¹ Lipie Paul na, a wu yiri wo ka fɔ kapigel kurogo be gbo, awu kari sara woleli fan fɔgbɔma. ² Sigog mugɔli be gari Damas ɲingbo na, wa si kofon tanvɛli yan, man taa cɔlɔna si pepuɔ be gari Jeruzalɛm. ³ Ma wu ya kogna, awi ni gbɛri Damas ŋɔna, taɲɔ nibien kwin yili ɲin ni nan ma na wu kori. ⁴ A wu tuu tɛr na, awu jo logo a pe wu pieu: Saul, Saul ŋana n'yiri n'kurugo. ⁵ A wu piru: wu sion n'ye, kafɔl? A kafɔl wu pie: n'ye Yezu fi kurogo n'yirile liyaa nugɔ ma n'si ŋanjɛ folwa. ⁶ Cecɛl ni fir kɔlma, awi dio: kafɔl, ŋa n'gon n'si bie? A kafɔl wu pieo: yiri, ma gie kul fungan pe ya tigio n'ma linabie le. ⁷ Sien pe be ni wu torog a li pe fungon wɔ, pa jo logo, pe si sion ɲiny. ⁸ Saul yiri yeri, baa ŋonpigel min mugu, wi ya ŋan ni y, a be wu kɔg cio, ma kari Damas na. ⁹ Wa cintari kiɔ wi ŋaniy, wi liye, wi lɔ gbony. ¹⁰ Ma lita, Damas naa kalple ya wuming ni yiri Ananias. kafɔl gio ni wi ni ŋonŋon na: Ananian! Awa gio: m'we, kafɔl. ¹¹ A kafɔl ti gio wuna: yiri, ma sie kulfugonna, gi peyir kalig, ma si wel Juda kwog, Tarse Saul ya. ¹² Ma ni daŋiɛr pii a kitiɛ wuna non wa nien ye Ananias, wi wu ya ba kɔg taa wuna, wusi we ŋa le. Ananias dio: ¹³ Kafɔl, ma tilogo kapigel non pie sien fiɲin na Jeruzalɛm na. ¹⁴ Wu ye na ni kog ni, ma yili Sara woleli fan fɔgɔ ma, be sien behi pe ming yiri pe si pe puɔ. ¹⁵ A kafɔl wi pieu: n'ŋe non ye kologo gi n'wol, si n'ming tugɔ be si gio kurgona, ni fanfɔgolma, ani Israɛl nion pigel yɛ ma. ¹⁶ Nalitiɛ wi na kam wi ya pie ning wolona. ¹⁷ Ananias yili, ba wi sinin kwog ma, a wi kɔg taa Saul na, na dio: Saul ceborl non, wokafɔ Yezu, wi wadiɛ n'na kobil na beni manle, wa n'tun n'si welɲin ani finan cinni singni. ¹⁸ Kotiɛg kimuni na, a yara ni yig ni dug ni gon fa koro tii, a wi ni ŋan, a wi ni ŋan tiɔna, a wu yiri loɲinm bie. ¹⁹ Ba wu likwa, a fanɲi lapan wina. Saul ma kwin pie ni kalpigel ki pie Damas na. ²⁰ Ka tiɛnigwin na, a wu yir ni ɲinni siɛrɛ yu ɲin gbog na ni Yezu ye ɲinni gia. ²¹ Be pi be wu nurɔ a li pe fungɔ wuɔ. A pe gio: wuo bein wi be ni kari, sion o sion wu pe ni ko ning yiri la, wu daa bon naa ni ni pe pi puɔ be gari sara wole fan fɔgbɔ ma ? ²² Saul ma ni mara gale wa na, na gio ma yawutuuli le na ki tiɛ pe na Yezu ye Krista. ²³ A lɛlɛ la ba nɛ a yawutuuli duu le be wu kwo. ²⁴ Duu pe pela a ta ba nin Saul na, pe be ni kɔri kwa sigɛli, si da wu kwo. ²⁵ Ni bi ge fungon na, kallpigel wu la le ziɛlɛ fungonna mantreg gong ka dogoma. ²⁶ Ba wu nin Jeruzalɛm, Saul ma file bel na, pe muni pe ni viɛ wu yɛ na, pee daar ga wu kalpi ya na yɛ. ²⁷ Baa Barnabas, tilogo, a wukari ni wu ni Kolocɔliɔ sidun dun ma, na tigio pe ma mɛnɛ Saul wo kafɔl ŋin gdio, dii ti be gdio wu na, ani Damas wa siɛre gdioni funviginin Yezu ningan. ²⁸ Wu peni sie nani man ni peni Jeruzalɛm na, wi pe ni zin ni yu wo ka fɔ nin na. ²⁹ Wu pe ni yu na ni kakɛbɛli pi ni helleniste ni, po be ni wu mugɔli be gko. ³⁰ Ceborl ticin, a pewu la kari Cesaree na, a powu torigo Tarse na> ³¹ ɲinni kwa be pie yɛ ɲing na Judee tiɛg kimun ma, Galilee na, ani Samari na, ma vagale pa na woka fɔ firanan la be ni dari ni sie pe nan fina cin ni ma. ³² Piyɛre be ni sie sien finn, be muni tiɛna, a wu tige pekurogo Lydde na. ³³ Wa sii non wa ta wu ning niri Inee, wa be sinɛ sirɛg na ma nɛ yiɛ bwatari, na murogo. ³⁴ A Piyɛre wu pieu, Enee, Yezu ma celogo, yiri man n'ya sirɛg la. lo ɲiɔ ni bi na a wu yiri. ³⁵ Sienni pe pie Lydde na anni Saron na pa pe wu ɲin, a pe pa gan foka fɔma. ³⁶ Joppe na, kalpigel nigin na, cɔlɔ wa be pia pe ni wuri Tabitha, koma ki tiɛ. Dorcasi: wu pe ni kaniɛ ɲin pi ani kɔganni. ³⁷ A wu tuu ce furona na kuu. Baa pi wu wel kwa a pe wu la tiɛ lino ma bwog na. ³⁸ Ni gon Lydde lili Joppe y, kalpigel, tilogo Piyɛre be pia, a pe nani sini torigo wu kurgo, a pi wi yɛri wu si zan ban potiɛg na. ³⁹ A piyɛre yi ni po nan ni, a pi na le a pi kari ni wuni ni nama bwog na. Nigu cel be wu kori ma ni ŋa ni a pe wu yaleri tiɛ, ani yanugɔr dii wi pe ni bile, ba wu saga guy. ⁴⁰ A Piyɛre sion tiɔ yige, a wu kagur sin, na daɲiɛ pie, na ba yiɛg kɛrɛgɛ kuma, na jo: Tabitha yiri ! awu nipie geli mugu, ba wu Piyɛre ɲin a wu yiri tin ni. ⁴¹ A wu kɔg kan wima, na wu ple yirige. Awu sin fin yeri ani nigu cel, na wu tiɛ pena wi wioni. ⁴² A to be cin Joppe na, a siɛn nin nin daargu pie wo ka fɔna. ⁴³ Piyɛre pe kiɛr pie Joppe na,m non wa tiɛna wu ming ye Simon.