¹ Non ma ta pharisensma, penu yiri Nicodeme, yawu tuol yɛ wo, ² Ma pan, Yesu tɛna, nibiga, na wi pie : Rabbi, wo mw cin n'ye kali yɛ wo ma yiri kolotiolɔ ma, Sion ya dia n'ye kaboli pie, ni kolotiolɔ ga be bie ni ni yɛ. ³ A Yesu wi pieu na ligio ma kagnin na, Sion ga be ni la si wu voni yɛ, wi ya kolotiolɔ fanga gne yɛ. ⁴ Nicodeme wi pieu : min nɛ Sion lɛgoi ya ni dia laa zi dio? Be laa gie wu nuu fungon nan, wusi wu si la? ⁵ Yesu wu pieu : kagnin gnin na, na li dio n'ma, Sion ga be Zilog ni finana y, wi ya dia gie kolocolɔ fanga na y. ⁶ Gi si ccsalig na koye ccsalig wogo, gi si finana ko ye finan wogo. ⁷ Li ga gu n'fun wɔ dii n'gio ma le : na saa zi daa. ⁸ Kafag ni vug ni se ba ki gon le, an ni ki tim nurɔ; n'si gin tigi na kiyir, anni tiɛg gina ki sei y. An ni ki ye ni Sion wo Sion wi sii ma yili finan man. ⁹ A Nicodeme wi pie : mɛni lo ka l ya dia bie dio? ¹⁰ A Yesu wi pie : n ye Israel kal gbɔg ye wo, n'si to yar tin na! ¹¹ Kagnin, gnin na , na ti gio ma, di wo tin to woma gio, ani wa si ti gio di wo gne le, di wo gio ye wɔli daa to na gni. ¹² Yaa be taarya ti nany digio ye ma ta korg wo lo nan le, mɛnɛ ya daarga tinna n'ga ba ni gniɛ zalag siɛrɛ yu ye man. ¹³ Sion wa fala NOugou gnin na yi, ni wiwi yiri tigini nan mayi, Sion guia wiyiri ninan ma. ¹⁴ Baa Moussa wiɔ yirigue ninan ma gnanbog pig na, ani Sion guia ya yiri ni, ¹⁵ Lona Sion wo Sion ga daraga winan siiban goi ta. ¹⁶ Kulii limuni kala ma tinni kolotiolɔ na, lona wi wu gia nin bling kan, Sion wo Sion ga daarga wi nan, wi gagu galayi, si Siban goi la. ¹⁷ kolotiolɔ, wu dia tian pan kul kere ceri, kul si sɔbɔtaa wu wo na. ¹⁸ wi gadarga winan wo Sion ya ni yeguey, wiga bedargay wo ma yegue kiɔ, ma li ta wi darga kolotiolɔ dia fɔ nibinnɛgany. ¹⁹ Wo dayegu ye, ma kule nan, nibig ka la ma tinni seinna ma tori kwinma, ma li ta pe ke pigue gnɔy. ²⁰ Sion wo Sion gani kapigue pi kwin ma pin wu ma, wi ma vɔli ban kwin may, wu kereguel sigu gniny diɛy. ²¹ Wiga ni dari kagnin na wu ma ban kwin ma, lo na wu kereguel sidia gnin, ma lita kolotiolɔ wi ki kereguel yɛlɛgɛ. ²² Loka dogo ma, Yesu, nun kalipigel ma kari Judee tɛri na, ba a awu pie ni peni kotiƐgna, ani na ni sin gnimi log ma. ²³ Zan muni peni sien gnim log na enon na, Salim tani, log ninguin pie ko tiɛg na, a Sien ni ma si dagni mu ta ki tiɛg na. ²⁴ Pi Saga Zan tongny. ²⁵ Ma li ta, Zan kalipigel nigin na kakɛpɛlɛ be yiri pema peni yawutu siɔli da gio vinigu kerel na. ²⁶ A pepan ma ba Zan ta, na wu pie : Rabbi, wi wi be pie ni ni Jourdain diegna, wi na n'be si ni wo ta le, wu mu ya ni sien gnin mi, a pemu ya ni se wu ma. ²⁷ Zan pepieu : Sion ya dia kala ta ni lili kan ma yiri wi ma ni nama bien y. ²⁸ Yeli yɛrɛ ye n'sini wo an ti gio ye ma, n'we Krista y, an tun wi yɛ na. ²⁹ wi wu ye tiɔ kafɔl, cepɔ wi; cepɔ convɔli, wi wu ye na le ma ni linurɔ, wi ya fundara ta siɛrɛ da logona, to fundari ti ye n'wori diti fori le. ³⁰ Fd si yirig n'si diri. ³¹ wi wi yiri ni na ma. Wi ye pemun yugɔ na, wi wu ye tɛre na wo ye tɛre wo, wi ni yu negon baa wi ye tɛre na . Wi wu yiri ni na ma wo ye Sion tiɔ yugɔ na. ³² Wi ni sini ya la li wu gne anni li wu logo, wa wu siniya Coriy. ³³ Wi wu Siniya cori wa gitiɛ kolotiolɔ ye kagnin. ³⁴ Wi kolotiolɔ tun wo wi kolotiolɔ siɛrɛ yu, ma li ta kolotiolɔ ma finani kan mu ma wi li suma weliy. ³⁵ Cia fɔ ka la ma tin ni tu fɔ na, awu kala tiɔ le wu kɔɛ na. ³⁶ wi ga taraga cia fɔ na wu ya sibangvi ta, wi ga be taraga cia fɔ na y wu ya siu gniny, kolotiolɔ daadan ya pie wu yu gɔ na.