¹ E zɛ nəkɔkɔlέ yá, vwĩ-zwəl-nə bé gakó yé né cìnə bé ǹdə cɔ w náncɛsέ ǹdə Yi nyə né byil-nə bé ǹdə ǹdə bùrsí cìnə gùlú nánfɔlɔ jòm dwã yó. rəmyέ yó bə zɛ bə Yezu bə lyẽ bə bə bə pə Pyəlatɛ nɛ. ² pyəlatɛ bwərh mo n wɔ : wɔ ǹmyέ ǹ wɔ Zwifubá pyɔ mɔ ? ³ Yezu luár mɔ n wɔ : wɔ ǹmyέ ǹ wələ. vwĩ-zwəl-nə gakó yé né cìnə bé y'à n'ê cĩ ywẽ nànzhəzhɔ ń yó wə ⁴ Pyəlatɛ bwərh mo : ǹ tá ǹ lyár nɛ ? ǹ bə ywẽ né tὲbέ bə n'ê cĩ ǹ yó mó nyɛ nà ? ⁵ Yezu yə mo lyár yé, rəmyέ jàr Pyəlatɛ ⁶ Címsi gə yú gakó, bə y'a vúr byənə jì lò mədù, mɔbɔ lyì-zhǎ bέ n'ê yǎl bə bə vǔr mó. ⁷ lò mədù yà ń ŋwέnέ byənə jù w ńmyɛ ǹdə ń tó-dwã ń yil Barnabaasɛ ń yà ń gu lò ǹdə cɔ w lyì bí zɛ zɔmà nɛ ⁸ lyí-zhǎ zɛ bə n'ê lwəl kɔn rέ dὲbέ bə myὲrhὲ bə n'ê n'ê wὲrhέ címsí dɛ bə pɛ mɔ ⁹ Pyəlatɛ zɛ n wɔ bɛ : Á n'â b'à vǔr Zwifubá Pyɔ mɔ ? ¹⁰ ń yà ń yě bə wɔ bwɛ-dǔr è ce vwĩ-zwəl-nə bé gakó yé né cìnə zə Yezu bə pa, ¹¹ vwĩ-zwəl-nə bé gakó yé né cìnə bé cìrh lyì-zhǎ bέ bə ce né mùnì ga Pyəlatɛ vùr Barnabaasɛ . ¹² Pyəlatɛ zɛ n wɔ bɛ : bəkɔn à n'á yǎl b'à wὲrhέ mɔbɔ á byè bə Zwifubá Pyɔ mɔ nɛ ? ¹³ bə vǔrh kədò; bə wɔ : pəpa mɔ də-jɔrhɔ yó! ¹⁴ Pyəlatɛ wɔ bɛ : bəkɔn lwɛlɛ ń twĩ ? bək'e vǔrh dɛdɛ bə wɔ : pəpa mɔ də-jɔrhɔ yó. ¹⁵ Pyəlatɛ gə yà ń nə n yǎl n wɛrhɛ ǹdə lyì-zhǎ bέ gə n'ê yǎl nέ mɔ ce n vùr Barnabaasɛ ; n ce bə mà yezu ǹdə dànnəshàárɛ, n pə mɔ bɛ bə la vò bə pəpa də-jɔrhɔ yó ¹⁶ Shədέέsέ zὲ sə zə Yezu sə zù cɔ w cəbal mɔ sõ kὲlέ wa. sə byè dwã-gùlú lyì bí bə bə jòm dwã yó. ¹⁷ Bə zὲ bə kwè kàmə-zù-èdɔlɔ bə zù mu, bə kwè sɔr yə-pú bə pú ń yó wə . ¹⁸ Bə zɛ bə n'ê ce mo bə zhe : nə r'é ce mó Zwifubá Pyɔ ! ¹⁹ Bə zɛ ba nyɔ dɔ bə mà ń yó ne, bə pùr tətàr ń yó, bə jòm bə nədwənə yó bə wùlì ń yé né , ²⁰ bə gə mɔn mɔ bə zɛ, bə lwər ń kàmə-zù-èdɔlɔ wá, bə k'a zù mu ń cìcì gandέ. bə zɛ bə lyɛ bə la vò bə pwpa mɔ də-jɔrhɔ yó. ²¹ Bə nyέέ sɔmá èmyέ kwər-nə mədù ǹdə ń shí gɔ, ń yil Shəmɔ , Shərɛɛnɛ lyì bal, Alesãdərɛ ǹdə Rəfu da, n zhĩ Yezu də-jɔrhɔ wá ²² Bə Uezu bə vò jàà y kὲbέ bə byè bə Gɔlgɔlta mɔ yó : rə kùr wɔ yə-kwəəle jàà, ²³ bə zɛ bə kwè sɛ-karέ bə pɔ bə ń nywέ. n cẽ ń yə mɔ nywὲ yé. ²⁴ Bə pəpa mɔ də-jɔrhɔ w yó, bə zɛ bə tə tέtέέ ń gàndέ yó bə nyǐ , wɔ kɔ lò gakó mà n jí ²⁵ Bə jə pəpa mɔ yi ní, è y'à wɔ lùr rətɔ bɔl wa. ²⁶ Bə y'à kɛ zɔmà bwèlè yó bə fwar də-jɔrrhɔ w yó, bə m'ê byili ń dóó w kùrə ; bə kɛ bə wɔ ²⁷ : Zwifubá Pyɔ ! bə pəpa mɔ də-jɔrhɔ ǹdə ŋwɔlà bəlyè ; mədù ń jə-jĩ ni, mədù ń jə-gwà nɛ, ²⁸ èta tὲbέ rə y'à kɛ Yi zɔmὲ sέbέ rέ wẽ pyìrh, bə y'à kɛ bə wɔ : bə co mo lyì bəlwàálsɛ cəcəl wə ²⁹ Sɔmá kwər-nə bé y'à n'ê tùrh mo, bə m'ê zhízhí bə ywẽ bə zhe ³⁰ : ńmyέ ǹ vǔr Yi jì y ń ká ń lù dwã nətɔ mɔ, vwǎrh ǹ cìn sə ń só də-jɔrhɔ w yó. ³¹ Vwĩ-zwəl-nə bé gakó yé né cìnə bé ǹdə Yi nyə né byil-nə bé myɛ zɛ bə n'ê mɔn mɔ bə zhe : ń vwǎrh lyì bí dwã bέ, n jà ń wàr ń cìn sə n vwǎrh yé ³² ; bə Kristə mó, Esərayɛl Pyɔ mɔ só də-jɔrhɔ w yó èlǎsɛ, mùnì nə yírhə nə mɔ, sə nəmyɛ .zwẽ nyí. Byὲbέ bə y'à pəpa Yezu də-jɔrhɔ w yó myɛ y'à n'ê tùrh mo ³³ Lùr bwəldù y gə tú e yí, Yezu wǔry cəl nánfɔlɔ, n wɔ : ³⁴ Eloyi Eloyi Lama Sabachthani ! rə kùr wɔ : à Yi, à Yi, bəkɔn ǹ yẽ ne ? ³⁵ byέbέ bə zhǐ gàà mɔ jàlà gə nyὲὲ rəmyέ, bə wɔ : nyǐ ń nə ń byè Elyi ³⁶ Byὲbέ bə zhǐ gàà mɔ mədù dùr n kwè kàməjùrhú n mɔrh sέ-kárέ wẽ, n cìì nyɔ dɔ nɛ n pɔ bə ń nywέ ; n wɔ : yẽ-nə mo nə nyǐ ǹdə Elyi gə mà n bə n só mo tɛ, ³⁷ Yezu zɛ n bya dɛdɛ n já n cì. ³⁸ Yi jì y gɔnɔ w bə y'a m'e bɔn y dwã w mɔ j'a o kǎr twər relyè o zhì ò dɛ o zhí dɛ o b'o zhí tɛ ³⁹ Shədέέsέ zɔm yó-cəbal mɔ ń yà ń zhǐ ń yé né mo gə nɔ ń gəm cu ní, n wɔ : mɔbɔ y'ǎ wɔ Yi byǐ zhən zhənà. ⁴⁰ Kana jàlà myɛ y'à zhǐ kwã nέ bə n'ê nyǐ. è y'à wɔ ; Magədəla lyì bə kɔ Marɛ ǹdə Zhakɛ námpɔlέ y ǹdə zhoze ná Marɛ e súlí Salome ⁴¹ , bə y'à n'ê tó mo bəmyέ ǹdə bə dwâ bέ nánzhəzhɔ w Galəle né , bə zhəl Zheruzalɛm. ⁴² Dədὲnέ y yi gə yúwə, è y'à / wɔ wɔ shirhə y dɛ rέ tɔnɔ mɔ, ⁴³ Arimatɛ lyì bal Zhozɛfu bà, ń yà ń cícír-nə cɔ wa bə yě ń yò ; ń cìcì mú yà ń nə ń dɛ Yi-pyὲlὲ rέ, n kə ń wu n Pyəlatɛ sono n lwəl mo Yezu yala nέ. ⁴⁴ Ń gə cù làlà mɔ jàr Pyəlatɛ, n twĩ shədέέsέ zɔm yó-cəbal mɔ kwã, n bwərh mo n yǐ Yezu gə cù mú gə dɛnɛ. ⁴⁵ Shədáá gə ce n lwar pamparɛɛ, n pə nyí Zhozɛfu ni n vò n kwè Yezu yala nέ. ⁴⁶ Zhozɛfu vò n yè gɔnɔ, n só Yezu yala nέ də-jɔrhɔ w yó, n pyípyíli ni ǹdə gɔnɔ wá, n vò n ce lú-bɔl bə y'à kù pyɔ wẽ n byíbyí nəkulu n mə n pyi mə nyí ni. ⁴⁷ Magədəla lyì bəkɔ Marɛ ǹdə Zhozɛfu ná Marɛ y'à zhǐ bə n'ê nyǐ bə gə cĩ mu mə gǎ.