¹ N nɔɔn ʋ kasə ayʋkən nιl s'atʋ Paska tenkar nən kpɔnən ñι a ta rə ñι tɔ kɔr sə ñι kpa na ñι tenkar, n'Ashia sιra ta shəshιampa nən təkar mara, ci nampən sə wa kpa Yesu k'amɨasɔŋ ta,wa kʋι. Wontə rι na wa siru rəmaŋ sə, ² "Ʋ ta sar sə rə kpa-ι tenkar ta, yəra ka sə wa kʋr ra rə nʋ kan ñamsətə." ³ N nɔɔn Yesu ka wι Petani kɔrʋ ta ka Simɔŋ ñι kι womɖə na ι riɔ ta, ι ka nι wι κpəlɔ rιɔ wontə na, yaal yər kɔn ι cal nən təlarə ka kukuyɔ tɔ ι rɔna nι sil ka nɔ ka sartə, ka ra mʋ yawɔ ka tən. ι patə ka nɔ nι pər təlarə nɖə ka Yesu ñuŋ rə. ⁴ Yəra nampar ka wι rəna, wa ñan kpan yal ñι, wa mintu na rəman sə," Arlapa n'a hɔrsə təlarə nɖə sən? ⁵ A ka pιsʋwa s'a wιtə rə nʋ kəl kʋtʋkən cakɔsin nɨtɨssə:(300 000) n'a ha ahʋsa." nə wa kʋrən yal ñι na ren ka tən. ⁶ Ama Yesu kal wa sə," ι yel yal ñι ka rəhι. ι carʋ-ι səmɔ? Wontə ι lamə na, tə sara. ⁷ Ahusa wι mι calɔ ayʋkən tən, nə pa aləwatə ntə ι ci na, ι pιsʋ s'ι la wa sartə, ama, ma hən na ma tan mι calɔ ayʋkən tən. ⁸ ι la wontə ι pιsʋ na: ι tɨal yəsa ta nι rɔn ma tɨanʋ sə fιnʋ tal ma yimʋ ayʋkʋ rə. ⁹ Ma kalʋ mι tʋfələm kəna sə pa lɔ a ka s'a hosə təntentə sartə yəntə ka tιtə tən ta, a ka s'a wʋtʋ wontə yal ñι la tə na, n'a tιsʋ ι rə. ¹⁰ Suta Iskarιɔtə, hiu nən naʋl mpa ta kʋɖəm kʋr nι wal nι na Ashia sιra ta səshɨampa s'ι pιsə nι masə Yesu ka ni ta. ¹¹ N Ashia sιra ta səshiampa mpa nι tə səmpɔ wontə na, ʋ la wa lənlən, wa yi sə wa ha-ι warasə. Ɖənɔ lι ι pasa n'ι ci nampən s'ι masə-ι wa ni ta. ¹² Kpɔnən ñι a ta rə ñι tɔ kɔɔr sə ñι kpa na, ñι tənkar kɨɖɨnkɨɖɨn ayʋkʋ rə, a kʋ mesio ka wontə na, Yesu waratənkəra kal-ι sə,"N ci sə wa lɔ nə ra rɔn nə pιsə n tʋ paska tʋnɔ?" ¹³ ι tɨr ι waratənkəra tɔ naʋl nι kal wa sə, "ι wal Serusaləm kɔrʋ ta, ι kʋn s'ι kantən yər ka ι sʋl hιɔ ka , ka tɔ lem. ι tənk-ι. ¹⁴ Riɔ ŋka ta ι sι na, ι tənk-ι n'ι sι, nι kal ka ci sə,'Wʋlɖə kalʋ sə,"M'akɔma nampu nkʋ ta man ma waratənkəra rə cakə sə ra tʋ paska na kʋ wιlɔ? ¹⁵ ι kʋn s'ι wʋl mι ashiata nampu nkʋrɔ kʋ wala a tem ku tɔ rɔnʋ n'a wɔ kpelι. ι rɔn tə tən ka rəna. ¹⁶ Waratənkəra kʋr wa wal kɔrʋ ta; wa na tə tən səmpə, nə wa rɔn paska tənkar tʋnɔ. ¹⁷ Raan ran wontə na,ñιn hiu na naʋl mpa tal. ¹⁸ Wa cɔ wa tʋkʋ wontə, ι kal wa sə," ma kalʋ mι tʋfələm kəna, mι tən ñι wι ce nι tʋkʋ na-m na,mι ta kʋɖəm kʋ sə wιtə'm." ¹⁹ Ʋ tɨaɖə wa tən wa tɔ tən, nə wa wɔsʋ'ι wa fɨa rəman sə," mɔna ya?" ²⁰ Yesu cisə wa nι kal sə,"Mι hiu na naʋl ta kʋɖəm kəna, wɔñι wι nι ləmsʋ ι pkɔnʋ na'm ñalɔ ta na. ²¹ Tʋfələm, Yer Wo ka sə ka rι sə wona a matə ka rι na. Ama ñuŋ səkər nʋ cəl woñι rə ʋ tənkə na s'a wιtə Yer Wo na! N a ka ta lələ'ι, ι ka ni lələn ʋ' a kəl-a." ²² Wa tʋkʋ wontə na, Yesu sʋ kpɔnʋ, ι wasə kʋ rι, n-ι patə kʋ. ι cəl wa nι kal sə," ι mʋ ce ñι. Ʋ kι ma tɨanʋ." ²³ ι sʋ konkon,ι wɔr Ashia,n-ι cəl wa, nə wa ñe wa tən. ι kal wa sə, ²⁴ "ce ñι ci na ma caləm rantə hɔpə yəm, caləm mpə kpem atιɔ kpatər rι na. ²⁵ Tʋfələm kəna ma kalʋ mι, ma ra tasə sələm mpə neʋ hal nʋ rι nʋ tal ayʋkʋ nkʋ ma kasə ma ñe sələm cərfampə k'Ashia Wʋrtə ta." ²⁶ Wa yii yəntə ka wontə nʋ kpər na, wa li wa wal Olifə tiin wʋŋ rə. ²⁷ Yesu kal wa sə,"Mι tən ñι, ι ka s'ι yasə rilantən ka ma rə. Wontə rι na a maa Ashia təkara ta sə,'Ma ka sə ma maʋ nanrikər, mɨasɨnə kpιtə rilantən ³⁰ Yesu kal-ι sə,"Ma kalʋn tʋfələm,aho nya ta fι nə cankparʋ ko taman naʋl na, n kʋ sə fιsə taman naʋtɨsə sə n ta səm-m" ³¹ Ama, Pιεr kal sə," pa ʋ wasʋ sə man ña ra səʋ ma ra fιsə ril sə ma ta səmən." Wa tən kal kʋɖəm tə ³² Wa kɔn wa tal awanɖə ta a ya sə Kιetsəmani na, Yesu kal ι watənkəra sə,"ι cɔ ce ñι hən nə ma wal ma sι Ashia. ³³ ι sʋ Pιεr,Sakə, na Sanə nə nafatə cəkpɔltə ntər, nən sɨsɨn nənñər pasə ι carʋ. ³⁴ ι kal wa sə," ma lιsɔ ni sɨsɨn ka kpatər hal nʋ tal səm. ι cɔ ce ñι hən-nɔ mι yəsa rə." ³⁵ ι calən-wa cəkʋa, n'ι tɨʋ rəkpasa ka atι n'ι sι Ashia, s'ʋ pιsʋ, kʋñʋŋ alʋatə ntə rι ι rə. ³⁶ ι kal sə,"Aci, Papa, n pιsʋ tə tən. Yel wahala kɔnkɔn nka tisə ka calən-m. Ama,ʋ ra ci-na ma shɔləm, ʋ la na ña shɔləm." ³⁷ ι pəsə nι kɔn n'ι nɔɔn ι waratənkəra ka wa wι wa ro, n'ι kal Pιεr sə,"Simoŋ, n ro kəna ya? ι ta pιsə s'n cɔ n yəsa rιɔ lɨer kʋɖəmər na? ³⁸ ι cɔ mι yəsa rə nι sι Ashia n'ι ra fetə takətə ta. Yər shɔla s'ι la wontə Ashia ci na, ama, ι tɨanʋ tan ren s'ι la tə." ³⁹ ι pəsə nι wal n'ι sι Αshia nι kalʋ kʋɖəm tə. ⁴⁰ ι pəsə nι kɔn ι nɔɔn rərə ka ι wratənkəra wι rem rə, wontə rι na rem carʋ wa tən, nə wa pə na sə wa kalʋ-ι səmɔ. ⁴¹ ι kɔn tama naʋtɨsə-rə, nι kal wa sə," ι wι nι ro rərə nι fisʋ ya? Ʋ mɔ səmpə. Alʋatə tala. ι ñəl. A wιtə Yər Wo, amasə ka awarkasə laɖa ni ta. ⁴² ι kʋr, ι yəl ra rι. ι na, woñι wιtʋ-m na ι ñʋtə taɖə. ⁴³ Tan kʋɖəm ta, Yesu wι nι wʋtʋ na, Sutas, hiu na naʋl ta kʋɖəm, tal na yəra akpɨɖə ka wa rʋkən cɨsi cəkικι nən lakən, ka n nɔɔn Ashia sιra ta səshiampa, nən təkar mara, nən Siufə yəmpa coci səshiampa, tir na wa. ⁴⁴ Woñι ka wιtʋι na, ι ka kal wa sə,"Woñι ma kʋ sə ma sιι nə ma pʋι na, n ñιɔli, ι kpa-ι,n'ι rʋkən'ι sartə n'ι ι wa-ι." ⁴⁵ Suta ñι tal wontə na, ι tənkə nι wal Yesu cal, nι cal sə,"Rabbi" tə sirʋ sə "Wʋlɖə". N'ι pʋι, n-ι məsə ι nɔ. ⁴⁶ Wa tənkə wa rə ni ka ι rə, wa kpa-ι. ⁴⁷ Ama,n nɔɔn wompa ka sənɖə rəna na wa ta kʋɖəm kpι ι sarʋ nι ma Ashia latə laar səshia pɔι nιr rənɖə, rə pɨel. ⁴⁸ Yesu kal wa sə, "ι kɔn sə kpa-m na səsi, na lakən sə mιl na?" ⁴⁹ Ma wι ayʋkən tən na mι,ma wʋlʋ mι Ashia ntentə k'Ashia rιɔ ta, ιta kpa-m. Ama,tə tala sə wontə a maa-tə Ashia təkara ta tə la. ⁵⁰ Ɖənɔ lι wompa tən ka wι Yesu cal na, wa kisi-ι wa she. ⁵¹ Afatə-wo ŋkar ka tənkʋ Yesu ka ka rantə arantʋ kəna ka rιɔ awuntu cəkpɔlʋ ŋkʋr,wa kpa ka, ⁵² ama, ka kpιr ka tι ka yəl wa n'awuntu ŋkʋ ka she tantamporə ka rι. ⁵³ Wa wan Yesu k'Ashia latə laar səshɨa cəkpɔl cal ka n nɔɔn Ashia latə laara səshιampa, nən Siufə yəmpa səshιampa, nən təkar mara wa kpɔla. ⁵⁴ Pιεr ka wι wolən nι tənkʋ Yesu ka ka nι rι tal latə laar səshιa tι, ι cɔ wa cal nι worʋ min. ⁵⁵ Nə Ashia laatə laara ta səshιampa, nən lɨanə tasəra akpar ka ciwa awιnɔ ñιntə ntər sə wa sirtə Yesu rə fι nι wa pιsə wa kʋι. Αma wa pa na ntər. ⁵⁶ Wontə rι na yəra kpatər ka hɔkə təntarιa ka ι rə, ama ya pə kpakə. ⁵⁷ Nampar kʋr wa hɔʋa pəpɔtə yəntə ntərɔ ι rι; wa kal sə, ⁵⁸ "Ra ni ya ka ι kalʋ,'Ma kʋsə ma yʋkʋ Ashia nampʋ ŋkʋ a makʋ-n yəra ni na, nən ayʋkən nɨtɨsə ta ma pəsə ma maa nankarɔ ʋ ta kin yəra ni maa-n ka. ⁵⁹ Ama, wa pəpɔtə ntιentə pə kpakə ⁶⁰ Ashia laatə laar kʋr yəra kpatər hιakʋ ta n'ι wɔsə Yesu sə,"N pə pəsʋn ntrɔ wontə wa kalʋ tə n'ɖι na ya? Yera mpa kalʋ wontɔ n'ɖι? ⁶¹ Ama, ι sin nə ta kal ntər. Ashia laatə laar tasə ι wɔsʋ sə," N kι Kristu ya, Ashia ñι Awɔrʋi na ι wo na?" ⁶² Yesu kal sə," ma kιι. Νən'ι kɔ sə'ι na Yər Wo ka ka cɔ Ashia Rentən'ci mətə ni rə, nən'ι kʋn n'ashia tuŋ wʋntə. ⁶³ Ashia laatə laar səshιa cər ι tɨaku nι kal sə,"Ɖa ci rəriɔ warasənɖəra ya? ⁶⁴ ι nι mι tətər ka wontə ι wʋta nι hɔrsə Ashia yəɖə na. ι mɔsʋ sənɔ tə rι?" Nən wa tən wa kʋ ι yəntə s'ʋ mɔna s'a kʋι. ⁶⁵ Nampar pasə wa wusʋ mantalem ka Υesu rι, wa hɔa ι yəsa rə, wa makə'ι, wa kalʋ'ι sə," Kpasəkpasə anɔ man?". Sucana sʋι wa nən wa w'a maa'ι. ⁶⁶ N nɔɔn Pιεr wι tɔn riɔ wara, n'Ashia laatə laar wolalaɖa ta yalawo kʋɖəmɔ kɔn ι cal. ⁶⁷ Ka naa Pιεr ka wontɔ ι sənɖa nι werʋ min na, ka rɔn ka ñιl'ι sartə. Nən ka kal sə,"Ña rərə n ka wι na Nasarɨetə tι, Yesu. ⁶⁸ Ama,Pιεr fιsə tə, nι kal sə," Ma ta səm nə ma'a nι wontə n kalʋ tə na." Nə ι kʋr n'ι li awaranrιka mənɔŋ cal. ⁶⁹ Ama wolalaɖə ñι na'ι rəna nι pasə nι kalʋ wompa ka sənɖə rəna sə," Yer ñι ci wa ta kʋɖəm." ⁷⁰ Ama ι tasə tə fιsʋ. Ʋ tasə cəkʋa nι wompa ka sənɖa wa kalʋ Pιεr sə," Tʋfələm n kι wa ta kʋɖəm, wontə rə na n kι Kalile tι kəna. ⁷¹ Ama ι tasən fιsʋ nι kal sə"?Nə ma tικʋ Ashia hom ma rənɖə. Ma ta səm yər ñι ι wʋtʋ ι yəntə na." ⁷² Cankparʋ tənkə kʋ ko taman naʋl ta. Pιεr tιsə wontə Yesu ka kalι na: "Fι nι cankparʋ taman naʋl na, n'kɔ s'n fιsə taman naʋtɨsə s'n ta səm-m" Ʋ tɨaɖə ι tɔ tən nι wʋl.