¹ Pauloh, ergatuh Yeesuh Kristoh ah aka fed'ih Waak'a ah, dewiah ebeleesa keena Timoteoh kah mina Waak'a ah gara koriintoh jirtuh, dewieh dega abdatuh t'uut'umah tah odoh Akayah. ² Naageh tah gara Waak'a Aabah keena afi Aaboh Yeesuh Kristoh ah d'uptuh. ³ Wah olfuud'anu Waak'a afi Aabah Aaboh keena Yeesuh Kristoh ah. Iniini Aabah naasuh ati ifi Waak'a ona anamah kayuh. ⁴ Waak'a ini ona nuh kayuh hanshaara keena t'uut'umah kesa, suniini dega hanshaara kesa t'uut'umah kesa, suniini nuleeni dega hanshaara kesa jirtu nsuni dendeeenyeh ona keenah. ⁵ Akuma suuleh aka gaalgala Kristoh ah itih daramtuuni gara keena, suniini ona kayah teena itih daramtih dirbuh Kristoh afi. ⁶ Amoh wah nutih hanshaaraleh, ishiinsuni ona kayah teesani ifi jireena kesaani amoh woh ona nuh kayaanuh, ishiinsuni tah ona kayah teesani iti Ona kayah teesani aka daansah hujih mid'aasituh wah isani nutiini wiliini omsaatanu gaalga nuh gaalgala nsuni kesa. ⁷ Amaleh abdih teena jaween. Himbenyah aka isani aka tokocha jiratanuuni hanshaara kesa, akuma suuleh hah aka tokocha jaachataneh ona kayah kesa. ⁸ Suniini hinfed'uh ebeelni isaani kah baratuh tah nuh d'akabduh nsuni gara Asiyah. Akuma aadh nuh ara ch'iisaneh ara mursiisah gidibaasah teenah, sunumaani abdih jireenah d'amneh, akumsuleh. ⁹ Malsuh nuh aabotih ni hah adaawa ufaati d'oonyeh naafa teena kesa, suniini naaafa teena hin abdatiini amoh Waak'a abdanah kah anamah jireena leh hinjireleh kesa kasah. ¹⁰ Kah nuh jiraach'iseh lubuh guduyuh kesah, dewiah nuh jiraach'isah, kah nutih abdaneh akuma aadah nuh jirach'isah. ¹¹ Isaaleh nutiini wiliini k'ak'aaratah ni Waak'a waamanoh kesa, nutiifi, suniini fed'ih dada nutih kanaani nsuni tah k'aak'artih anamah gudah, anamah gudaani d'ud'ah bafatanuh nutiifih. ¹² Suniifi ufa olfuud'ah keena kana, odeefanoh nafaatih teenah. Aka K'uk'uulomah afi adeenih onah gara Waak'ah tiini d'upteh , lafa tah kesa yaaneh. ¹³ Ishitana wiliini mid'aasineh amoh aka k'aruma lafa timuh amaoh aka dada Waak'a ati. Wunih isani shoomtanuh wiliini hinbaraaneh isani hinbareesinuh ana jawah. ¹⁴ Akuma suulah aka isani nuh baratane d'ikoh dewieh ana jawa aka nsuni guyah Aaboh keena Yeesuh ah wunih isani ufa olfuutanuuni itanah aka nuuleh isaniifi ufa olfuuneh. ¹⁵ Suniifi malsuh jaweeni k'awah wunih tanaafi dursah nsuni gara kesaani d'ufa beh, suniini daansumah imala kinkih lamah suni dak'abdani. ¹⁶ Malsuni isani ara bah aka aniini Makedonih ah gula ideemah kesa jiru, dewieh isani ara bah mala aniini Makedonih kasa gaalah atih jiruh, suniini ana geesitani sunumah Yud'eah. ¹⁷ Mala ana aka moma suni, malsuh aka laana jiraah? Muh tah ana momad'ih nsuni aka fed'ih naafa ah suniini aka kana antih itatih momad'e duuni ''Akumsuh, akumsuh'' amaleh ''Akisimuh, akisimuh'' aka tokocha yed'ah? ¹⁸ Amoh aka Waak'a ini kah abdiah, dendenye akumsuni amaleh akisimuh hiyenuh. ¹⁹ Suniini Gurbah Waak'ah, Yeesuh Kristoh ah, kah Silwanoh ah, Timoteoh ah, dewiah ana isani kasaatih waad'ine kah akumsuh dewiah akisitimuh, amoh iniini wogah t'uut'umah akumsuh. ²⁰ Suniifi d'amsa Waak'a t'uut'umah isa kesa ''akumsuh'' amaleh halaaleh yenah isa kesa, Waak'a ini olfuud'ih d'akawa nutiinifi. ²¹ Teemtana Waak'a ini nuh d'ugoomfatah isaani wiliini Kristoh kesa dewiah areesa nuh kaayeh. ²² Isaantih guwa nuh kaayeh dewiah Hara K'uk'uuloh nutini kaneh ona keesa tah wild'akabdih wunih iniini nutih kanuh. ²³ Amoh ana Waak'a wamah k'awih tintih itaa ona tiyaafi aka ana Koritoh hind'ufini malsuh naasuh isaani k'awa. ²⁴ Ishiintuni aka silah abdih teesani ara ijeenoh ah atimuh. Amoh aka k'ak'aartih gamaada teesanitih aka isaanifi abdih teesani ijaajitani.