¹ Ń bè toyɛɛl kwobɛ̀ Jɔnɔsɔ n'án tɔ́ŋrɔn ɲɛro, mùmun bè lɛ̀ nì klôè kítía. ² Jɔnɔsɔ ǹ gbukɛlî kɛl bén kúur nɔ̀nkurn se, à sɛwú á wolɛ ɔ. ³ Fù bóló ɔ bo gbâr dyàn bè bɛa jimiì w'á ŋmeltyɛɛln Jɔnɔsɔ ǹ gbukɛlî tɔŋn bo, yì to bè yì dufɛ́ɛn nɔkɔ́ŋl yì k'á tàshɛŋ mɔnar gbukɛlî toná. ⁴ Yì bè jimiì jà kpéa yíi ta yì tèkél kpɛŋntɔŋnî besé. Yì b'á burjìr hlɔ kɛ́ŋa, yì ɲɛjìr kɛɛŋn kɛ́ŋ. ⁵ Ákún wo tɛŋn gbɔ tohlátɔn, á ki tɛŋn gbɔ tojatɔn, kyɛ̀ŋn sɛ́ á to á ki Jɔnɔsɔ kɛlî ɔ án klɛwɔ jìr, á k'án klɛwɔɔ̂ kwo á k'à mɔyîn. ⁶ Fù bóló ɔ bo mún b'àni lamɔ́nî tèbɛ̀ Jɔnɔsɔ yin ɔ, kɛ̀ mún kɔ́ɔŋn gbâr lò. ⁷ Ń ni kɛ̀ŋl ɲɔn ɲɛ́n, ń ki kɔ́ŋnè ń klɛ gbɔ to ń nìryɛŋn ɲɔn ŋmɔ́n. ⁸ Bla wóon mɔ ń bè tɛŋna Jɔnɔsɔ ǹ gbukɛl kùr danflɛ́tɔnî ɛ̀, Jɔnɔsɔ ǹ kítíkártɔn ɲɔn b'à tea àni yefyɛ̂lî ta. Mún byéen to tɛkún ɔ bo, kɛ̀ à ri tɛɛ̀n jimin to mùmun n'à byɛɛ̂ rɔ á tìyà gbɔ jìr, ⁹ bɛ á mɔkâr ɔ mún tɔŋnimɔ, ¹⁰ bóló ɔ bo Demasi r'á káè mún se gbɔmɔnarî núkwɔ́ɔn ki dénno Tasaloni. Keresa ki dénno Galati, Titi dénno Dalimati kìyɛŋnî mɔ. ¹⁴ Fùnɔ jɔ Alɛkisanti ri gbɔjáal tyɛɛ́ŋ klɛ̀ mún to, Jɔnɔsɔ b'à kwɔnsɛa à tyɛl ɔ. ¹⁵ Á tɛ́ŋlɛ́n ɲɔ́n mɔ́n núkwɔ́ɔn á r'á káè n̂ gbukɛlî to. ¹⁶ Mún ni ń byéen tatɛ́ɛln fáâ mun to, à túkyɛ̂ŋî mɔ dó wo mún kyaŋ bo, kɛ̀ yíi nɔ̀nkurn mún se á káè, be fù ŋmel ta gbɔɔ̂ ɲɛn yì ta bo. ¹⁷ Jɔnɔsɔ ń kyaŋ gbɔɔ̂ mun n'à jéla à gbukɛl tɔnî ki tɛŋn mún nɔkɔ́ŋl à Jɔnɔsɔ hlɔ̀ kaarntêê k'à gbɔ ná, fù nì ń ki ń sɛli gbɔ mɔ. ¹⁸ Jɔnɔsɔ bè mún sɛlia gbɔjáal mɔ ki ń dé án lɔ́ sɔ́ɔɔ̂ mɔ, ŋmelɔnkrɔ nì sɔ́jà k'à fù rɔ. À mína! ¹⁹ Fulóo tè Krista nì Akila, fù ni Onisefori ǹ jiminbêê ɛ̀. ²⁰ Erasiti tɛ̀ŋn ta Korɛŋnti, ń ki Torofimu láaŋ tal ta Mile. ²¹ Á ɲákpɛŋl á k'á sɛbɛ kàyɛ́ɛl ɲɛro, Ebili, Pidasi, Linisi, Klodya nì ń tɔbiîŋî nɔ̀nkurn n'á fuló. ²² Dé Jɔnɔsɔ ki tɛŋn á tɛ́l ɲɔnî wɔ́se, àn loô ki tɛŋn yíi wɔ́se.