¹ Ko siɛri kadogo ma, Yezu ma yiyɛ yirige naama ɲiɛn zag na jo, n'tuu. wati ma nɛ ma jiya miɛn gwɔgɔ walisa n'jiya mu si n'miɛn gwɔgɔ. ² Baa n'na fang kan wu cesag tu muun yugɔ na lee, walisa wu si sibangwɔ kan bel n'wi kan wi ma lee. ³ Ani sibangwɔ ye pe si cɛin Kolocɔliɔ yiyɛ kiye kaɲiɛn ani wi n'tun lee Yezu Krista. ⁴ Ma n'miɛn gwɔgɔ tɛrikok ani falu wi n'be ki kamalee ma la piyɛ. ⁵ Tiɔrunaa, tu baa ma n'miɛn gwɔgɔ n'tanni baa n'miɛn be gwɔgɔ sani dingɛ si yɛgɛ lee. ⁶ Siɛn bel li kama dinyɛ fuɔn na ma pe ti a pe n'miɛn cɛin. ⁷ Pa pe cɛin tiɔruna ya gi ki ye ma, ka yiri n'ma. ⁸ Siɛrɛ di n'li kama lee, ma pe kan pe ma, pa ki ta, ani pa cɛin ni ma yil n'ma, ani pa la kina ni n'mu wi n'tun. ⁹ Pe wolo na n'ni ɲiɛn ɲiɛri, dinyɛ bɛinyɛ n'ɲiɛri n'ga siɛn bel li ka ma, sabu piye n'wo. ¹¹ Ani yagi piye n'wo ye n'wo muuni, ani yagiye n'wo ye n'wo mun ani n'miɛn ma gwɔgɔ ko na. ¹⁰ A n'wa dinyɛ fuunɔn na yiyɛ, ani pe ye dinyɛ fuunɔn na, a n'nisie n'ma baa, bel n'li kamalee ma pe kɔrɔsi n'miɛn walisa pe si piye ni bine ba wo ye lee. ¹² Lɛlina n'be piye dinyɛ na ni pe ni lee, n 'be pi kɔrɔsi n'miɛn na bel n'be kamale ma pe kɔrɔsi wa faala puuni ni pe nigɛn nayɛn nɔntɛ jia ma puuni walisa siɛre si dafa. ¹³ Ani tiɔruna n'nsiɛ n'tiɛg, ani n'na kerejo dinyɛ fuuɔn na walisa n'fuudare si dafa pe ma. ¹⁴ Ma n'siɛre kan pe ma ani dinyɛ ma pe wa dinyɛ wo yiyɛ baa n'wa dinyɛ woyiyɛ lee. ¹⁵ N'daɲiɛre wa n'si pe yige dinyɛ fuun na yiyɛ, n'ga ma pe kɔlɔsi kapige ma. ¹⁶ Pi wa dinyɛ wo yiyɛ, baa n'wa dinyɛ wo yi lee. ¹⁷ Ma pi giye ni n'kaɲiɛng, baa n'siɛri ye kaɲiɛng lee. ¹⁸ Baa n'na wo tun dinyɛ na lee ma pe tun muun dinyɛ na. ¹⁹ Ani n'wa giye pi woro na walisa kaɲiɛng si pi piye muun ni. ²⁰ Pe wolo yiyɛ bɛinyen n'ni ɲiɛn ɲɛri, n'ga ani bel ki ya vɔl n'siɛre na muun. ²¹ Walisa pi si piye nibine, baa tuu wi yena n'na ani n'ye n'na, walisa pe si piye wo na janko dinyɛ si cɛin ni ma n'tuun. ²³ Ma nugɔrɔ gi n'ki kan ma lee. ²² N'ye pena, ani n'ye n'na walisa pe si piye nibin, ani dinyɛ si cɛin ni ma n'tun, ani pe kal ma tɛnni n'na ba n'kal tɛnn n'na lee. ²⁴ N'tuu n'nigɔn tiɛgi n'na si gorile, bel n'li kan ma pesi gora ni wo ni muun walisa pesi n'nɛma ɲɛ, nɛma gi n'li kamalee bari n'kal be tɛnn n'ma sani dinyɛ si yɛyɛ. ²⁵ Tuu zin, dinyɛ wi n'cɛinyen n'ga ma n'cɛin, paa ccɛin mun wi n'tun. ²⁶ Ma pi piye a pi n'miɛn cɛin, ani n'na pi piye pe si cɛin walisa taɲiɛm ki ye wo siɔlu na lee kɔsi piya muun ni pe ni.