¹ Loka dogo ma, a Yezu kari Galile ma, wu ga ni gɔn be cɛn ya piye Zude na mata yawutuuli be ni wu mugɔli be gwo. ² Mata, yawutuuli seru, ɲiɛn gwoye seru be gɛhɛri. ³ Ani awi ceborel wi piye; laha nimi, ani ma kari zude na, jango n'kalbige muni sija n'ka biye nyɛn gel n'bile. ⁴ Waa ganigɔn be kala piye, wigagu li piye nɛrɛ na, n'ga ni ko keregel piye ma wa dihɛ siɛnna. ⁵ Mata wi cebore yɛrɛ ga dɛrɛgɛ wina. ⁶ A Yezu tijio pe ma: wo lɛli saanɛ ye wo lɛli ma gwɛri. ⁷ Ye kala yaja biyɛn lurunyan siɛnna, n'wo kala ma biyɛ pe ma, makita ni tiyu pe ma ni pe kapige nyuyɛ. ⁸ Ye nugu ye kari n'we seru ma, n'wo ma, n'na nugu kariyɛ, mata n'lɛli saa variyɛ. ⁹ Baa wi to jio kuhɔ pe ma, a wi kori Galile na. ¹⁰ Baa wi ceborel nugu kari kɔ seru ma, awi mu nɛri nugu kari. ¹¹ Yahutuuli beni wi mugɔli seru na: ge wi ye ge? ¹² Siɛn be ni siyɛniyɛrɛ yu wi wolona, bel benigɔn: siyɔn cɔnwi, a beligɔn : owoyɛ, wi ni siɛn puni. ¹³ Lɛlɛ tuhɔ siyɔn fala ga ni yu fana wi wol na mata pe be ni vihɛ yahutuuli na. ¹⁴ Baa seru banɛ nigɛna a Yezu nugu Kolocɔliɔ gwa yugɔna, ma ni siɛn kɛli. ¹⁵ Libe yahutuuli fugɔwuhɔ, a pe nigɔn: mɛni wi siɛn kɛli nigɔn wi si kɛlɛ piye. ¹⁶ A Yezu tijio pema, n'keregel daɲɛn wa, n'yɛrɛ na migɛ n'tuwɔ wi. ¹⁷ Waa ga nigɔn be wa wolo pi wi ya ticɛn ni jo n'keregel ye kolocɛlɔ wogoli ni lo bɛyɛ ni ni yu n'yi hɛwo wolo na. ¹⁸ Wi wi yu ni wi yiɛ woo ni, wo ni waa nugɔri mugɔli, migɛ wii gani tapugɔn fala wo noyɛ. ¹⁹ Musa ga sariya kan ma? Ani ye wa fala sariyɔ tariyɛ yan man ye mugɔli be gwo? ²⁰ A siɛn wi pe ye: wi ye na ma. Wi siyɔn wi yani mugɔli bve gwo? ²¹ A Yezu pe piye: N'ma fal waapiye ani ye siyɔn tihɔ funguwuhɔ ²² Musa ma daku kan ye ma, Loga yiri Musa mayɛ, migɛ lo be piye tefɔ kologo, ani a ye ni naa kuni canŋɔ dagina. ²³ Nɔ wa ga ku canŋɔ dana, jango Musa sariyɔ ka ku yuyɛ, nyan man ye duni n'tani, ma jo ni ma nɔɔ wa Kolocelɔ cango gagina. ²⁴ Ye gagu jiyogopi n'yanpiu wel na yɛ, migɛ ye jiyogo kanyɛngi kologo na. ²⁵ Siɛn beli be yiri Zeruzalem bu ma, maa jo wi-wee bɛn pe beni mugɔli be gwo la? ²⁶ Ani ma wele, a wi ni yu fana,ani Yezu sijiyo ni peni yɛ! kaɲina yiɛn woli ya wi cɛn nin Krista wila? ²⁷ Ma ta woma wiye-wee tiyɛgi cɛn, migɛ Krista kaa ba siyɔn fala ya jo cɛn tyɛna wigele. ²⁸ Ani a Yezu ni kɛli kani nivan na Kolocɔliɔ gwa fugɔna: ue ma n'cɛm; ani ye ma n'tayigi cɛn n'ban wa mayɛ: migɛ wi wutu wiye kanyiɛn ani ye wi cɛnyɛ. ²⁹ N'wo ma wi cɛn, mata wo tiyɛgina n'yiri ani wo wi tu. ³⁰ Pe beni li mugɔli be Yezu gwo migɛ siyɔ fala gavɔli be kɔgɔtaa wina, mata wi lɛgɛl sanga nɛ. ³¹ Siɛnihɛnɛ beni dɛrɛgi wi na, nanigɔn: Krista gabapan wi ya kagwelegel gel piye bedori wi we wogona na? ³² Sariya fɔli beni siɛn ninɔma nyuhɔ siyɛrɛ nurɔ wi wo na. loma a sari kan yugwele ni sariya fɔli keregel celefɔl tu pesi si wi co. ³³ A Yezu jo: n'san ye niye ni lɛlɛ ciyɛri fugu na, ani si bagari n'ti fɔma. ³⁴ Ye ya ba n'mugɔli, ye si ya n'tayɛ, ani ye yaja ban baa n'na piye le. ³⁵ Lowo na a yahutuuli ni tiyu ma, ge wi ya gari g wo si ya ja wi tayɛ, awi ya gari bel pe cɛbɛri Grɛk kiye nigɛna, ani be si Grɛk kiye kɛli wɛ? ³⁶ Dii siyɛri gɔn be jio de: ya ba n'mugɔli ani ye ya na n'tayɛ ani ye ya baa ja ba n'na biye le yɛ? ³⁷ Canzang seru canbigwɔlɔna na, a Yezu yiri yeri siɛn nigɛna majo: logwaa ga wi ja wiima n'ma wu ba lo gwa. ³⁸ Wii ga dɛrɛgɛ n'na siwɔ mugwele ya ve wi fungɔna, ni jo ba siyɛkanri tijo la. ³⁹ Wa to jiyo finana na, lii tɛrɛgɛ vɔl beyɛl be da wi na, lolɛlina finani ga san banyɛ, mata Yezu sanga nugɔrɔ tayɛ. ⁴⁰ A bel lo siyɛri logo siyɛnigina ma jo: kanyɛna n'we de ye Kolocɔliɔ nyɔsiɛ joo. ⁴¹ Bel be jo: Krista wi A bel jo: kanyiɛna Galile na Krista yɛli be yiri la? ⁴² Siyɛn kari ti jo ni Daouda ɲanbiri nane ani Bethelehɛm kena ba Daouda be piye ba bɛ Krista yɛli bangila? ⁴³ Lona, a siɛn paa lɔ wi wolna. ⁴⁴ Bel be ni gɔn be wi co migɛ wa fala ga vɔli be kɔl taa wina. ⁴⁵ Lona a keregel celvɛl kokɛri ma kari sariya wole yugwele ani fariziɛn ma. a po jo ɲanna ye si ban ni wi ni yɛ? ⁴⁶ A kerehel cele fɛl laa pe piyo: fiyewu nɔɔ fala jio ni gɔn n'we nɔɔ wi. ⁴⁷ A sariya fɛl tijio siɛn ma, a ye mu fɔli ni tonina, ⁴⁸ A yiɛn wol o bɛ saki ya tɛrrɛgɛ wi na mu na? ⁴⁹ Migɛ, siɛn bel pe sariya cɛn, po siɛn ma danga. ⁵⁰ Nicodɛmu, wi be pan Yezu tiyɛna nibi na ani ma be biye pe wa awi be piyo. ⁵¹ A wo sariya ma vɛn siyɔn yngɔna, a wo ma na wi logo ni jɛn lii piye la? ⁵² A pe wi piyo: A mu ye Galile wo la? mali wele, ani n'na li nyɛn ni Galile na Kolocɔliɔ ɲɔsiɛ joo yila yɛ. ⁵³ Ani a siyɔn tuhɔ kokɛri ma nisee wu dala ma.