13 ^{1 2} 1.ಪಸ್ಕ ಪಂಡ್ಗ ಮುಂದ್ರ ಯೇಸು ತಾನು ಈ ಲೋಕoನ್ನಿ ಉಡ್ಸಿ ತಂಡ್ರಿಯ ದೇಗ್ಗರ್ಗಿ ಪಕೈಪಾಯ ಕಾಲಂ ವಚ್ಚಅನಿ ತಿಳ್ಸಗಾನಿ ಲೋಕಂಲಉಂಡ್ನಾ ತನ್ನೋಳ್ನಿ ಪ್ರೀತಿಚ್ಚಿ ಪೂರ್ಣoಗ ವಾಳ್ನಿಪ್ರೀತಿಸ್ತಾ ವಚ್ನಾಡು. 2.ವಾಳು ಊಟಂಗಿ ಕೋಚ್ಗಉಂಡ್ರಿ;ಅಂತಿಟ್ಲೋಗ ಸೈತಾನುಡು ಸೀಮೋನುಡ ಕೊಡ್ಕೈನ ಇಸ್ಕರಿಯೋತ ಯೂದಡು ಮಂಸ್ಲಾ ಯೇಸುನ್ನಿ ಪೊಟ್ಟಿಯಾಲನಿಆಲೋಚನoನ್ನಿ ಪುಟ್ಟಿಚ್ನಾಡು. ^{3 4 5} 3.ಯೇಸು ತನ್ನ ಸೈಲಾ ತಂಡ್ರಿ ಅಂತದಾನ್ನಿ ಇಚ್ನಾಡನಿಯು ತಾನು ದೇವುಡ ದೇಗ್ಗರ್ನಿಂಕ ಎಲ್ಲಿವಾಚ್ಚಿoದ್ದಿ ಮಲಿ ದೇವುಡ ದೇಗ್ಗರ್ಗಿ ಪಾತಾನನಿಯು ತಿಳ್ಚಗನ್ನವಾಡೈಯು ಊಟಂನ್ನಿ ಉಡ್ಸಿ ಲೇಸಿ ಹೊದ್ದುoಡ 4.ಪೈನೋದಿಕೆನಿ ತೀಸ್ಪೆಟ್ಟಿ ಸೈ ಪಾವಡಂನ್ನಿ ತಿಸ್ಗಾನಿ ನಡುವಿನ ಕಟ್ಗನ್ನಾಡು. 5.ಅಪ್ಡು ಬೋಗುಣಿಲಾ ನೂಳು ಏಸ್ಗನೀ ಶಿಷ್ಯಲ ಕಾಲ್ನಿ ಕಡ್ಗೆದಾನ್ಗು ನಡುವಿನ ಕಟ್ಗನುoಡ್ಡ ಸೈಪಾವಡoನ್ನಿoಕ ಸೀಟೆದಾನ್ಗು ಪ್ರಾರಂಬಿಚ್ನಾಡು. ^{6 7 8 9} 6.ಇಟ್ಟೆ ಸೀಮೊನ ಪೆತ್ರುಡ ದೇಗ್ಗರ್ಗಿ ವಚ್ಚಾಲು ಊಡು ಆತುಡ್ಗಿ -ಸ್ವಾಮಿ,ನುವ್ವ್ ನಾ ಕಾಲ್ನಿ ಕಡ್ಗಲ್ನೆ?ಅನಿ ಸೋಪ್ನಾಡು. 7.ದಾನ್ಗೆ ಯೇಸು-ನೀನು ಸೇಸೇದಿ ಇಪ್ದು ನಾಕಿ ತಿಳ್ಸೆಲೇದು,ಇಂಕಪೈನ ನಾಕಿ ತಿಳ್ಸತಾದಿ ಅನ್ನಾಡು. 8.ಪೆತ್ರುಡು -ನುವ್ವ ನಾ ಕಾಲ್ನಿ ಎಂದ್ಗೂ ಕಡ್ಗೆಗುಡ್ದು ಅನಿ ಸೊಪ್ಪಿoದಾನ್ಗು ಯೇಸು-ನೀನು ನಿನ್ನಿ ಕಡ್ಗೆಲೆದoಟ್ಟೆ ನಾ ಸಂಗಡಂ ನೀಕಿ ಪಾಲೇದು ಅನ್ನಾಡು. 9.ಸೀಮೋನ ಪೇತ್ರುಡು-ಸ್ವಾಮೀ ನಾ ಕಾಲ್ನಿ ಮಾತ್ರಂಕಾಗುಂಡನೆ ಸೈಲ್ನಿ ತಲಾನ್ನಿ ಸಹ ಕಡ್ಗಲಾ ಅನ್ನಾಡು. ^{10 11} 10.ಯೇಸು ವಾಡ್ಗಿ-ಸ್ನಾನಂಸೇಸ್ಗನ್ನವಾಡಕಾಲ್ನಿ ಕಡ್ಗೆದಿಕಾಗುನ್ನಾನೆ ಬೇರೆಮು ಕಡ್ಗಬೇಕುoಡ್ಲೆ,ವಾಡ ಪೈಯ್ಯಂತ ಶುದ್ದಂಅಯ್ನ್ಡಿ.ಮೀಳು ಶುದ್ದಲೈನಾಳು;ಆಯ್ತೆ ಮಿಲಾ ಅಂದ್ರೂ ಶುದ್ದಲುಕಾದನಿ ಸೋಪ್ನಾಡು. 11.ಯೇಸು ತನ್ನನು ಪೊಟ್ಟಿಚ್ಚೆವಾಡು ಇಟ್ಟವಾಡೆ ಅನಿ ತಿಳ್ಸುoಡದಾನ್ನಿಂಕ ಮೀಲಾ ಅಂದ್ರೂ ಶುದ್ದಲುಕಾದುಅನ್ನಾಡು. ^{12 13 14 15} 12.ಆತುಡು ವಾಳ ಕಾಲ್ನಿ ಕಡ್ಗನ್ನ ಪೈನ ಪೈನೋದಿಕ್ಕಾನ್ನಿ ಎಸ್ಗಾನ್ನಿ ತಿರ್ಗಿ ಕುಚ್ಗಾನ್ನಿ ವಾಳ್ಗಿ ಸೋಪ್ಪಿಂದೇಮಂಟ್ಟೆ- 13.ಮೀಕಿ ಸೇಸಿಂದಿ ಎಮನಿ ಗೊತ್ತೈನೋ?ಮೀಳು ನನ್ನಿ ಗುರುವನಿ ಕರ್ತುಡನೀ ಪಿಲ್ಸತಾರು;ಮೀಳು ಪಿಲ್ಚೆದಿ ಸರಿ;ನೀನು ಅಟ್ಟವಾಡೆ ಹೌನು. 14.ಕರ್ತುಡು ಗುರುವೂ ಆಯ್ನನೀನು ಮೀ ಕಾಲ್ನಿ ಕಡ್ಗುoಡಾಗ ಮೀಳು ಸಹ ಒಕ್ಕಳು ಕಾಲ್ನಿ ಕಡ್ಗೆ ಹಂಗಿನವಾಲೈನಾಳು. 15.ನೀನು ಮೀಕಿ ಸೇಸ್ನಾ ಮೇರೆಗೆ ಮೀಳು ಸಹ ಸೇಸಟ್ಟ ಮೀಕಿ ಮಾದರಿನ್ನಿ ಸೂಪಿಚ್ನಾನು. ^{16 17 18} 16.ಮೀಕಿ ನಿಜನಿಜಂಗ ಸೋಪ್ತಾನು,ಧಣಿಗಿಂತ ಮನ್ಸಿ ಪೆದ್ದೋಡುಕಾದು,ಅಂಪಿಚ್ಚಿಚ್ನಾವಾಡು ಅಂಪಿಚ್ನೋಡ್ಗಿoತ ಪೆದ್ದೋಡುಕಾದು 17.ಮೀಳು ದೀನ್ನಿ ತಿಳ್ಸಗಾನಿ ದೀನಟ್ಟೆ ಸೇಸ್ತೆ ಮೀಳು ಧನ್ಯಲು. 18.ನೀನು ಮೀಳoದ್ರ ಕುರ್ಚಿ ಇ ಮಾಟ್ನೀ ಸೋಪ್ಲೆದು;ನೀನು ಆರ್ಪಗನ್ನವಾಲ್ನಿ ನಾಕಿ ಗೊತ್ತು;ಆಯ್ತೆ-ನಾ ಕೂಡ ಊಟಂಸೆಸವಾಡೆ ನಾಕಿ ಕಾಲ್ನಿ ಅಡ್ಡಗೊಡ್ನಾಡು ಅನಿ ಶಾಸ್ತ್ರoನಮಾಟ ನೆರವೇರಕಾವಾಲ. ^{19 20} 19.ಅದಿ ನಡ್ಪೆಪ್ದು ನನ್ನೇ ಆತುಡನೀ ಮೀಳು ನಂಬಟ್ಲಾ ಅದಿ ನಡ್ಸೆದಾನ್ಗಿoತ ಮುಂದ್ರೆ ದಾನ್ನಿ ಇಂದಿನ್ನಿಂಕ ಸೋಪ್ತಾನು. 20.ಮೀಕಿ ನಿಜನಿಜಂಗ ಸೋಪ್ತಾನು,ನೀನು ಅಂಪಿಚ್ಚಿಚ್ನಾವಾಡ್ನೀ ಅಂಗೀಕರಿಚ್ಚೆವಾಡು ನನ್ನಿ ಅಂಗೀಕರಿಚ್ಚೆವಾಡೈನಾಡು;ನನ್ನಿ ಅಂಗೀಕರಿಚ್ಚೆವಾಡು ನನ್ನಿ ಅಂಪಿಚ್ಚಿಚ್ನತುಡ್ನಿ ಅಂಗೀಕರಿಚ್ಚೆವಾಡೈನಾಡು. ^{21 22} 21.ದೀನ್ನಿ ಸೊಪ್ಪಿ ಯೇಸು ಆತ್ಮoಲ ತತ್ತರಂಗನಿ-ಮೀಕಿ ನಿಜನಿಜಂಗ ಸೋಪ್ತಾನು,ಮೀಲಾ ಒಕ್ಕಡು ನನ್ನಿ ಪೊಟ್ಟಿಚ್ಚೋಡನೀ ಸ್ಪಷ್ಟoಗ ಸೋಪ್ನಾಡು. 22.ಈತುಡು ಯವ್ಲ ವಿಷಯಂಮೈ ಈ ಮಾಟ್ನೀ ಸೋಪ್ತಾಡನೀ ಶಿಷ್ಯಲು ಅವಮಾನಂಪೊಡಿ ಒಕ್ಕಲೋಕ್ಕಲ್ನಿ ಸೂಸೆವಾಲೈನಾಳು. ^{23 24 25} 23.ಶಿಷ್ಯಲೋಗ ಯೇಸುಗಿ ಒಕ್ಕಡು ಆತುಡ ಎದೆಯ ದೇಗ್ಗರ ಒರ್ರಿಕ್ಕನುಟಾಡು; 24.ಊಡ್ಗಿ ಸೀಮೋನಪೇತ್ರುಡು ಸನ್ನೆ ಸೇಸಿ-ಯವ್ವಲ್ನು ಕುರ್ಚಿ ಮಾಟಾಡ್ನಾಡು,ತಿಲ್ಬಿಚ್ಚು ಅನಿ ಸೋಪ್ನಾಡು. 25.ವಾಡು ಅಟ್ಟೆ ಯೇಸುನ ಎದೆಯ ಕಡ್ಗಿ ವೆಂಗಿ ಸ್ವಾಮಿ,ವಾಡು ಯಾವ್ದು?ಅನಿ ಅಡ್ಗನ್ನಾಡು. ^{26 27} 26.ದಾನ್ಗೆ ಯೇಸು-ನೀನು ಈ ತುತ್ತಿನ್ನಿ ಅದ್ದಿ ಯವ್ವಲ್ಗು ಇಸ್ತಾಡೋ ವಾಡೆ ಅನಿ ಸೊಪ್ಪಿ ಆ ತುತ್ನಿ ಅದ್ದಿ ತಿಸಿ ಸೇಮೊನುಡ ಕೊಡ್ಕೈನ ಇಸ್ಕರಿಯೋತ ಯೂದುಡ್ಗಿ ಇಚ್ನಾಡು. 27.ವಾಡು ಆ ತುತ್ನಿ ತಿಸ್ಗಾನಿ ಕೂಡ್ಲೇ ಸೈತಾನುಡು ವಾಡ್ಲೋಗ ಹೊಕ್ನಾಡು.ಅಪ್ಡು ಯೇಸು ವಾಡ್ಗಿ-ನುವ್ವ ಸೇಸೆದಾನ್ನಿ ಬಿರ್ನ ಸೇಸುಡಿ ಅನಿ ಸೋಪ್ನಾಡು. ^{28 29 30} 28.ಆತುಡು ವಾಡ್ಗಿ ದೀನ್ನಿ ಯೆಂದಗೈ ಸೋಪ್ನಾಡನೆದಿ ಊಟನ್ಗಿ ಕುಚ್ಚನ್ನವಾಳಾ ಯವ್ವಲ್ಗು ಗೋತ್ಲೇದು; 29.ವಾಳಾ ಕೆಲವ್ಳು-ಯೂದುಡ ವಶಂಲ ದುಡ್ಲಾ ಗೊನು ಉನ್ನದ್ಗು ಪಂಡ್ಗೈ ಮಾಕಿ ಕಾಪೈಯ್ಯೇದಾನ್ನಿ ಅನ್ನದೈಯ್ಯೋ ಬಡವುಲ್ಗಿ ಎಮೈನು ಎಯ್ಯಿ ಅನ್ನಿನದೈಯ್ಯು ಯೇಸು ವಾಡ್ಗಿ ಸೋಪ್ತಾಡು ಅನಿ ನೆನಪಿಚ್ನಾರು. 30.ವಾಡು ಆ ತುತ್ನಿ ತಿಸ್ಗನಿ ಕೂಡ್ಲೇ ಅತರ್ಗಿ ಪೈನಾಡು.ಅಪ್ಡು ರಾತ್ರಿಆಯ್ಡೆ. ^{31 32 33} 31.ವಾಡು ಅತರ್ಗಿ ಪೈನಂಕ ಯೇಸು-ಇಪ್ದು ಮನುಷ್ಯಕುಮಾರುಡು ಮಾಹಿಮ ಪಟ್ನಾಡು,ಮಲಿ ದೇವುಡು ಆತುಡ್ಲಾ ಮಹಿಮೆಪಟ್ನಾಡು. 32.ದೇವುಡು ಆತುಡ್ಲ ಮಹಿಮೆಪಟ್ಟುoಡಲಾಗ ತನ್ನಲಾ ದೇವುಡು ಆತುಡ್ನಿ ಮಹಿಮೆಪಡ್ಬಿಸ್ತಾಡು,ಕೂಡ್ಲೇ ಮಹಿಮೆ ಪಡ್ಬಿಸ್ತಾಡು. 33.ಪ್ರೀಯ ಬಿಡ್ಲೇ,ಇಂಕ ಕೊಂಚಂಕಾಲ್ಮೆ ಮೀ ಸಂಗಡಂ ಉಂಟಾನು.ನನ್ನಿ ಹುಡುಕ್ತಾರು,ಅಯ್ತೆ ನೀನು ಪಾಯಾನ್ಗಿ ಮೀಳು ವಚ್ಚೆಲೇದು ಅನಿ ನೀನು ಯೆಹೂದ್ಯಲ್ಗಿ ಸೋಪ್ನಟ್ಟೆ ಇಪ್ದು ಮೀಕು ಸೋಪ್ತಾನು. ^{34 35} 34.ನೀನು ಮೀಕಿ ಒಕ್ಕ ಆಜ್ನೆನ್ನಿ ಇಸ್ತಾನು;ಯೆಮಂಟ್ಟೆ ಮೀಳು ಒಕ್ಕಾನೋಕ್ಕಳು ಪ್ರೀತಿಚ್ಚಾಲ;ನಾನು ಮಿಮ್ಮಲ್ನಿ ಪ್ರೀತಿಚ್ನ ಮೇರೆಗೆ ಮೀಳು ಸಹ ಒಕ್ಕಾನೋಕ್ಕಳು ಪ್ರೀತಿಚ್ಚಾಲ ಅನ್ನೆದೆ. 35.ಮಿಲೋಗ ಒಕ್ಕಳು ಪೈನೋಕ್ಕಲ್ಗಿ ಪ್ರೀತಿಉಂಟೆ ಅಂದ್ರೂ ಮಿಮ್ಮಲ್ನಿ ನಾ ಶಿಷ್ಯಲನಿ ತಿಳ್ಚಗಂಟಾರು ಅನ್ನಡು. ^{36 37 38} 36.ಸೀಮೋನ ಪೇತ್ರುಡು ಆತುಡ್ನಿ-ಸ್ವಾಮೀ,ಯಾನ್ಗಿ ಪಾತಾವು?ಅನಿ ಅಡ್ಗಿoದಾನ್ಗು ಯೇಸು ನೀನು ಪಾಯಾನ್ಗಿ ನುವ್ವ ಇಪ್ದು ನಾ ಯನ್ಕ ವಚ್ಚೆಲೆದು,ತರುವಾಯಂ ನಾ ಯನ್ಕ ವಸ್ತಾವು ಅನ್ನಾಡು. 37.ಪೇತ್ರುಡು ಆತುಡ್ಗಿ-ಸ್ವಾಮಿ,ನಾನು ಯಂದ್ಗು ಇಪ್ದು ನೀ ಯನ್ಕ ವಚ್ಚೆಲೇದು?ನೀಕೈಯ್ಯಿ ನಾ ಪ್ರಾಣಂನೈನಾನು ಇಚ್ನಾನು ಅನಿ ಸೋಪ್ಪಾಲು 38.ಯೇಸು-ನಾಕೈ ಪ್ರಾಣಂ ಇಸ್ತಾವಾ?ನೀಕಿ ನಿಜನಿಜಂಗ ಸೋಪ್ತಾನು;ನುವ್ವ ನಾ ವಿಷಯಂಲಾ ವಾಡ್ನಿ ಅರಿಲೇದನೀ ಮೂಡು ಸಾರಿ ಸೊಪ್ಪೇ ತನ್ಕ ಕೊಡಿ ಕೂಸೇನೆಲೇದು ಅನ್ನಾಡು.