¹ Rəmyέ dwã,Yəzu k'a n vò dwã gùlú jì y wẽ. Bal mə du ya ń ŋwέnέ gaa mɔ ya ń jɛ ya cùwə. ² Sə byὲbέ bə y'a ŋwέnέ gaa mɔ ya n'ê yǎl bə cĩ yò yəzu yo w bə zὲ bə bə n'e myɛlɛ mɔ.Bə la nyǐ ǹ gə la warh mɔ zhìrhə dɛ rɛ yùwə. ³ Yezu wɔ Bal mɔ ń jɛ y cù mú nɛ zɛ ń zhǐ dɛ lyì bí gakó yé né. ⁴ Yezu zɛ ń bwərh lyì bí n wɔ:shìrhə dɛ rɛ yùwə,lò zhe sɔmá n wὲrhέ cὲnὲ ráá ń gu lò. ⁵ N zɛ n nyǐ bə gakó.N lyim zɛ n wu zhìlì bə wu-kùùlí yilə.N zɛ n wɔ bal mɔ nέ,cèlè ń jɛ ya.Ncèlè yə é ja wǎrh. ⁶ Farɛzhɛɛba zɛ bə dupwẽ nè làlà ǹdə bə zhəl bə nə Erɔɔdɛ lyì bí,bə la pya bə bə ma to ne bə gu mú. ⁷ Yezu ǹdə kwã lyì bí zhǐr bə vò Galile mwə yó sə lyì zhǎ bɛ ya shi Galile ǹdə Zhide. ⁸ Ndə zhərəzalɛm ǹdə Yidume,ǹdə cɛmɛ nɛ nyὲbέ nə ŋwέnέ Zhɔrdɛ bwǐ epakɛ mɔ ǹdə nyὲbέ nə ŋwέnέ Tiiri ǹdə Sədɔ nyi ni mɔ wẽ.Bə du bə tó mo.bəmyέ gakó ya nyɛɛ tὲbέ n nə wὲrhέ mɔ.Wɔ rəmyέ e ce,bə zɛ bə ba ń sono. ⁹ N wɔ ń kwã lyì bí ni bə tὲbέ bǔ-beəl redu bə pɔ,muni ga lyì bí bə ka pyέnέ mɔ yé. ¹⁰ N gə yà ń nə n wárh lyì nánzhəzhɔ mɔ ce nəbwànà bέ ya nέ jὲrέ dwã muni ga ń warh bὲ. ¹¹ Nəcili námməlwalsέ gə nɔ mɔ ,sə tu nyé nè sə n'ê wǔrh sə zhe .N wɔ yi byǐ. ¹² Sə Yezu yà ń nə n ji si búlə,ń nə n pə sə nyí n jì sì. ¹³ Yezu zɛ n jì pyɔ òdù yó n byẽ lyì bí byὲbέ ń nə yǎl mɔ bə bə n yala nὲ. ¹⁴ N zɛ n cír lyì shí ǹdə bəlyè bə wẽ n ce bə jǐrh ń tùntúmə .N cír bə mùnì ga bə yə nέ ǹdə mɔ.Sə ń twĩ bì bə bwəl yə-ècɔnɔ nyí rí. ¹⁵ Ndə ŋwɔnɔ mùnì bə jì nəcílsí nánməlwǎlsɛ. ¹⁶ Nyǐnə byὲbέ shí ǹdə bəlyè y ń cír mɔ yilə né,Shemɔ mɔ mɔbɔ n co n yil bə Pyɛɛrɛ mɔ. ¹⁷ Ndə zebede byǎ bέ Zhakɛ ǹdə Zhǎ Yezu co bə yə-lyərsə Bwanɛzhɛ.Rəmyɛ n'ê yǎl e byili bə bə nɛ ndə dwã-gùlù ta. ¹⁸ E súlí Andərɛ ǹdə Shilipu ǹdə Bətələmi,ǹdə Məco ndə Tɔma ndə Aləfɛ byǐ Zhakɛ ,ǹdə Tadɛ ,yəwǎl cìnə bə gùlú w lò mədù ń yil Shəmɔ. ¹⁹ E súlí Zhidə Esəkarəyɔtɛ mɔbɔ ń myìnì Yezu ń pə bə zə mɔ. ²⁰ Rəmyέ kwã nέ Yezu zɛ ń vò kὲlέ wa.Lyì nánzhəzhɔ k'e bə dwã yó.Rəmyɛ ce nmyɛ ǹdə ń kwã lyì bí kê bə yé zhe sə bə jí kùjú yé. ²¹ N dwí lyì bí gə nyὲὲ rəmyέ,bə wɔ dɛ ga ń yò zhiǐr bə zɛ bə la mɔ zal bə mə bə jè. ²² Muyiisi nyə né byínə bé bə ya shí Zhərəzalɛm bə bə cɔ w wẽ gàà mɔ ya n'ê wəl bə wɔ nəcílsí námməlwǎlsɛ pyɔ Bəzəbul ń zhe mɔ jàlà myɛ ya n'ê wəl bə n wɔ nəcílsə námməlwǎsə yó-cəbal jàn n mə ń nə jì sì. ²³ N zɛ ń byẽ bè,ń ji səswalá ń pə bέ ń wɔ,Shətana wɔ è b'a jì è dõ shətana? ²⁴ Təna èdu lyì gə pɔr bə n'e bwí dwã,Təna y è myɛ ta la è na y yó zhǔ yé. ²⁵ Eta myɛ ,kὲlέ èdu lyì gə pɔr dwã nɛ ,bə nɛ bwí dwã kὲlέ y è myέ è ta mɔ la zhǔ yé. ²⁶ Shətana gə zɛ e k'a n'ê bwí ńdə è cìcì èmyɛ yò zhìlì.è pyὲlὲ rέ ta la zhǔ yé.Sə shətana y gə nə nə bwí ǹdə è cìcì ,e myɛ yò zhìlì bə e pyὲlὲ rέ t'a la zhǔ yé ə. ²⁷ Lò wàr ń m'a zù nəjàl-bal sõ kὲlέ ń pwà ń wẽ ń jɛ kɔna,ńdə ń yə jὲrέ ń lyẽ mo n cĩ tɛ yé sə ń gə lyẽ mo ,ń wɔ ń m'a pwà ń wẽ nə gakó. ²⁸ Yezu kə ń súlí ń wɔ zhəna à n'â wəl ába lyì bí wɔ bə m'a nə bə dwəəré ǹdə tùùrhí tὲbέ gakó bə n'ê tùrh ²⁹ Yi mú sǔrbri.Sə lò mɔ ń tùrh ywələ náàcὲnέ ń wὲrhέ yə-bəlɔlɔ o bə sǔbri zhe,sə yə- bəlɔlɔ w òmyέ b'a mɛ n yǒ dɛ gakó. ³⁰ Wɔ bə gə wɔ bə wɔ nəcili námməlwɛlέ è zhe mo mó è ce ń zɔm èta. ³¹ Yezu da-byǎ bɛ ǹdə ǹ ná zɛ bə ba .Bə zhì pwènè ,bə twĩ lò bə ń byẽ mo ń pə bɛ. ³² N yí ǹdə lyì zhǎ bέ bə kəkέlέ mɔ ń wɔ mɔ nyǐ ǹ ná ǹdə ǹ da byǎ bέ zhí pwènè bə n'ê yǎl mɔ. ³³ Yəzu zɛ ń wɔ bɛ mɔ ń wɔ à ná mɔ.Byɛ bə wɔà da byǎ bέ? ³⁴ N zɛ ń pyìrhí n byili bí byὲbέ bə jě bə kəkέlέ mɔ mɔ.n wɔ nyǐ à ná mɔ ǹdə a da byǎ bέ. ³⁵ Lwarna bə lò mɔbɔ gakó ǹ nə ń wὲrhέ Yi pùbùlə wɔ ǹmyέ a da byǐ,ń wɔ à nəkɔ ń wɔ a ná.