¹ T'ok'ochi malaikah t'oibaansuni tah k'oora t'oibi kabdu waashih anayetu, "koi, simadi dayumtu guduyuh bisaani gudah aritechuu sidegerisisah, ² tah hayuh lafa itidayumte yoh degi lafa tah itidayunte machochu. ³ Malaikah hara anifute d'iidani anadeche, amileh naditi binesi dimahama aritechu derge tah maka hamahama kamdu. Binesi suleh matah t'oibah gaafi kudeni kawa. ⁴ Naditinsu wayah magaritu yoh dimtu kayate tah kaluh shop'sanu,yoh d'aakachi dansah. Ishileni gur k'oora ah tah kaluh hark'i kasakabdi tah turih dayumu ishia kesijirtu. ⁵ Aditi ishia mak'a dokisah arati bareesane Babek gurudhuyum haadi dhaimah tah duri lafa. ⁶ Amileh naaditi anih dergisu, machih diigi anamah abdii kau. Amileh digii kawih Yeesuh. Anileh deregena akamah shaade. ⁷ Malaikah waashi anayetu,Malih akah gudah Shaada? Amileh wah naaditi tah'na siti'oodesah yoh binesin ishi baatu (binesin matah doibafih gaafi kudeni kau). ⁸ Binesih athi themthe digirth sur, yohsu dhuri Jirah, themtha hinjiruh. Amohn' boleh kiti hinkane kesah githibaa kawah. Duni inii hih idama gar yakumah amileh dhegi duniaah arjirth'u tha makah isahn kidhawa Jirena kesadh hibareesin. Bira d'isah duniah amileh hishadhani othonsah biniseh malsur Jiru kai thentha hinjire amohn'i dufinsa Jira. ⁹ Ishintu moomu karuma waamti. Matah t'oibinsu gubah naditini suh aratechu. ¹⁰ Yoh hayuh t'oiba ,hayuh sheeni halafide, tokochini amale hinjirah,dedi tuni tah kah hidune,malini dufu guda hintau. ¹¹ Amaleh binesi dursah jiru kah tamta hinjire, suni amileh hayuh saadesati; t;okochi t'oibansuni amileh inileni yakumu demah. ¹² Gaafi kudeni kah ati degeritisu hayuh kudeni kah taka hayumu hidakawini, amoh dendeccha dakawani akih hayuh t'okocha itikanani binesi suni hulini. ¹³ Maliyenani isankuh degi momuh t'okochi kabdu,amileh hadendecha saani binesi sunti kanane. ¹⁴ Isaanile gurbah Waaka'ti lolani. Amoh gurbah Waaka isaani dasata maliyenani aboh aboh gudaa yoh hayuh hayoleh -malih nuti isaani hulinjiru gedi waamana yoh fookanu abdiafi. ¹⁵ Malaikah washih anayetu, "bisaani bati degersu bere dayumtu techuh, anaama'ti ,gudaa, lafah amileh afaani. ¹⁶ Gaafi kudeni kah atin degertisu- isaanifi binesisu dayumuh jibani. Isaanile cheerane yoh kulah kayane, amileh fooni ishia nyaatani, yoh ishih abidaa guuane rawati . ¹⁷ Waak'ini hah oonih itikane tah isah gulluh huldakawanu yoh dendencha binesi suniti kanane malumu Waak'i dubisah hikitesini. ¹⁸ Naaditi ati degertisu kaara guduyuh tah huni t'ut'uma are ijetu hayuh guduyuh lafah.