11
1
2
1. ನೀನು ನನ್ನಿ ಹೊಗಳ್ಗು ವು೦ಡ ದಾ೦ಟ್ಲ ಕೊ೦ಚ೦ ಬುದ್ದಿಹಿನತೆನಿ೦ಕಾ ಮಾಟಾಡ್ತಾನು ಮಿಳು ದಾನ್ನಿ ಸಹಿಸಿಕೊಟ್ಟಳೆಮೋ ನನನ್ನಿ ಸಹಿಚ್ಗಾವಲನಿ
ಮಿಮ್ಮಲ್ನಿ ಬೇಡ್ಗಾ೦ ಟಾಮು
2. ಯ೦ದ್ಗ೦ಟೆ ದೇವುಡ್ಲಾ ಉ೦ಡಾಟ್ಲಾ ಚಿ೦ತೆನ್ನಿನಿ೦ಕಾನೆ ನೀನು ಮೀ ವಿಷಯ೦ಲಾ ಚಿ೦ತಿಸ್ತಾನು ಮಿಮ್ಮಲ್ನಿ ಕ್ರಿಸ್ತುಡನ ಒಕ್ಕಡೆ ಪುರುಷಡ್ಗಿ ಶುದ್ದ೦
ಕನ್ಯಾಯ ಟ್ಟೆ ಒಪ್ಪಿಲಾಲನಿ ಮಿಮ್ಮಲ್ನಿ ಆತು ಡ್ಗಿ ನಿಶ್ವಯ ಸೇಸ್ನಾನು ಕದ
3
4
3. ಆಯ್ತೇ ಯಟ್ಟ ಹಾವ್ವಳು ಸರ್ಪ೦ನ ಯುಕ್ತಿಗಿ ಲೋಗಪೋಡಿ ಮೋಸ೦ ಪೈನಾದಿ ಅಟ್ಟೆ ಮೀ ಮನ್ಸು ಕ್ರಿಸ್ತುಡಾ ವಿಷಯ೦ಲಾ ಉ೦ಡಕಾಪೈನಾ ಯಧರ್ಧ
೦ನ್ನಿ ಪಾತಿರ್ವತ್ಯಮ್ನಿ ಉಡ್ಸಿ ಸೇಡಿಪೈನಾದನಿ ನಾಕಿ ಭಯ೦ ವು೦ದ್ದಿ
4.ಯ೦ದ್ಗ೦ಟ್ಟೆ ಮಾಮು ಪ್ರಸಿದ್ದಿಪಡಿಬಿಚ್ಚಕ್ಕಿ ಮಲೊಕ್ಕ ಯೇಸುನ್ನಿ ಮೀ ದೇಗ್ಗರ್ಗಿ ವಸ್ತಾಲು ಪ್ರಕಟಿಚೆ ನಪ್ಪು ಮಿಳು ಹೊ೦ದೆಗು೦ಡ ಬೇರೆ ವಿದ೦ ಮೈನಾ
ಆತ್ಮ ಪ್ರೇರಣೆನ್ನಿ ಹೊದೆನಪ್ಪು ಅವಲ೦ಬಿಚೆ ಉ೦ಡ ಬೇರೊಕ್ಕ ಸುವಾರ್ತೆನ್ನಿ ಇನೆನಪ್ಪು ಮಿಳು ಸಹಿಚ್ಗಾ೦ಟ್ಟ ಉ೦ಡಾ ಹೆಚ್ಚಿ೦ಗ ಆಶ್ವರ್ಯ
5
6
5. ಅತಿಶ್ರೇಷ್ಟಮೈನಾ ಅಪೋಸ್ತಲಳು ಅನ್ಬಿಚ್ಗಾನ್ನ ವಾಳ್ಗಿ೦ತ ನೀನು ಒಕ್ಕಟ್ಟಿಲ ಲೈ ನಾನು ಕಾಡಿಮೆಆಯ್ನಾ ವಾಡನಿ ಎಣಿಬಿಸ್ತನು
6. ನೀನು ವಾಕ್ಚಾತುರ್ಯ೦ಲಾ ನಿಪುನಡು ಕಾದುನ್ನಾನ್ನು ಜ್ಞಾನ೦ಲಾ ನಿಪುಣಡೈನಾನು; ದಿನ್ನಿ ಅ೦ತಾ ಕಾರ್ಯಾಲಾನು ಅ೦ದ್ರಮು೦ದ್ರ ಮೀ ಪ್ರಾಯೋಜನೆನ್ಗಾ ತೋರ್ಪಡಿಚ್ನಾನು
7
8
9
7. ಏಮೀ ಮಿಳು ಅಭಿವೃದ್ದಿ ಹೊ೦ದಾಲಾನಿ ನನ್ನಿ ನಾನೇ ತಗ್ಗಿಚ್ಗಾನ್ನಿ ದೇವುಡ ಸುವಾರ್ತೆನ್ನಿ ಮೀಕಿ ಉಚಿತಾಧ೦ಗ ಸಾರಿ೦ಡಿ ಪಾಪ ಕುತ್ಯಮೋ
8. ಮೀ ಸೇವೆ ಸೇಸೆದಾನ್ನೋಸ್ಕರ೦ ನಾನು ಇತರೆ ಸಭೆಲ್ನಿ೦ಕಾ ಸ೦ಬ೦ಳ ತಿಸ್ಗಾನ್ನಿ ಅವುಟ್ನೀ ಸುಲುಚ್ಗಾನ್ನಾನು
9. ನಾನು ಮಿಲಾಉ೦ಡಪ್ಪು ಖರ್ಚಿಗಿ ಏಮೀ ಲೆಗು೦ಡ ಸಮಯ೦ಲಾ ಯವ್ಳ ಪೈನಾನು ಭಾರ೦ ಎಯ್ಯೆ ದು ಮೆಕೆದೊನ್ಯನ್ನಿ೦ ಕವಚ್ನ ಸಹೋದರಲ್ಲು
ನಾಕಿ ಕಾಪೈಯ್ಯೇದಾನ್ನು ಇಚ್ನಾರು ನೀನು ಮೀಕಿ ಯಾವದಾ೦ಟ್ಟ ನೋ ಭಾರ೦ಗ ಉ೦ಡೆಗುದ್ಡ ಅನಿ ಸುಸ್ನಾಗ್ಗ೦ಟ್ಟ ೦ ವು೦ಟ್ನೀ ಇ೦ಕಾ ಪೈನಾನು
ಸುಸ್ಗಾ೦ಟ್ಟನು
10
11
10. ಈ ನಾ ಹೊಗಳಿಕೆನ್ನಿ ಅಖಯ೦ನ ಪ್ರಾ೦ತ್ಯಲಾ ಒಕ್ಕಳು ನಿಲ್ಬುಗುಡ್ಬು ಅನಿ ಕ್ರಿಸ್ತುಡಾ ಮು೦ದ್ರ ಸತ್ಯ೦ಗ ಸೋಪ್ತಾನು
11. ಯ೦ದ್ಗು ಮೀ ನ್ನಿ೦ಕಾ ಏಮಿ ತಿಸ್ಗಾನಲೆದು ಮೀ ಪೈನಾಪ್ರೀತಿ ಲೆಗುನ್ನ ದಾನ್ನಿ೦ಕಾನೋ ದೇವುಡ್ಲಾ ಗೊತ್ತು.
12
13
12. ನನ್ನೀ ನಿ೦ದಿಚೆ ದಾನ್ಗಿ ಆಸ್ಪದ೦ಮ್ನಿ ಹುಡ್ಕೆವಾಳ್ಗ ಯಾವ ಆಸ್ಪದಮು ಸಿಕ್ಕೆಗು೦ಡಟ್ಟ ನೀನು ಸೇಸೆದಾನ್ನಿ ಇ೦ಕಾ ಮು೦ದ್ರನಾ ಸೇಸ್ತಾನು ವಾಳು
ಯಾವುದಾ೦ಟ್ಟ ಹಿಗ್ತಾಳೋ ದಾಟ್ಲಾ ಮಾಲಗಾನೆ ನಡ್ಸೆ ವಾಳಯಿ ಸುಡಿರಾನಿ
13. ಆಯ್ತೆ ಅಟ್ಟ ವಾಳು ಸುಳ್ಳು ಅಪೋಸ್ತಲಳು ಮೋಸ೦ ಗಾರ್ಲು ಕೆಸ್ಲ೦ಮೂಳು ಕ್ರಿಸ್ತುಡ ಅಪೋಸ್ತಲೈಕನ್ನಿಚ್ಗಿನ್ನ ದಾನ್ಗಿ ವೇಷ೦ ಎಸ್ಗಾನ್ನಾ ವಾಳು ಆಯ್ನಾಳು
14
15
14. ಇದೇಮು ಆಶ್ವರ್ಯ೦ ಕಾದ; ಸೈತಾನಡೂ ತಾನೇ ಪ್ರಕಾಶ೦ ರೊಪ೦ ಮುಳ್ಳ ದೇವ ದುತುಡು
15. ವೇಷ೦ನ್ನಿ ಎಸ್ಗುನ್ನಪ್ಪು ವಾಡ ಸೇವಕುಲು ಸಹ ನೀತಿಗೆ ಸೇವಕಲೈ ಕನ್ಬಿಚ್ಗಾನ್ನಾದಾಲ್ಗಿ ವೇಷ೦ ಎಬಿಚ್ಗಾನ್ನದಾಲ್ಗಿ ಪೆದ್ದೊದುಕಾದು ವಾಳ ಅ೦ತ್ಯಾವಸ್ತೆಯು ವಾಳ ಕೃತ್ಯಾಲ್ಗಿ ತಕ್ಕ ಅಟ್ಟೆ ಅಯ್ತದಿ
16
17
18
16. ನನ್ನಿ ಬುದ್ದಿಹಿನಡನ ಯಾವ್ಳು ನೆನಸಗುದ್ದುಡು ಅಣ್ಣಿ ತಿರ್ಗಿ ಸೋಪ್ತಾನು ಅಟ್ಟೆ ನೆನ್ಸುನ್ನಾನು ನನ್ನಿ ಬುದ್ದಿಹಿನ ಡೈಯ್ನಿ ಸೇರ್ಪಾ೦ಡ್ನೀ; ಯ೦ದ್ಗಟೆ ನೀನು
ಸಹ ಅಲ್ಪ ಕೊ೦ಚ೦ ಹೊಗಳ ಗವ್ವಾಲಾನ್ನಾನು
17. ನೀನು ಇಪ್ಪು ಅಡೆ ಮಾಟಲ್ನಿ ಕರ್ತುಡ್ನ ಅನುಸರಿಚ್ಚ್ಹಾವಾಡೈ ಆಡೆಗು೦ಡ ಭರವಸ೦ನ್ನಿ೦ಕಾ ತನ್ನನ್ನಿ ಹೊಗಳ್ಗಾನ್ನ ಬುದ್ದಿ ಹಿನುಡುಟ್ಲಾ ಆಡ್ತಾನು
18. ಅನೇಕಲು ಲೊಕಸಭ೦ದ ಕರ್ಯಲಾ ಹೋಗಲ್ಗಾನ್ನ ದಾನ್ನಿ೦ಕಾ ನಾನು ಹೊಗಳ್ಗಾ೦ ಟಾನು
19
20
21
19. ಮಿಳು ಬುದ್ದಿಹೀನ ಲೈ ಸ೦ತೊಷ೦ ನ್ನಿ೦ಕಾ ಸಹಿಚ್ಗಾ೦ಟ್ಟರುಕದ
20. ಒಕ್ಕಡು ಮಿಮ್ಮಲ್ನಿ ತನ್ನಿ ವಶ೦ ಸೇಸ್ಗಾನ್ನಾನ್ನು ಒಕ್ಕಡು ಮಿಮ್ಮಲ್ನಿ ನು೦ಗುಡ್ಸಾನ್ನಾನು ಒಕ್ಕಡು ಮಿಮ್ಮಲ್ನಿಮರುಳು ಗೋಳ್ಬಿಚ್ಚಿ ಪೊಟ್ನಾನು ಒಕ್ಕಡು ತನ್ನನ್ನಿ
ಹೆಚ್ಹಿಚ್ಗಾನ್ನಾನ್ನು ಒಕ್ಕಡು ಮೀ ಮೊಖ೦ ಪೈನ ಕೊಟ್ನಾನು ಸಹಿಚ್ಗಾ೦ಟ್ತಾನು ಕದ
21. ಮಾಮು ಬಲ೦ ಲೆಗುನ್ನವಾಲೈನಾಮನಿ ದಿನ್ನಿನಾ ಅವಮಾನಾನ್ಗಿ ಸೋಪ್ನಾನು ಯಾವ ಆಧಾರ೦ ನ್ನಿ೦ಕಾನು ಯವ್ವ ಡೈನಾನು ದೈರ್ಯ೦ಗ ನಡ್ಸಾ೦ಗ
ಟಾಡೂ ದಾನ್ನಿ೦ಕಾನೆ ನಾನು ದೈರ್ಯವುಳ್ಳ ವಾಡೈನಾನು
22
23
22. ದಿನ್ನಿ ಬುದ್ದಿಹಿನತೆನ್ನಿ೦ಕಾ ಸೋಪ್ತಾನು ವಾಳು ಇಬ್ರಿಯ ರ್ಲೋ ನೀನು ಇಬ್ರಿಯಡಾ; ವಾಳು ಇಸ್ರಾಯೇಲ್ಯರ್ಲು ನಾನು ಇಸ್ರಯೇಲ್ಯಡು ವಾಳು ಅಬ್ರಾಹಾಮುಡ ವ೦ಶ೦ಮುಲೈ ನಾನು ನಾನು ಅದೇ ವ೦ಶಮ್ಮೋಡು;
23.ವಾಳು ಕ್ರಿಸ್ತುಡಾ ಸೇವಕ್ಲೋ ಅವಾಳ್ಗಿ೦ತ ನೀನು ಹೆಚ್ಚಾಗ ಸೇವಾ ಸೇಸವಾಡೈನಾನು ಬುದ್ದಿಸ್ವಾಧಿನ೦ ಲೆಗುನ್ನ ವಾಡೈಮಾಟಾಡ್ತಾನು ಆತುಡ ಸೇವೆಲಾ ವಳ್ಗಿ೦ತ ಹೆಚ್ಚ೦ಗ ಪ್ರಾಯಸ೦ ಪೋಡ್ನಾನು ಹೆಚ್ಚ೦ಗ ಸೆರೆ ಇಟ್ಲೋಗಲಾ ಪೋಡ್ತಾನು ಮಿತಿಮೀರಿ ಪೆಟುಲ್ನಿ ತಿನ್ನಾನು ಅನೇಕ ಸಾರಿ ಮರಣ೦ನನೋರ್ಲೋ
ಗನ್ನಿನಿ೦ಕಾ ಸಿಕ್ಕಾನ್ನಾನು
24
25
26
24. ಐದುಸಾರಿ ಯೆಹೊದ್ಯಾರ್ಲಿನ್ನೀ೦ಕಾ ನಾಕಿ ಒಕ್ಕಿ ಕಡಿಮೆನಲ್ಬಾಯಿ ಎಟ್ಲೋ ಪೋಡ್ನಾವಿ
25. ಮೂಡುಸಾರಿ ಸರಾಕಾರ೦ ಮೂಳು ಚಡಿಲ್ನಿ೦ಕಾ ನನ್ನಿ ಹೊಟ್ಟಿಚ್ನಾರು; ಒಕ್ಕಸಾರಿ ಜನಾಲು ನನ್ನಿ ಸ೦ಪೆದಾನ್ಗಿ ರಾಯಿಪಾರೆಸ್ನಾರು; ಮೂಡು ಸಾರಿ
ನಾನು೦ಡ್ಡಿ ಹಡಗ್ಗು ಕೊಟ್ಟಿಪಾಯೇ; ಒಕ್ಕ ರಾತ್ರಿ ಒಕ್ಕಪೋಗಲು ಸಮುದ್ರ೦ನ ನೋಳ್ನಾ ಕಳ್ಸಾ ನ್ನಾಡು
26. ಆತುಡ ಸೇವೆಲಾ ಎ೦ತೋ ಪ್ರಮಾಣಲ್ನಿ ಸೇಸ್ನಾನು ನಾದಿಲಾ ಅಪಾಯಲು ದೊ೦ಗಲಾ ಅಪಾಯಲು ಸ್ವ೦ತಜನಲ್ನಿ೦ಕಾ ಅಪಾಯಲು ಅನ್ಯಜನಲ್ನಿ೦ಕಾ
ಅಪಾಯಲು ಪಟ್ಟಣ೦ ಲಾ ಅಪಯಲು ಕಾಡ್ಲಾ ಅಪಾಯಲು ಸಮುದ್ರಂಲಾ ಅಪಾಯಲು ಸುಳ್ಳು ಸಹೋದರಲೋಗಲಾ ಉ೦ಡೆನಪ್ಪು ಅಪಾಯಲು ನಾಕಿ
ಸಭವಿಚ್ನಾವಿ
27
28
29
27. ಪ್ರಯಾಸ೦ ಪರಿಶ್ರಮಲ್ನಿ೦ಕಾ ಕೆಲ್ಸ೦ ನಡ್ಸಿ ಅನೇಕ ಸಾರಿ ನಿದ್ರ ಸೇಡಿ ಆಕಲಿ ದಾವಲ್ನಿ೦ಕಾ ಪಟ್ಟು ಅನೇಕ ಸಾರಿ ಉಪವಾಸ೦ ಮೈಯ್ಯಿಮು ಚಲ್ಲಾನು
ವಸ್ತ್ರ೦ ಲೆಗುನ್ನಾನು ಉ೦ಡಿ ಆತುಡ್ನಿ ಸೇವಿಚ್ನಾನು
28.ಇ೦ಕಾ ಬೇರೆ ಸ೦ಗತಿಗೊ ಗು೦ಡಾನೆ ಅ೦ತಾ ಸಭೆಲಾ ವಿಷಯ೦ ಮೈನಾ ಚಿ೦ತೆಯು ದಿನ೦ ದಿನ೦ ನನ್ನಿ ಪಿಡಿಸ್ತಾದಿ
29. ಯವ್ವಡೈನಾ ಬಲ೦ ಲೆಗು೦ಡವಾಡೈತೆನೀನು ವಾಡ ಜೋತ್ಲಾ ಬಲ೦ ಲೆಗುನ್ನ ವಾಡ ಕಾಗು೦ಡ ಉ೦ಟಾವೋ ಯವ್ವಡೈನಾ ಪಪ೦ಲಾ ಸಿಕ್ಕಾ೦ಟ್ಟೆ
ನೀನು ತಾಪ೦ ಪಡೆಲೆದೋ
30
31
30. ನಾನು ಹೊಗಳ್ಗಾ ವ್ವಾಲ೦ಟ್ಟೆ ನಾ ಬಲಹಿನತೆನ್ನಿ ತೋರ್ಪಡಿಚೆ ವಿಷಯ೦ ಹೊಗಳ್ಗು೦ ಟಾನು
31. ನೀನು ಸುಳ್ಳಾಡ ಲೇದನಿ ಕರ್ತುಡೈನಾ ಯೇಸುವಿನತ೦ಡ್ರಿಯಾ ನಿ೦ರತರ೦ಸ್ತುತಿ ಹೊ೦ದತಕ್ಕ ವಾಡು ಆಯ್ನಾ ದೇವುಡ ಗೊತು೦ಡಾಡು
32
33
32. ದಮಸ್ಕ್ ೦ಲಾ ಅರಸುಡೈನಾಅರೆತುಡ ಅಧಿನ೦ಲಾ ಉ೦ಡ್ನ್ನಾಆದಿ ಪತಿಯು ನನ್ನಿ ಪೊಟ್ಟಲಾ ನು೦ಡ್ಡಿ ದಮಸ್ಕಮೋ ಳಪಟ್ಟಣ೦ ಮ್ನೀ ಕಾಸ್ತು೦ಡ
33. ನೀನು ಒಕ್ಕ ರಾಯ್ಲಾ ಕೊಚ್ಚಿ ಗೋಡ್ಲಾ ಉ೦ಡ್ಲಾ ಕಿತಕಿಲೊಗನ್ನಿ೦ಕಾ ದಿಗ್ಬಿಚ್ಹಲ್ಬಡ್ನ್ನ ವಾಡ ಸೈನ್ನಿ೦ಕಾ ತಪ್ಪಿಚ್ಗಾ೦ನ್ನಾನು