¹³ Ebeleeni t'uut'umah oofuh isani gaafata. ¹⁴ Dad Aaboh keena Yeesuh Kristoh ah, fed'ih Waak'a ah, amaleh wiltijachah Hara K'uk'uloh ah isani t'uut'umah ani wiliini jiraatuh, muumeh t'uut'umah. ¹ Ishiini tuni gaafa sedeesah ti gara keesani d'ufaatini. " Simad'ah t'uut'umah wah k'awih lama yoh sedi k'aawatuh." ² Ana baiyah dega namseh mid'aasitu suni iti dubad'e amaleh dega ana gara isaani jiru gaafa lameesah, deewieh dubad'a. Mala ana deewieh d'ufu, isani hih hambisuh . ³ Ana tah ana isaanti himu malyenani isani k'awih ana arah barbaadani aka Kristoh ni anaafi dubatu. Iniini adaayuamuh gara keesani. Amoh, jaweena k'awa isani kesa. ⁴ Iniini adaayuma gula muka k'urt'aa araati d'isani, amoh hinjira jaweena Waak'a ah suniifi. Nutini adaayuma k'amna isa kesa, amoh wiliini teenya isaani kesa jaweena Waak'a atifi. ⁵ Isani ufa ilaalah aka isani abdih kesa jirtanu. Mala ufa ilaalah. Aka Yeesuh Kristoh ni isani kesa jiru hind'egertanih? D'ugumah, gaafiah woh takah isani himbaratini. ⁶ Ana d'ugah k'awa aka isani d'egertanu aka nuh beekanu suni. ⁷ Teemtana Waak'a kad'ana isanih kah wunih hamtuh himid'aasini. Ana hinkad'ad'uh aka isani silaateh baiyah mala ilaalchih tana dapsataneh, amoh fed'ih tintih isaanti wunih daansah mid'aaaseh akuma isani silaateh baiyah mala ilaalchini isani dapsateh. ⁸ Malyenani nutini wunih toko mid'aasani himaleh d'ugah gula, amoh d'ugah ch'alaafi himbeinih. ⁹ Malyenani nutini hingamana mala nutini yalah amaleh isani jaweena k'abdanu. Nuh hinkad'ana isaaleh wah isani k'it'eesanuh. ¹⁰ Ishih tana bareesa anih baiyah jiru, tanaani mala ana isaniini wiliini jiru isaanti hooj'inih. Ana jaweena Aaboh ni aanti kane isaanini ijaara amoh isani lafa buusah himfed'uh. ¹¹ Muumeh ishiah, ebeleeni, gamadah! Aka hareeesa isani tochani suniifi, ona ufa kaayah, wula d'ak'awad'ah, nageh kesa taa. Amaleh Waak'a fed'ih afi nageh ah isaniini wiliini jiraatuh. ¹² Anamah t'uut'umah oofuh fed'ih ah tah dega Kristoh ah gaafad'ah.