^{1 2} 1. ಆಯ್ತೇ ನೀನು ಸೋಪ್ಪೆದೆಮ೦ನ್ಪೆ ಬಾದ್ಯಡೂ ತಾನು ಆಸ್ತಿಗ೦ತಾ ಧನಿಯಾ೦ ನ್ಪೆ ಬಾಲಕುಡೈ೦ಡೆ ತನ್ನ ದಾಸಡಟ್ಲ ಉ೦ಡೂ೦ಡೆ ಹೊತ್ಯು ಬೇರೆಕಾದು 2. ತ೦ಡ್ರಿ ನೆಮಿಚ್ಚಿ ನ೦ ದಿನ೦ ತನ್ನ ಪಾಲಕಲೇ ಮಾಲಿ ಇ೦ಟಿ ವಾತ್ಯೇ ವಾಳೆ ಸೈತ್ನ೦ದು೦ಡೋಡು ^{3 4 5} 3. ಅಟ್ಟೆ ಮೀಮುಸಹ ಬಾಲಕುಲೈ೦ಟ್ಟೆ ಲೋಕಮೊಳ ಬಾಲ೦ಬೋದ್ಗಿ ಅಧಿಲೈ೦ಟಂ 4. ಆಯ್ತೇ ಕಾಲಮು ಪರಿಪೂರ್ಣ೦ಮೈನಪ್ಪುಡು ದೇವುಡು ತನ್ನ ಕೊಡಕ್ಕಿ ಅ೦ಪಿಚ್ಚಿ ಚ್ನಾಡು ಧಮ್ಯಶಾಸ್ತ್ರದಿನವಾಳೈನವಾಳ್ಕಿ ವಿಮೊಚ್ಚಿಚ್ಚಾಲನಿ ಪುತ್ರಲ 5. ಪದವಿನಿ ಮಾಕಿ ದೊರಕಿಚ್ಚಿಚಾಲನಿ ಆತುಡು ಸ್ತ್ರೀಯಲಾ ಪುಟ್ಟಿನವಾಡೈಯ್ಯು ಧಮ್ಯಶಾಸ್ತ್ರ೦ದಿನಡೈಯು ವಚ್ನಾಡು ^{6 7} 6. ಮಿಳುಪುತ್ರಲೈ೦ಡಾ ದಾಳ್ಕಿ೦ಕ ದೇವುಡು ಅಬ್ಬಾ ತ೦ಡ್ರಿ ಅನಿ ಕೊಸೆ ತನ್ನ ಕೋಡ್ನ ಆತ್ಮಮ್ನೀ ಮಾ ಹೃದಯಲಾ ಅ೦ಪಿಚಿಚ್ನಾಡು 7.ಇಟ್ಟು೦ಡ ಗಇ೦ಕಾ ಮಿಳು ದಾಸಲುಕಾದು ಕೊಡ್ನೈ ನಾವು ಕೊಡ್ನನ್ನಪೈನ ದೇವುಡ ಮೂಲ್ಕಭಾಧ್ಯಡೂ ಆನ್ನಾವು ^{8 9} 8. ಪೊರ್ವ ಕಾಲ೦ಲ ಮಿಳು ದೇವುಡ ಜ್ಞಾನ೦ ಲೆಗುನ್ನ ವಾಳೆ ದೇವುಡು ಕಾಗುನ್ನವಾಳ್ಗಿ ಆಧೀನ ಲೈನಾಳು 9. ಹಿಪೈನು ಮಿಳು ದೇವುಡ್ನೀ ತಿಳ್ಚಿನ್ನಳು ಸರಿಯಾ೦ಗ ಸೋಪ್ಪಾಲಾನು೦ಟ್ಟೆ ದೇವುಡು ಮಿಮ್ಮಲ್ನಿ ತಿಳ್ಚ್ಚಿನ್ನಾಡು ಹಿಟ್ಟು೦ಡಾಗ ಮಿಳು ಕೆಲಸ೦ನಿ ರಾಗು೦ನ್ನ ದರಿದ್ರ ಬಾಲಬೋಧನಾನ್ಗಿ ಮಾಲೀ ಅದಿನಳುಕಾವಲನಿ ಅಪೇಷಾಚ್ಚಿಪುನಃದಾನ್ಗೆ ತಿರ್ರಿಕ್ಕಾನದಿ ಎಟ್ಟ ^{10 11} 10. ಮಿಳು ಆಯದಿನಲ್ನಿ ಮಾಸಲ್ನಿ ಉತ್ಸಾಹ ಕಾಲ೦ಲ್ನಿ ಸ೦ವತ್ಸರಲ್ನಿ ನಿಪ್ಪೆನ್ನಿ೦ಕಾ ಆಚರಿಚ್ತಾರು 11. ನಾನು ಮಿಗೊಸ್ಕರ೦ ಪ್ರಯಾಸ೦ ಪೋಡಿ೦ದ್ದಿ ನಿಷ್ಹಲ೦ ಆಯಾ ಎಮೋ ಅನಿ ಮೀ ವಿಷಯ೦ಲಾ ದಡ್ಸಾ ತಾನು ^{12 13 14} 12.ಸಹೋದರಲೇ ನಾನು ಮಿಲಕನೆ ಆನ್ನಾದಾನ್ನಿಂಕಾ ಮೀಳು ನಾಲಕಾನೆ ಕಾವಲನಿ ಮಿಮ್ಮಲ್ನಿ ಬೇಡ್ಸಾದಾನು .ಮೀಳು ನಾಕಿ ಏಮು ಅನ್ಯಾಯಂ ಸೇಯ್ಯಲೆದು . 13.ನಾಶರೀರಾನ್ಗಿ ಆಶೌಖ್ಯ ಉಂಡಾದಾನ್ನಿಂಕ ನೀನು ಮೀಲಾ ಉಂಡಿ ಮೊದ್ಲೇನೆ ಸರ್ತಿ ಮೀಕಿ ಸುವಾರ್ತೆ ಸಾರಿಂದಾನ್ನಿ ಮೀಕಿ ಗೊತ್ತು 14.ನಾಶರೀರುಲಾ ಮೀ ಬೇರ ನಾನ್ಗಿ ಅಸ್ಪದಂ ಆಯ್ನಾದಾನ್ನಿ ಮೀಳು ಹಿನೈಯಿಚ್ಲೆದು ಹೊಕರಿಚ್ಲೆದು ನನ್ನೀ ದೇವದೂತಡಲಟ್ಟೆ ಕ್ರಿಸ್ತ ಯೇಸುವಿನಟ್ಲೇ ಸೇರ್ಪಾನ್ನಾರು . ^{15 16} 15.ಅಪ್ಪ್ದು ಮಾಕಿ ಶುಭಂ ಮಾಯಾ ಅನಿ ಮೀಳು ಅನ್ಗಾನ್ನಾರುಕದ ಆಶುಭಮು ಯಾನಪಾಯ ಸಾಧ್ಯಮೈಂನ್ಪೇ ಮೀಳು ಕಂಡ್ಲಿನ್ನಿ ಕಿ ಪೆರ್ರಿಕಂಟಾರನಿ ಮಿಮ್ಮಲ್ನಿ ಕುರ್ಚಿಸಾಕ್ಷಿ ಸೋಪ್ತಾನು. 16.ಹಿಟ್ಟು೦ಡ ಗ ನೀನು ಮೀಕಿ ಸತ್ಯಂಮ್ನೀ ಸೋಪ್ಪುಂಡ ದಾನ್ನಿಂಕಾ ಮೀಕಿ ಶತ್ರು ಆಯ್ನಾನು ^{17 18} 17. ವಾಳು ಮಿಮ್ಮಲ್ನಿ ಮೆಚ್ಹಿಚ್ಹೆದಾನ್ನಿ ಆಯೇ ಮ೦ಚಿ ಅಭಿಪ್ರಾಯ೦ನ್ನಿ೦ಕಾ ಅಟ್ಟವಾಳು ಕಾಗುನ್ನ ಮಿಳು ತಮ್ಮನೆ ಹೆಚ್ಹಿಚ್ಹ ವಾಕ್ಕಾವಾಲನಿ ಅಗಲಿಚ್ಹೆದಾನ್ಗಿ ಅಪೇಷಾಸ್ತಾರು 18. ನೀನು ಮೀ ಜೋತ್ಲಾ ಉ೦ಡಪು ಮಾತ್ರ೦ ಕಾಗುನ್ನ ಯಪ್ಪು ಮ೦ಚಿ ವಿಷಯ೦ಲಾ ಮಿಳು ಮೆಚ್ಚಿಚ ದಾನಿ ಮ೦ಚಿದೆ ^{19 20} 19. ನಾ ಪ್ರಿಯ೦ ಮೈನ ಬಿಡ್ಲೇ ಕ್ರಿಸ್ತುಡಾ ಸಾರುಪ್ಯಮು ಮಿಲಾ ಉ೦ಟೈಯ್ಯ ತನ್ನ ಮಿಕೊಸ್ಕರ೦ ಪ್ರಸವ ವೆದನ೦ ಪೋಡ್ತಾನು 20. ಮೀ ವಿಷಯ೦ ಲಾ ಏಮಿ ಸೇಯ್ಯಾಲ ನಾಕಿ ತಿಳಿಲೆದು ನೀನು ಇಪ್ಪು ಮಿಲಾ ಉ೦ಡಿ ಬೇರೆ ರಿತಿನಿ೦ಕಾ ಮಾಟಾಟ್ಟೆ ದಾನ್ಗಿ ಎ೦ತೋ ಆಸೆ ಪೂಡಾನು ^{21 22 23} 21. ಧಮ್ಯಶಸ್ತ್ರಲಾಧಿನಲೈಯದಾನ್ಗಿ ಮನ್ಸು ಡೂಳ ಧಮ್ಯಶಾಸ್ತ್ರನ್ಗಿ ಸೇವ್ವು ಇಚೆ ಲೆದೋ ನಾಕಿ ಸೋಪ್ಪ೦ಡಿ 22. ದಾನ್ವಲಾ ರಾಸು೦ಡೆ ದೆಮ೦ಟ್ಟೆ ಅಬ್ರಾಹಾಮಡ್ಗಿ ಇದ್ರೋ ಬಿಡ್ಲೋ ಡ್ರಿ ಒಕ್ಕಾಡು ತೊತ್ತಿನ್ನಿ೦ಕಾ ಪುಟಿನವಾಡು ಒಕ್ಕಾಡು ಧಮ್ಯಪತ್ನಿನ್ನಿ೦ಕಾ ಪುಟ್ಟಿನವಾಡು 23. ತೊತ್ತಿನ ಕೊಡ್ನು ಸ್ವಾಭಾವಿಕ೦ಮೈ ಪುಟ್ಟಿನವಾಡು ಧಮ್ಯಪತ್ನಿಯ ಕೊಡ್ನೋ ವಾಗ್ದಾನ೦ನ ಫಲ೦ಮೈ ಪುಟ್ನಾಡು ^{24 25} 24. ಈ ಸ೦ಗತಿಲು ಉಪಮಾನ೦ ಮೈನಾವಿ ಹೆಟ್ಟಟ್ಟೆ ಆ ಇದ್ರೋ ಸ್ತ್ರಿಯಲು ರೊ೦ಡು ಒಡ೦ಬಡಿಕೇಲೇ ಒಕ್ಕ ಒಡ೦ಬಡಿಕೆ ಸಿನಾಯಿ ಪವ್ವ್ರ್ಯತಮ್ನೀ೦ಕಾ ಉತ್ವನ್ನಮೈ ದಾಸತ್ವ೦ಲಾ ಉ೦ಡಾಕಾ ಪೈನಾ ಬಿಡ್ಲಾನ್ನಿ೦ಕಾನೆ ಅಟ್ಟೆದಿ ಅದೇ ಹಾಗರ್ 25.ಹಾಗರ್ ಅ೦ಟ್ಟೆ ಅರಬಸ್ದಾನ೦ಲು ಉ೦ಡಾ ಸಿನಾಯಿ ಪವ್ಯತ೦ ಆದಿ ಇಷ ಯೆರುಸಲೆಮ್ ಅನೆದಾನ್ಗಿ ಸರಿಪೋಡ್ತಾದಿ ಎ೦ಟ್ಟಟ್ಟೆ ಇಪ್ಪೆತನ್ನ ಬಿಡ್ಲಾ ಸಹಿತ೦ ದಾಸತ್ವ೦ಲಾ ಉ೦ಡಾದೀ ^{26 27} 26. ಆಯ್ತೇ ಪೈನಾ ಯೆರುಸಲೆಮ್ ಅನವಿ ಸ್ವಾತ೦ತ್ರದ್ದಿ ಇದೆ ಮಾಕಿ ತಲ್ಲಿ 27. ಕನ್ಗುನ್ನ ಬ೦ಜೆಯೆ ಆನ೦ದ೦ಗ ಎ೦ಡುಪ್ರಸವವೇದನೇ ಲೇಗು೦ಡಾ ದೇ ಸ್ವರ೦ ಎತ್ತಿಕೊಯ್ ಮೊಗು೦ಡ ದಾನ್ನಿ೦ತ ಮೊಗ್ದನ್ನಿ ಉಡ್ಸನ್ನಾ ವಾಳ್ಗಿ ಬಿಡೂ ಹೆಚ್ಚುಅನಿ ರಾಸಿ೦ದಿ ಕದ ^{28 29} 28. ಸಹೋದರಲೇ ಮಾಮ ಇಸಾಕೂಡಟಲೇ ವಾಗ್ದಾನ೦ನ ಫಲ೦ಮೈ ಪುಟ್ನಾ ಬಿಡೈನಾಮು 29. ಆಯ್ತೇ ಪೂರ್ವ೦ಲಾ ಸ್ವಾಭಾವಿಕ೦ಮೈ ಪುಟ್ನಾ ವಾಡು ದೇವುಡತ್ಮ೦ ಬಲ೦ನ್ನಿ೦ಕಾ ಪುಟ್ಟಿನ ವಾಡ್ನೀ ಹಿ೦ಸೆ ಪಡಿಬಿಚ್ಚಟ್ಟೆ ಇಪ್ಪು ಉ೦ದಿ ^{30 31} 30. ಆಯ್ನಾ ಶಾಸ್ತ್ರಮು ಏಮಿ ಸೋಪಾದೆ ದಾಸಿ ನ್ನಿ ದಾಸಿ ಕೊಡಕ್ಕಿ ಇತಲ್ಗಿ ಎಯ್ಯಿ ದಾಸಿಯ ಕೊಡ್ನು ಧಮ್ಯಪತ್ನಿಯ ಕೋಡ್ನ ಜೋತ್ಲಾ ಎ೦ತೋ ಮಾತ್ರನ್ಗ್ ಭದ್ಯಾಡ್ನು ವಾಲನಿ ಸೋಪ್ತಾದಿ 31. ಸಹೋದರಲೇ ಮಾಮು ದಾಸಿಯ ಬಿಡ್ಲೂ ಕಾದು ಆಧಮ್ಯಪತ್ನಿಯಬಿಡ್ಲೇ ಅನಿತಿಚ್ಗಾ೦ಡ್ಡಿ