¹ Eegiah Malaikah ani ana degersiise laga bisaani jireenah, bisaani K'uk'uuloh aka wunih adiah. Bereh barchumah hayuah kah Waak'a kasah jiga amaleh amoole hoolah atih. ² Iduh dirbuh wora tini. Lagooleh t'uut'umah madih malsuh mak'a jireena ati ijaaja, segeleh kud'eni lamah garagara kawah, iniileeni adeesa tokocha kesa d'ala. K'olah muka kanah had'ah lafa t'uut'umah fayiisa. ³ Abaarsini deewieh hinjiru. Barchuma hayuh ah kah Waak'a amaleh imooleh hoolah wora kesa jiraata, amaleh ergatuh isah hin ergatiifi. ⁴ Isaani fuula isah dergani, amaleh mak'a isah fuula isaani ara jiraata, amaleh ergatuh isah hiergatiifi. Isaani fula isah dergani, amaleh mak'a isah fuula isaani ara jiraata. ⁵ Halkani tiini dewiiteh hinjirtuh, isaaleni deewanih ibsah taah hifed'anuh yoh kah aduah malyenani Aaboh Waak'a ini isani ara ibsah. Isaaleni hayuani guyah t'uut'umah afi muumeh. ⁶ Malaikah ani wah iniini anani yed'e, "Dubini ntuh d'ugah amaleh hak'eek'a. Aaboh, Waak'a hara rhaagoleah, Malaikah isah erge ergatu isah degersiisuh wunih d'iyoh mid'aafamtu." ⁷ "Ilaah! Ana taamtah d'ufa! Eebini kah dega dubih rhaaguma jah kitaawah kana k'awatu. ⁸ Ana, Yohaanah ni, anah kah wunih tana d'egeeh amaleh d'erge. Mala ana wunih tawa d'egeeh amaleh d'erge. Gadanad'e fuula dura faana Malaikah keh dulad'e. Malaikah wunih tana t'uut'umah ana degersiipte. ⁹ Wah iniini anani yed'e, "Ishih suni hinteini! Anini ergatuh aka keetih, ebeleeni kenke tifi rhaagoleh, amaleh dega dubih kitawah kana k'awatau. Waak'a dulataue!" ¹⁰ Wah iniini anani ted'e, "Guah inkaayini dubih rhaagumah tah kitaawah kana malyenani Wogah an hah d'iyaateh. ¹¹ Kah d'ugah hiukamne, wah wunih d'ugah hinkamne mid'aasuh. Kah daayumu, wah baala dayumah mid'aasuh. Kah d'ugah k'au, wah baala dayumah mid'aasuh. Kah d'ugah k'au, wah wunih d'ugah kabdu mid'aasuh. Kah k'uk'uulina k'au wah wunih k'uk'uulinah kawatu." ¹² "Ilaalih'! Ana teemtana dufa. Yooyah tinti harkumah k'awa, dufeh amamah t'uut'umah iti kana akuma iniini mid'aaseh. ¹³ Aniini Alphah amaleh Omegah, kah dursaati amaleh maayeah, kah iti d'aawisati amaleh kah maaye ah. ¹⁴ Eebini kah dega kanzuh isaani borch'itu suniini hak'eek'a k'awatni' tah nyaata segeleh muka jireenah ara amaleh wora timani fulah kaaratini. ¹⁵ Gara ifah suni seeretih ti jira, direchuah, daayumtu ah, dega anamah ijeeptuh dega talago dulatuh, yoh dega bada d'aruma amaleh fedih mid'aasah ishiah kabdid. ¹⁶ Ana, Yeesuh, hah erge malaika kinki d'ufeh k'awih isani gula baasa tah wunih tanah gula ishiafi mina waak'a. Anini hida amaleh fiita Daudiah, Urijah hangaatu tah diiramah." ¹⁷ Hara amaleh durfa heerimah wah ishiini yete, "Koih!" Meh kah d'egouh dubateh, "Koih!" Kah d'euh k'au, wah d'ufah amaleh kah ishih fed'u, wah bisaani jireenah hadiyomu d'ak'au. ¹⁸ Ana k'awih himad'a isani t'uut'umah gula hah dubih rhaagumah tah kitaawah kana d'egou. Kah ishih tana iti daru, Waak'a ini d'eechuma iti dara tah bareesani kitaawah kana gula. ¹⁹ Kah wunih tana kasah fuudu dubih k'itaawa rhaagole ah kana kesa, Waak'a ini ara fuud'a hulteh isah muk'a jireena ara amaleh wara k;uk'uloh, kah bareesani kitaawah kana gula. ²⁰ Isa kah k'awih baafatu wunih tana gula wah iniini yed'e, "D'uguma! Taamtah d'ufa." Haalaleh! Koih, Aabah Yeesuh! ²¹ Meh dada Aaboh Yeesuh isani wulini jiraatu. Haalaleh.