¹ Yezu zhǐr gàà n vò ń da-dǒ wə, n kwã lyì bí zὲ bə tó mo. ² Shìrhə dɛ rɛ yùwə, n zɛ n vò ń nə ń cèrhè kàrmɔ dwã-gùlú w jì y wə. Lyì nánzhəzhɔ cili ń còrhò mó, kɔn jàr bὲ. bə y'à zhe, yẽ ń nɔ lárma mɔ nέ èta? etər màmyaarhέ n'ê tó ń jὲrh nə rə wὲrhέ? ³ È də də-shəlnà mo kɛ Marɛ byǐ mú nà, Zhakɛ, Zhoose, ǹdə Zhiidi e súlí Shəmɔ da-byǐ mú nà? Ń nəkwá bέ tə nə cəcəl wə?. ⁴ Yezu wɔ bὲ: bə t'â zwẽ Yi nyì-zwennə ń da-dǒ w ráá ń dwí rí ǹdə ń kὲlέ lyì bí cəcəl w cὲnὲ yé. ⁵ Ń yə ŋwὲnέ n wὲrhέ màmyɔ òdù ga yé. wɔ nə-bwànà màngɛlέ yó ń cĩ ń jὲ nέ n mə n wárh bɛ. Kɔn jàr dέdέ bə wu kùùlí yilə. ⁶ Yezu yà ń nə byέlέ cə-bwǎlsɛ nɛ ń mə n cèrhè nə lyì bí. ⁷ Yezu byẽ kwã lyì bí shí ǹdə bəlyè y n twĩ bi bəlyè bəlyè. N pə bɛ ŋwɔnɔ bə bə jǐ nə-cilsi. ⁸ N byili bi bə bək'á zə kaka bə sɔmá y kǒ yil yé, kùjú, lɔbɔ, wársɛ bə byẽ yé. ⁹ Sə bə ce nə-cìlə, bə bək'â zə kàməzǔrh səlyè yé. ¹⁰ Kὲlέ kὲbέ á la è wẽ zul mó, s'á mɛ gàà kɔn m'e yí á zhǐr cɔ w òmyέ wẽ. ¹¹ Sə lyì jàlà gə shὲnέ bə cili ába, bə yə ába zwẽ, s'á zhǐr gàà, á pyìrh á nèsé shó w myɛ á ló tέ cɔ w wa, rəmyέ b'a yə kɔna. ¹² Sə bə zhǐr bə vò bə byili lyì bí ni, bə bə pyìrhí bə wun ní. ¹³ Bə jì nə-cúúli, bə zə nǔrh bə tútǔ nəbwànà nánzhəzhɔ bə wárh bɛ. ¹⁴ Pyɔ Erɔɔdɛ nyὲὲ bə y'à n'ê zɔm Yezu zɔmà. Ń yil ré y'à du dέdέ, n zὲ n wɔ; Zhã-batiisi ń bwìrhì n du cùùrì wẽ, è ce ń nə ń wὲrhέ màmyaarhέ tὲbέ ? ¹⁵ Jàlà y'à zhe bə wɔ Yi-nyìzwennə ǹdə bə dwã bέ ta. ¹⁶ Sə Erɔɔdɛ gə nyɛὲ rəmuέ, n zὲ n wɔ; Zhã mɔ mɔbɔ àmyέ ce bə gõ ń yó w mó, ń ká n bwìrhì náa? ¹⁷ Erɔɔdɛ cìcì ń yà ń ce bə Zə Zhã bə lyẽ bə ce byənə jùwə, ń nyέ Shilipu kɛ Erɔjaadɛ ń yà ń zwẽ n jí, Zhã zὲ n ji mu búlə mú yilə. ¹⁸ Zhã wɔ mɔ; ǹ bə sɔmá zhe sə zwẽ ǹ nyέ mɔ kɛ mɔ jí yé. ¹⁹ Erɔjaadɛ lyim j'a zὲ rə n'ê yì Zhã ń nə ń pyà sə n ce bə gu mu, sə ń yà ń wàr yé. ²⁰ Erɔɔdɛ jà ń yà ń kwàl Zhã yé, ń yà ń yě bə Zhã wɔ wu-cánga cí. ń só mo culu, ń gə cili mu ń kə yəl ń gə nə ń wὲrhέ nέ yé..bə ń zɔmà nέ y'à zhe shilə. ²¹ Erɔɔdə yà ń tɛnɛ ń lul byin rí yò lyǐrh címci nánfɔlɔ, n byẽ ń dwã lyì-fwààlέ ǹdə ń shədέέsέ yó-cìnə, e súlí Galile tənà y lyì-fwààlέ púləpúlə címsi jàà wà. ²² Erɔjaadɛ bəkɔ mɔ sù címsí jì y wẽ n zhì lyì bí gakó yé né n sa, ń sɔ mɔ sú Erɔɔdɛ yírh, n wɔ bəkɔ mɔ nɛ, lwəl ne kɔn dὲbέ ǹ nə ǹ yàlá, à m'à pɔ rɛ. ²³ N zὲ n bwəl mo nyí, bə kɔn kɔn dὲbέ gakó ń gə lwəl mò, ń mà n pɔ rɛ, báá è gə wɔ tənà y kəkàlà myɛ. ²⁴ bəkɔ mɔ du n wɔ ń ná nɛ, "bəkɔn à m'a lwəl"? n lyár mɔ; lwəl Zhã-batiisi yó wə. ²⁵ N zὲ làlà n vò pyɔ mɔ sõ n wɔ mɔ; à n'â yǎl sə cĩ Zhã-batiisi yó w nə-zhĩ w ń pɛ lǎsέ lǎsέ. ²⁶ Pyɔ mɔ wu-zhìlì, sə ń gə bwəl mo nyí lyì-fwààlέ ǹdə byὲbέ gakó ń yà ń byẽ ga yírh w mo ce, ń wàr ń mà n cẽ yé. ²⁷ N zὲ n twĩ ń yilnə mədù bə ń zhəl n zə Zhã-batiisi yó w làlà n mə bà. n zhǐr n vò byənə-jù w n gõ Zhã yó wə. ²⁸ N cĩ w nə-zhǐ w n bə n pə bəkɔ mɔ nɛ, n kwè n pə ń ná nɛ. ²⁹ Zhã kwã lyì bí gə nyὲὲ rəmyέ, bə vò bə kwè ń yala nέ bə vò e ce. ³⁰ Yezu tùntúnnə gakó k'â b'è zhì bə kəkέlέ mɔ, bə byili mu kɔn dὲbέ gakó bə cèrhè lyì bí ni mú. ³¹ Yezu wɔ bɛ; bànà nə kɔl nə vò kwã nέ námpɔlέ nə shǐrh, lyì bí gə n'ê twí bə k'â kwὲ mɔ yilə, mùnì ga bə ŋwὲnέ bə jí kùjú. ³² Bə zhǐ bə zù bwəl rədù w bə vò kwã nέ bə dúdú. ³³ Lyì nánzhəzhɔ nɔ bɛ ǹdə bə la, cɔ w gakó j'â du bə dǔr bə jὲrὲ bὲ jàà y kὲbέ bə la è wẽ mó wə. ³⁴ Bə tú bə du bǔ-bwəl ré wə, Yezu nə lyì-zhǎ bέ dέdέ èta, bə nɔnɔ zə mɔ, bə bə nyὲέ ǹdə pyììsì shὲbέ sə bə kálna zhe ta. N zὲ n ji kùr ń nə ń cèrhè bè ywẽ nánzhəzhɔ. ³⁵ Cɛ y gə tú è n'ê yìì, ń kwã lyì bí yí ń nyí ni bə wɔ; nyɔnɔ wɔ gɔ-elũ kὲlέ j'à bə bwəl yé. ³⁶ Ce bə k'â vò cə-bwǎlsέ w bə yè kùjú bə jí ³⁷ Yezu lyar bɛ n wɔ; á cìcì pana bɛ kùjú bə jí. Nə zhəl nə yè wár-kǔlsi zwã-àlyè kùjú nə b'ě pə bɛ bə jí? ³⁸ N zὲ n wɔ bɛ; zhəlnə á nyǐ wɔ búúri màngal á zhe? bə lwar, bə wɔ mɔ; búúri rənu ǹdə émɔrh səlyè. ³⁹ N zὲ n ce bə jòm tέ gɔ w yó kùkùlə kùkùlə. ⁴⁰ Bə jòm zɔm zɔm, jàlà jòm shí-ènu shí-ènu. ⁴¹ N zwẽ búúrí rənu w n ce Yi nəbáná, n kə w n pə ń kwã lyì bí ni bə zwẽ bə m'e tə lyì-zhǎ bέ, n pə bɛ émɔrh səlyè y myɛ bə m'e tə gakó. ⁴² Bə gakó jí bə sú. ⁴³ Bə pwà rə yəywaálέ rə dàl mɔ, bə sú jǐrhne shí ǹdə rəlyè. ⁴⁴ Byὲbέ bə dɔm búrú w mú gakó y'à yú nunə mɔrhὲ rənu. ⁴⁵ Rəmyέ kwã nέ, Yezu ce ń kwã lyì bí zù bǔ-bwəl bə jὲrὲ mɔ bə byɛrhɛ bə la mwəə èpákὲ Bətəssəyiidi səta, ǹdə ń cìcì yà ń gwẽ nə ń pɛ sɔmá lyì-zhǎ bέ nɛ bək'â la jè. ⁴⁶ Bə gə tú bə zhǐr bə zὲ, ń cìcì mú zhǐr n jì pyɔ òdù yó ń la Yi-co. ⁴⁷ Dədὲnέ yi gə yúwə, bǔ-bwəl ré y'à yú nὲέ mɔ cəcəl wə, ǹdə Yezu gwẽ zhǐ bù-cùù w yó ń dúdú. ⁴⁸ N púrí bə n'ê nwὲnὲ ǹdə bǔ-bwəl ré swǎl mɔ, bə zho w y'à zǎ bə yé. kɔn myɛrhɛ ecəswélé cəcəl wə, n zὲ ń zhəl nὲέ mɔ yó w ń la bə səta, ń yà ń nə ń yǎl lyɛ bɛ. ⁴⁹ Bə gə nɔ mɔ ń nə zhəl nὲέ mɔ yó w mó, bə y'à n'ê bùl bə wɔ ywələ, bə zὲ bə wǔrh. ⁵⁰ bə bə gakó nɔ mɔ, bə zὲ bə n'ê dùr ywẽ, rəmyέ yó Yezu zɔm ǹdə bɛ n wɔ; kámna á wun, bə wɔ àmyέ ywẽ bək'â zə ába yé. ⁵¹ N zὲ n zù bǔ-bwəl ré tὲbέ bə ŋwέnέ rə wẽ mó wə, zho w j'a kwĩ. ⁵² Bə yó-kùùlí y'à ce bə yə búúrí kɔ mɔ kùr nyὲὲ yé. ⁵³ Bə gə byɛrhɛ mwəə y bə zὲ, bə yí bù-cùù w kɔbɔ ò wɔ Zhənəzarɛtɛ tənà y səta mɔ nɛ. ⁵⁴ Bə gə shí bǔ bwəl w bə du, lyì bí lwar Yezu pár làlà. ⁵⁵ Bə dùr bə vò cɔ w bə pwà nəbwànà ǹdə bə pyənde ga, bə zǎ bə gə nyὲὲ bə Yezu la nέ mɔ wa. ⁵⁶ Jàà kὲbέ gakó Yezu yú è wẽ, cə-fwààlὲ, cə-bwǎlsɛ wa, bə y'a zə nəbwànà bέ bə b'e cĩ dwã-gùúlí jààsέ w bə m'ê lwəl bə ń yẽ bə dwərh ń kàmə-zwǐ y bɔrhá nɛ cìcì. Byὲbέ gakó bə y'à n'ê ŋwὲnέ bə dwərh y mó y'à n'ê wárhá.