¹ బేనోండా సంఘత్కు పెద్దగ మందావాలనుకుట్కు ఓండు మంచి పనితీను తున్గోనోండు ఇంజో నమ్మొచ్చు. . ² పెద్ద నిందాకు సోటు ఈదగూడు,ఒరోటే ముత్తే మందనోండు,కోరిక ఆచు కుండనోండుగా,తెలివిగలవాండుగా,మర్యాదగా,చుట్టరికం తుంగనోన్డుగా,భోదిస్సనాదు తెలియి మందవాలి. . ³ ఓండు తాగు బోతూ గా గొడవ వాట నోన్డుగా అయ్యకుండా తగ్గింపు తోటే, డబ్కీను ఆశ ఇలవోoడుగ మందవాలు. ⁴ ఒని పిల్లాకు ఓను మాట కేంజనోరుగా ఊడవాలి ఒని కుటుంబంతీను సక్కగా నడిపిస్సవాలి. ⁵ బెనోండన్నఒని లోతీను సరిగా ఊడకుండా మత్కు సంఘంతీను బేల ఊడితోండు? ⁶ ఓండు కొత్తగా సేర్తోండు ఆసి మందగూడు.బారిత్కు ఓండు గర్వంతతోండు ఆసి దెయ్యం పొంది మందాని శిక్ష తీనే పొందితోండు. ⁷ ఓండు నిందానుపాలాసిదెయ్యంతే కైదే అరదకుండా సంఘంత్కు వరవోరు కైదే మెంచి పేరు పొంది మందవాలు. ⁸ ఆలాకే పరిచారకుర్కు గౌరవిస్సనాంకి సరిపరదనోరుగా,రెండు నాలికేన్ తోటే తిరియవోరుగా మందవాలి .తాగుబోతుగా,మోసం తుంగి లాభం ఆశించనోరుగా మందగూడు ⁹ తెలియ బర్తే విస్వాసతీను మంచి మనసీను తోటే విడసకుంట మందవాలి . ¹⁰ మున్నె ఒరీను నిబ్బరం ఊడవాలి.తరవాతే ఓరు మంచి సాచెం మందనోరు ఇంజో తెలియ్కు అస్కె ఓరు సేవ తున్గొచ్చు. ¹¹ . ఆలాకే ఓరి ముత్తేకు కూడ గౌరవిస్సనాంకి నింద కెత్తవోరుగా ఓరి కోరిక అణచు కుండనోరుగా అన్ని విషయకీను నమ్మక మత్తోరు గా మందవాలి. ¹² . పరిచారం తున్గానోరు ఒరోటే ముత్తే మంజీ,ఓరి పిల్లాను ఓరి లోత్తోరీను సక్కగా నడిపిస్సనోన్డుగా మందవాలి. . ¹³ పరిచారకుర్కుగా మంచి సేవ తున్గతోరు మంచి చోటు దొరికిస్సి క్రీస్తు యేసుని పొర్రో విశ్వాసంతే దిట్టం దైరం పొందితోరు. ¹⁴ తొందరగే నీయగ్గ వాదవాల్ ఇంజోరు ఆశ పరసోరే మిన్దాను . ¹⁵ నన్న వాదటం లేటత్కు ఒరో మనసుండు దేవుటే లోత్తే ఇత్కు బతికి మందాని దేవుని సంఘంతే బేల నడదవాలో నీకు ఎరకాదవాలింజో ఈ సంగతీకు రాసోమిందాను.ఆ సంఘం నిజంత్కు మూల తంబం,ఆను. ¹⁶ మన దేవుటే భక్తితే గురించి ఎరకత్తే నిజం గొప్పది.బే అపనమ్మకము ఇల్లె.దేవుడు ఒల్దె తోటే తోపకాతోండు.ఒండు నీతి మంతుడు ఇంజో ఆత్మ తీర్పు ఇత్తోండు.ఓనీను దేవదూతకు ఊడతాకు.దేశ దేశాకీంకు ఓండు కెత్తబర్తోండు లోకం ఒనీను నమ్తే.మహిమాతోటే ఓండు పోర్రోట్కు అత్తోండు.