¹ Ii niyo ndumi yedi wanga yakwe Yesu Kirisito, Mwana wakwe Izubha. M'ndumi ² Isaiya erangie ndumi iji Jedi igheri etamie: "Sikija! nioho nikuingijia m'ndumi wangu aarehe zia,zia irongeke m'songorana wake M'zuri. Enebhunganya bhandu bhakuinde we. ³ Eneitanga m'ndu wowose eye ene m'sikija ena ipura, 'Kuarehie we mwenye kumuuhia M'zuri" ⁴ M'ndumi ula Isaya etamie wanga yakwe ni Yohana. Bhandu bhemwitange"M'batiza" Yohana eokie ena ipura; eokie ekibatiza bhandu na kubhabhura, "kusarieni amu mwahira ng'oki, na m'kunde kujishigha, enesa Izubha aidime kumushighia. ⁵ "Bhandu sere bha isanga la Judea na la Jerusalemu bhetongie ena ipura kum'sikija Yohana eteta. Bheingi bha bhala bhem'sikije bheitikije iti bheena ng'oki Yohana akabhabatiza ena m'furo wa joridani. ⁶ Yohana edokie suke ishafurike iarehwe na nyui ja ngami na m'kumbu wa ngingo ujunguluke kikudi chakwe. Ekinala maparare na zoke ejo ekinapatia na ilo ipura. ⁷ Eoho ekichila bhandu,ena igheri ifuhi heneza m'ndu m'ndume. Mi usiidima ukaniringanya na ye. Nisiina nete kukongoma na kudabhua mikwa ya bhiratu bhiakwe. ⁸ Nibhabatize na mbombe, kake ye enem'batiza na ngoro m'shenete." ⁹ Igheri Yohana eoho ekibhachilia, Yesu ezie kufumia Nazareti, kighongo kufuma na isanga la Galilaya. Ekatonga handu Yohana eokie ekichilia, na Yohana akam'batiza hena m'furo wa Joronani. ¹⁰ Emem'batize hubhu Yesu ekafuma hena mbombe, akabhona wanga ya jughuka na ngoro yakwe Izubha ikam'seiya. Ngoro yakwe m'zuri im'seiye ena fana ya ibeta. ¹¹ Izubha akateta kufuma wanga"we u mwana wangu m'kundwa, nikuizirihiwe m'no." ¹² Ade Ngoro yakwe Izubha ikam'tuma atonge hena ipura. ¹³ eokie ena ipura hena bhio makumi maane. Hena igheri ilo,m'keleki eokie ekim'ghesha. Hena nyamao ja kititoni aho, kake malaika bheokie hamwe naye bhem'rinda. ¹⁴ Uko ade magheri Yohana egeriwe jela, Yesu etongie Galilaya, eokie ekichila ndumi jedi jake Izubha. ¹⁵ Eokie ekighamba, "Lila igheri laza. Esi igheri ieza Izubha ekubhonyanya iti ni m'fumwa ¹⁶ M'si mmwe, magheri Yesu eokie ekibhetia ena kibhambara cha ipe la Galilaya, ebhonie bhome bheeri, Simioni na m'ndwabho ye Anduru. Bheoho bhekibhirita neti yabho bhasakie ena ipe. Amu ne bhandu bha bhakuloa bhaarehe bhibala. ¹⁷ Yesu akabhabhura, "Sabhundu mwereokie m'kiloa, izoni hangu nibhaloshe bhundu m'neloa bhandu. ¹⁸ "Kamwe na kamwe bhakashigha neti jabho bhakamwatera. ¹⁹ Bhemetonge hae kadongo, Yesu ebhonie bhome bhengi bheeri, Jemusi na m'ndwabho wakiume eitangwa, Yohana. Ne bhana bha m'ghosi m'mwe eitangwa Zebedayo. Bheokie bhose ena ngalawa bhekiarehia neti jabho. ²⁰ Yesu emebhabhone hubhu, ebhabhurie bhamwatere, ena hubho bhekam'shigha bhabhee, eye eshighiwe hena ngalawa na m'ndu wa m'kono bhakatonga na Yesu. ²¹ Yesu na bhaloshwa bhake bhakatonga m'tano ena kighongo echo kiokie hafuhi kikinaitangwa Kaperenaumu. Misi mifungate iraterie, etongie ekaingia hena isinagogi,akabhoka kulosha bhala bhandu bhebhunganyike hala. ²² Bheitalijwe ni bhundu eokie ekilosha. Eoho ekilosha sa m'losha eye ekuimukie na emaije iti ni kini eoho elosha. Esiokie elosha sa bhala bhekina losha sharia jabho, ebho bhekinahundukia bhindu bhikoranyike na bhila bhafghenji bhalosha. ²³ Ena Isinagogi labho elo Yesu eloshie, heena m'ndu eye ngoro wa m'keleki emwitore. Uo m'ndume eye eena ngoro wa m'keleki akabhoka kukweja ngori eghamba, ²⁴ "We Yesu wafuma Nazareti! swi ngoro bha m'keleki tusina kibhibhi nawe! Wateza kutukenja? Nimaije uwani. Um'shenete wafuma hakwe Izubha! ²⁵ "Yesu akabohia iyo ngoro ya m'keleki, eibhura, huja chwi na um'fume! ²⁶ "Ula ngoro wa m'keleki emdedemishe ula mndu ikamgusha imebohiowe ikamfuma. ²⁷ Bhandu bhose bheokie hala bheitalwe. kufumana na ulo bhetetie bhanye na bhenye, bheghamba, "Ichi ni chakuitalisha! esiiti eoho elosha bhisha, hamwe na bhuitori, kake hamwe na ulo eoho ebohia ngoro wa m'keleki na bheoho bhem'sikija!" ²⁸ Hena igheri ifuhi bhandu bhebhitindie bhandu hafuhi ya bhose bha isanga la Galilaya bhundu Yesu ahira. ²⁹ Bhemefume hena Isinagogi, Yesu,Simioni na Enduru, hamwe na Yakobo na Yohana bhetongie mmwe kwa mmwe ena nyumba yakwe Simioni na Anderea. ³⁰ M'cheku m'kwea wakwe Simioni eokie kitangeni isha. Aho aho m'ndu mmwe akam'tindia wanga ya uo m'cheku m'waji. ³¹ Yesu akamwatera, Akamuuha hena mikono yakwe, akamuimusha. Aho aho akadinda na akabhoka kuanjela bhandu. ³² Iyo chamagheri, zano imeguiye bhemuetie Yesu bhandu bheingi bhawaji na bhala bheena ngoro wa m'keleki. ³³ Yeokie ikibhonekana sa iti bhandu bhose bha kighongo bhetebhunganyike ena mbenge yakwe Simioni. ³⁴ Yesu ekijie bhawaji bheingi. hamwe na hubho ebohie ngoro ya m'keleki akabhafuma bheingi. Esimwingie ngoro wa m'keleki kutindia bhandu wanga yakwe, amu bhemaije iti wakwe Izubha. ³⁵ Yesu ebhukie marekero pada m'si uraterie. Akashigha nyumba akatonga hae na kichinda handu eho hesena bhandu. Aho akatasa. ³⁶ Simioni na bhaghenji bhakamwenda. ³⁷ Bhemem'bhone bhakam'bhura, "Kila m'ndu ena kichinda eoho ekuenda." ======= but >>>>>>> refs/heads/new ³⁸ Akabhabhura,"Tukundike tutonge handu hengi nesa nirechila na uko pia.Icho nicho kinietie aha" ³⁹ Ena hubho bhakabhetia kighongo chose cha Galilaya. Namagheri bhekitonga, Yesu eoho ekichila ena masinagogi na kubohia ngoro wa m'keleki afume ena bhandu. ⁴⁰ M'si mmwe, m'ghosi eye eena ngea mbibhi ya ngingo iitangwa ukuma eziye hakwe Yesu. Edung'ute m'songorana wakwe Yesu em'semba eghamba," Nakusemba nikija, amu uidima kunikija ukakunda!" ⁴¹ Yesu akam'saria. Akapehua m'kono wakwe akam'kunda ula m'ghosi. Ade akam'bhuira,"echo nikundie nikudindije, dindijwa!" ⁴² Ahoaho esena ukoma wa! ⁴³ Yesu akamwaghanya pada egheri esimem'shighiria atonge. ⁴⁴ Iki nicho Yesu eghambie, usirebhure m'ndu kindu chahirika ereiki. Kake tonga urekubhonyanya hena kuhani nesa akuirengesu nezo. Ade urengola masho ila Musa eghambie m'ndu angole akadindijwa ukoma angole. Ii ineoka kindu cha kubhonyanya mwaji ena isanga lila wadindijwa. ⁴⁵ m'ghosi esiraterie bhundu Yesu em'bhurie.Ebhokie kutindia bhandu bheingi bhundu Yesu am'dindija. kindu kikufunyirije ni iti, Yesu esikiidima kuingia kichinda mwajimwaji amu ekijungulukwa ni bhandu. Esitebho, ebakie shighati ya kichinda handu eho heseena bhandu bhekinaikaa. Kake bhandu bhekinaza kufuma mbai jose ja lumanyara.