¹ Theophile, n'ma tico, ya cil n'be kan kan n'ma le, keregel Yesu peiye, taseleg na, ² Masinɛ Can bil na winugu ninan ma, wi be kɔg kan, ni finana, wu kalpigeli wu be woli. ³ Kam ka du ma wa wa diɛ pena ma sinɛ cin tole sin na, na kereg gio ma kari kolocolɔ fungba sirɛna. ⁴ Ba wu be pie ni peni, wali dio waa pe me be gagu lili Jerusalem na yɛ, si li sigɛ kali ŋɛne tufɔ be la pe ma, keregel siɛrɛ n'be gio ye ma le. ⁵ Zan ma dagni mu pie logna, yeli, cin kiɛr ma, ya dagnimu ta beyiri finan cinma. ⁶ Kalpigel kwire na wi ye gue : wokwfɔ, lolɛna na Israel fung tiɛla ? ⁷ A wi pe piou : ye yɛli be lo lɛ ni ko can ciny li tufɔ tiɛ wa na le y. ⁸ Ye ye fangbɔ ta, fina lin ya digi ye yugɔ na, ye ye bie n'sin woli ma seli Jerusalem ma, Judee wumu na, Samarina, be sinɛ tɛkorg tiɛtɔ na. ⁹ Baa wi to giokɔl a wi wolo pigning na ma peye penu wuweli a ka kurɔgɔ ba wi ton penan. ¹⁰ Ma peni pigeli ya ni nan ma, mani wu weli a wu ni sie, nanni sini ya firena ma pe diɛ pena. ¹¹ Na dioo : Galileens sien ni, gnan wol na ye yeri nanni weli ninan ma? Yesu wuwoli ye niggin na ma nugu gnin Zalaga na, wa ya ni la ban baa ye wu gnin a wu ni nuri gnin Zalaga. ¹² A pe laa gie Jerusalem na, gngog nin peyeri oliviers, gi ki ye Jerusalem tann ni, ki pie canini bin tan na. ¹³ Baa penan, a pe nugu ninan ma pkogna baa pema pie le, ni Pierre, Zan, Andre, Philipe, Thomas, Barthelemy, Matthieu, Jacques, Alphee dja, Simon Zelote, ani Jude, Jacques gia. ¹⁴ Pemuni nin ni bin na ape waga le gniɛgnɛre na, ni ceni, uni Marie, Yesu nun, ani Yesu Ceborel. ¹⁵ Yo cin na, A Pierre yire ma yeri ceborel Niginna, Sien pepe kwir kitiɛg na pepe pie si ni tole kwar fage. ¹⁶ Ceborel, libe yeli be vori li fina cinni, ma yel ya kar na. Daouda gniɔg na, Juda wi wi becin sien yema na be Yesu cole. ¹⁷ We be kori wo ningɛ na, wu liɔlɔ pie ni wo ni falni gwin. ¹⁸ Wo non, be segue sɔ ni kur lɔrini, tuu ma wi ning kɔ, a wi fun yara tiɛ pɛri. ¹⁹ Lo kali ma cin Jerusalem Sion tiɔ ma ko Seg , minin be siɛr na Kakeldama, koma dio sisiang Sege. ²⁰ To siɛre ma dio Psaume wo kawɛgbog fungonna : wi ta Sion si bie tire fun, sion gagu bie ko tiɛg na yɛ : wa ni yɛ si yeri ni ki ni. ²¹ La peyɛl wi wo wi wu wo torogo lɛna woka fɔ Yesu pie ni wo ni le, ²² ma seli Yahana logni b na, ma sinɛ cing na Yesu woli wo ningɛ na, Sion ni bi wi ya wona si sini ya gio wu daa kuu yiru na. ²³ A pe pan ni sien sini : Joseph wi ni ki ye Barnabbas, nin taagi ye Justus, ani Mathias. ²⁴ A pe da gniɛru pie : kafɔli, mu Sion fungon cin, wi ni bin na la sin sini ningin na, ²⁵ wi si liɔ lɔ la falu ni sudur n'kan wo na, wi Judas ya na kari wu wo kog na. ²⁶ Api kagan gnekolo pie awu tu Mathias na, wi wu taa sidundun kɛni ni bin na.