18 ¹ .ಇದಯಿನ ತರವತ ಪೌಲುಡು ಅಥೆನೆಯಲು ಓದಲೆಸಿ ಕೊರಿಂಥಕುಪೈನಾಡು. ² ಪುಟ್ಟಿನಿಚಿ ಅಕ್ವಿಲದು ಒಕ್ಕು ಯೆಹೊದ್ಯಡುನು ರೋಮಾಪುರನಿ ಇಡಿಸಿಪೋವಲಾನಿ ಕ್ಲೌದಿಯಾ ಚಕ್ರವರ್ತಿಡು ಆಜ್ಞೆಸೇಸಿನಕರಣ್ಮು ಅಕ್ವಲಡು ವಾಡ ಎಂಡಲ್ಮು ಆಯಿನಪ್ರಿಸ್ಕಿಲ್ಲಡುಕೊಂಚ್ಚಮು ದಿವಸಳುದು ಮುಂದುರ ಇತಾಲ್ಯ ದೇಶಿಮಿನಿಂಕ ಅನಾಗಿವಚ್ಚಾಡು. ³ ವಾಳು ಇನ್ತಿಕಿ ಪೋಯಿ ವಾಡು ವಾಳು ಒಕ್ಕೆಕೆಲ್ಸಮುಳು ಅಯ್ನಿಂಕ ಆಯಿನ್ಗುಚ್ಚಿ ಪನಿಚೆಸ್ತಉನ್ನನು. ⁴ .ಅಯಿನಪ್ರತಿ ಸಬ್ಬತ್ ದಿನುಲು ಸಭಾಮಂದಿರಲು ಚರ್ಚುಮು ಯೆಹೊದ್ಯಲ್ನಿ ಗ್ರಿಕರಲ್ನಿಸೋಪ್ಪತಉಂಡ್ರಿ. ⁵ .ಸಿಲುಡು ತಿಮೊಥೆಡು ಮಕೆದೊಂಯಯಿಂಕ ವಚ್ಚವುಡು ಪೌಲುಡು ದೇವುಡುವಾಕ್ಯಲು ಸೋಪ್ಪದಂಟುಲು ಯೇಸುವೆವಚ್ಚೆತಪುಡು ಕ್ರಿಸ್ತುಡು ಅನಿ ಸಕ್ಷಿನು ಸೋಪ್ಪಡು. ⁶ .ವಾಳುದೊಶ್ನುಮು ಚೆಸಿವಾಡು ವಾಳುವಸ್ತನ್ಲಿ ಕೊಡಿಚಿ ವಾಳಿಕಿ ಮೀ ನಶನಲಿ ಮೀರುಹೊಣ. ⁷ .ಆ ಸ್ಧಳಲು ಇಡಿಚಿ ದೆವುಡಿಕಿ ಭಯಂ ಪೋಡ್ತ ತಿತ ಯುಸ್ತನೆಮ್ಬುಲುಡು ಇಟ್ಟಿಗಿ ಪಾಯಿ. ⁸ .ಸಭಮಂದಿರಲ ಅದ್ಯಕ್ಷಡು ಆಯಿನಾ ಕ್ರಿಚ್ಚಡು ವಾಳು ಇoಟೂಳಂದರ್ ಸಹಿತುಮು ಕರ್ತುದಲ ನಂಬಿಕೆ ಪೆಟನಾರು ಮಾಲಿ ಕೊರಿಂಢರ್ಲಾ ಅನೇಕು ಜನಮು ಪೌಲುಡು ಬೋದನುಮ್ನಿ ಅಡಗಿ ದಿಕ್ಷಸ್ನಾನಮು ಸೇಬಿಸ್ಚಿನಾದು. ⁹ ಇದುಕಂಟಿ ಕರ್ತುಡು ರಾತ್ರಿಲು ಪಾಲುಡುಲುಗಿ ದರ್ಶನಂ ಇಚ್ಚಿನೋವ್ದು ದಡಿಯೂದುಉರ್ಕುoಡಲೇದು ಸುವರ್ತೆನಿ ಸೋಪ್ಪಾನೆಉನ್ನಿ. ¹⁰ .ನಾನು ನೀ ಜೋತ್ಲ ಉಂಟಾನು ಯೇಳುನಿಂಕ ಕೇಡುಸೇಸಲ್ ಪಟ್ಟಣುಮುಲ ಬಹಳ ಜನಮು ನೀಕಿ ಉಂಡಾರು. ¹¹ .ವಾಡು ಒಕ್ಕ ವರುಷಲು ಆರು ನಲ್ಲುಆನಿ ಉಂಡಿ ಆ ಜನನಿಮು ದೇವಡು ವಕ್ಯಲುಸೋಪ್ದುತ್ತಉಂಡಿ. ¹² .ಗಲ್ಲಿಯಾಸಡು ಅಖಾಯದ ಅದಿಪತಿ ಆಯಿಡ್ನ ಯೆಹೊದ್ಯಲು ಜೋತಲುಪೌಲುಡು ಪೈನಪಡಿ ವಡಿನಿಪಟ್ಟ ಎತ್ತುಗೊವಚ್ಚುನಾರು. ¹³ .ವಾಡು ದೇವಡುಕಿ ಧರ್ಮಶಾಸ್ತನಿಕಿ ವಿರುದ್ದಮಾಯ ಅರದಿಮಿಸೆಸಾಕಿ ಜನನ್ನಿ ಪಿಡುಸುತ್ತಾ ಉಂಡಾಡಿ. ¹⁴ .ಪೌಲುಡು ಪ್ರತಿವಾದುಮು ಸೇಯನಲ ಅನ್ನವುಡು ಗಲ್ಲಿಯನಿನಾಡು ಯೆಹೊದ್ಯಲಿಕಿ ಮಿರು ಅನ್ಯಾಯವುಉನ್ನ ಪಕ್ಷನಿಗಿ ನಾನು ಮಿದಿಗಿರ ಮಾಟಲಿನಿ ಸಮಾದಾನಂಕ ಅಡಿಗಡಿ ನ್ಯಾಯಮ. ¹⁵ .ಆತ ಮಿರುಚೆಸಿನ ವಿವಾದಂಭೋದನೆನಿ ತಿಳಿಚಿ ಮಿರೆಸುಸ್ಕೊಂಡಿ ಇoತ ವಿಷಯಲ್ನಿ ವಿಚಾರಿಚಿಂಕಿ ನಾಕ ಮನುಸ್ಸುಲೇದು ¹⁶ .ವಾಲ್ನಿ ನ್ಯಾಯಸ್ಧಾನಮುಲು ಸ್ಧಾಳಂಕ ಅಪ್ಪಿಚ್ಚಿನಾಡು. ¹⁷ .ಅಪ್ದುಡು ಜನಮು ಸಭಮಂದಿರಲು ಅದ್ಯಕ್ಷಡಾಯಿಸೋಸ್ತೆಡುವಿ ಪಟುಗಾನಿ ನ್ಯಾಯಸ್ಧನಮ್ಳು ಮುನ್ದ್ರ್ ಕೊಟ್ಟಿನಾರು. ¹⁸ .ಪೌಲುಡು ಇoಕ ಅನೇಕು ದಿವಸಂ ಅನುಉಂಡಿನ ಪೈನ ಅಣ್ಣದೋಮ್ಮುಲಿಂಕ ಅಪ್ಪಣ ಸಿಸುಗಾನಿ ನಾಕಿ ದೀಕ್ಷೆಉನ್ನದಾನಿಂಕ ಕೆಂಖ್ಯಯಲು ಕ್ಷೌರಸೆಮಿoಚಿಗಾನಿ ಹಾಡಗನಿ ಎಕ್ಕಿ ಸಿರಿಯನಿಗಿ ಪೈನಾಡು ಪ್ರಿಸ್ಕಿಲ್ಲಳ ಅಕ್ವಿಲಡು ವಾಳು ಜೋತ್ಲಪೈನಾಡು . ¹⁹ .ಎಪೆಸಗಿ ವೆಚ್ಚುನಪುಡು ವಾಲಿನಿ ಅನೆ ವಸ್ಸಿ ವಡುಸಭಮಂದಿರಲಾಕಿ ಪೋಯಿ ಯೆಹೊದ್ಯರ ಜೋತ್ಲಸೋಪುನಾಡು. ²⁰ .ವಾಳು ವಡ್ನಿ ಇಕ್ಕ ಕೊಂಚಮು ದಿವಸಾಲು ಉಂಡಾಲಾನಿ ಅಡಿಕನಿ ಅಪ್ದುಡು ವಾಳು ಒಪ್ದುನಗ. ²¹ .ದೇವಡು ಸದ್ಯವಾದೆ ತಿರಿಗಿ ನೀ ಹತ್ತಿರಿಕಿ ವಸ್ತಾನು ಅನಿ ಸೊಪ್ಪಿವಾಳು ಅಪ್ಪಣುಮು ಪೈನಾಡು. ²² .ಆ ಮಿಂದ ಯೆರೋಸೆಲೆಮಿಗಿ ಪೈಯಿ ಸಬೆನಿ ನಮಸ್ಕಾರ ಚೆಸಿಅಂತಿಯಕ್ಯಕ್ಕೆ ವಾಚ್ಚಿನಾಡು. ²³ .ಪೌಲುಡು ಅಂತಿಯಕ್ಯಮ್ಳು ಕೊಂಚ ಕಾಲಂಉoಡಿ ತಿರಿಗಿ ಪೈನ ಕ್ರಮವಾಯಿ ಗಲತ್ಯಸಿಮೇಲಾ ಪುಗ್ಯಲಾವಾತಾಉಂದೇ. ²⁴ .ಅಲೆಕ್ಸಾಂಡ್ರಿಲ್ಲ ಪುಟ್ಟೇನ ಅವೂಲ್ಲೋಸಲು ಒಕ್ಕ ಯಹೊದ್ಯಡು ಎಪೆಸಿನಿಕಿ ವಚ್ರಿ ವಳು ಮಾತ್ಲುಜ್ಞಾನಮುಳ್ಳ ಅಯಿಂಡ ಶಾಸ್ತ್ರಲ್ಲ ಬುದ್ದಿವಂತುಡು. ²⁵ .ವಾಡು ಕರ್ತುಡು ಮಾರ್ಗಮುಲ ವಿಷಯಮಲ ಉಪದೆಶಂಹೊಂದಿಗಾನುoಟ್ಟಿ ಮಲ್ಲಿ ಯೇಹಾನುಡು ಸೇಬಿಚ್ಸಿನಾಳು ದಿಕ್ಷಾಸ್ನನುಲು ಮಾತ್ರ ಗೊತ್ತುಂಟ್ಟಿ ಆಯಿಂಡ ಯೇಸುವಿನ ಸಂಗತಿಲ್ನಿ ಸೋಕ್ಷಮಾಗಿ ಉಪದೇಸಿಸಾಡು. ²⁶ .ವಾಡು ಸಭಮಂದಿರಲು ದೈರ್ಯವಿಮ್ಕ ಮಾಟಲಾದನಿಗಿ ಪ್ರಾರಂಬಿಸೇಸರು ವಾಳು ಮಾತಲ್ನಿ ಪ್ರಿಸ್ಕಲ್ಲಳುಡು ಅಕ್ವಿಳುಡು ಸೊಪ್ಪಿ ವಾಡನಿ ಇoಕಸೊಕ್ಷಯಿ ಸೋಪ್ಪಿನಾರು. ²⁷ .ಆ ಪೈನ ಅಖಾಯಕಿ ಪೋವಲ್ಲನಿ ವಾಲ್ನಿ ಮಾನಸೈನವುಡು ಅಣ್ಣತಮ್ಮುಳು ವಡ್ನಿ ಬಲಪದಿಚಿ ಅನಿಂಕ ಶಿಷ್ಯಲಿಗಿ ಉಡುನಿಸೇರ್ಪುವಾಲು ಕಗದಮುನಿ ರಾಸ್ನಡು. ²⁸ .ವಾಡು ಪೈಯಿ ಯೇಸುವ ಕ್ರಿಸ್ತುಡ ಅನಿ ಬಿಟ್ಟಲಿನಿ ಯಹೊದ್ಯರಿಗಿ ಸುಬಿಚ್ಚಿ ಇಚ್ಚಿ ಅಂದರ್ ಮುಂದ ಬಲಮಾಗಿ ಈವಿಷಯಮುನಿ ರುಜುವಾತು ಸೋಪ್ಪತಾ ಯಹೊದ್ಯರಲ್ ತಡೆಸಿ ದೇವಡು ಕೃಅಪನಿಮ್ಕ ಬಹಳಮು ಸಹಾಯಮುನು ಸೇನ್ನಾಡು.