¹ Akabhoka wa kulosha mbai ya Ipe. Mbotu mbaha ya bhandu ika mjunguluka, akatonga Haipe akaingia ha ngalawa, na kuikasi. Mbotu yose yokie mbai ya ipe. ² Akabhalosha bhindu bhingi kimasoma, na akabhabhura bhindu bhingi hena malosho makwe. ³ "Sikijeni, mrehanda etongie kuhanda. ⁴ Ikaoka iti mari ehanda, mbeu ingiwa ikagwa mbai ya zia, ikaliwa ni ndeghe. ⁵ Ingiwa ikagwa ha manoo handu hesiokie na teri nyiingi, ikabhuka nezo; kake jikabhia ugwangu kila heseokie na teri nyiingi. ⁶ Zano kubhaa, ikasha ikaoma amu isiokie na bhikolo. ⁷ Mbeu ingiwa ikagwa ha mivwa ikaaluka kake isigerie. ILingiliwe ni mivwa ikasuwa kugera. ⁸ Mbeu ingiwa ikagwa ha teri yedi, ikagera nezo na ikaengejika, mmwe hena makumi matatu, mmwe hena makumi matandatu, na mmwe hena ighana. ⁹ Akaghamba, "Ula ena masiko makusikia, na asikie!" ¹⁰ Mari yesu eokie mwenye, akabhujanywa ni bhala bheoki hafuhi nae na bhala Makumi meeri kuhusu masoma. ¹¹ Akabhabhura, "mwatasiwa kumanya kifumwa chakwe izubha, kake bhala bheho shighati bhenabhurwa na masoma. ¹² Esa bhakayowa, bhayowe, kake bhasibhone, esa bhakasikia, bhasikie, kake bhasitwarije. Amu bhemhundukia izubha na izubha ene bhashighia ng'oki jabho. ¹³ Akabhabhura, "msimaije ili isoma? iki mnemanyaze mala masoma mengiwa mose? ¹⁴ Mrehanda ehanda kiteto. ¹⁵ Bhengiwa nibhala bheguiye mbai ya nzia, handu kiteto kihandiwe. igheri bhenekisikia, mkeleki eingia kamwe na kamwe na kuonja kiteto kila kihandiwe ndeni yabho. ¹⁶ Abha nibhobhehandiwe na mano, ebho bhakasikija kila kiteto, bheughia bheizirihiwe. ¹⁷ Kake bhesina bhikolo ndeni yabho, na bhenaikaa igheri ifuhi; ekafumia longa hena icho kiteto bhenagwa. ¹⁸ Nabhengiwa nibhala bhehandiwe na mivwa. Bhesikia kiteto. ¹⁹ Kake bheingia na mihiro ya isanga, kukengwa na bhibala, na mlakolako wa bhindu bhingiwa bhikaingia, ekilinga icho kiteto na kioke kisigera waa. ²⁰ Hena bhala bhehandiwe na teri yedi, Bhekisikia kiteto na kukiughia, na kugera maduda, mmwe hena makumi na ndatu, mmwe hena makumi matandatu na mmwe hena ighana. ²¹ Yesu akabhabhura, "muetie kirangaro haili ianda mukibhike sii ya kikapu, kana sii ya bhui? kiingijeni nyumbeni mukibhike wanga ya kibhango bhango. ²² Hesina cho kibhisike, kisika manyikane, na hesina cho kiho na kija kisika jughuke. ²³ Akicha mundu ena masikio makusikia na asikie!" ²⁴ Akabhabhura, "sikijeni nezo, amu kipimo kila mpima nicho munepimiwa, na kuongejiwa. ²⁵ Amu, ula ehete kindu eneongejiwa, na ula esina kindu enesokwa kila ehete. ²⁶ Akaghamba, "kifumwa chakwe mzuri ni sa mundu ehandie mbeu na teri. ²⁷ Akashinjia kio na kubhuka hemsi, mbeu ikabhuka na kuketika kake esimaije bhundu kihirike. ²⁸ Amu isanga linagera lijenye: kubhoka ijani, mtano isikio, mtano mbeu ikuie haisikio. ²⁹ Na mari mbeu inebhibwa etonga kuhulula, amu mavuno maketika. ³⁰ Akaghamba, nikini ukiringanya na kifumwa chakwe mzuri, kana ni isoma ani tunetumia kulosha? ³¹ Ni sa mbeu ndoori, mari ihandwa. ni mbeu ndongo pia masangeni. ³² Kake ikahandwa ina bhuka nakuoka mbaha kuliko mbeu jose ja mtemeni, na ikete mbande mbaha, handu ndeghe jose ja wanga jiareha bhichanja bhyabho." ³³ Hena masoma mengi hubhu, ebhaingie kiteto cha kubhalosha, kuringana na kutwarija kwabho, ³⁴ na esitetie nabho bila masoma. Igheri eokie mwenye, etetie na bhaloshwa bhakwe na kubhalosha hena kindeni. ³⁵ Msi uwo, chamagheri ikimefike, akabhabhura, "tutongeni sela ingiwa." ³⁶ Bhakashigha lila ifio na kutonga jabho na Yesu. Ngalawa jose jiokie hamwe naye. ³⁷ Ngungu mbaha ikaghona na makindi makabigha ngalawa ikabhoka kuizuwa mbombe. ³⁸ Yesu eokie eshinjie, lubhohe ha igodoro. Bhakambhusha bhekighamba, "mlosha, Usioho utusaria iti tuoho tufa?" ³⁹ Akabhuka, akabohia ngungu, akaibhura bahari, "huja na uhoiye" ngungu ikahoiya doo. ⁴⁰ Akabhabhura, "nize mfoleka? bado msina lusiligi?" ⁴¹ Bhakaingiwa ni fole mbaha, bhakabhurana, Niani uu mtano ngungu na ipe bhimsikija?"