¹ Iššwal-asan ɤaysa daɤ əlmitalan inn-asan Aləs iyyan a inbalan eškan n əzzəbib, issəɤlay-tan afarag. iɤaz daɤ-as tagdayt ta daɤ za itawazmu əzzəbib, ikras deɤ ogga ihokken as z'iggar awedan wa itagazan afarag. təzzar issəɤfra afarag-net en i magykan wiyyad, iššokal. ² as du-tewad tamert ta n əmiləy n əzzəbib,izammazal iyyan daɤ eklan-net əs meddan win ɤur-əs əyfarnem afrag-net y a ɤur-san d-awəy adagar-net. ³ As tan-in-osa əkli en, əbazan-tu əgan-as šiwwit, əssoɤalan-tu məššis isikarayray ifassan. ⁴ Izammazal sər-san iyyan akli as tan-in-osa, sabbasan eɤaf-net, əgran-as tar šəxšad. ⁵ Ilas məššis n afarag izammzal sər-san daɤ tana mazray wiyyad eklan-net aggotnen. Wiyyad za əggatan-tan har tan-əksana, wiyyad ənɤan-tan kərəz. ⁶ Ab'as d-iqqim iməššis n afarag ar baraa-net wa ikna tara. Izammazal-tu sər-san daɤ tilkamat, fəlas a inna daɤ man-net Immokan as ad əssəɤməran barar-in. ⁷ Mišan as ənayan mgyakan win əɤfarnen afarag barar wen, namannan gar-essan: Ǝnta əddi amakkasu n afarag. Ǝndawat a tu-nanɤu kərəz, ad nəkkusət afarag. ⁸ Təzzar əbazan-tu, ənɤan-tu kərəz. Ǝgaran-in tafəkk-net sədi y afarag. ⁹ Daɤ adi ma z'agu məššis n afarag wen ? wərgeɤ assa a du-z-agu ənta iman-net,agu iman ən magykan win, issəɤfər afarag-net i wiyyad aytedan? ¹⁰ Awak teɤaray a wər təgem daɤ Ǝlkəttaban as: '' təhunt ta din-əgaran makrasan, ənta a təkbalat ehan, ¹¹ arat wen Ǝməli a d-ifal, amaran isimaklal sər-na? ¹² . Ad gammayan muzaran wen den əmmək was za səttərməsan ɤaysa fəlas tamattay a əksudan. adi fəl t-oyyan, əglan. ¹³ Dəffər awen əssokan-t-id arat daɤ farisaytan d aytedan wiyyad əwarnen aganna n əmənokal Herod fəl a das-agin taftaw, s a tu-sassannin arat fəl t-əbazan. ¹⁴ osan-t-id ənnan-as Ǝlfəqqi, nəssân as əməggi ən tidət a təmosa, amaran wər t-illa i təksuda daɤ awa təganna, fəlas wər təzlaya daɤ almaqam n aytedan. Təsasaɤra əs tidət awas dana-iwar igi-net daɤ tarrayt ta n Məššina. A kay-nəssətən, awak xalal arazam n amana y əmənokal wa zəwwaran Qaysara meɤ wər xalal? A tu-nərzəm, meɤ wər tu-za-nərzəm? ¹⁵ Inn-as ɤysa igrân təmanufəqa-nasan Mafel tətajrrabam-i? Akfiwat-i-du tefet n əzrəf ad tat-əniya. ¹⁶ Ǝkfan-as-tat-in, təzzar inn-asan Ma ilan udəm d esəm win t-əwarnen Ǝnnan-as in Qaysara. ¹⁷ Inn-asan Adi za agiwat i Qaysara awa kawan-issəwar, tagim deɤ i Məššina awa kawan-issəwar Isammaklal sər-san aljawab wa tan-ikfa ɤaysa da. ¹⁸ Dəffər awen osan-du Sadusaytan ɤaysa, əmosnen aytedan əttâfnen as wər tu-təll tanakra dəffər təmattant. Ǝssəstanan-tu ənnan-as ¹⁹ Ǝššex ənnəbi Musa iktâb as: As aba aləs oyya-du tantut dər wər ila barar, ilzâm amadray-net a tat-izləf ad agu əzzurrəyya y əmidi-net wa aba den. ²⁰ Ǝnta kala a t-əllan əssa mədrayan. Izlaf wa dasan-waššaran ketnasan, ab-tu wər d-oyy a imosan barar. ²¹ Izlaf wa n əššin təntut ta ɤur aba əmidi-net den. Ǝnta da aba-tu wər d oyya ara. Iga wa n karad awen da. ²² Ǝssa mədrayan win,ketnasan əgan awen da, wər tan-iha i d-oyyan ara. Dəffər as tan-aba ketnasan, aba tantut ten ənta da. ²³ Awak əzəl wa n tabadday, ma imos daɤ əssa mədrayan win den was za təqqəl təntut ten taɤurəs, dad zamas ketnasan əzlâfan-tat?. ²⁴ Inn-asan ɤaysa kawanay alxata a təttafam, fəlas wərmad təssana awa ənnan Ǝlkəttaban, wala deɤ təssanam awa dər togda tarna ən məššin, ²⁵ fəlas əzəl wa n tabadday, wər t-illa azalaf i meddan wala šidoden. kalar təmməddurt a z'agin šilat ən ta əgan angalosan daɤ jennawan. ²⁶ Amaran daɤ batu ta təqqalat inəmməttan, əd tanakra-nasan awak teɤaray a wər təgem daɤ Ǝttawret awa inna məššina y ənnəbi musa ɤur ənəfilal wa das-iga ɤur təfsəq. wərgeɤ a das-inna məššina Nak a imosan Ǝməli n Ibrahim, d Isahaq, əd yaqub?. ²⁷ Məššina wər imos Ǝməl ən təməxsa, kalar Ǝməli ən əddarnen a imos daɤ adi alxata zəwwəran a təham. ²⁸ Ihoz-du iyyan daɤ musanan n Ǝttawret issisaman y əməšiwal wa iga ɤaysa da əd sadusaytan, d aljhawab oggâm wa dasan-iga ɤaysa,inna i ɤysa Ma imos alwajib wa ogran daɤ alwajiban kul win danaɤ-ikfa məššin? ²⁹ Inn-as ɤaysa Ǝnta da alwajilb wa ogaran Səsəmat kəl-Israyil! Ǝməli-nana məššina, ənta ɤas Ǝməli. ³⁰ Iru Ǝməli-nak məššina s əwəl iyyanda, əd man ərdânen. Tireq-qu s awa təleɤ kul daɤ tayttay əd təɤrad. ³¹ Amaran alwajib wa ilkaman i wədi as Agu y əšəqqaɤ-nak tara ta təgeɤ iman-nak . ³² Təzzar inna əmusan n Ǝttawret wen i ɤaysa tidət-nak Ǝššex! məššina iyyanda, amaran wər t-illa iyyan ar ənta ³³ Amaran as t-ira awedan s əwəl iyyanda, ir-ay deɤ s awa ila kul daɤ tayttay əd təɤurad, ira dəɤ əšəqqaɤ-net s əmmək was ira iman-net, wər tu-təlla takutay tətirəkəmmet wala takutay iyyat wər oger adi. ³⁴ Da daɤ ad isla ɤaysa i batu təgât s əgərri ta iga aləs a ənta a das-inna kay, wər kay-iggug iguz ən taɤmar ta n məššina. Ab'as t-illa i ihalan əsəstan ən ɤaysa. ³⁵ Isasaɤru ɤaysa daɤ ahan wa zəwwəran n Ǝlɤibada as iga əsəstan wa, inna Awak wərgeɤ a gannin musanan n Ǝttawret, Ǝlməsix ag əmənokl ənnəbi dawəd a imos ³⁶ Dawəd za iman-ent as t-isassanna Infas wa zəddigan daɤ batu n Ǝlməsix Ǝməl məššina inna y Ǝməli-nin qamu daɤ əɤil-in har əɤrədaɤ əsərəs ən zənga-nak, agaq-qan daw daran-nak. ³⁷ Dawəd iman-net as iɤra Ǝlməsix s esəm wa n Ǝməli, daɤ adi manəmmək as z'qqəl bara-net Batu ta iga ɤaysa da, toggam-tat tamattay tagget ta das-təssəsamat. ³⁸ Inna ɤaysa i tammattay daɤ əsəssəɤri wa ta-itaggu den agəzat iman-nwan daɤ musanan n Ǝttawret. Ǝrân ad saɤlayan əzlâgan šikadkaden zagrotnen, d ətəwəsəslam igân əs saɤmar daɤsammanayan n aytedan ³⁹ Ǝrân deɤ təɤimit daɤ daggan win əlanen almaqam daɤnan win əlɤibada ən kəl-Ǝlyəhud d iguz ən daggan n aytedan win tawasaɤmarnen daɤ məgura. ⁴⁰ Taɤan awa əlanat tədoden šin as wər ədderan meddan-nasnat, taggin deɤ imaddan zagrotnen wər nəmos ar sokni. Ilkâm a dasan-itəwəxkəm attadib labasan. ⁴¹ Iqqim ɤaysa daɤ ahan wa zəwwəran n Ǝlɤibada, illa dat-əs əssənduq wa daɤ itiddaw ərrəzəɤ n ahan wa zəwwəran n Ǝlɤibada, iswâd daɤ tamattay tətaggu daɤ-as azrəf. satakan daɤ-as məggərgas aggotnen azrəf aggen. ⁴² Tosa-du təntut ən tələqqay as wər idder aləs-net təssərak daɤ-as sanata təfelen as wər tewed əlqimat-nasnat ərrəyal. ⁴³ Təzzar iɤra-du ɤyas inəttulab-net əs man-net inn-asan Ǝggiyyeɤ silakanaɤ-awan as təntut ən təlaqqay ta əs wər idder aləs-net, togar aytedan a ketnasan tekakkay, ⁴⁴ Fəlas ketnasan azrəf was wər əddəraran a daɤ əkfan, mišan ənta harkid əlləqqu-net tədkal-du ərrəyalan s əntany ɤas a fəl təssan, təkf-en.