¹ N'le siɛr ye kaɲiɛn: waa ga n'gɔn be biye Yezu tam sien falu piye, falu ciɔn wi, wi nugɔn be biye. ² Kolocɔliɔ falu piye ma yel be biye jalaktiɛ ga ni biye u nan ni co nibini, wa yɛl be hunbunɔn coli be biye siɛn kalu kan ciɛn be ɲɔn u kalanan. ³ Wi yeliye be wa gan daagba maɲ be faan ta siɛnnan yɛ singwari. N'ga wa yel be biye ni fun ɲini, ni yɛrɛ ni ani wi ye liye be yiɛn dufuru yɛ. ⁴ Wa yeliu be bi ye dala fɔl cɔn, be wu nɔpigele le siɛrju kalanan ni dazin kolonan. ⁵ Ma ta siɛn wa ga ni jaliye be wu da weliy cogo winan wi ya ja Kolocɔliɔ gwe weli? ⁶ Lii yeliy wu si biye kretiɛn funyɛ mafiya wigugu wagwɔgɔ be du ɲe sutana kɔyɛ nan yɛ. ⁷ Waama siɲɛni si wigɛri jɛnmɛ yu wagu du sutanu kɔyɛ. ⁸ ɲiɛnkpa kawele sin be waa dajo yaa, daaga ni yaga ta giki wi wogeyɛ. ⁹ Be tɛg falu jo sijicɛnmɛnna. ¹⁰ Pe si piye weligwen wo kadogoman pe ya ja falu piye ki ga da paa piye siyɛ niyɛrɛ fun. ¹¹ Cee muni ma yɛl be biye con wiwa tiɛ be zin yaga tuɔnan. ¹² ɲiengwo kaweleli ma yel be bori ni cɔlɔ nibin yiɛ ni, wa yel be ja u nɔpigel nan ni wu daal. ¹³ Makita siɛn be ni pe falu piye ɲɔn, piya tayeri cɔn tani tagi cɔnni tɛg nan Yezu Krista nan. ¹⁴ Ma n'de sɛrɛ kan kan n'ma nani yɔn be gar ntiyɛna kar n'ma. ¹⁵ Cee ngamɔn, nsi jɛn feg gina nnan gɛlgɔn Kolocɛlɔ gwana Kolocɛlɔ wiyɛ sina, tasinŋi kaɲɛ Kolocɛlɔ gwa. ¹⁶ Ani kakabalɛfun, dazin funŋɔn siyɛrɛ ma gwɔgɔ: giki be tiyɛ cesagina, tiyɛfiŋɛ fina na, maɲɛ mɛlɛkl na, nawi siyɛri jo, siyɔn ma, a tɛg piye wi na dunuɲa, na yiri sijɛnmi na.