗಾಲೇದು;ನಾನು ಮಿಮ್ಮಲ್ನಿ ಆರ್ಪಿಚ್ಚಿ ತಿಸ್ಗನ್ನಾನು.ಮೀಳು ಎಲ್ಲಿ ಪಾಯಿ ಫಲಂಇಚ್ಚವಾಳ್ಕಾವಾಲನಿ ಮಿಮ್ಮಲ್ನಿ ನೇಮಿಚ್ನಾನು.ಇಟ್ಟುoಡಗ ನಾ ಪೆರ್ಲಾ ತಂಡ್ರಿನ್ನಿ ಎಮೇಮಿ ಬೇಡ್ಗಂಟಾರೋ ದನ್ನಿ ಆತುಡ ಮೀಕಿ ಇಸ್ತಾನು. 17.ಮೀಳು ಒಕ್ಕಲೋಕ್ಕಲ್ನಿ ಪ್ರೀತೊಚಾಲನಿ ಇವುಟ್ನೀ ಮೀಕಿ ಆಜ್ಞಾಪಿಸ್ತಾನು. ^{18 19} 18.ಲೋಕಮು ಮೀ ಪೈನ ದ್ವೆಷಂಸೇಸೆದೈತೆ ಅದಿ ಮೊದ್ಲು ನಾ ಪೈನ ದ್ವೆಷಂಸೇಸ್ತಾನನಿ ತಿಳ್ಚoಗoಡ್ಡಿ 19.ಮೀಳು ಲೋಕಂನ ಕಡೆವಾಲೈತೆ ಲೋಕಮು ಮೀ ಪೈನ ತನ್ನವಾಳನಿ ಮಮತೆ ಪೆಟ್ಟಾತಾವುಂಟದಿ;ಆಯ್ತೆ ಮೀಳು ಲೋಕಂನ ಕಡೆವಾಳ್ಕಾಗಬಾತೆ ಉಂಡೆದಾನ್ನಿoಕಾನು ನೀನು ಮಿಮ್ಮಲ್ನಿ ಲೋಕಂಲೋಗನ್ನಿಂಕ ಆರ್ಪಿ ತಿಸ್ಗಾವುಂಡೆದಾನ್ನಿಂಕಾನು ಲೋಕಂಮು ಮೀ ಪೈನ ದ್ವೇಷo ಸೇಸ್ತಾದಿ. ^{20 21 22} 20.ಧಣಿಗ್ಗಿಂತ ಮನ್ಸಿ ಪೆದ್ಡೋಡುಕಾದನಿ ನೀನು ಮೀಕಿ ಸೋಪ್ನಾ ಮಾಟ್ನೀ ಜ್ಞಾಪಕಂ ಸೇಸ್ಗoಡ್ಡಿ.ವಾಳು ನನ್ನಿ ಹಿಂಸಾಪದ್ಬಿಸ್ತೆ ಮಿಮ್ಮಲ್ನಿ ಸಹ ಹಿಂಸೆಪಡ್ಬಿಸ್ತಾರು;ವಾಳು ನಾ ಮಾಟ್ನೀ ಸೈಗನಿ ನಡ್ಸ್ತೆ ಮೀ ಮಾಟ ಸಹ ಸೈಗನಿ ನಡ್ಸತಾರು. 21.ಆಯ್ತೆ ವಾಳು ನನ್ನಿ ಅಂಪಿಚ್ಚಿಚ್ನಾವಾಡ್ನಿ ತಿಳ್ಚನ್ನವಾಡೈನಾದಾನ್ನಿಂಕ ದೀನ್ನಂತ ನಾ ಪೆರ್ನ ನಿಮಿತ್ತಂ ಮೀಕಿ ಸೇಸ್ತಾರು. 22.ನಾನು ವಚ್ಚಿ ವಾಳ ಕೂಡ ಮಾಟಾಡುoಟ್ಟೆ ವಾಳ್ಗಿ ಪಾಪಂಗೈ ವಾಳ್ಗಿ ಇಪ್ದು ನೆವಂಲೇದು. ^{23 24 25} 23.ನಾ ಪೈನ ದ್ವೇಷoಸೇಸೆವಾಡು ನಾ ತಂಡ್ರಿಯ ಪೈನಾನು ದ್ವೇಷoಸೇಸೆವಾಡೈನಾಡು. 24.ಮಲಿಯವ್ಳು ನಡ್ಪೆಗುನ್ನ ಕ್ರೀಯೇಲ್ನಿ ನೀನು ವಾಳ ನಡ್ಪೆಗುಂಡ ಉಂಟೆ ವಾಳ್ಗಿ ಪಾಪಂಮು ಉಂಟಾವುoಡ್ಲೆ; ಆಯ್ತೆ ಇಪ್ದು ವಾಳು ಸೂಸ್ನಾರು,ಆಯ್ನು ನಾ ಪೈನಾನು ನಾ ತಂಡ್ರಿಯ ಪೈನಾನು ದ್ವೆಷಂ ಸೇಸ್ನಾರು. 25.ವಾಳು ನನ್ನಿ ನಿಷ್ಕಾರಣಂಮೈ ದ್ವೇಷಿಚ್ನಾರು ಅನಿ ವಾಳ ಧರ್ಮ ಶಾಸ್ತ್ರಂಲಾ ರಾಸುಂಡ ಮಾಟ ನೆರವೇರಟ್ಲಾ ಇಟೈಯ್ಯೇ. ^{26 27} 26.ಅಯ್ತೆ ತಂಡ್ರಿಯ ದೇಗ್ಗರ್ನಿಂಕ ನಿಆನಿ ನೀಕಿ ಅಮ್ಪಿಚ್ಚಿಚ್ಚೆ ಸಹಾಯಕಡು,ಅಂಟ್ಟೆ ತಂಡ್ರಿಯ ದೇಗ್ಗರ್ನಿಂಕ ಎಲ್ಲೇ ಸತ್ಯಂನ ಆತ್ಮಡು,ವಚ್ನಾಪ್ದು ಆತುಡು ನನ್ನಿ ಕುರ್ಚಿ ಸಾಕ್ಷಿಸೋಪ್ನಾಡು. 27.ಮೀಳು ಮೊದ್ಲಿನ್ನಿಂಕ ನಾ ಸಂಗಡಂ ಉಂಡ್ನಾ ಕಾರಣಂ ಮೀಳು ಸಾಕ್ಷಿಲೈನಾರು.